Sunday, July 12, 2009

Tuai...

Mikhual tak a kan lo en “Gay right” chu tunhnai khan Delhi High Court-in a pass ta rup mai. He thu chhuak hian India ram sakhua hrang hrang Kristian ni lemlo te a rawn sawinghing a. Congress sorkar leh BJP chuan a thlithawtna lam zirchiangin engmah an sawi duhlo a, Left party chuan a lo thlawp a. India ram milar hrang hrangte’n he thu chhuak hi an lawmpui thu an sawi bawk. Nangin engtin nge i lo dawn sawn ve le?

Mizo leh tuai:
British record kan en chuan “Tuai Khawfang” awm thu leh khap an nih thu hi hmanlai Mizo te zingah pawh a lo awm tawh a. Tunlai Aizawl kawtthlerah pawh zak maplo in an kal then then ngam tawh a. Thil thar em em a ni hranlo, thar ta zawk chu dan huangah an rawn lawi ve ta hi a ni. Mizote zingah pawh ngaihdan a phir thu nghal mai. Ringtu kan nih angin engtiang a lo dawn sawn tur nge tih thuilo te in kan han chhui lawk dawn a ni.

Enge an sawi le?: “Hetiang a siamtu Pathian duan hi kan ni. Mihring pangai kan ni ve tho a, mahni pian ang nen kan khawsak dun hian tu engmah pawi kan sawilo a, tumah kan tibuai bawk lo. Tunlai a hnam leh chibing rahbeh ang hian rahbehin kan awm a zalen hi kan phu a ni.” tiin. He mi tanfung tinghet tur hian gay Right activist te chuan zirna pathuam an quote fo thin (Hamer’s X-chromosome research, LeVay's study of the hypothalamus, Bailey leh Pillard's study of identical twins who were homosexuals.) He mite hian tanfung tha deuh deuh gene danglam vang a awm an ni tih ang te in thu rawn nei mahse han chhui chiang ila anmahni pawh hetiang mi tho an nih vang a ni. Chumai bakah scientific proof an tih te hi midangin an enpui lemlo hi a makna lai a ni. Secular zirna ah hian Psychology a zirna huangah Tuai te tanfung ti tha turin theory hrang hrang an vawrh chhuak bawk a, chuta zinga hralh tla tak pakhat chu Post-modernism kan tih hi a ni!


Bible in enge a sawi ve le?:
Genesis bung khatna leh bung hnihna kan en chuan mipa leh hmeichhia Pathianin a siam thu kan hmu a, “Tuai” a siamlo! Adama leh Evi a siam a, Adam leh Steve emaw Madam leh Evi a siam hauh lo. Chhungkua din a Amah chawimawi a leilung hi dapchhuak turin mihring hi a din a ni. Neih in ang ve ve tan chuan inthlahpun hi a harsa ngawt ang. (Thufingte, 22:6) ah chuan “naupang chu a kalna awm kawngah chuan zirtir ula, a upat hun pawhin a thlahlo ang,” tih kan hmu a. Engtin nge Pathian pawm hauhlo a khawsa a chhungkua din tum chuan an fa lak pawh enkawl dawn nise an enkawl that tehlul ang.

Zirtirna diklo: Kohhran thenkhat (Liberal Church) te chuan mipa leh mipa in hmangaihna a diklo tak a hmanna ang chi(erotic) hi Bible pawhin a pawm angin an sawifo thin mahse heihi a diklo a ni. Jonathana leh Davida in hmangaihna hi hurherhna lam a nilo unau ang a in hmangaihna a ni a (1 Sam.18:4) Juda pawhin Isua a va fawh khan an hnam inchibai dan a va fawp a ni.

Alo phal chiah em?: (Leviticus, 18:22) leh (Leviticus, 20:13) te kha han keu teh le. “Hmeichhia angin mipa i pawl tur a nilo, thil tenawm a ni.” “Miin hmeichhia a mutpui ang a mipa a mutpui chuan thil tenawm tak an ti ve ve a ni a, tihlum ngei tur an ni;an thisen mawh chu an chungah a awm tur a ni.” Sodom khaw sual takten Lot-a mikhual vantirhkohte mutpui an tum thu (Genesis, 19:4-5) ah khan kan hmu a. Pathianin nasatakin a hrem tih kan hmu zui bawk. (I Korinth, 6:9-10) na kha en leh lawk ila. Vanram kailo tur list ti hian a sawi a, “…Bumin awm suh u; in ngaih hmangte emaw, milem betute emaw, uirete emaw, mi hurte emaw, mawngkawhurte emaw….Pathian ram an lut lo ang.” Tunlai mi ilo ngaihsan tak tak te khan awihawm awm tak takin an lo sawi pawh a ni thei, bumin awm suh, hremhmun direct ticket neihna a ni.

Beiseina: Pathian tha tak mikhawngaih thei tak nei kan nih avangin simte tan chuan Pathian hian kawng a hawng reng a (Rom, 6:6-7) ah chuan ti hian kan hmu, “Hei hi hria ila: Kan mihring hlui chu a hnenah khenbehin a awm ve ta, sual pu taksa chu tihborala a awm theih nan, tuna chinah sual bawihaha kan awmlohna turin. Tupawh thi tawh chu sual lakah a chhuak tawh si a. Tin, Krista hnenah kan nung ve bawk ang tih kan ring a ni.” Kan awmna environment avangin kan rilru alo danglam a ni thei, thil sual va tih kher hi a sualna lai a ni. Sim a Pathian hnen a let duh tan kawng zau tak hawin a awm a. BIblein a phal miau loh avangin han support viau chi a lo ni hauhlo, kan unau ngeite hremhmun an kal kan pawi tilo tihna alo ni daih mai!

7 comments:

Mizohican said...

Kan Mizo tawng a hausak loh vang pawh a ni maitheia, mahse "tuai" kan tih tlangpui hi chu English a gay kan tih chauh hi an nilo. Mizo tawnga tuai kan ti hi chuan - crossdressers, transexuals, transgenders, homosexuals etc a huam kim vekin ka hria.

Tuai kan tih deuh ber hi chu, nu deuh, pa lo, nunchang pawh hmeichhia ang chiah te pawh an nia, heng ho te pawh hi lo nu viau mahse, bialpa chu an nei kherlo. Ka hre ve nual mai tiang ang mi chu. Chuan Pa deuh, bialpa nei te pawh an awma, an pa avang khan tuai chu kan ti leh chiah si lova, bialpa nei mahse...

huisss... min han hrilfiah teh Hotupa, nang expert :-)

Awzzman said...

Tuai kan han tih hian, ni e english a gay an tih nen hi chuan a in ang lo deuh em ni chu aw, ka lo ti ve thin! all the mawngkawhur are tuai, but all the Tuai are not mawngkawhur! a ni thei em?hehe,

kei chu engpawh chu nise, tha ka ti lo..ni top mai!! Pathian thu oih te tan chuan tih ve chi ani lo....ring lo mite tih tur lek ani e..!

Hriatpuia Pa said...

Gay Rights lo duh a, lo thlawptu chu Kristian a ni thei lovang.

Tin, Hotupa Kima sawi ang hian, kan naupan laite kha chuan, tawng deuh hlawi hlawi - mipa ngaizawng kher lo - pawh kha kan huamtir vek thin a. Ka hriatdan chuan Mizo rilru takah chuan Gay hi chu 'mawngkawhur' kan tih ang kha an niin ka hria.

VaiVa said...

Kei ni tuai hi Pu Zaia te chuan mi la rah beh reng an duh a ni maw? :P

Kan sawi kan sawi chuan an zual mai mai ani! Vai tawng chuan 'Jo dehkhti hain, woh bikhti hain!' awmzia chu ' lang tam na na na chu hralh a kal e' tihna ang deuh a niang chu!

Lo innei ve mawlh mawlh teh seeeee... amaherawhchu ka ngaihve dan chuan tuai ho pangai tak hi chu an hur lo tlang pui! Tuai si lo, Sandman a te tih ang deuh a LGBT an ti a mi huam chhungah hi chuan a lerh leh hur deuh hi an tam tlat! ha ha

Geminiboyz said...

I rawn sawi hi a veiawm mai nilovin a ngaimawhawm ka ti. Tanfung tura Bible chang i rawn tarlan te hian a thatloh zia leh Pathian duhdan a nihloh zia a tarlang chiang hlein ka hre bawk.

He thil hi engtikah mah ka thlawp ngai lovang

Varte said...

Tuai chungchangah hi chuan sawi tur ka van tlat, ka hmeichhe thi hul deuh thak a ni awm e... Ka hma-a mite sawi khi ka ring deuh ti tuai mai ang tih ka rawn sawi ve e

vana said...

Tuai- buaithlak. Kan naute zingah hian tuai 3 kan kawl a, ka nuaih an ti za tlat zel. Mahse tunali hi chuan tuai nih hi an hreh mawlh lo. An zia a zum lova, an in pen parh a, nula ho aiin an nalh a, an bengchheng a huiz. Pathian in a saim dan nge khawtlangina kan en dan hi diklo zawk ni. Hmanlaia tuai nih zahthlak ang hunlai khan an tam lo a, mahse kan culture in tlem a kan pawmzam avang hian an pung ta hluai a maw ni. Hormonal imbalance chu ni ngei mai, mahse in enkawlna in a zir chuan pangai takin an awm mai. Culture a zir a niin ka hria hei hi chu