kakhawvel

Kawngka zim

2012-01-06T07:20:00.000-08:00

“Kan buante hi tisa leh thisen an ni si lo, lalnate leh, thuneihnate leh, he thim chunga khawvel roreltute leh, van hmunahte thlarau sualho awmte an ni zawk e. Chuvangin ni tha lovah chuan in do zawhna tur leh, in tih zawh vek hnu pawha in din theihna turin, Pathian ralthuam famkim chu la rawh u.”( Ephesi 6:12-13)

Kan van in kawng pan na ah hian kan penna turin kawng peng thuam tam tak a awm. Kawng pakhat chauh hian vanram a pawh si a, chu kawng chu Krista chauh hi a ni. Chu kawng zawh chu tihmai mai mi a nilo a, ti takzet te kal kawng a ni. Bible phei chuan thahnemngai takin “Kawngka zimah chuan luh tum HRAM rawh u” (Luka 13:24b)a ti hial a ni. He kawng ata kan penna turin hmelma pa chuan thang tamtak a kam a, “Mi hmang hria chuan thil thalo chu a hmuhin a biru thin a, Mi mawl erawh chuan a tawn mai thin a, a tuar phah thin” (Thufingte 22:3). Biak in a sermon tha tak tak Greek tawng meuh ruai a kan in fah lai hian, a lem nuam zawk, kan hmuh leh hriat mawlh mawlh te hmanrua a hmangin thalai te hremhmunah a hnuk mek a. Chu thil thalo chu mi a chuan atana thalo a ni tih hrelo in a dai mai thin a, a tuarphah fo thin a ni. Krista kohhran te thawhharh a hun takzet. Setana hmanrua hrang hrang te hi kan do let ve theihnan i han bih thuak ang hmiang.

Music: Grammy Award emaw Billboard chart-a langte kan thalaite’n an ngaisang a, an thlalak an khawnkhawm a, an room bangah te an tar cheichuai a! Thalai te hian kan ngaihsan leh an thawmhnaw leh nundan thleng a kan entawn ho nun hi kan bihchiang tak tak ngai em? An hlawhtlinnan hian an thisenin hmelma pa hma ah an thlarau hralhin an lo inthawi thin a lo ni! Setana chuan larna namenlo in mal a sawm let thung a. Amaherawhchu Setana hian phutlet a nei ve a, an music video ah emaw, an hla thu emaw amah fakna tur thil engemaw an zep tel ngei tur a ni a. Chuti chuan zaithiam a thunun te chu puithiamah chang in an hla emaw lo ngaithla a lo entu hnenah setana thuchah chu an puang thin a ni. He setana biakna hi milarte hian an intih hmuh hle a, amaherawhchu thenkhat talchhuah duh tal chhuak theilo mi tamtak te pawh an awm bawk. Heng an biakna leh an hla a chhinchhiahna lo lang te lanna Youtube ah hian entur tamtak a awm a, chu biakna chu hmanlai secret society pakhat hming chawi a “Illuminati” tih a ni. Han en ve mah teh i rinloh deuh deuh zaithiamte kha an lo awm nual ang. Chu’ng an hlasak hmang chuan nitin zantin kan thalaite roomah a ri chhuak ta vel a. “Lalpa chenna run” tih in tar chhungah setana fakna leh sawimawina a ri chuai(h) chuai(h) mai, ava rapthlak em!

Thiamna: Khawvelah thiamna a lo sang a, kan thurin Bible meuh pawh keuh thluk an rawn tum ta. Pathian thuzir te zingah Pluralism a lo lar a, sakhua hrang hrang te hian vanram kan thleng thei vek a lawm an tih hnu-ah ngaihdan pakhat dang a lo chhuak leh ta! Postmodernism ngaihdan hmangin bible in a huat em em “Tuai” leh “Patil” te an rawn sawimawi a. Khawthlang thurin lairil kristianna hmanga “diklo” an tih chu science leh linguistic hmangin “a dik” an rawn ti a. Kan ram ngaihsan US ah te phei chuan mipa/mipa, hmeichhia/hmeichhia inneih pawh an phal tawh nia! Sodom leh Gomorrah hunlai ai khan kan sualna hi a sang tawh zawk, Lalpa thinrimna hi kanla tawng baw ngei dawn e! Tv a enawm Oprah Winfrey Talk show-ah chuan thlirtu mitamtak zingah Oprah chuan, “Isua lo pawh hi kawng dang a awm ang, thil tha chu a awm vek a ni engkimah hian” tiin a ngaihdan a rawn vawrh a. Chu ngaihdan tilar tur chuan “New Age Church” tih an din a, ringtu nghetlo deuh lakah ram an la duai duai mai.

T-Shirt leh Tattoo: Milar zaithiam, movie star zingah hian thil tihhmuh thalo tak mai an mahni ngaisangtu t e hnenah an tilar a chu chu vun a chhinchhiahna (tattoo) chhut hi a ni. Heng chhinchhiahna chhut tu te hian Setana chhinchhiahna an hriatlohin a pu hlawm a, chu a chhutu chu khawi hmunah pawh kalse chu rau thalo chuan a umzui thin. Ramhuai man tamtak hnawhchhuah an tum a, chhuak theilo te hi an chhinchhiahna lo inchhut vang a ni fo nia! Chumai bakah chuan T-Shirt-ah hian setana betu leh lu ruhro a ther fer fur a, a ha tu hian a hma mi te ang bawkin rau thalo chu an rawn chang nghal a. Kan thil hak leh kan bang a kan tar hmang te hian nitin thim lal chibai kanlo buk thei reng a lo ni. Nu leh pa te’n kan fate music ngaithlak leh an room bang a intar te hi kan enfelpui a va ngai em. Biak In lam a kan koh eih theihloh nachhan pawh hi heng thil te hian a lo pawtbet a lo ni mahna.

Tunlaina ?: Tunlai thalai zing a in tih hmuh chu “Zau” hi a ni. Hei hi American khawthlang culture ah phei chuan a lar lehzual a hei hi kan thalaite’n an entawn mek a ni. Kan bible hi a phungthlu hranlo, kawngka zim min kawhhmuhtu a nih avangin chu kawng chu a zau ve huau lo. Intih changkan duh leh rual pawl loh hlauh vangin Kristian te’n kan ban loh tur kan ban fo. Heng te hi itawm taka setana rawn tawktarh te a ni e, a pawn lamah chuan mawihnai tak angin lang mahse a chhung chu “Tur” a ni. Thlarau rah zingah khan enge awm kha “Insumtheihna” hei hi kan mamawh em em a ni. Lal Isua tun hma leh tun hnu chatuan thleng pawh a danglam ngai lo hi a thing ngailo, amah zui hi kan tim tur a nilo.

A thui lutuk dawn heng a chung a kan tarlan tlem te chauh nilo thil dang tamtak kan sawisen loh te’n hmelma pa hian theihtawpin min beireng thin a. Thalai Kristian nun hi nun boring a ni miahlo, Isua nen chuan engkim hi a nuam a, chatuan thleng a hlimna a ni. Krista avang hian hasatna hlir kan kawngah a awmlo a, khawvel mite neih veloh nunthuhruk chu Amah ah kan nei zawk a ni.Leviticus bung 19 pumpui hi han chhiar ve mah teh.

Thank you for all these gifts

2011-12-22T00:45:00.000-08:00

O taste and see that the LORD is good- Psalm 34:8

Ka ngaihtuah let a kumin ka kum thatloh kum a nihzia leh ka eng tih mah reng reng fuh hlei theilo te. Ka lung a awi lo hle mai a, engvang tak ni ang maw? Mahse ka rilru-ah chuan boruak dang daih mai a lo lut ta a, “thil thlawn pek ngun takin chhiarla, nangma chan mai chu mak ti rengin i fak phawt ang a petu.” Chutia in dawm kun renglo chuan malsawmna ka dawn te ka chhiar ve ta thung a. Thla rei tawh tak ka ban tliak leh nerve thalo chuan ngai a lo awh leh tawh a, ka duh duh ka chawiin ka duh duh tihnan ka lo hmang thei reng tawh a. Zirna avanga chhungte kum sawm chuang ka kalsan hnu-ah an bulah chengin ka duh duh hman a duthu kalo sam thin te kha ka ei in ka lo in ta a. Ka result la chhuak lo mahse Aizawl College zing a thawh chakawm ber maiah Pathianin ka thawh ve tur a lo dah ve reng mai a, chutah kum dang pawh an la tih hleihloh thawknghetlo te tan hlawhpun te pawh anlo sawi ri ta zel a. Office thawk te miten biak kan harsat deuh an tih pawh ka lakah chuan an tha viau zel a. Ka thawhpuite ka chhungte ang chiahin ka en a, nitin hnathawka chhuah kan chak em em tlang theuh a, hetiang a work atmosphere thatna hi ka la tawng ngailo. Ka rin phakbakin tun hma ka kalna thin International level workshop te kha Pathian leh thiante zarah liau liau ka lo buatsaih ve ta reng mai. Mumang te pawh a ang rum rum nia.In lama ka chhungte lah lensan hreawm khawpin min thlahlel a, thian tha tak tak te’n ka harsatna ah min tawngtaipui reng bawk a. Ka hmabak kawlpui ber mai thesis harsatna ber ka guide pawhin kei aimahin a rawn hmanhmawh tawh zawk a. Ka hlim chu ka thaw huai mai a ni.

Heng zawng zawng te hi ka phu ve reng em? tih ka in zawt a. Phu miahlo, ka nun hman dan ka ngaihtuah phei chuan “Ava mak em” tih mai tur hlir an ni.Ka tih that lam ka ngaihtuah ve thung a, sawi tur pawh ka hre barlo a. Heng malsawmna zawng zawng te hi amahin a lo awm ngawtlo a Pathian thilthlawn pek a ni chiang mai. Tun Krismas lo awm turah hian malsawmna hnar thil engkim insuihfinna ka tan “Isua” Pathian fapa mal neih chhun min pek hun a ni tih ka han ngaihtuah zel a. Ka lawm em em a ni, ka thinlung takin Pathian hnenah lawmthu ka sawi a. Ka hmabak lungkham buaina zawng zawng hi engkim neitu hnenah chuan ka hlan vek a, a chinfel zawhloh reng reng hi a awm dawn silo a, thlamuanthlak hle mai. “Fapa pekin KA awm ta” chu thilpek dawngsawng tur chuan ka thinlung thehtawpin kalo buatsaih ve ta a ni.

All gathered around to reconstruct Mizo history

2011-11-10T00:51:00.000-08:00

A daylong International Workshop on “Priorities and Challenges to historical research in Mizoram” was held in Seminar Hall, Life Science Building conducted by Department of History of PUC. Prof Willem Van Schendel a dutch social scientist a professor of modern Asian history at the University of Amsterdam was the main resource person and Dr Joy Pachuau Associate Professor at JNU Delhi was another resource person.

This important academic deliberation was blessed by participation of research scholars from various Universities who actively participated throughout the proceeding. The British Library team with a presentation led by Kyle Jackson and Dr. H. Vanlalhruaia also mark the occasion.

The workshop addressed on one very vital issue theory and methodology in Mizo history writing. The concept of “Zomia” coined by the Professor himself and how we can incorporate this concept into our understanding of our past. This concept is popularised after the publication of Yale professor’s James Scott “The Art of not being Governed: An Anarchist history of upland Southeast Asia” As explained by the Convener on the concept “Zomia” he explained that Scott teases out the obverse of state-making and disrupts long-held views of hill peoples as “pre-state”. The Art of Not Being Governed confronts us with a “radically different approach to history that views events from the perspective of state-less people and redefine state-making as a form of internal colonialism”. Virtually everything about the communities inhabiting the “zomia” - their social structure, agricultural practices, belief system, orality - are/were designed to escape state or thwart state springing up within them. For example, Scott argument, “agricultural practices are not ecologically given, but are political choice”, disjuncts conventional notion of shifting agriculture as pre-wet agriculture. This is a history of communities who chose to keep the state at arm’s length.” The theme was addressed by Prof Willem Van Schendel.

The workshop was divided into four sessions with session one themed The Concept of “Zomia” new challenges to our understanding of history. Dr. Cherrie Lalnunziri Chhangte, Assistant Professor of English presented on "Literature and Zomia" followed by Dr. Samuel V.L. Thlanga, Asst. Prof of Aizawl West College, on Zomia in text and context. The second Session was themed “Research themes in the writing of the history of Mizoram. Dr. Malsawmliana, Asst. Prof of Govt. T Romana College have a discussion on Ethnography, Fieldwork and Archaeology, followed by a photo presentation titled “History and Archive” by Dr. H. Vanlalhruaia & Mr. Kyle Jackson of EAP British Library and Dr. Benjamin Ralte, Asst. Professor of Govt. T. Romana College also talks on “Biographical research in History”.

Another presentations are Irene Lalruatkimi of Asst. Professor and Head i/c Department of Mass Communication, MZU on “Challenges in Media Research: A Study of DDK RNU Aizawl” Joseph K. Lalfakzuala a Research Scholar, CPS, JNU on “Recapturing the Past: The Nature of “Nation” Formation within the Mizo frame work” Lalmalsawma Khiangte, Asst. Prof. Govt. Zawlnuam College on "Identity and the Writings of History."

The last session is a review by Esther Laltlankimi, Faculty PUC On Willem’s- A Politics of Nudity: Photographs of the ‘Naked Mru’ of Bangladesh and Lalrameng K. Gangte, Faculty PUC On Willem’s Stateless in South Asia: The Making of the India- Bangladesh Enclaves. The session was concluded by Prof Willem summing up the future prospects for Mizo research in history.

Dik tak zelin le...

2011-10-04T00:05:00.001-07:00

Ram leh khawtlang kan vei tlang. Kumin kan Beirual Thuzir pawh chutiang lam hawi zawng chu a ni. “A rau lo” ti tawk lah kan bo lo. Eng chu nge rau a, eng chu nge rau lo? Hei hi zawhna pawimawh tak a ni. Kan thlarau chan hian kan nitin nun a nghawng siloh chuan kan ram leh hnam chu a nghawrnghing har ngawt ang. “Thlarau rah erawh chu hmangaihna te, hlimna te, remna te, dawhtheihna te, ngilneihna te, thatna te, rinawmna te, thuhnuairawlhna te, insumtheihna te a ni zawk e (Gal, 5:22). Pathian a hlimna lam piah lama nitin kan nun a kan hmanchhuah chi vek a ni.

Kan ram leh hnam hian veitu/sawitu tamtak a lo nei tawh thin mahse tha thawh te chu tlem te an ni. Kan kohhran hruaitu zingah pawh hian kohhran vei em em si ram vei pha silo kan awm thei bawk! Kan thlarau chan hian Biak In zawl bak a pel theilo a nih chuan a pawi thlawt a ni. Kan ram leh hnam damna chu nitin kan hnathawhna thlarau rah kan lan chhuah tirna ah hian a ni. “Aw mihring tha chu a entir tawh che a ni; LALPAN a phut che chu eng nge ni? Dik taka tih leh khawngaihna ngainat leh i Pathian nen a thuhnuairawlh taka len dun a ni lo vem ni?” (Mika, 6:8).

Chhungkua a tlakchham a a awm a sum lak luhin a daih tak loh te hian DIK TAKA tih te hi a va har thin em! Mahse chu chu LALPAN a phut che a ni. Thlaler-a riltama kan Lalpa a awmlai khan Setana khan lungte chhang a chan tir turin a thlem a, pum a rik ruk ruk phei chuan chhang tuihnai tawk a chan tir kha a chakawm ngawt ang. Mahse chu thlemna chu Amah kan entawn theihnan a hneh a ni. Zirlai tan kan mawhphurhna chu enge ni ve ang le? Kan pian kum (DOB) dik tak a ziah te, Scholarship form a fill up tur kan nu leh pa te income diktak kan ziah (DIK TAKA) tih hi min phut a nilo em ni?

Nu leh pa tan sawm a pakhat Pathianin a chanvo a a ruat hmiah te hi DIK TAKA kan pek hi a phutlo em ni?

Kan buai em avang hian nitin hian Pathian nen hian kan leng dun hmanlo em ni le? Kan hnungtawlh tak tak hi chuan kan tawngtaina thluk te hi a zuai raih tawh thin nia! Pulpit tlang a thusawitu te kan nun a sengluh aiin sawiselah kan ram tang duh a. Keimahni leh Pathian inkar ngaihtuah aiin midang leh Pathian inkar tur kan buaipui chiam thin. Kohhran in hmanna a hmantlak viau si chhungkua a tangkai mang silo te hi ringtu tha an nilo! Ringtu tha dik tak chu Sam a lan dan chuan “A ni chu tui luang kianga thingphun, a hun te a rah thin a hnah pawh uai ngailo ang hi a ni a, a thiltih a piang chu a hmuingil zel ang” Mite tan a rah chhuah thin, a thiltih zirna ah pawh pass thin a ni tur a ni. Siamtharna chang leh tur hian Lal Isua Kraws hnuai a thuhnuairawlh taka kan kun leh hi a tul a ni.

Bible-a mi rinawm Josepha chanchin hi a ngaihnawm ngawt mai, Josefa anga rinawm taka nitin a hnathawhna hmang a Pathian chibai buk thin hi Pathianin a zawng mek a ni. Josefa nunah hian khawvel a thil thleng khat kan hmu Jail atangin Prime minister nihna. Potiphar-a nupuiin mutpui tur a thlem chiam khan ti hian a chhang “engtin nge he sual lian tak hi tiin Pathian chungah thil ka tihsual theih ang.” Ni e, kan thiltihsual thin hi mi chungah kan ti sual a nilo a Pathian kan chung a mitlen reng tu hnenah kan ti sual thin a lo ni.

He thumal te “DIK TAKA TIH” tih hi kan ram leh hnam din chhuah nan chuan a tawk.

Hringnun leh Pangpar

2011-09-09T07:23:00.000-07:00

Siamtu Pathian chuan hringfate hi mawitak a parchhuak turin min din a. Pangpar mawi takten Pathian ropuina an puang chhuak ang hian kan chezia (nun) hian Pathian ropuina a puang chhuak tur a ni. Sadhu Sunder Singh chuan “Pangpar mawi tak hi mawi ka ti satliah lo a, a phen a awm Lal Isua ka hmuh vang zawk hian a mawi ka ti zawk a ni.” Ni e, chu kan mawina chu keimah ni mawina a nilo a, Krista keimahni awma mawina chu a ni. Pangparmawi tak te chuan vullai an nei thin chutiang bawk chuan kan hringnun hian vullai a nei thin chu kan thatlai hun chu Pathian hnen a kan hlan a pawimawh khawp mai. Pangparmawi tak te rawng chi hrang hrang an awm ang hian kan mawina dan rawng leh mawina kawngte a in ang veklo thei. Mahse Pathianin Amah anga a din mawitak a duan kan ni a, siamtu mithmuhah hi chuan mitin te hi kan mawi em em vek a ni. Pangpar nei tu leh nitin a chawmtu chu Pathian a ni a, sualna ata man tamtak a fapa thisena lei kan ni tawh. Mahni ta kan nilo a, Ama ropuina tur a mawi tak a vul tur kan lo ni. He kan lei ni hi a lo tlak hunah chuan a neitu chuan kan hringnun par hi a la thliak ang a chatuan a ama hnen a vul turin kanla kal ngei ang.

Got inspired by a friend photograph

Relationship ( A christian perspective)

2011-07-31T05:52:00.000-07:00

When there is love in marriage, there is harmony in home; when there is harmony in the home, there is contentment in the community; when there is contentment in the community there is prosperity in the nation, there is peace in the world- Chinese proverbs.

Sawi ava tul em: Mizoram thalai Kristian te'n kan mamawh em em leh kan sawi tam ngai pulpitah pawh hmun chang tlem hle si chu he thupui hi a ni awm e. Kristian chhungkua dinna a bul pakhat chu hei ngei hi a ni. Bible-ah hian kawppui thlang fulo Solomon-a chuan a nupui te avangin milem biakna a sawisel lo a, a tlakchhiat phah. Israel fate Philistia laka chhanchhuak tur Pathian belruat Samsona chuan a kawppui Delili avangin a nunna hialin a tawrh phahin Pathianin mawhphurhna a pek a hlen zolo! Davida meuh pawh minu a uire sak avangin Uria a thah tir phah a, simin Pathianin ngaidam mahse a nun khua hreawm takin a chhiar phah a ni. Kan ramah pawh hian kan kawppuite kan thlan ulukloh avangin inchhungkhur a kehchhia a, mi hriatloh hian chhungkua kan rum vawng vawng thin. Kan ram leh hnam dinchhuahna hi chhungkua atanga din a ngaih avangin a pawimawh thlawt a ni. He paper-ah hian kan thiam ang tawkin kaldan/kawhhmuhna tha ni a kan hriat te tawite in tarlan kan tum dawn a ni. Ngaihdan leh thlirdan a in an loh thin avangin he paper pawh hi a dik berlo mai thei a, amaherawhchu thlirna zauzawk min pek theih beisei a buatsaih a ni.

Nghakhlel takin - A reh vung vung si!
Thenkhat chuan kawppui tur hi tawngtaina nen kutkuangkuahin an lo nghak a, a lo thleng thei silo, beidawngin siamtu an dem dawn dawn a; an mangang ru hle. Thenkhat chuan dil mawlh mawlh chungin mit an len bawk a. A eng zawk hi nge dik zawk ni ang le? (Thufingte, 18:22)-ah chuan ti hian a inziak "Nupui/kawppui hmu chuan thil tha a hmu a ni."tiin. Thil tha hmuh dawn hi chuan Pathian rawn chung a mitlen ve a ngai a ni. (Mathaia, 1:7) "Dil rawh u, tichuan an pe ang che u, zawng rawh u, tichuan in hmu ang..." Neih hun ve tawh em avang te, kan thiltih thalo te atanga he pa/nu hi nei ila insiam that beisei vang te, mahni nu leh pa te awpna hnuai atanga talchhuah duhna te avangin Kawppui tur kan zawng thin, hei hi a fuhlo. Kan duhdan dah tha a Pathian ram zauna leh ropuina zawk tur a kan in hman theihnan kawppui/tanpui tu tur hi kan zawng zawk tur a ni.

Mahni inhriatchianna:
Pathian hian uluk takin danglam vekin min siam a. Kan duh zawng leh mamawh zawng a in ang veklo a, Ka pi (fam) ta thu kha han hawh zawk ila, "Pathian hi a themthiam khawp a, mitah te leiah te hian ramri a kham a ni." Mihring induhna hi kan danglam ang bawkin a danglam zung mai a, hmel that leh thatlohah te, neihnunna lamah te, lehkhathiamna lamah te chutiang zelin.

Hemi a nih avang hian kan kawppui zawn hma hian mahni inhriatchian a pawimawh khawp mai. Mahni inhriatchianna hian kan mamawh hriat chianna min neih tir thin. Chuta tang chuan kan duhzawng chauh nilo in kan mamawh zawng minpe turin Pathian kan dil thei thin a lo ni. Kawppui zawnna hlawhtlinna pakhat chu kan ta tur diktak (right person) hmuh aiin, kan hmuh a te hmangaihthiam zirna ah hian a ni. Chumai bakah chuan kan chenpui theih kan zawn aiin an tello a kan awm theihloh tur zawn hi a fuh duh ber bawk. Kan mamawh zawng te chu enge ni ta ang le?

He nu/pa hi ka thian kawmngeih, ka rilru te ka sharena thin a ni em?
Mithiam te chuan Relationship tan dawn tak tak hma hian inkawmngeih a tul tih an sawi thin. Amaherawhchu Mizo zingah chuan inkawmngeih hnu a han inngaihzawn leh chu thil harsa tak a ni ve leh tho bawk. A engpawh chu nise pawimawh chu inkawmngeihna hi a ni. Hmangaihna lo pun theihna ber chu 'inhriathiam tawnna' hi a ni. Inhrethiam tawn tur chuan inkawmngeih a, harsatna te engkim inhriat tlan a pawimawh a ni. Kan ngaihsan zawng leh duh zawngte a in ang em? A nih loh chuan inhnial thinrimin kan inthen thuai leh thei bawk. Kristianna ngaisang mi kohhran a in hmang tak mi kan nih phei chuan ngaisang velo leh tul ti lemlo kan neih hian kan moral thlengin min pawt hniam ve thei a, chumai bakah an ngaihdan chuan min hneh hlauh theiin keimahni zawk kan tluk phah hial thei bawk a ni.

Ka chhungte leh ka thiantha te'n min duh pui em?
Kawppui zawn hi chhungkua zauhna a ni fimkhur a ngai. Thenkhat hmeichhia/mipa chhungte remtihna lo emaw thiante'n an 'Amen' puilo nei a a hnu a inkawp rem phian hi sawi tur chu an tam ve mai a. Amaherawhchu abikin mipa te tan kan chhungkua inrelbawlna a lo lawilut tura nih avangin alo cheng tawh te nen a in rem thei mi kan zawn angai hle. A inkawp a te inrem hle mahse nu leh pa emaw chhung dang te remloh avangin chhungkua a hlimloh phah fo a, a chang phei chuan chhungkua a kehdarh thei hial thin a ni. Hmangaihna luipui in min len tawh hi chuan men a ruai a awl thin. Hetah tak hian kan thian min hrechiangtu leh kan tan a hmangai tak tu te nuphutlo a lo entu te thulak hi a dik duh khawp thin.

Kumkhua atan rinawmna ka tiam thei tawh em?
Kawppui neih hi Inneihna kailawn a nih avangin tihchhin thil a nilo, arkhawthim dai hi inthenna thlen hma tir thei tu a ni. A hmel kan duh zawng tak a nih emaw kan ngaihsan mi tak kan neih tak avang hian hmanhmawh chuk a awl thin. Hmangaihna leh saptawnga Infatuation kan tih mai hi thliar hran a pawi mawh khawp mai.
Infatuation hi chu a thawh dan pawh aranga hmangaihna tak tak kuhmum parchhuak tur hi chuan hun a duh thin a chawm len ve a ngai bawk. Infatuation ah hi chuan a boruak a zir emaw a thli thawt dan a zirin emaw mi pa/nu kha a danglam zung zung a mahse hmangaihna ah chu a dinna ngaihah a ding reng thin. Infatuation chuan harsatna pumpelh a duh a hmangaihna ah chuan harsatna kara nun khawchhuah a thlang zawk thin. Infatuation chuan hmel kim tlang a en a, hmangaihna chuan chetzia leh rilru a en ngun zawk thin. (I Korinth 13:4-7) "Hmangaihna chuan a dawhthei a, ngil a nei bawk thin; hmangaihnain a itsiklo va, a che mawi lo lo va, mahni hma a sial lo va, a thinur duh lova, sual lamah a ngaihtuahlo va, fellohna ah a lawmlo va, thutak erawhchu a lawmpui thin a; engkim a tuar hram hram a, engkim a ring a, engkim a beisei a, engkim a tuar chhuak thin." He thu hi ngun taka bih chuan a hman chhuah dan relationship-ah hian a awm vek a ni. Heng zawng zawng ti thei tur chuan mahni rinawma, kumkhua atan ka tiam ve thei tawh e tihna nun kan neih chiahah kan in ring (ready) ve tihna a ni. Antoine de Saint chuan, "Hmangaihna hian inkawppui a te tha in ti a in thlir tawnna ringawt nilo in, hma lam thlir dunna hi a ni zawk e" tiin a lo sawi a ni.

Mipa leh hmeichhia kan ni tih inhriat tawn hi a pawimawh:
Thu hriatthiamsa sawi vak tul lo awm a lang si hi sawinawnfo a pawimawh khawp mai. Tunlai khawvel changkanna in a hrin tel zingah chuan 'gender equality' kan tih hi a ni ve awm e. Hmeichhia leh mipa intluk tlanna. Hetah hian mipa leh hmeichhia kan nihna ang a inzahtawn hi a pawimawh khawp mai. Pathian hian mipa chu taksa chakzawkin a siam a, hmeichhia chu chaklo zawkin a tihrawl zawngah chuan a siam bawk. Taksa chak zawk nih avanga hmeichhia te diriam chiam emaw hi relationship-ah hian a thalo khawp mai. Hmeichhia te pawh hi mipa famkimlohna lai phuhruk tur an ni a, mipa te pawh hmeichhia te famkimlohna lai phuhruk tur an ni, kan pawimawh tawnna in en thiam sak hi pumkhat a minsiam thei tu a ni. (Genesis 1:27) "Tichuan Pathianin ama anpuiin mihring a siam a, Pathian anpui ngeiin a ni a siam ni; mipa leh hmeichhiaah a siam a ni." Pathian chu hmangaihna a nih si chuan a anpui a siam mihring mipa/hmeichhia te chu inhmangaih tur kan lo ni. Hmeichhia rahbeh lam a langlo a, feminist firfiak (radical) ho anga mipa do bur lam a langlo. In hmangaih tlang a leilung hi luah khat turin minlo ti zawk a ni.

He nu/pa hi ka a kimtlang mawi hle mahse ka fate enkawltu atan ka awt chiah em?
Zing ka thawh apiang hian a bula chen ka chak hliah hliah thin nge ni a hmangaih theih kala tum tang tang ? (Thufingte, 19:14) "In leh sum leh pai chu pate laka roluah a ni a, Nupui remhria erawh chu Lalpa laka mi a ni." Pathian hnen atanga kan dawn theih a nih avangin dil a pawimawh tih kan sawi tawh a. A sakhmel kimtlang piah lamah han thlir vang vang a kan fate enkawl sei liantu atan an tlak em? tih hi kan inzawhnawn fo a pawimawh khawp mai. Mipa tan pawh chhungkaw maicham siam thei tu, fate pawh zilh thei tur khawp a nun uluk mi a nih ve tho a ngai a ni. Kan duhthlanna hian mihring nun a sawidanglam thin avangin kawppui tur kan zawnna ah pawh kan fa te Lalpa ke bul ngei a hruai theitu an ni tur a ni.

Tehna sual theilo:
(I Samuela 16:7) Nimahsela LALPA chuan Samuela hnenah, "A hmel lam emaw, a san lam emaw en suh; a ni hi chu ka duhlo a ni; mihring chuan pawn lam landan a en thin a, LALPA erawh chuan thinlung lam a en zawk thin." Thinlung lam buk thintu hian kan thinlung duhzawng te chu a hre ber a. He khawvel kan khualzinnaah hian kan khualzinpui tur leh vanram thleng a kan thlenpui tur chu dil ila min pe em em dawn a ni. Ami te tan thil tha reng a ui silo a.

Hlaphuah

2011-07-05T00:20:00.001-07:00

Hman tak tawh kan sikul kal lai khan tlar thum vel ka phuah! Ka ngaihtuahna ka sawkkhawm a Shillong-ah khan thiante nen changkhat leh thunawn kan phuah tawh bawk.

Phone ka dawng a "U Sawmte, khawngaihin hla changthum nei 'an liam zel si' tih thupui hmangin minlo phuah"! Zankhat chauh hun ka nei a phone ka dawn hunlah chu zan uaifual lam a ni tawhsi. Pen leh paper kala a, lung tih len ka tum a sawt silo. Tah tichhuaktur ka ngaihtuah a theihngang siloh. Ka bei a dawng takzet, ka pet ka seh nuap nuap a! Poet-ho 'wing of poesy' an tih ang ten min zem ve se suangtuahna khawvelah chen ka tum ka thil tih tur chuan min kam si..ka hlawhchham dawn tihah chuan ka han ziak tan ta a. Changtawpna ka thlen chuan ka thu leh ngaihtuahna a chawl a, ziah theih ka nei talo. Kan thenawmpa leng ka nun min biak sak a. Alo haw hnu chuan tlarthum kala tlinlo chu a ziak puat a kan zo chu a ni ve ta der mai!.

"Home" it's a four letter word

2011-05-17T13:57:00.000-07:00

Kan ngaihtuahna awmna chu kan in a ni. Step chho tak leh thui tak kal a ngai a, tuiluankawr bula awm a nih avangin ruah a sur chang pawhin hlim leh hmanhmawh tak awm a tui rawn luang ri te pawh a hriat theih bawk thin. Kum tamtak kha hmun kha ka kalsan a, a chhungah chuan min hmangaih em em tu ka chhungte an awm a, chu mi atang ngei chuan min ngaihtuahna thu leh hla an rawn thawn a, a chhung a ka awm chuan sum pakhat mah ak lo mah ila ka muang em em thin. Ni e, kan lehkha pawimawh dawn tur pawh kawngbo rum rum thin khawpin khawtlang hriat pawh kan hlawh tawh lo a. An demawm hranlo e, "In" ka chhuahsanna hi kum 13 chuang a ni ve tawh vang a ni. Tunah chuan chu hmun pan leh ngei chu tumin ka puanthuah ka tel tan a, he ka awmna lum hiam huam tak hi ka kalsan thuai ka beisei. Mahse ka hnuchhawn ram tur chu kumtam ka vahvaihna a nih avangin ka ngai ve dawn hle bawk. Country strong music lyrics hian abak chu ka sawi ve tawh ang e :)

It's a four letter word
a place you go to heal your hurt
It's an alter, it's a shelter
One place you're always welcome
a pink flamingo, double wide
One bedroom in a high rise
a mansion on a hill
Where the memories always will
keep you company
whenever you're alone
after all of my running
I'm finally coming Home

Home
The world tried to break me
I found a road to take me
Home
There ain't nothing but a blue sky now
After all of my running
I'm finally coming
Home

Well they say its where the heart is
and I guess the hardest part is
when your heart is broken
and you're lost out in the great wide open
looking for a map
finding your way back

to where you belong
well that's where I belong

Home
The world tried to break me
I found a road to take me
Home
There ain't nothing but a blue sky now
After all of my running
I'm finally coming
Home

Home...
Home...

Home
The world tried to break me
I found a road to take me
Home
There ain't nothing but a blue sky now
After all of my running
I'm finally coming
After all of my running
I'm finally coming
Home

A song deidicated to the Japanese for their recent tragedy

2011-03-12T21:37:00.001-08:00

What's going on in the world today.....

2011-02-22T12:19:00.000-08:00

Nobody really cares so why should you?

Here's the answer

Revolt of 1857

2011-02-16T00:30:00.001-08:00

The Revolt of 1857 marked the completion of the first hundred years of British rule in India. The period was witnessed an extensions of political power and economic exploitation. It created dissatisfaction and distrust both among the Indian elite and the masses. As about the nature of the rebellion, there is also considerable controversy regarding actual causes. Historian both British and Indian, have over emphasized the importance of military grievances and the greased cartridge affair. But recent research has established beyond doubts that the “greased cartridge” was not only the cause or only important. On the contrary there are a variety of causes: Political, social, religious and economic which combined to produce the rebellion.

After the battle of Plassey and Buxar the East India Company steadily proceeded to gain control over the Indian native states. With Dalhousie’s Doctrine of lapse the policy of annexation reached its culmination. Under this doctrine, Indian rulers under British protection suspended their native armies, instead maintaining British troops within their states. They surrendered control of their foreign affairs to the British. In return, the East India Company would protect them from the attacks of their rivals. In the course of eight years Dalhousie annexed eight states. He abolished pension to Nana Saheb of the adopted son of Peshwa Baji Rao II was dislike by the Hindus. His proposal to remove the Mughal Emperor Bahadur II from his ancestral place in Delhi created suspicion among the Hindus. Lord Canning even declared that the title of the Mughal emperor would be abolished after the death of bahadur Shah and his place would be taken over by the British. The titles of the rulers of Karnataka, Tanjore and Travancore were abolished

Beautiful song

2011-02-01T01:46:00.000-08:00

Reading Kierkegaard

2011-01-26T03:19:00.000-08:00

Khawvelah a damchhung ni reilo mahse hnutchhiah thatak neiin min kalsan a. A dam chhung kum 42 khan lehkhabu 25 zet a ziak hman a. Kumzabi sawmhnihna ah chuan a hnathawh te'n Europe zirna bu zawl a chhem nghing a philosophy ropui tak mai " Existentialism" tih a rawn tichhuak ta a ni.

A thuziah chu "Ama chanchin, apa chanchin, a bialnu chanchin" chauh ni mahse a chhiartute'n ngunthluk taka an bih hnuin anmahni chanchin ang tho ziahna a lo ni reng tih an hmuchhuak a. Hringnun bung leh chang ngun tak a hrut avangin hei hian a thuziak a ti hlu zual a ni.

Chhungkua buaithlak : Apa Michael Pedersen Kierkegaard hi Denmark khaw te reuh te ah chhungkaw rethei tak atangin a rawn chawrchhuak a. A naupanlai hian beram a veng thin a, a dinhmun khirh tak chu ngaihtuahin tumkhat chu Van Pathian anchhia a han lawh ta ngawt a, chu chu an kohhran thurin Lutheran Pietism ah chuan thil serious tak a ni. Tichuan, la naupang tak nimahse an khua atang chuan Copenhagen-ah a sum neih tlem te nen hun tha zawk thil tha zawk beiseiin a pem lut ta a. A sum khawl tlem te chu theih tawpin a tipung chho ta a ni. Soren Kierkegaard hi Copenhagen-ah hian a piang ve ta nghe nghe a, unau pasarih zing a a naupang ber a ni. Anu dam loh natna khum a a awm laiin apa chuan an awmpuinu a lo awmpui ru thin a, chuta tang a amah pawh hi piang a ni. Apa inla sakhaw mi tak si nun a zir hleithei biksilo chu a rilru a hah thin hle a. Pathian anchhia a lo lawh tawhna chuan a nun a rawn run ngeiin a hre bawk a ni. A thil tihsual te tlen faina a ngaiin a rilru inthiamnan a fapa pawh chu Pathian hnenah hlan a rilruk ta a. Abrahama'n Isaka Moria tlang a a hlan ang khan chunglam hnenah chuan a hlan ve ta a ni. He ngaihdan hian Kierkegaard ngaihtuahna leh a hnu zel a a thilziah te pawh a rawn nghawng chho nasa hle a. Sakhuana maichamah chuan a nun pangngai chu hlan a ni a, chu chuan mi pangngai ang a awmlo in chhungkaw nun te, nupui neih te leh a career te thlengin a nghawng chho ta a ni.

Zirtirna dangdai: Afapa chu a thluak a tha tih a hriat avangin Michael hian Soren Kierkegaard hi a theihtawpin lehkha a zirtir thin a. Mihausa ho chawhlui kilnaah te a fapa chu a tel tir thin a, an han haw hian mi hrang hrang te thusawi theuh kha a zawt leh vek thin. Kierkegaard chuan an thusawi theuh te a sawichhawng leh thin. Room-ah te hian ram dang angin a han sawi vel thin a, Paris ni ta se "Khi chu Eiffel tower" tiin a kawk kual vel thin. Puitling taka enkawl a nih vang chuan naupang rilru puitlingin a thang chho a ni. Zirna lamah pathumna ni turin a pa chuan a chah thin a, thiam tan chuan pakhatna nih a harlo a, pathumna chuan pahnihna leh palina rilru awm tur zir a ngai a; an pahnihin kar a awm tur chuan a thiam a ziah chhuah a ngai a ni, an in zirtir dan a dangdai khawp mai.

Hmangaihna kawng chhuk chho! Kum 21 a tlin chuan ngaihzawng Regina Olsen a nei a, kum thum ngawt chhung he nu enthlithlai nan hian a hmang a. A duh zawng engkim a hriatsak a, a ngaihzawng bialpa Fritz Schlegel pawh chu a thianah a siam a. A zawng zawng a hriat hnu-ah chuan upa zawk a ni bawk a, hmeichhia zawk pawn a nep zo bik talo. A thilziah pakhat "Diary of a seducer" hetiang chungchang deuh hi a ziak nghe nghe mipakhatin hmeichhe pakhat a hriatchian em em a hnehchhuh dan. Tichuan, an in hual vat a innei turin engkim an buatsaih chuk chuk a. Mi maktak mai a ni a, "God Had vetoed the marriage" tiin a thiannu kalsan a tum ta mai a. A thiannu pa pawn zah pawh dawnlo in Kierkegaard hnenah a ngen chiam a, mahse lungtum biak ang chauh a ni a.

Denmark atangin Berlin-ah a kal a Professor Schelling hnuaiah Hegelian philosophy a zir ta a, a zirpui te pawh hi an hraw hlawm khawp mai Friedrich engels te, Michael Bukunin te an ni hlawm. Lehkha pawh chu a zir tha hlei theilo, a nupui nimai tur a kalsan tak Regina a ngaihtuahna chuan engmah a tih tir theilo a. Copenhagenah a let leh a mahse a tlai zo ta. Regina chu a bialpa hlui nen Biak Inah an lo in nei dawn ta reng mai a. A mangang chuan Berlin-ah a chho leh a. Lehkhabu a ziah zing a ropui ber mai "Far and trembling" tih chu a ziak ta a ni. "25 minutes too late" te kha lo awm se chuan inhnem nan pawh a hmang ve mahna le! He lehkhabuah hian Abrahama chan kha a in chan a, Abrahama ang mai a thil tisual ni in a kalsan avangin Regina chuan Pathian demlo a amah a dem a duh thu a ziak a ni. Regina chuan Danish Virgin Island a governor a bialpa hlui Schlegel kha a nei a, nun nuam ang takin lang mahse. Schlegel thih hnu khan Kierkegaard a ngaihzia a sawi chhuak nghe nghe. Apa in a lo zitir thinna te leh a hmangaihna kawng bumboh tak chuan a nunphung chu a ziak chhuak ta a, philosophy ropui tak a rawn ziak chhuak ta der a ni.

Thilziah dangdai: Kierkegaard hian a thuziah reng rengah hian midangte ang a "a chhung thuziah sual a awm chuan "keima" mawhphurhna liau liau a ni e," tih ang chi a style a ni velo a. Ani chuan a chhiartu te kha kha thuziahah khan mawhphurtu-ah a ruat thung. A thuziah man tumin an chhiar an chhiar a, a tawpah chuan anmahni chanchin tho ziahna a nih avangin, a ziaktu niloin anmahni an rawn in man chhuak ta a!

Dream pillow!

2011-01-25T00:35:00.000-08:00

Kan zirtirtunu haw dawn khan ngaihruihna min pe nual a chuta zing a mi chu "Native American dream pillow" hi a ni. Thil chi hrang hrang (Lavender flowers, mugwort, rose petals, white sage, hops, yerba santa, lilac flowers, balsam fir and bear root) te chawhpawlh a ni a. Luhkham hnuai emaw a dah mai tur a ni. Kha thil rim kha hnarah a rawn lut veng veng a. Mumang thatna tur a tih a ni, ka dah tak hnu hian mumang ka nei nasa mawlh mawlh viau mai. Awih lo hle mah ila nun chu a ti nuam ve riau. Amaherawhchu ka hmuh duh tak tak te hmu thin mah ila a commonlo thei khawp, ka han harh a nuichhuah leh thut chang te pawh ka nei bawk thin.

All the greeny thing

2011-01-21T02:32:00.001-08:00

Model-Keimah
Background- Reiek

Ram hringdup te hi a hmunah chuan kal ila beisei ang em em a hmun nuam a ni chuanglo a. Thosi leh vangvat tualchaina leh hmunhnawng cherhchurh te pawh a ni ve tho thin. Ralkhat atanga a lan ang ngawt hi a lo nilo fo. Chutiang tho chuan mihring fel hmel deuh te pawh hi han belhchian chuan chawlhna tlak loh leh an bul a awm nuamlo tak a ni duh ve tho bawk a. Thenkhat erawhchu hlataka atanga an lan nawm hmel ang tho in an bulah pawh awm a nuam fo thin.

Sri Krishna Committee Report

2011-01-16T12:32:00.000-08:00

United Andhra/ Andhra Pradesh (Region pathum inzawm Andhra/Rayalseema/Telangana) atanga Telangana state sahthlak duhna chuan Indian politics a tuam lum hle mai. Hemi chungchangah hian Union minister Chitambarama'n thu lo sawi tawh mahse Chief Justice hlui BN Srikrishna Committee hnuaia ennawn turin ni 3 February, 2010 khan an kutah dah a ni a. Report kimchang hi December ni 30, 2010 peih tur ni in mipui hnenah chuan Jan 10, 2011 a puan tur a ruahman a ni. Tichuan, chu committee chuan ngun takin a zirchhuak in phek 461 meuha chhah an ti chhuak ta a. Lo rin lawk ang tho in United Andhra a rawn thlawp a, state sahthlak tum tu te lung a hnur a, a boruak sosanna ber Osmania University-ah chuan Police leh zirlai te an inbakkaih nasa leh hle mai.

Political party te zingah KCR chuan awmze neilo in he report hi a sawi a. Telegu film star politics a zuanglut ta Chiranjeevi pawl te chuan he hun hi an party (Praja Rayam) tan a hlawkna beiseiin an thlawp thu an puanga. BJP lamah pawl ngaihdan a phir! Telangana region-a Congress legislator te'n Delhi an hotute zahzoloin state sahthlak a nih loh chuan ban an tum thu an lo sawi bawk a, state politics a buai in a buai nuaih nuaih ta mai. Hetih lai vek hian CM hlui fapa Jagan Mohan Reddy Congress party atanga puan ang hnawl hnu chuan a party thar lo dinchhuah a tum ve mek a, congress hruaitu te an lu a hai, hmasawnna lam ai chuan an arbo tur te zawnkhawmna hna ah an ram tang a, boruak thim takin Andhra politics a tuam mek a ni.

Committee hian duhthlan theihna point paruk an siam a, a point pakhatna tanga palina hi chu theih loh hulhual a ngaih a ni a. Point pangana ah hian state chu pahnih a thenin pakhat chu telangana state ni in Hyderabad hi an khawpui ni nghal tur a ni a. State dang leh chu Seemandhra (Rayalseema leh Andhra) in zawm tir state siam ve tho a khawpui thar neih tir a ni.Amaherawhchu he thil hi lohtheihloh dinhmunah chauh ti tur a tih a ni. (Page 454)

Point parukna ah chuan Telangana Regional Council din a funding chungchangah pawh Telangana mite duhsakna tunhma Gentlemen's agreement 1956 zulzui a neih tur a ni a.(Page 454)

India ram hi mi chitin awm lungawina leh lungawilohna pawh in thuhmunlo kan ni hlawm a. Sorkarna la duh tan chuan he chona lian tak hmachhawn hi huphurhawm tak a ni. Eng hi nge lo thleng zel dawn tih hi India ram mipui te thlir reng a ni e.

Photo source:http://indiacurrentaffairs.org/wp-content/uploads/2010/12/Sri-Krishna-Committee-Photos.jpg

Missionary te hnuhma thil tha chu

2011-01-13T23:29:00.000-08:00

Fate sap ram a dah thulh duh chuang silo a sapho ngaihsanlohna min tuh tum kan Professor te hi an rilru tak tak hriat ka chak thin. India ram hausakna rawk a mahni ram a mingo te'n min pemsan hnu hian a hnuhma siper hi a tha lam te thalo lam zawngte'n kan lo dawng sawng a. Zoram a thil tha an hnutchhiah zingah chuan zirna piah lamah hian thu mai nilo a thuziah dahthat theihna hmanrua Press min din sak hi a hlu ngawt mai.

A ‘Davos’ hand-operated platen press.

A Chandler & Price treadle-operated platen press.

He thil pawimawh tak mai dinchhuahna atana tha leh zung sengtu Dr. Frazer kha a fakawm thlawt. Kum 1911 a dinin a tir chuan kut a nemkaina khawl (Hand-Press) chauh a nei a. Bible chang tawi te te chhu chhuakin chanchin tha thehdarhnan a hmang thin. Chu khawl chu mawlmang tak ni mahse "Kristian tlangau bu" hi a lo chhu chhuak a, thu leh hla lam a Mizo te tan rahbi pawimawh tak a lo ni ta hial a. Mizoram Bawrhsapte tan pawh hei hi a tangkai hle mai. Bawrhsap Col. Loch chuan khawlchhutna tha zet mai (Treadle machine) kohhran tan a lo hlan a. Kohhran pawh chuan hmang tangkaiin "Loch printing Press" ti a vuahin thu leh hla anlo ti darh tan ta a, he hming hi Synod Press a nih hma zawng a a hming put thin a ni. Tichuan, tuna hmun hi khawlbunna tan chuan hman a lo ni ta a "communication" lamah kohhran hmalakna in nasatakin Zofate kan lo hmasawn ta a lawmawm ngawt mai.

Photo source: http://www.flickr.com/photos/30239838@N04/3370153895/
http://www.flickr.com/photos/sunivroc/3237705433/in/photostream/

Kumthar, ni thar, thil thar!

2011-01-05T04:33:00.000-08:00

Amak ngawt mai, kum a lo thar a thil thar tha zawk kan beisei a, zingah ni a chhuak a tlaiah a tla leh mai a a ngai vek kha a ni si a.Decartes chuan "i think, therefore i am" tiin hringnun awmzia minlo hrilh fiah tawh a. Hemi hnialkalh hian Kierkegaard chuan "I exist, therefore i am" a lo ti bawk. Mihring ngaihtuahna hian kan nunphung hi a lo va sawi danglam nasa tehlul em! A hun a chu pangngai mahse kumhlunlo mihring hi kan danglam si thin a. Kan nunphung leh ngaihtuahna te hi hun hian a liampui zel a chuvang chuan hun kan dah pawimawhna chhan pawh a hmangtu mihringte thil tih vang alo ni.

Troy movie ka en a ka hriatreng tak chu Greek pasaltha Achilles indo tur a a kal dawn a a nu thu hrilh kha a ni. Troy a kal loh chuan nupui hmeltha tak a nei ang a, fate neiin an hmangaih let ang a, a hlim ang, mahse a thih hnu chuan tuma'n an hrezui tawhlo thung ang. Troy-a a kal chuan thil ropui tak a ti ang a, a thi ngei bawk ang, mahse history chuan amah a hrereng thung dawn a ni. Achilles chuan mihring dangte ang tho in "More (nasa zawk)" neih a duh avangin thi dawn mahse a kal ta tho a. Hringnun duhamna hi chuan chinlem a lo nei lo, hringmi zia a ni a demawm hranlo e.

Ni e, kan khualzin chhung reilo te ah hian kum tamtak pawh hi dam mah ila thil ropui hnutchhiah tur kan neih si loh hi chuan kan va hlu nep thin dawn em. Kan thil tih te hian hun chu hriatreng tlakah a siam a, chumi avang chuan keini pawh hriatreng kan lo ni zawk thin. Kumthar kan chuangkai leh ta a, eng thil tha tak ti ang i maw? Ni ngai vek lo chhuak mahse, he ni hi thar teh chawk a kan ngaih avangin rilru a in fuih thar a, rilru mu hnu pawh a kaitho ngei ang. Mi te tan a malsawmna ni turin i fehchhuak leh ang hmiang. Kumthar, ni thar, thil thar a ni tlat si a.

Hmangaihna

2010-12-29T00:08:00.000-08:00

Kan hmangaih ve hle maw kan tih lai hian kan thiante chuan "infatuation" mai mai a ni ang min tih sak a. An dai thuk ve dawn a maw ni le? kan tih ang te hmangaih hle in an sawi ve thung a. A reichhung leh a lo chawrchhuah dan te chu an ngaihdan theuhin an sawi hlawm a, kan in awih sak lem hleilo a! Hmangaihna chu enge a nih chiah a, engtia lo chhuak nge ni ta ang? Pathian thu thianghlim meuh pawhin a ngai pawimawh bawk si. Nge ni a, hmangaihna hi a lo awm lo zawk? Hmangaihna thuk leh thuk loh dan chu reilo deuh te, rei deuh te a teh chi em mi ni dawn? Nge ni a, he thu ropui tak hi kan sawifiah thiamlo zawk?

Ka hriatthiam ve dan tlem te ka han thai teh ang. Hmangaihna chu eng ang pawhin lo chhuak se a rei emaw reilo emaw a lan chhuahna ber chu Sacrifice (inpekna) ah hian a ni. Inpekna a thuk pauh leh hmangaihna pawh a thuk mai thin. Kan bula mite nawmna turin kan duhzawng thenkhat te ka phatsan thin a ngai a. "Kei" hlir inngaihtuahna-ah chuan chu hmangaihna chuan awmzia a nei thuilo a, a lo dai thuai thin. Chu inpekna atanga thil dawn chu phutluihna tel avanga chhuak a nilo a, thinlungin ti tur a a hrilh ang zel a luang chhuak zawk a nih avangin a thlumin dawnsawn a nuam thin.

Chu hmangaihna chuan khawvel a thinlung sak ber pawh a ti nem thei a, kulhbing sang ber pawh a tawn tlangin tlangsang ber pawh a lawn chhuak thin. Ramri hian awmzia a nei nep a, a thinlung a dah tawh avangin. Amaherawhchu hmangaihna a thuk tak tak chuan thikthu pawh a lo chhe ve thin bawk. Khawvel kan zin kawngah hian hmangaihna hi awm ta lo se kawng zin hreawm a va ni dawn em!

CHRISTMAS LOVE!

2010-12-14T11:28:00.000-08:00

(worth reading... not my own Email I've got from email ministry)

Each December I vowed to make Christmas a calm and peaceful experience. I
had cut back on nonessential obligations: extensive card writing, endless
baking, decorating, and even overspending.

Yet I still found myself exhausted, unable to fully appreciate the precious
family moments, and, of course, the true meaning of Christmas.

My son, Nicholas, was in kindergarten that year. It was an exciting season
for a six-year-old. For weeks, he'd been memorizing songs for his school's
Winter Pageant. I didn't have the heart to tell him I'd be working the night
of the production.

Unwilling to miss his shining moment, I spoke with his teacher who assured
me there would be a dress rehearsal the morning of the presentation. All
parents unable to attend that evening were welcome to come then.
Fortunately, Nicholas seemed happy with the compromise. So, the morning of
the dress rehearsal, I filed in ten minutes early and found a seat in the
cafeteria. Around the room, I saw several other parents quietly scampering
to their seats.

As I waited, the students were led into the room. Each class, accompanied by
their teacher, sat cross-legged on the floor. Then each group, one by one,
rose to perform their song.

Because the public school system had stopped referring to the holiday as
"Christmas" I didn't expect anything other than fun, commercial
entertainment: songs about reindeer, Santa Claus, snowflakes, and good
cheer. So when my son's class rose to sing "Christmas Love" I was slightly
taken aback by its bold title.

Nicholas was aglow, as were all of his classmates, who were adorned in fuzzy
mittens and red sweaters, with bright stocking caps on their heads. Those in
the front row, center stage, held up large letters, one by one, to spell out
the title of the song. As the class would sing "C is for Christmas" a child
would hold up the letter "C." Then, "H is for Happy," and on and on, until
each child holding his portion had presented the complete message,
"Christmas Love."

The performance was going smoothly, until suddenly we noticed her: a small,
quiet girl in the front row holding the letter "M" upside down. She was
unaware that reversed, her letter "M" appeared as a "W."

The audience of first- through sixth-graders snickered at this little one's
mistake. But she had no idea they were laughing at her, and she stood tall,
proudly holding her "W."

Although many teachers tried to shush the children, the laughter continued
until the last letter was raised, and we all saw it together.

A hush came over the audience, and eyes began to widen.

In that instant, we understood the reason we were there, why we celebrated
the holiday in the first place, why even in the chaos there was a purpose
for our festivities.

When the last letter was held high, the message read clear:

"CHRISTWAS LOVE" ("CHRIST WAS LOVE")

And I believe He still is.

Beiseina Isua

2010-12-11T03:12:00.000-08:00

America rama lung natna lam Doctor chuan, "beiseina hi damdawi dang zawng zawng aiin ka hmang tangkai zawk a ni a, engkim deuhthaw hi a tidam thei a ni." a ti a. Doctor dang pakhat chuan, "beisei tur neilo khawpa mi i siam chuan a kuangah perek pakhat i kilh belah inngai rawh," a ti bawk.

Mihringnun kan zawh chhohnaah hian kawng bumro kan zawh chang te hi chu a awm theuh mai. Ka PhD zawh dawn tepah ka chesuala, ka duh hunah pawh ka thehlut thei talo a! Rilru-ah thil tamtak kanlo ruahman tawh a, vawileh khatah a bo vek mai. In lama darkartin lo chhiartu kanu min nghakhlel tak te ka rilruah a rawn lang a, kumtam tak krismas pawh kan hmang dun tawhlo a ni. Ka ruahmannaah chuan zo felin hlimtakin mahni inlum atang a U-AMA kha a ni.

Mahse mihringte hian kan nunna chungchangah hian thu kanlo neilo khawp mai. Beisei a bo a, "ala duhrei deuh ang" tih kha doctor chhanna ka dawn a ni ta mai si a. Ka ngaihtuah a thatlai chuan chak takin hringnun lawng hi kan khalh kal a, mahni kan thei ve emaw tih pawh a awl khawp mai. Hun khirh tak a lo thlen hian kan chakna zawk chu "Amah" a nihzia a lo lang chiang thin. Kan duh emaw duhlo emaw beidawnna tawpah hi chuan kan koh lawm lawm a lo ngai thin. Kei ai a harsatna lian tak tak tawng tamtak pawh an awm ngei ang. Mahni kan tawrh theuhah hian nungkhawchhuak tur chuan beiseina eng kanlo neih hi a ngai a ni.

Krismas lo awm tur pawh hi kan tan “beiseina Krista” lo pian hun a ni a. He hringnunah hian kanlo chechhe deuh a nih pawhin kan inhumhimna kulhbingsang tur a khawvel tan/ka tan a thilthlawn pek a ni. Chu kan beseina chu khawnvar eng ang a ni a, kan chhamdamna pawh a ni, kawng thim tak kan kal laiin kawng min ensak turin a engzual thin. Ni e, kan beiseina chu Krista Isua a ni a, kan thinlung thimna ata eng ala chhuak tu, van in thleng a min hruaitu tur a ni. He khawvelah hian harsatna tawk thin mah ila "Lal Isua nen engkim a ropui, lungngaih chhumpui zing mahse...kan tan a beiseina kan nun na a ni."” A ni chuan kan lungngaihna leh kan natna te pawh phur ngei a,” a thlamuan thlak ngawt mai.

The Christmas Hope Lyrics Performed by- NewSong

Her/His wish this Christmas
Was that Christmas would just pass her/him by
Nothing could reach her/him
Or answer her/his questions why
She/he feels so alone
And she/he wonders if all hope is gone

Chorus

Hope is a candle
A light in the window
Showing the way for
A heart to come home
Hope is a Savior
Who was born in the manger
Sent down from Heaven
To rescue our hearts
Our Christmas hope

She/he never imagined
That for her/him there was hope to find
But isn't it amazing
How God brings a heart back to life
She's/he's smiling now she's/he's finding out
What Christmas hope is all about

Chorus

Hope is a present
A gift freely given
To all who receive
And open their hearts
Hope is a promise
For a better tomorrow
In a world filled with sorrow
We always have hope
Our Christmas hope
Our Christmas hope

Derrida kawmna! Intellectual revolution of our times

2010-12-08T03:53:00.000-08:00

Kum 1966 Johns Hopkins University colloquium-a "Structure, sign and play in the discourse of the human science" tih a pek avang a western philosophy kal tluang lai rawn chhem nghingtu hi pa namai a nilo. Kawm phak a ka in ngaihlo avangin a lekhabu leh article ziah te hi ka ban ngailo. Tun hnai khan ka bih ve ta chauh a, a lo ropui ngei mai. He pa thusawi tum ni a ka hriat te ka han thai mai mai teh ang.

Juda mi rawn piang in a hunlai a a chipui te tihduhdahna chu a rawn tawm ve nghal a. School a kal hmasak berna ah juda mi a nih avangin hnawhchhuah a ni a. A tetlai a a tawrhna hian a hnu a thurawn ken ber central leh marginal tih hi a rawn irh chhuah phah ni in a hriat. Foot ball star nih a professional line kal a tum a tling thei silo chuan philosopher lehkhabu lamah a awntir ta zawk a. Nietzche, Rousseau, Gide, Saussure te a chhiar nasa thin hle.

Khawvel in lum let?
Khawthlang zirna pakhat structuralism an tih chuan philosopher te rilru a kuai hle. An ni ngaihdanah chuan thil engkimah hian ramri kham tu ruangam a awm a ni. Science lamah hmasawnna a lo awm bawk a, a thusawi nemnghehna turin chu thiamna chu an senglut bawk. Chutiang hmasawnna lam a khawvel thiamna a buk suau suau lai chuan an thurin chhem nghing turin Derrida a thian te Roland Barthes, Gilles Deleuze, Felix Guttari, Michel Foucault te'n theory pakhat Post-structuralism tih chu an rawn au chhuah pui ta a ni.

Enge deconstruction chu
Derrida aupui ber chu deconstruction siamtharlehna kan tih hi a ni. Derrida ngaihdan chuan khawthlang mifingte ngaihdan hi centre pakhatin hual velin a sawi a chung te chu- a lo chhuahna, Pathian awm rinna, thudik,thil lo la awm tur, intawhkhawmna. Hengte hian thilawmzia zawng zawng chu sawifiah an tum ni in a sawi. Entirnan Khawthlang khawvel thlirna chu Christian na centre ah hmangin engkim mai teh a ni a, Hindu lalna ramah India-ah te pawh an thurin kalpui Casteism hmang a teh vek a ni. Chutak mai a centre lai zuk sawn a, Christian emaw Hindu nilo lam atang a a centre kha i thlak chuan awmze dang nei thei dawn a ni. Grammar rules ah pawh nise a central word zukthlak a han remsawih khan a awmzia alo dang thin chutia tihna chu deconstruction a tih chu a ni.

Ani ngaihdanah chuan thil pakhat a awm chuan a dang pawh a awm thin entirnan mipa/hmeichhia, christian/jew, thlarau/tisa. Pakhat zawk centre a hmang a thil engkim i sawifiah chuan a leh lam chu neksawr an ni ang a aw an chhuah ve theilo ang. Mipa lalna khawtlangah chuan mipa kha alai a ni a hmeichhia te thu leh hla chu neksawr/marginalize an lo ni tawh ang. christianna a engkim teh chuan Christianlo thu leh hla chu thu dik lo pawmawmloh a lo ni tawh ang. A tet te tang a an anchipui te tawrhna a tawmpui ve avangin chaklo zawk leh hniam zawk a te dawm kan hi a rilruah a lian hle a nih a rinawm.

Chutiang a lo nih takah chuan thlirna tlang a lo dan hian khawvel kan pawmdan leh hmuhdan pawh a lo danglam tawh thin. French structural anthropologist Levi-Strauss chuan language pawh hian structure/ruangam an nei vek ni in a sawi a. "The raw and the cooked" ah chuan hnam pakhat Bororo thawnthu grammar ziak turin a fehchhuak a a han zirchiang ta a. An thawnthu ah chuan dan khat hmang a teh theih a ni hauh lo a lo hrang vek mai tih chu. He thutak hi Derrida rawn sawi chu a ni ruangam/centre pakhat a awm theilo a hnam hrang hrangte'n kan hmandan a zirin a danglam thei bawk. Entirnan english grammar danah chuan noun hnuah adjectives dah thin a ni a, French ah chuan a ni hauhloa in kawkalh thung, a nih english rules of grammar hi central a hmangin hnamdang ziahdan hmang zirnan hmang tala a tawpah thu awmze awmlo i chhuah ngei ang. Thumal reng reng chu a awmna hmun a zirin a thukawh a danglam thei noun a nih chang a awm a verb a nih chang pawh a awm. Helai a a thuken ber chu thil engkim mai hi text in a rawn sawifiah a ti ta a ni.

Enge ropui zawk? Thusawi leh Thuziah? Rousseau chuan French khawtlangnun tawp lutuk chu thil thalo tak a nih thu a sawi a, Pathian thil siam khuarel nature chu thianghlim leh tha zawkin a sawi a. Metaphysics of presence chu thusawi ah hian a awm tih a sawi. Thusawi leh a awmzia hi thiangrialin a sawi.Thuziah erawh chu a chhiartu in a ziaktu a hmuhtheih tawhloh avangin tangkailo zawkah a dah a. Thusawi chu a sawitu ngei in thiam taka a sawi avangin a fuh zawkin a sawi. Structuralist Saussure chuan hemi sawifiahna tur hian ti hian a lo ti bawk a. Bawng hi lo awmta se, bawng ti a i lam khan a ri khan sign a siam a signifier sawifiahtu a ni a sawifiah a signified chu bawng kha a ni. Rousseau ang tho in thusawi chu dik zawk leh chak zawkin a sawi a, thuziah chu a hnuhnung zawkah a dah. Entirnan-

"Atirin thu a awm, thu chu Pathian hnenah a awm, thu chu Pathian a ni."

Thu kha a hmasak zawk avangin thudik a pawm a ni, Pathian rawn sawifiahnan a khawvela rawn tirh signifier chu Isua a ni a signified chu Pathian a ni. A chhan chu mihring zingah a ei in a in a, thu a hril thin. Chutia nih chuan ri/sound chu an dah pawimawh ta a nih ber chu.

Derrida chuan thusawi central hmang a, thuziah hnawl a nih chu a rawn sawi sel a. A ri hrim hrim chuan thilnihna sawifiah ni ta se, dictionary keu ta la bawng tih pawh chu a sawifiah turin thuziah hrang hrang i hmu ngei ang. A sawifiah zo chuanglo! Thuziak textuality erawh chu a chhiartu a zirin a danglam thei a chuvang chuan thilsawifiahnan chuan powerful zawk ni in a sawi.

Sakhuana thurin a chhem nghing thei em?
Awle, a theory laimu ber mai chu thudik kan tih hi thuziah play mai a ni a a thlirtu a zirin a danglam mai a ni tih a ni a."Keimah hi kawng leh thutak leh nunna ka ni" ti tu hi an hnial ta em ni le? Tha leh thalo ramri kan kham an rawnthiat a tuai/patil tan hmun an hawng a. "Thiangzau era" ah min hruailut mai a nilo maw? Nge Pathian chatuan ruatah hian pakhat zawk hi a central reng ang a pakhat hi awpbeh a ni ang? Khawvel tawp dawn a finna te a pung ang tih te hi a lo thleng mek em ni le? He theory hian ngaihtuahna tamtak min siam tir.. duh tawk ang a sei.

Exercise
He picture hi han click chhin teh eng e i hmuh le?
Thil pahnih hmuh theih pakhat chu face/hmai a ni a pakhat lehah chuan candle a ni. Facist tan chuan hmai chauh hmuh kha a awl hle a, candlist tan pawh chutiang tho chuan. A awmzia chu thlirdan chi hnih a awm tihna mai a ni. Dik zawk central authority a awm thei talo! Thutak chu enge ni ta ang le?

Derrida work te chhiarzau duh tan-

Dissementation.tr. Barbara Johnson (U Chicago P, 1982)
Of Grammatology. tr. Gayatri Spivak (Baltimore: Johns UP, 1976).
Writing and Difference. tr. Alan Bass (U Chicago P, 1978).
Margins of Philosophy. tr. Jonathan Culler, et al. (U Chicago P, 1981).
Specters of Marx. tr. Peggy Kamuf (New York: Routledge, 1994).
Speech and Phenomenon. tr. David Allison (Evanston: NorthWestern UP, 1973).

Mapuiinu Bekang!

2010-12-07T11:22:00.000-08:00

Tuk thum tuk a tho rau rau zingah chuan Mapuii nu bekang kha a tui ber awm e! Chaw, dal chawm sir a phur taka thleng a a lo awm khan mi a tiphur a; thiltui dang kan ngaitawh ngailo. Theiriat vengthlang a awm te khan inrinni zing vawksa lei kan nghakhlel ang tho in mapuii nu bekang thawh hun hi kan nghakhlel thin a. Engemaw a telh bik hresilo khan a umtui thiam em em a, a um sual ngai hek lo. Naupang atang a tar thlengin a thilum zunah kan uai a, kan khua kan ngaih chhanah pawh mapuii nu bekang hi kan lam tel ve ziah thin. Rapchungah hian uluk takin a dah a vawk chaw chhum pah khan mei a vil heuh heuh thin. "Secret ingredients" hre duh tan thil chharchhuah tur a awm lem lo, a uluk hle tih bak. "Enge in hmeh dawn?" "Mapuiinu bekang".. "tren tren" tih pah a hlim taka tlan haw thin thian te hmuh chang chuan inlam a lo hmuak tur kha kan va hriatthiampui em em tawh thin. Chu nu ngei mai chu tunah hian ala dam a, ala um thin em tih erawh ka hrelo, kan khawhlui ka tlawh leh a nih chuan thla ka lak pui ngei ang.

Danglam ngamna

2010-11-20T11:57:00.000-08:00

Hmanni chu youtube ka browse kual a, hmanlai a cartoon ka en thin “owl Jolson” tih kha ka han hmetchhuak pek a. Rilru-ah hmanlai thil tamtak alo lut a lungte pawh a leng lek lek mai.

---Movie clip en duh tan---click here

A plot tlangpui:Professor Fritz Owl (Voice, Piano and Violin) chuan fa pali a nei a, a naupang ber tihloh chu an piantirh atang rengin apa ang maiin music lamah talent an nei vek a ni. Pakhat erawh a zai a danglam a common lo. A nu leh pa an beidawng zai pangngai zirtir an tum a sawt silo, apa thinrim chuan an in atangin a hnawtchhuak ta hial a.

Owl Jolson chuan danglamna chuan khawvel a hmachhawn ta. Radio stationah audition a va nei ve a… a tawi zawngin pakhatna ava hauh ta hial a.

A sawhkhawk: Ka ngaihtuahna-ah he thu hi a rawn lut a. He khawvelah hian kristian te hian nihna dang van khua leh tui nihna neiin kan awm a, khawvel mite lakah hian kan danglam tur a ni. Liberal viau ringawt pawh hi setana hmanrua pakhat a ni. Tur chu eng ang pawhin tuam mawi mahse thihna a thlen tho. Mawi leh tha tunlai tak hian hmelmapa hian ka hmaah a chhawp a tunlai duhin kan ban a kan tuarphah thin. He khawvel sualna sang tawh takah hian “danglam ngam” ava ngai em. A tawpa Owl Jolson a danglam ngamna avang a lawman a hmu ta ang hian huaisen takin danglam ngam ve ila nunna lallukhum kan chang mai dawn a ni. Kan zawh kawng hi kawng harsa leh bumbauh a ni.

No doubt... by Petra

2010-11-02T15:14:00.001-07:00

(Love the song and the lyrics, this song had given me wings; enjoy the lines as much as i do)
(Verse 1)
There are times when you fell like you can't go on
There are times when you fell like giving in
And there are times when you feel like you can't try anymore
There are times of trouble in believing
This test of your faith will last
As long as it takes to pass
Till you have no more doubt you'll endure
And you faith will emerge true and pure

(Chorus)
No doubt it'll be alright
With God it'll all work together for good
No doubt in the end it will be understood
No doubt it'll all work out
With faith He can move any mountain for us
No doubt in the power of Jesus
And after all is done we find out
All we really need to have is no doubt

(Verse 2)
There's a time to take a reckless leap of faith
There's a time to be cautious and wait
And there's a way of learning from the past
That this time of trouble won't last
And sometimes we want to think we know
The ways He will choose to make us grow
But it's never the way of our choosing
And we can't always see what He's using

(Repeat chorus)

There will be winters in the seasons of our soul
With a cold and bitter wind that chills our lives
But our faith can be building a fire
That will warm us till spring time arrives

(Repeat chorus)

Engemaw kan tih tak ang le?

2010-10-17T12:15:00.000-07:00

Mihringte hian duthu kan sam a rem kan ruat thin. Kan hmalam thu-ah zawng thu kan van neilo lulai em. Hun chep tak karah Thesis ziahzawh tumin theihtawpin ka bei ve a. Hyderabad Mizote Ni alo thleng a hmanlo inti takin kan hun tawpna te ni dawn ve bawk a tiin ka va kal ve a. Prog hlimawm tak tak kan hmang a, kutinbuanah chuan teltur an awmloh avangin telve turin min ruat a, vawi 2 lai ka pha thiante'n ka trang hmelchhelai hmuh an chak nge a rukin anlo thehlut a. A tawi zawngin final-a mi chaktak Goliatha ang mai a thahrui ngah hnehlo chuan ka ban ka ti tliak ta rawp a. Chhunzawmthei ka ni talo, hospital-ah min phur a an zai ta hial a, kar tamtak bawksawp a ngai ta.. ka tihtur ka ti theilo a, thiltih tur in kam teuh chungchuan tlangval pumpa ka hahchawl ta der der mai a ni. Doctorin kut exer lak zeuh zeuh a ngai a tih avangin he thu hi ka ziak ta a ni.

Enge kan mamawh le?

2010-08-21T08:26:00.000-07:00

Tulna avangin reitak NET ka peihlohsan hnu in ka blog traffic ka en a, "Tears language well spoken" tih ka ziah chu a hit tam ber a ni a. Ka thiante hla post ka en a "Love the way you lie" tih Rihana leh Eminem sak ka hmu bawk a, chuta ka ngaihtuah chu hei hi a ni "Khawvelah hian enge kan mamawh?" Hlim leh lawm duhin kan theih theih kan ban a, a tawpah chuan tahna mai a lo ni leh si a! Enge famkimlo awm ang a, enge kan dai sual tak ni ang?

Rilru-ah pai a awm a, pawn lamah chuan nui mahse a chhungril a rum si. Mahse han ngaihtuah teh lungngai thei, tap thei i ni chu mihring special tak i ni tih lanna daih a sin. Nui liam mai thei, engah mah ngai ve ngailo i nih chuan mihring lainatna neilo lungtum ang mai a thinlungsak leh nelawmloh i ni ngei ang. I kawngzawhlai chu enletla i tihsual a awm chuan ti tha turin in fuihla, mahni inrintawkna nei la, i hlauh tak mai chu han hmachhawn teh le. Chu harsatna i hmachhawn thiam dan a zir chuan mihring takzet i nih theih zia a rawn hril dawn a ni. Kan khawvel kawng zawh a bumboh hian vawn chhan kan zawng a, kan tlu dawn mai thin. Mahse han hawichhuak ve teh khawvel hi a mawi a nia, tanpui che chakin engkimti thei Pathian chuan a ban reng che a, i chaklohna lai enreng ai chuan i chakna chu i en zawk mai dawn nia. Natna leh lungngaihna hremi mihring kan nih tlat avangin kan inlainatna leh hmangaih tawnna te hi a lo lan chhuah tak takna chu kan mittui leh lungngaihna-ah te hian a ni fo thin!

Thenkhat te'n hlimna dang zawngin zu te an rui chiam a,an han ruih chhung chuan an rilru chu a dam ve ngei mai, mahse an han harh a angai tein an thinlungna kha a lo pun a, a lo bo aw zawnglo mai. Nun beidawngin thenkhat chuan an nunna hlutak an ti tawp a, a pawi ngawt mai. Thenkhatin sum leh paiah an tlan a mahse hlimna tluantling chu a lo lei thei ngawt silo. Keini ai a tamtak a nei film star te nun kan enchuan nunkhawharna chiang takin kan hmu a, an awhawm silo. Nakina hlim chawp tur a nilo tunah hian hlim chhan damchhan i nei ngei tur a ni. I nun kawngah i lo kal sual tawh a ni pawhin "Jesus takes the wheel" ti la, i nunah danglamna a awm ngei ngei ang.

Arundhati Roy-in min rawn tlawh!

2010-07-15T12:56:00.000-07:00

Thlirtu mipui tamtak zingah

Thil te tham te pawh hmaih ngailo Siamtu chuan a rel fel ngei e, chuta zinga a duan hringfate zingah chuan hmeltha bawk a, thuziah thiam bawk Arundhati Roy hi a tel ve ngei ang. “The God of small things” a ziah avanga kum 1997 Booker prize dawngtu Bengali nu ni si India hmarchhak Shillong-a pianga, Kerala a cheng ta chuan Monday chhun khan kan awmna university-ah min rawn tlawh a. Shekhar Kapur film siam Bandit Queen, Phoolan Devi chanchin tarlanna a rawn sawisel avang a khawvelin an hriatchhoh. American linguist (The living intellectual) Noam Chomsky te dungthula thu rawn ziak a, media te’n an tarlan lemloh "a tak ram" a rawn auchhuahpui avangin he nu hi atakin hmuh a chakawm a ni.

Vice Chancellor Prof. Seyed Hasnain in lecture a chair
He nu ropui tak hi la hmulo mah ila a thuziak atangin kalo hmelhriat ve thin a. “The Algebra of infinite Justice” leh “The God of Small Things” te kha ka thianpa Sawmtea (RIP) Shillong-a kan awmlaiin ka hawh sak ve tawh. “An Ordinary person's guide to empire” a ziah tho kha ka rauh em em thin a, ka thianpa in min hawhbo sak a ka duh em avangin ka lei leh nghe nghe. Chutiang taka thuziaktu ka ngaihsan ve chuan min rawn tlawh dawn a ni. Zanah mengrei mah ila zingah ka tho a, ka thianpa tuitaka mu pawh chu kaitho lo leh dil miahlo in a camera ka lek chhuak a, lecture a pekna tur hall-ah a thusawina tur hmatakah thutna ka va rem a. Kan university professor te pawh a belkai deuh chin chu karloah an rawn fuan khawm a, lecture hall-ah chuan kan leng talo! Chhuat rem lai laiah te an thu ther fir fer hlawm a.

Ngaisangtu leh hnialchak mipui hma-ah huai takin
Anti-globalization/alter-globalization movement te, neo-imperialism a fakselna te, Global policy of US a sawiselna te, Narmada Dam lian sorkarin a tum mirethei zawkte’n an tawrhna te chu a thupui ken ber thin a ni a. Operation Green hunt chungchang pawh a thai nual tawh nghe nghe. Chutah! Ka hma-ah chuan a rawn ding chhuak a a hmel pawh a tha kher mai, media a sir a a thusawi thla lo la mawlh mawlh te kap chung chuan thu a rawn sawi tan ta a. Thusawi a thiam kher mai, a tawngkam chheh tin reng a fimkhur a, a khap sual duhlo khawp mai. Media-in a "reality" nilo an puanzar thin te, India ram sorkar chak tak mai chu corporate te control a nih zia leh Prof Kancha Ilaiah in a sawi hnamsang zawk "gundas" te chu dim hauhlo in a rawn kap a. India ram chuan a ram ngeiah militarism hmangin indo a puang a mirethei te a nghaisa a ni a rawn ti zel a, thudang tamtak pawh a sawi duh tawk ang. A bengvarthlak khawp mai.

Charminar..minar..its time for Hyderabad! (Hyderbad under Nizam/Asafjahi)

2010-06-21T14:18:00.000-07:00

Nizam lal te hian kum 224 zet mai ro an rel a, lal chhuan kua lai an awm bawk a ni. Telangana ram hi Mughal ram bung khat Deccan Suba hnuai a awm thin a ni a. Mughal ram zaupui mai a lo kehdarh tak khan Nizam-ul-Mulk khatihlai a Deccan Subedar chuan Independent-ah a puang hmiah mai a. Kum 1724 atangin an lalna hi an rawn tan a, nihna zahawm tak “Asafjah” a rawn nei a, chuvang chuan a thlah kal zel te chu “Asafjahis” ti a koh anlo nita a ni.

Duhsakna Mughal hnuaiah:
Nizam-ul-Mulk hi Persian mi a hming tak chu Qamaruddin Khan a ni a, “Chinkilichkhan” ti a koh a ni bawk. A pu pawh hian Shahjahan leh Aurangzeb hunlai khan theihtawpin an rawng alo bawlsak tawh thin. Kum 19 mi lek ni in mi te rin phakbakin mi remhria leh fing a rawn ni a. Mughal lal ropui te pawh chuan chu tak chu an en mai mai thei biklo, tangkai thei ang ber a hman an tum tlat a ni. Aurangzeb khan Mansab nihna sang takah a hlangkai a, Aurangzeb fapa Bahadur Shah pawh khan Oudh ram a Subedar ni turin a ruat a. Farrukh Siyar phei chuan Mansab zing a sang leh zualah a hlang kai nghe nghe a ni. Sayyed unaute tlak theina tur a ruahmanna siam ber tu a ni a. hemi avang hian kum 1719 khan Mohammad Shah chuan Mughal Prime Minister turin a ruat nghe nghe a ni. Mughal Lal ram kehchhe mek tung ding leh turin theihtawp a chhuah a, mahse a beidawng chiang hle. Amaherawhchu Mohhamad hian a thawh that em avangin Deccan-ah chuan Subedar-in a thut tir a, rorelna-ah a inrawlh ngailo bawk.

Mingo an inrawlh!
Lal tha a thi a, lalna inchuhin a fapa te an buai zo leh ta. Heng zingah hian Nasar Jung leh Muzaffar Jung chu a langsar zual deuh te an ni. Nasar Jung chuan English thlawpna a dawng a, Muzaffar Jung chuan French thlawpna a dawng thung. A tawp a tawpah chuan Nasar Jung chuan hnehna a chang ta a, amaherawhchu vanduaithlak takin Kurnool, Nawab chuan a that hlauh mai a. He hun hi chuhin a rang a rangin French ho chuan Muzaffar Jung chu lalah an puang hmiah mai a, amaherawhchu an remruat angin thil a kal lo, Muzaffar pawh chu thah a ni a.

French an huangtau sawt a, Bussy chuan Mughal thuneitute hminin Salabat Jung chu Subedar ni turin an ti a. Hemi avang hian Salabat Jung hian ram thenkhat Kondavidu te, Nizampatnam leh Narasapur ram te a pe a ni. Salabat Jung hi lal sawngnawi zet mai a ni a. Amaherawhchu French thla zar hnuaiah a lal ve hram zel a ni. Ram tamtak French ho a pek vang leh lal tlawktlaw tak a nih avangin a khua leh tui te bulah a tuitla vaklo a. Carnatic Indo vawithumna ah khan English mi te chuan French mite nasatakin an hneh a. Salabat Jung pawhin tih theih a nei ta biklo, English mite kutah a tlu lut ve ta a. Salabat Jung hi a unaupa Nizam Ali Khan in kum 1761 khan a thlak ve leh a. A thil tih tamtak zing a chhinchhiahtlak deuh chu kum 1770-a Deccan khawpui Aurangbad atanga Hyderabad-a a sawn hi a ni.

Kum 1803 khan Nizam Ali Khan chu Sikander Jha in a rawn thlak a, heihi a ni “Secunderabad” hmingputna chhan chu. A hunlai hian sum lamah harsatna namenlo a tawk a, hemi avang hian English Company pawisa a puk vak mai a. Hei hian a hma ai a nasa zawkin English ho an angchhungah a hruailut ta a ni.

English thuhnuaiah a intulut zel e:
Nasiruddaula chuan kum 1829 khan lalna a rawn chang a, a ni pawh hi lal han chhuanawm vak a nilo a. English ho tlawn hurh mai zel a ni, ram tamtak Berar te, Osmanabad te leh Raichur te ba rulhnan English ho hnenah pek a ni a. Mipui te chuan English ho chu an haw hle a, hmar lam atang a English duhlohna chuan Nizam lal ram a rawn kangkai ve a, mahse hnehsawh takin English ho chuan an lo tudawl vat a.

Nasiruddaula thih hnu hian a fate zinga upa ber Afzal Uddaula chuan lalna a rawn chang ve leh a. A rawn lal hunhi hun pawimawh tak a ni a, Kum 1857 helna rawn chhuah hunlai kha a ni. India mite chuan English ho chu an ning em em tawh a, sipai ho zingah English mite duhlohna liantak a chhuak a hei hian India ram hmun hrang hrang a kangkai a, Nizam lal ram pawh a rawn kangkai a ni. Nizam lal ram a sipai Aurangbad leh Boyinpalli a mite chu an hel ve ngei a, amaherawhchu Nizam chuan hneh takin a tudai a. He a thiltih avang hian “Star of India” nihna English hnen atangin a dawng nghe nghe a, nuai sawmgnga chuang English ta a lo bat chu thaibo sak a ni. Mughal pawisa thir an hman thin kha hemi hnu hian thlak a ni bawk.

Lalpuitu thatak Salarjung:
Hunlo tak mai a Afzal Uddaula a tih avangin kum 1869 khan kum thum mi lek Mahaboob Ali Khan chu lalah a rawn thu a. Kum thum mi leh chuan rorel thei heklo le English ho chuan pui turin Salarjung leh Shams-ul-Umran an ruat a. Hetih hun lai hian Salarjung chuan theih tawpin ram siam thatna hna a thawk a, a thawh that em avangin Lord Rippon chuan Hyderabad a rawn tlawh ngat nghe nghe. Heta tang hian Governor General te chuan dan a neihin kumtin Hyderabad an tlawh ta thin a ni. Salarjung hian English ho duhsakna a dawng nasa hle a, Nizam lalin dahbo a tum pawhin English ho hian an hum zel thin. England lalnu bulah chaw kil pha ve ngat a ni a. Oxford University phei chuan “Doctor of Civil Law” chawimawina an pe nghe nghe a ni.

Osmania University leh a dangte din a ni:
Nizam lal tawp ber mai chu Osman Ali Khan a ni a a ni hian kum 1911 khan lalna a rawn chang a, hun pawimawh tak tak a rawn tawng chho a, a hunlai hi khawvel indopui pahnih chhuah lai leh Hyderabad state India inzawmkhawm mek a zawm ve hunlai kha a ni. A khua leh tui te tan nasa takin hna a thawk a factories lian tak tak te a din a, thlalai tamtakte hnenah hnathawh tur a siam sak thin. Industrial Exhibition Salarjung tan chu fumfe zawkin a rawn chhunzawm zel bawk a. Zirna lam ngaisang mi a nih avangin City College te, Osmania University te, Government Library te, Museum leh Jubilee hall te hi a ma din vek an ni. Mipuite’n awlsam tak a an hman theih turin Osmania Hospital leh Unani Hospital a din bawk. Indopui pakhatna a English a puih nasat em avangin “His Exalted Highness” nihna a dawng nghe nghe a ni.

India sorkar hnuaiah a kun lut ve ta:
Kum 1947-a India ramin English ho hnen atang a Independent a hmuh khan State tamtak chu thlem ti tih leh ti luihna deuh bawk si a India ram a nawr luh zel an ni a. Nizam hian India a in chhunluh chu a duh ikhaw lo mai a, mahni a independent tumin Sorkar dang dang a dawr kual a, mahse a hlawhtling lemlo. Hetih mek lai hian a ram mipui thenkhat a bikin Hindu mite chuan India a in chhun luh duhin hma anlo la ve mek a. Muslim pawl pakhat Itehad-ul-Musalmin (Rajaakars) ho chu tudai turin a ti a. Hyderabad-ah buaina nasatak communal riot a awm ta a. Chuti chuan India sorkar chuan March ni 13 kum 1948 khan General J.N.Chaudhary hnuaiah Nizam lal rama buaina chu a zuk ching fel ta a. Chuta tang chuan Asafjahi lalna chu a lo tawp ta a. January ni 26 Kum 1950 khan Hyderabad chu India ram a chhunluh a lo nita a ni.

Halleluiah..anyway!

2010-06-15T09:41:00.000-07:00

Hringnun khawvel kan zawhlai hian a bumboh lai te hi chu awm ve thin ngei mai. Tunlai ka thiltih a tluang theilo.. Ka sum neihna a chatlak a, in renchem tak a awmlaiin ka bike a chhe ve leh thung a ka chhut tel hauhloh sum tamtak ka sen a ngai a. Ka awmna hmunah thinthi in ka awm theilo CWd te hian red card min hmuh an tum reng a. Ka awm hun chhung a zawh tawh vang a ni. Chutah! ka thilziah min check sak tu tur ka pu chuan engmah a la en hmanlo a, lehkhabu min ziah san veng veng bawk si. Rilru hmanhmawh nen hi chuan a inmil lo khawp mai.

Ka nu pawh ahna atangin a retired ta a, sorkar hna pension rak thleng a a thawk chu a lawmawm viau mai. Hetih lai hian kapatea nupui thihna in kan chhungkua min tuam bawk a. A thihni hi ka first cousin nupui neihni a ni! Engkimah lawmthu hril zelin" tih a ni bawk si a, Halleluiah! anyway... Pathianin kan tan a kawng ruat a nih chuan lawmtak a pawm mai tur kan lo ni.. a hahthlak thin ngawt mai!Alehlamah chuan malsawmna chhiarsen loh min vur ve bawk a, a lawmawm tho mai

Heile! ropuina dik tak chu!

2010-06-09T13:09:00.000-07:00

Ka hriat chhuah theih dan ang angin ka han ziak mai ang e.. a dikdiak chuan a diklo thei. Hmana ka lehkhabuchhiar "Heile vawiin" tih-ah chuan ti hian a inziak a:

"Ropuina diktak chu neih tum vanga neih mai theih a ni lo. I zawn loh hunah chiah hian i nei thei a ni. Thuamhnaw nalh tak te hi a tha khawp mai. Thuamhnaw nalh tak han inbel hi chuan mawihnai tak anga lan hi a awl hle mai a. Mahse ropuina tak tak i hmuh duh chuan thuamhnaw chhe tak inbel chung pawha thuamhnaw tha inbel ang mai a zahawm si hi en mai rawh. Vawi khat chu ka nu naupanlaiin an inah chuan sava pakhat, 'Bill' an tih chu an khawi a. Bill chuan a ke a titliak a, a thih mai te pawh an ring a, a nih loh leh tihlum mai pawh tha zawkah an ngai a ni. Mahse a tuk khua a lo var chuan a ke tha lam hmang chuan awn ang t(r)ei t(r)awi hian a lo ding hram hram a, a lo zai vet vet mai a. Chu chu 'Ropuina Dik Tak' chu a ni.

Tumkhat chu nu pakhat, puan su nasa deuh mai hian a puan suk chu tlangbanah a zar a. A tlangban chu a chat palh a, a puan suk sa chu chirhdiakah a tla ta chiam mai a, mahse engmah a sawilo. Puan chu a su tha leh vek a, a tlak theihlohna tur hmun, phaitual hnim chungah a pho ta hlauh a. Mahse chumi zan vek chuan ui ke bal zet mai hian a lo dai bawlhhlawh leh ta vek mai a. Chu thil a'n hmuh pawh chuan tah mai lam zai reng reng a rel chuang lo. "A engti zawng maha a'n fuh thei ta lo mai chu a va'n mak reuh em!" a ti duh lek fang a ni. Chu chu 'Ropuina Dik Tak' chu a ni. A dikzia hre tur chuan puan su ve chiam phawt mai rawh."

Anlo ral thin hun, kum leh hmun te!

2010-06-03T06:31:00.000-07:00

Khaw ropui ti a han sawi tur chu a nilo, mahse kan chhuahsan tur chuan lunga ti leng a ni ber mai. Ka han thlir a kan naupanlai a kan sava vehna hmun te, tlang thengthaw lai hmun chuan a chawlhni tlai a kan lennna te, Ruaitheh a changelhnah kan kil laihna hmun te kha. Thil tamtak rilru-ah a lo lang a, tunah chuan ka naupanlai hmun ka lo thlahhleh em em te hi kalsan a ngai tawh dawn a. Ka kalna hmunah chuan dai vel a kalna tur pawh a hla tawh ang.

Zingah kan zin chhuah hma daihin ka tho a hmanlai kan naupanlai a kan lenna hmun te kha ka fang leh a, thli a thaw heuh heuh a, an ngaihawm dawn hle mai. Khulai thingkungah phei khu chuan kan chuan su kur zuk zuk a, kan theih ang a ringin hla kan sa chiam a nih kha. A tlai dawn tawh avangin ka haw ta thuai a, a tawpnan pawh tiin ka hawilet hram a, thing leh mau, hnim mai mai te pawh chuan ngai ve awm takin thli in a chhem kur diam diam a. "Mangtha mai le," an ti hian ka zuk hria a. Tichuan, thingtlang naupang khan khawpui-ah nunchan zirturin ka pem lut ta a ni.

Mihring hian kumhlun tur a kan ti te hi a lo kumhlunlo fo a, kan hun, hmun, hman te pawh hun a ral zel a a lo dang thin. Ka ngaihtuah let leh chang hian ka lunghlui tamtak a leng thin. Kan hmun thlakhleh em em te pawh hi kan then hun a lo la awm si a.

Back 2 my book

2010-05-30T15:20:00.000-07:00

Khua a lum nen chhiar a peihawmloh! Ka bula awm reng hian an khua hi a har ve thin ngawt ang...Ngairu! ka lokal e..ka bih chiam dawn che u a, in hriat kha theihtawpin min hrilh ve dawn nia. Ngaiteh! lehkhabu kalo kal e...bihchianna ka nei dawn che... Common..Hahaha

Thlalak ro min relpuitu!

2010-05-26T16:48:00.000-07:00

“Photograph” tih hi kum 1839-a Sir Johna Herschel a phuah ni awm tak a ni. A thupawh hmun dang atang a la loin Greek thumal φῶς (photos) "light" leh γραφή (graphé) "representation by means of lines" tih atanga lak chhuah bawk a ni. Thlalakna hmuhchhuah a nih atang khan mihringte hian kan chhawr na rawh e. Chhungkaw hlimlaini dahthatnan te, tualthahna chhuichhuahnan te, lunglenna min pe vawng vawng thei tu a tan te kan hmang bawk a, a hmandan hi chu sawisen a nilo ang. Thlalak i en hian tunge I zawn hmasak ber? Nangmah a nimailo maw? Hei hi achhan chu kan inngaihpawimawh ber vang pawh a ni thei ang. Nula lamin “Ilang cher, ilang thau” tih lamah an buai bawk a. Pa lamin an hmel duhzawng (Routmawii) ang te chu an seating room bang khat dawn dawn in an tar bawk a. Chhungkaw buaina pawh a thlen thelh mahna!?

Thlalak hian kan chungah ro ava han rel em? (10 mega pixel in em ni? ) Thlalak thenkhat kan bihin lunglenna min pe bawk a, kan thentak te thlalak a nih phei chuan duat takin kan kuah a kan tap vawng vawng thin. He khawvel-a la chambang kan suangtuahna thlalakah mailo chuan inhnemna tur kan nei bawk silo a. Lehlamah chuan thlalak show-na tak takah hian hnam hrang hrang culture a lan tir bawk a. Mimal ngaihdan thlengin a zuk chhiar thiam thuak thuak theih bawk. Posi fuhloh chang a thla min laksak phei chuan a dahbona kan zawng thuai thin. Thian thenkhatte’n tihlar anlo tum bawk a. Ka sawi tui hma hian “thlalakna hian mihringte minti famkim ve a ni” tiin tlang kan kawm thut teh ang. Tunge ka Fb photo post hi lo comment dawn? Haha

He damchhung buaithlak takah hian!

2010-05-13T15:09:00.000-07:00

Dawhsana mipui ep zawng a thute ka hmuh hian an dinhmun a awm ve theih ka chak thin. Guitar thiam takin hneh tak a guitar an perh lai hian hmuhnawm ti takin ka thlir a, thiam ve ka chak. Professor thiam takin saptawng nal tak mai a theories an sawi zaih zaih te hian an mahni ang a thiam ve ka chak. Zaithiam takin mipui thunun tak a stage a nunchan a zir te hian ka thiam ve ta emaw tiin ka lo zawm chiam thin. Champions League-a Manchester players rual Tv atanga kalo thlir hian tihdan tur kalo hrilh chiam thin..a chang phei chuan ka mit an tlunglo hial! Field ka lut ve a alanna atanga sawi ang ngawt a lo ni silo.

Engkim mai hi ti ve theiin ka inhria a...mahse ka han belchiang a..tha a lo ngai vek mai! He khawvelah hi zawng piang vannei tanlo chuan thawhrimna mai a lo ni. Saptawng thiam tak nih ka duh a... dictionary ka keu tam a ngai a... zing news paper tak ngial pawh a tel lo chuan ka keu zo theilo! Thiam duhin lehkhabu ka keu a.... thu har pui pui lungtum ang mai sak te anlo ni si thin a...thlan tui a far zawih zawih fo mai. Mi thilziah ka chhiar an thiamzia mak ka ti thin! ka ngaisang ngawt mai. Ziakthiam ka tihte ka zirchiang a an nin an thuziakin min hruaikual nasa thin si. Lehkhabu hi tuitakin ka chhiar theilo a, buaitakin ka chhiar chhuak thin! A ngaihna hre miahlo a phekkhat ka chhiar zawh a awm a, ka chhiarnawn paw'n kala man ta chuang thin lo...hahthlak deuh a ni. Achang hi chuan Mizo tawng hian thil engkim hi inziak se ka ti hial thin. Mizo tawng ziak tak pawh chu ka han bihchian chuan ka man pha hlawm bawk silo a..a lai laklawhah ka tang ni te hian ka hre thin. Application ziak turin vawi sawm chuang te ka ziah that chang a awm bawk.

Thuziah mai a nilo ka inkhel ve a a thiamlo pawl ka ni zel a...a tlawbik a piangte tan hi chuan khawvel hi sual nasat a va ngai bik thin em. Zai ngainat vanglai a mipui hma a kan zai ve ngawt te kha zahtheihloh award chu awmse dawng ve ngei tur chu ka ni. Faktlak leh fak phu hi chu awmlo se zailoh pawh ka duh tawh hial mahna.. Khawvel hi zawng keini tan chuan a sak deuh zawng a ni e.. kanla dam ve tho si a!

Greatest show on earth

2010-05-03T13:00:00.000-07:00

Let's meet our eyes at South Africa.. beautiful things are about to happen....

Ka ngaihtuahnawn fo thin "The Old Man and The Sea"

2010-04-30T13:40:00.000-07:00

Pawl sawmpahnih kan zirlai ni ta in ka hria Gov't Higher Secondary kan kal lai hian "The Old Man and the Sea" tih hi kan Miss thiam tak khan min zirtir thin. Hun tam a liam hnu University of Hyderabad-a Master kan zir hnu-ah ka roommate Bengalee pa Rajasthan zin haw chuan he lehkhabu pan te bawk hi min rawn hawn a. Nikhat chu tih tur a awmloh em avangin ka chhiar leh ta a ni.

A ziaktupa Ernest Hemingway lah American writer zing a roipuiber pakhat a ziah zerang kalpui dan thin "iceberg theory" larpui tu a ni bawk a. A thuziah tlartin mai chuan awmzia a nei em em vek mai. Ka duhlai pahnih:

"The sail was patched with flour sacks and, furled, it looked like the flag of permanent defeat." Mizo hla pakhat "A chau a ni ka Lal" tih hla te kha rilru-ah a rawn lang uaih uaih a. Putar paa han ziahdan te hi- "Everything about him was old except his eyes and they were the same colour as the sea and were cheerful and undefeated."

Ni e, he khawvel tuipui zautak-ah hian mitin te'n thil thazawk hun thazawk beiseiin sangha man kan tum theuh a. Atirah hlawhchhamna hian mi thenkhat chu a awpbet thuai a. Mahse putar pa chu hlawhchham thin mahse a beidawng hauhlo! Sangha man na tur a a hmanraw neih te chaurau hle mahse a bei fan fan a. Nisa lutuk te, thangrei luat avanga ril tamna te chu a tuar hram hram a. Achang chuan amah leh amah a inkawm hlim a ngai bawk a,theihtawp a beihna chuan rah tha a chhuah ta.

Sangha lianpui mai Marlin chu a man ta hlauh mai a, he sangha hi a len em avangin a that lawk theilo a, a hnuk kawi a hnuk kawi mai a ni. A tawpah chuan a that ta a. In lam pan a a kal lai chuan Sangha thisen chhuak chuan Shark a lo ko a, sangha a thahsa rawn eitum shark panga lai a that leh a.Shark dang te chuan a man lai ngei pawh chu an eizawhsak lo chauh a a ruhrel chiah an dahsak a ni. A tawpah phei chuan a chau tawngkhawng chu a muhil ta hial a...

IPL (Greatest show in India!)

2010-04-22T17:04:00.000-07:00

Pu Zai-a te vaivawm (Cricket) hi ka ngaihsan loh thu va sawi chiam mah ila, keini ai a tam leh keini ai a fing vai te hian an buaipui em a hawina lam a piang a in trial ta chu hrechiang turin beng i han dawn ve dawn teh ang.
Ngaihtuahloh theihloh a nihna chhan:
1) Kan University zirlai thenkhat te'n IPL en duh vang leh film en duh avangin remote an in chuh pek a an insual nuaih(2) mai! Police thahnem tak chuan min rawn ven phah a (IPL) nge nge.
2)National News paper leh news channel engpawh en ila Lalit Modi, Pawar, Tharoor a ni vek mai (IPL) nge nge.
3) Dawrah kal ila TV a awm tawh phawt chuan vaiho hi an pawng aw in zial tup tup zel a nek tawlh2 an ngai (IPL) nge nge.

India-a Ropuina Lal IPL:- 20 cricket BCCI in a buatsaih thin hi India ram khawvela thil thleng tawhah chuan thil ropui tak pakhat a ni. Test cricket hun duh tak tak pawh pawisa lo a Tv thutchilh tu Indian cricket lovers te tan hi chuan a va hlu dawn em. Test match ang te in rei tak tak batsman tan lo thaikualna hun a awmlo a, theihpatawp a vuak a ni nghal vek mai. Heihi tunlai thalai thil ni thuai thuai duh te tan a hlu leh zual a ni. Cricket duhfip pawlin sawisel thin mahse la a ropui dawn chauh.IPL-ah hian sumdawng lian tak tak te, film star te, politician te'n sumsiamna khawl a an hmu leh zel hi mi mitfukna chhan pakhat a ni. Indian Premier League's brand value hi $4.13 billion (Rs 18,000 crore chuang zet) ni a chhut a ni a, NBA tih lohah chuan Highest paid league khawvelah a ni bawk! Keini ang lo sawitet chi a nilo!

(A ropui em mai Vijay Malya leh Katrina hi Bye Bye tir lawk ang)

Milianbeidawng-a te buaina!:-Kumin IPL-ah hian Pakistan mi pakhat mah lei an nih ve loh avangin Pakistan Interior minister Rehman Malik chuan, "Pakistan te hmusitna a ni" a ti a. karnataka CM thin kan External minister SM Krishna chuan, "Sorkar hetiang lamah hi chuan a inrawlh lo e" tiin a kut a lo sil ve bawk a. International relations thleng a han nghawng pha tur hi a ropui a ni! Hetih lai hian Pakistan cricketer Shoaib Malik chuan India Tennis khelthiam Sania Mirza chu chanchin tamtak karah a rawn nei bawk a. India ram khawpui lian pariat te hming a inelna neih thin a ni a. Milian rualte'n team nei tur hian an inchhan huaisiak thin. Tunah hian neuh neuh a tam ta hle a. IPL Brain child ber an tih BCCI Vice President Lalit Modi leh lehlam pawl te chuan thu leh hla hrang hrang nitin chanchinbu-ah an nei thin.

Ti hmuhnawmzualtu

Harsatna karah pawh IPL:- Harsatna leh dodalna tawklo a ni biklo a, a hamsaberin England and Wales Cricket Board nen inchaltauh nghal a ngai pang mai a. Sum tamzawk si..thlirtu mipui tam zawk si a inlan chu player te tan pawh thlemna nasatak a ni ngei ang le. Kum 2008 pawh khan Australian cricket team te West Indies an tour a ngai si, IPL a player tha te an ni fur bawk si, IPL in sumdawngho nen inremsiana a lo siam tawh bawk si an in nawrbuai chu hmuhnawm deuh a ni, a tawpah chuan Australian players te kha an zin rem tihsak an ni ta a. Nmin piah mai khan Deccan Chronicle office Income Tax Department-in an va tlawh bawk a news chu ala siam zel dawn a ni.

Khawvel in anglo! (Khawlum ti ti)

2010-04-19T14:59:00.000-07:00

"Aizawlah chuan ruah a sur a khua pawh a diak khawp mai." Hmanni a...(Clickk... Network a chhia) chu chu kan inbiak tawp dan a ni! Kei pa thlan ngahlo tak mai hian khawlum avangin ka nghawng a thlan tui ka tuaifai angai fo a, Shillong-ah te khan la awm ila chuan ka hil bel awm si a..chu pawh chu a nuam chuanglo. Vai hmelbumro tak karah hian chaw ei a tui thei mawlh tawhlo, an strike deuh chhen hmel ka hmuh hian an inhmeh ka ti! Ruah hi kan beisei ve reng, kan kawmthlang Bangalore-ah te chuan a sur ve tho a.... han sur tir ve mai awm, ka thu miahlo! Hyderabad khawpui nuam tak a kan tualchaina hi khawlum avangin meidil-aichhinna a ni ta ringawt mai.

ka ngaihtuahna chuan ...mihringte sum duh luat avanga kan leilung sik leh sa danglam tur pawh zah tawhlo a Kyoto protocol kan hlamchhiah tak dan te.... vai vur zuar te.... AC ka room a rawn chhem heuh heuh te....

Mizo te leh Democracy

2010-04-12T14:52:00.001-07:00

Abraham Lincoln (1809-1865) khan Democracy chu “Government of the people, by the people, for the people” tiin min lo hrilhfiahsak tawh a. Zoram in kan Lal thuneihna hlip a India ram democracy dung zui a rorelna a kan kalpui hnu kum tamtak ral hnu hian mipuite hian kan thatpui chiah em tih hi enfiah a hun ta. Mipuite rorelna ah hian mipui te hian chanvo ka nei tak tak em? American linguist Noam Chomsky chuan Democracy hman diklohna ti hian a sawi ve thung a. Mipui sorkar ti mah ila kan thlan lal a te leh an vua leh vangte khan an duh tawkin lal an hrawt tho a, mipui hian aw kan nei tak tak chuanglo tiin. India ram party system a kal-ah hian a dik leh zual khawp mai.

Mizoramah pawh hian party neuh neuh kan tam khawp a. Tun a kan kal dan hi chuan Election a tlin duh chuan party a mi rinawm tak a kul a tai a mi in hmang mi nih a ngai a, chu mai bakah party worker te tih lawm an ngai bawk. Mipui(ram) hmangaih em em a ngai lo a, party mi leh sa vulh len a, vua leh vangte theih tawp a dawm kan a nimai a lungchhiatthlak khawp mai. Scheme engemaw lian tak pawh awmse theihtawp a nawr nghal tur a nilo. Kum nga lal hun chhung a nih dawn avangin engemaw harsatna siam a lal hnu kum 3na ah emaw chauh bawhzui tur a ni a. Chuta a thatna lo tem tu te hnenah chuan inthlan leh hunah hemi kan pek lai che u hi tih chhunzawm a ngai tih leh mai tur a ni. Lalna leh thuneihna kan khel lutuk hi a pawi khawp mai. Lalna leh thil tih theina te hian mawhphurna a keng tel a chu mi tihlawhtlin chu politician te hian mipuite laka an bat a ni.

Diklo taka kalpui a nih avang hian mipuite sorkar ti thin mah ila hma kan sawnpui lemlo niin a lang. Mizo te hian hruaitu tha kan mamawh khawp mai. Kan hmanlai nun atanga tun thleng hian thlir ila tu emaw mihring/mi bik an awm chuan kan zui mai thin. Kan hruaitute zingah hian election term dawt leh pawh a tlak hniallo, hmasawnna ngaihtuah a bawhzui thin mithiam hi han tam ngat se zawng; diklo taka tit u thenkhat te chu lungawilo mahse Zoram hian hma a sawn ngei ang le. Mi tu tan pawh thuneihna leh sum duhna te hian chinlem a nei dawnlo. Kan dam chhung khualzinna ah hian khawvel kaldan phung nilo deuh a kan chet ngamna hian history a siam dawn zawk a ni. Mizoram hmasawnnan a mahni hreawm pawisalo a hmalam thlir thiam, mi thiam politician kan va mamawh em. Chutiang mi tamtak an awm hnu-ah chuan Abraham Lincoln-a thusawi mipuite tan a sorkar diktak democracy chu a tak ngeiin kan hmu dawn a ni!

Kuhva of the World

2010-04-03T11:23:00.000-07:00

Hamara bharat leh Kuhva:
Gregory lehkhabu Shantaram-ah khan India mite kuhva eidan ngaihnawm takin a ziak a. Vaipa lianpuiin a hmui sir khat atang a tui chikchhuak tha mi ang mai a han pik puat puat mai chu a ni. Hringei ang mai a sen zuaih mai chuan India mite chikim zia min hriatchhuah tir pawh a nimahna. Hriselna lam leh faina lam ngaihtuahlo chuan thil hlimawm ve tak a ni ngei ang le!Kum 1978 vel a Bollywood-a film lartak "Don" Amitabh channa-ah khan Paan hla chu a awm ngei a lawm. India mite hian an ngaisangthlu ngang a niang, he film siamthat a nih hnu "Don The Chase begins again" tih Sarukh-a channa ah pawh a paih phal bik chuanglo!Anmahni ngaisangtu te chuan an pikpuat puat loh nakah!

Pitar habal leh Kuhva Zun: Khawthlang lam ho khu chuan an uar vaklo ni tur a ni. Kuhva ei hnam chu South Asia ram lampang deuh a mi kan ni tlangpui a. India ramah hian 2600 BC lai atanga ei ching tan ni a sawi a ni. Inleng lo lawmnan te, kut ni vangthla a intheh a tan te chelek a ni ber thin. "Kwai" tuitak mai khasi pitar ha nei tha tawhlo dawr a mi ngei, ama ta tur pawh sum nen ngat mai a lo deng tarh tarh hnen atang a lei a tui bikzia hi Shillong-a zirna run lo bel tawh te chuan an sawi fak a ni ngei ang. He kuhva zun avang hian he ram a cham hlen ta pawh hi engzat tak awm ang maw? (Census neih chiah a nilo mai pawh a!)

Damdawi damna ni silo! Thaw uih tan a ka tih rimtui nan hian a tha ni in Ayurvedic damdawi zirmite chuan an sawi a, amaherawhchu hei hian cancer a thlen thei tho bawk tih an sawi bawk. Thaw uih taka dam rei nge? Rim thiang taka dam reiloh... Vanneihthlak takin damdawi dang Kuhva lo pawh an hmu ta zel a..( Lo uih deuh tan :-) )

Kan mawipuilo, a tui si: Kan ram hruaitu then khat Tv an rawn lang a Kuhva eituam tuam chung sehchilh nawk nawk saptawnga Tv crew te an lo chhan khum thin hian ka lo za chuaih chuaih thin.Khawvel hmuhah pawh kan culture chu an chhuang ti dawn ila han chhuan vak tur ka hre lem hleilo a. Laloo Prasad a te tih thik dawn ila a changkang mawlh silo. Kan bansan hleitheilo a tui em a, ram nge i hmangaih..kuhva?

Mizo te leh Kuhva heading hi in ziah ve ni....

Tha leh thalo ( 'Mizo'* perspective)

2010-03-23T12:05:00.000-07:00

"Mama, inkhawmpui an tiak ta, nanglah phai ramah i awm reng si a, Pathian rawngbawlna hun hi i nei ve meuhlo a ni." ti a ka nu duhtakin min biaklai chu ka thil ziaka ka hmanhlel lai tak a ni. Inkhawmpui zi nuaih nuaih kara zaithiam te, lemchan thiam te, thusawi thiam te mitthla-ah an lo lang, mahse keichu ka hman ve miau silo a! Ngaihtuahna-ah thil pakhat a lolang a. Enge "rawngbawlna chu?" Ka hna ve tur ka zirna chu ka rawngbawlna a ni ve lo em ni?

'Beram' leh 'Kel' thalai te: Tribal khawtlanga seilian ka nih avangin huho a awmkhawm(collectivism) leh mahni a chettlatna (individualism) chungchang hi inhnial a thui thei khawp ang le. Kan duh emaw duhlo emaw Kohhran leh Khawtlang khian khauh takin "fel" leh "fel lo" a thliar hrang a. Chu tehna chu inhman leh inhmanloh a ni. Hei hi thatna tamtak a awm a, chhiatna tamtak a awm bawk. In hmanluat avanga mahni career in vawchhia an awmlaiin inhmang manglo a mihlawhtling an awm leh thung bawk. Leh lmah chuan inhmangpeihlo te'n a inkhawm an sawisel chiam angte hi a dik leh chuang bawk silo a. Ani, kan chhuak vak lutuk ve bawk a, kan hnathawh leh kan zirna kan nitin eizawnna in a tuar lo thei silo.In hmang tha duhlo emaw hmanlohna vanga in hmanglo deuh te'n sawisel se chu "Misual" nih an hlawh tlat, a pawi. Kan lem lutuk a pawi!

Dichotomy : Kan Zosap te chanchin tha rawn ken khan engtiang chiahin nge kan khawtlangnun leh kohhran nunphung hi a sawi danglam kan hreveklo ang. John Calvin zirtirna hian engtiang chiahin nge Zoram ringtute nun hi a kaihherh pawh chhut tham a ni. Tun a kan hman danah chuan kan nitin khawsakna leh kan biak In (sanctuary) kan dah hran lutuk hi a pawi a ni. Chawlhni a lo ni a, sualna te chu tam hle mahse kan sualna kan hlip a, fel awm takin kan inkhawm a a tha e. Chawlhni ang tho hian nidangah pawh hian Pathian han zah ila zawng corruption do pawl hi a awm ka ringlo. Tha hauhsilo a lemchan kan uar lutuk hi a pawi a ni. Lemchanna hmanrua a kohhran leh khawtlang platform-a kan hmang hi a pawi leh zual. Inthawina nilo in thuawih a ni kan biak a hian a lawm zawk ni.

Hawh u i din thar ang u: Kan Biak In dik tak chu kan thinlung hi a ni kumkhua. Thinlung a zawm silo in pawnlamah a va zawm ngawt hi a theihloh.Thil kan ti a nih rau rau chuan a tawp thleng a kan hlen a ngai a, kan rinawm a ngai a ni. Zirlai chuan a zirna-ah rinawm se, sorkar hnathawk chuan sorkar hna athawhna-ah chutiang zelin. A phawvuak a kan inhampuar lutuk hi thil zum kan tawn hunah kan puakdarh vek palh ang e. I din thar ang... a lem atangin atak ramah..

A tawp berah chuan i hman leh hmanloh hi a thatna leh thatlohna a awm ve ve a, pawimawh ber zawk chu kan thinlunga Lalna chang zawk hi a ni.ENGE I NGAIH VE DAN?

* Mizo ka tih hian mi nawl tlangpui ngaihdan a bikin Mizoram chhunga awm Kohhran leh Khawtlang awpna hnuai awm te ka sawina a ni.

Thuziaktu leh khawvel

2010-03-12T10:46:00.000-08:00

Writers imagine that they cull stories from the world. I'm beginning to believe that vanity makes them think so... Stories cull writers from the world. Stories reveal themselves to us.. they colonize us- Arundhati Roy

A Writer should be able not to choose, but be chosen by something in him which he can neither foresee nor pre...dict, something whose nature he can only discover in the process of writing it-AD Hope

Hemi te pahnih thuziah ka chhiar hian mak ka ti thin! Thuziak mi tur tu emaw a lo pian hian thuziak thiamsa in a lo piang hauhlo a. A nunin a tawn thil tamtak a pawn lam nun in a a nghawng lungngaihna leh tahna te, lawmna a tawn te chuan finna tuikhurah a hruaia chu tui chu midang te dawt ve turin a ziakchhuak ta thin a ni. Pi Roy-i ngaihdanah hian chung thawnthu te chuan mihring chu khawvel atanga la chhuak angin a sawi zawk si a. Heng chanchinte hian kan sawi niloin anmahni in chanchin min hrilh zawk a ni....duh tawk rih ang...

Hope thung hian Poet/writer te chungchuanna remleh remlo in a rawn tlangaupui ve thung a, khawvel nundan pangai pet pet chim piahlohna khawvel-a cheng a, anmahni ngaihtuahna fim tak hmang a an thu leh hla te chu rawn chhamchhuak angin a sawi a. Activism hian thuziak mite chu a thununin anmahni nihna ang tak an nih loh phah thin leh khawi pawl emaw thil tum emaw tlangaupui an tum avangin an nihna hlauh ang hialin a sawi a.Engdang nilo in Thuziak mite chawisan a tum vang a ni.... heihi duh tawk leh ila.

Ka ngaihtuah thin a pawn lam leh chhung lam engpawh min mawlhtu awm chuan thu min ziah tir pawh nise. Thu kan ziah hian enge kan rilruah lo lang thin- Topic hot deuh hlek hi ziak ila, ka thuziah hi miin anchhiar ang tih nge? Model leh theory tlanglawn ang hian ziak ila mite ngaihsan ka hlawh ang? Nge thil a nihna ang tak kan hmuh chu kan ziak chhuak mai ang. Ziak hnem ber leh hetiang subject lama hmahruaitu nih ka duh avangin ka ziak vak vak mai, phuailuai deuh pawn.

Marx-a kha hmeichhia/minu pawl movement tih chaknan a ziak turin nu pakhat hian a sawm a. Chu nu hnenah chuan mihringnun thuk tak harsatna leh rumna chu ziak mai tur a nih zia leh chutah chuan an mahni khalhduhna/drive lam chu thudik a nih chuan lo lang mai tur a nih thuin a lo hrilh a ni.

Thudik kan tih leh a landan pawh hi ngun taka ngaihtuah chuan mihring zir a te in a lo danglam thin bawk si a, ramri kham a har ngei mai. Thuziak thiam tak leh thuziak thatak nei thei tur hian enge ngai ta ang le?

Arunachal second visit

2010-02-26T03:50:00.000-08:00

Ni 14th Feb 2010-ah ka chhuak Valentines day a ni tih pawh ka hailo kalna turin min au miau a ka kal ta mai a ni. Rajiv Gandhi Central University Itanagar hi ka vawihnih kalna a ni ta! An fel viau a, tlang mizia an pu a keini ang duang pawh Professor ho rual a kal kan ni miau a min hrehrang tawh heklo. First class treatment kan dawng a, a nuam phian. Kan zirna lamah chuan mi pawimawh tak mai Prof. Vijoy Sahay-a (Editor of International Journal of oriental Anthropology) ka subject-a ka ti ti pui thei te, Felix (Oxford) lehkhabu min pek te hi ka tan chuan chhinchhiahtlak tak a ni, sawiloh phal chi a nilo. Kan lo ngaihsan em em te a hring a hran a han hmuh a han titi pui tluk a nuam hi a awmlo. He Seminar hlawk thlak takah hian thil tam ka zirbelh a, vai thian tha te ka han chhar belh nual bawk. Ka paper han pek ve hi ka thianpa Taite-a (epistemology) nen kan siam a nia. Ani a thiam bawk a, a kutthlakna kan paper an lo hlut thiam khawp mai. Ka haw chuan ka thianpa thiamzia hi ka hriatbelh a ka ngaisang ru ngawt mai. Mizo hrim hrim lawm minlo awm bawk a kan chhangchhe tlang khawp. Nikhat pawh chamlo in Guwahati ka pan thla nghal a. Ka unaunu Vickie'n minlo mikhual-a Guwanati atang chuan tluang takin Hyderabad ka let leh a a lo lum khawp mai a!

Mumang!

2010-02-25T10:36:00.000-08:00

Mite angin kan var teh puak silo a, mut a piang hian mumang neilo mah ila kan mu-mang thin. Tunlai mu-mang chung hi mumang ka nei thin a, ka mumangah chuan ramhuai te, thlahrang te ka hmu thin! Zing han thawh a thawven thlak thin zia hi. Mumang lamah khawvel a lo tawp a, mithianghlim lawr a tel siloh te hian mangathlak deuh a ni. Mangtha maile ti tu hi kan nei talo deuh te pawh a nimahna.

Tawi si fun kim si!

2010-02-10T09:43:00.000-08:00

A chhiartu te ngaihtuah leklo hian mahni duh lamah chuan hlam chen dawn dawn lo post hi ka ching thin. Kumin hian ka kut a khirh a engmah post tur pawh ka nei manglo! Virus mak deuh mai hian ka registry nen lam a rawn khawih ching pen a ka system ka format daih! Ka blog tlawh thin tu te a thing kalo chhawp reng che u hi ka demawm hranlo in thilziah pawh ka chhiar biklo. Kan thiannu hian thehnemngai takin Mizo article tha deuh Englishin a let thin, tha viau in ka hria. Football khelh hi a hahthlak ka ti.

Lu ti hai Telangana!

2009-12-05T03:14:00.000-08:00

Hyderabad kan buai! Kum 1969 atang tawh khan Andhra Pradesh state atanga Telangana state sahchhuah ngei tumin mi tamtak chuan nunna anlo hlan tawh a. Tun hnai mai khan zirlai leh politician te’n thuneitute beng thleng thei ngei turin an aw an han chhuah leh a. TRS Party hotupa KCR chuan chawnghei in Telangana state lo awm theihnan hian a bei a, Sorkar chuan i he lo in a man nghal a. Chumi hnu lawk chuan zirlaite’n (Osmania University leh Kakatya University) nasatakin an duhloh an lantir a, Police nen an inbaihkaih a, Andhra Pradesh sorkar a buaizo ta! Ram a ral muang talo, zirlaite tha ti thum turin an pumkhawmna awm thei ang zawng zawng zirna hmun khar a ni. Hetih lai hian zirlai thenkhat chu thingtlang mipuite support-na beiseiin an lo fehchhuak bawk. He buaina hi rampumin kan buaipui tak avangin a chhan i han chhui ho dawn teh ang u.

“Telangana” chu enge ni? : “Telangana” tih chu telegu tawngin “telegu tawng hmang tu te ram” tihna a nimai a. Andhra Pradesh a district sawm zet mai hi a Telangana tih huam chhung a awm an ni. Chungte chu Warangal te, Adilabad te, Khammam te, Mahabubnagar te, Nalgonda te, Rangareddy te, Karimnagar te, Nizamabad te, Medak leh state khawpui ber Hyderabad te an ni. He ram chhungah hian lui pawimawh tak pahnih Krishna leh Godavari te chu khawthlang atangin chhaklamah a luang bawk. Kan rilru a kan dah tur pakhat chu Andhra state khu hmun hnih ang in a then theih a pakhat chu Telangana leh Andhra hmun pahnih Coastal Andhra leh Rayalseema te an ni.

Hmanlai lal ram : Tunhma India chhim ram lal ram hmingthang Kakatyas kan tih te, Satavahana kan tih lal ram te kha Telangana hmun ngei hi a ni. Kum zabi 14 na ah khan Telangana hi Muslim Delhi sultanate kan tih ho hnuaiah a lo awm tan a. Hemi hnu hian Bahmanis te, Qutb Shahis leh Mughals ho hnuaiah te an awm leh a. Kum zabi 18na a Mughal India ram an tlawm tak khan Asafjahi ho chuan Hyderabad tih hi anlo din a. Asafjahi ho chuan British ho nen subsidiary inremna angin Hyderabad hi an enkawl a. Andhra hmun pahnih (Coastal Andhra leh Rayalseema) te angin British ho thuhnuaiah direct takin a awm ngailo.

India Independent hnu-ah: Kum 1947-ah chuan India ramin zalenna kanlo hmu ta a. Asafjahi hnu a ram awptu Nizam lal chuan India ram atanga inlak hran tum mahse “Operation Polo” hmangin Kum 1948 khan India sipai te chuan India ramah Hyderabad state hi an seng lut ta a. Hemi hnu kum 1953 December khan state hrang hrangte an tawng hmang a zir a thendan tur ruahmanna fel tak zam turin Pu Nehru-a khan committee pawimawh tak mai States Reorganization Committee chu Justice Afzal Ali hnuaiah a lo din a, heihi “Afzal Commission” ti a vuah a ni nghe nghe. Nguntak a he commission hian an zirchian hnu-ah Coastal Andhra leh Telangana mite chu an pahnih tan a that tlan zawknan State pahnihna then an rawt ta a ni. Amaherawhchu thil duan angin a kal talo Andhra Congress mukna sorkar leh sorkar laipui a an hotute chuan state pahnih a then ta lo chuan State pakhatah an chhunfin ta zawk a. Telangana hmunah Coastal Andhra angin Congress an chak ngailo a, achhan ni a lang chu Nizam lal khan Congress chet kha tunhma khan a state-ah hian a phal ngailo a ni.

Mulki Dan chu: Kum 1918 lai daih tawh khan Nizam sorkar chuan Hyderabad-a piang leh kum sawmpanga awm tawh (Mulki) te chuan duhsakna an dawng ang a, pawnlam atang a lo lut te erawh chu hnalakah pawh duhsak an nilo ang tih kha a ni. Kum 1956-a Coastal Andhra leh Telangana an inzawm khan hruaitute pahnih chuan inremna "Gentlemen's Agreement" an tih chu an ziak a, Mulki dan hi siamremin Telangana mite hi ramhruainaah te, zirna hmun, entirnan Osmania University-ah te admission an tan hauhsak an ni a. Kum a lo vei a he dan hi atakin an kalpui lo nge, Telangana mite chu an lungawi ta lo, sorkar chu he an thu inremna zahloah an puh a, sorkar lam chuan an theihtawk an chhuah ve bawk ni in an insawi thiam thung a.

Lungawi tawk a har! He “Gentlemen’s Agreement” hian Telangana mite duhsakna tamtak chu a keng ngei mai a. Amaherawhchu an intiamkamna angin engmah a kal talo. State hming tur ber in remna ang a“Andhra-Telangana” tih tur kha “Andhra Pradesh” an ti hmiah mai a. “Coastal Andhra mi Chief Minister nise Deputy Chief Minister tur chu Telangana a mi a ni tur a ni” tih pawh zawm a ni ta lo!

Kum 1969 a nih meuh chuan Telangana state hran sual duhna hi a lian ta hle a. Achhan ber ni a lang chu duhsakna a hleihluak a Coastal Andhra mite an pek tak vang a ni. Andhra mite chuan Telengana mite hi an hnehchhiah em em mai a. Zu zawrh free taka Telangana a phal, state revenue a vawm luh thur thur pawh itsikin Coastal Andhra lamah suan vek an tum ta mai a. Hnalak leh duhsakna tinrengah kalhlen an ti ta zel mai khan an thin a khei riau mai a ni.

Zirlaite lunga hnur: Kum a liam zel a he thil hian hluar lam a pan ta hle a, Telangana state a lehkhathiam te chuan an sorkar chu an do tan ta a ni. “Jai Telangana movement” tih chu Osmania University te hmalakna in nawr kal a lo tin a ta a. Telangana mite chuan hamthatna an chan ve theihnan theihtawkin hma an la ta a, State hran an ngiat avang a an beihna ah hian zirlai 360 lai chuan nunna an chan phah nghe nghe a ni.

Kum 1968 khan Osmania University-a zirlai thenkhat chu hnalak chungchang leh zirna a Telengana mite duhsaklo a an hriat avangin an nuar ta a. Hetihlai hian Supreme court chuan kum 1969 march thla khan 1956 a inremna dan an ziah-a Telengana mite tan reservation dah ngawt chu constitution kalh a ni a ti bawk a, hei hian an thinrimna chu a ti alh ta hluah hluah mai a ni.

Hemi hnu hian Congress chungkua-ah buaina a lo awm a lungawilo thenkhat chuan Telangana People's Association (Telangana Praja Samithi) tih an din a. Amaherawhchu eng an tih hma in Kum 1971 khan an hruaitu lawk te chu Congress sorkar chuan hruaitu nihna thenkhat pe in a lem zo ta vek a. Hemi hnu reitak chhung chu he boruak hi a dai rih a.

“Telangana” Politics hmanrua-ah : Kum 1990 India ram inthlanpui a lo awm dawn khan BJP chuan Telangana state siam hi rawn tiamin election-ah chuan an tling ta ngei a. Mahse an ni pawh chuan an ti thei ta chuanglo, an tanrualpui Telegu Desam Party duh loh avangin an kut khirh a ni leh ta a. Hemi hnu hian Congress MLA Telangana ram a mi te chuan “Telangana Congress Legislators Forum” tih an din a. Hemi hunlai vek hian tun a chawnghei a sorkarlaipui ngiat mek tu Kalvakuntla Chandrasekhar Rao hian “Telangana Rashtra Samithi” (TRS) kan tih hi a lo din ta a, an party hian Telangana state sualchhuah chu an tum ber a ni. Kum 2004 khan KCR chuan Congress tanpuiin Telangana state siam ngei tumin an bei a election-ah chuan an tling ta ngei a. Congress sorkar pawh chuan chuti mai a chakin a kalpui thei talo. Kum 2008 march thla chawhma lam khan KCR lungawilo chuan Congress a puihna state leh central ah a hnuk dawk a 4MP, 16MLA leh 3MLC te chuan banna an thehlut a. Bye-Election neih a ni ta ngei a. KCR pawl te chu an beisei angin an chak zo leh silo MLA seat 16 ah seat 7 leh MP seat 4 ah seat 2 chiah an chang ta tawk a. Beisei a bo!

Party chhungkua a buai zota! Kum 2008 June chuan TDP hotupa pahnihna an tihmai TDP hunlai a Home Minister ni thin Devender Gaud chuan TDP atanga a ban hnuin Telangana boruak rawn chawktho leh tumin “Nava Telangana Praja Party” tih chu a din a. Kum 2008 October khan TDP pawhin Telangana State karchhuah chu a rawn pawmpui ve ta bawk a. Politics inchirhthehnan tak an hmang ta luai luai a ni ber mai. NTP chuan Telangana state awm theihna turin tan an la ve leh ta a. Kum 2008 November nihnih kha Devender Goud chuan Telangana hi India ramchhunga ram hran a ni tih a puang a. Zalen an ni tih entirnan Thuro sawmlai an thlawh chhuah tir nghe nghe a ni. Andhra Pradesh Secretariat hming “Telangana Secretariat” ti a thlak tum a an kal lai man an ni a. An party worker ten Chikadapalli Police station-ah dharna neiin an duhloh an entir ve bawk a. Kum 2009 November thleng kha chuan thawm hi a reh ta deuh a. Engkim mai chu hotuber mai Sonia Gandhi kutah a awm tihah a tawp ta vek mai a ni.

Enge lo thleng dawn le?: Andhra chief Minister YSR a thi a, afapa la naupang tak Jagan Mohan Reddy in a thlak dawn emaw tih lain Congress sorkar fing tak mai chuan he state politics buaitak chu rawn thlirin Congress leadership chu naupangtak Jagan kutah rawn dah talo in apa aia senior zawk K.Rosaiah kutah a rawn dah ta a. Jagan leh CM amah duh pawl te pawh hian vau ti tih thlem ti tih hian Sonia leh a khawnbawlte an vau ve chhen thin a. Chutia party chhungkua buaitak a an awmlai chuan he thu ngai bawk Telangana chungchang hi a rawn irhchhuak let ta a ni. Sorkar pawh hian hun kal tawh thlir hian nguntak a a kechheh tinreng a fimkhur a ngai a. Telangana State hi sualchhuah a ni emaw nilo emaw, sorkar hian a khua leh tuite himna tur hi a theihtawk a a zawn a ngai a ni. Telangana State siam duhlohna chhuanlam awm ve thei chu Muslim ho in an duhlo tih te, State te zawk siam hian Chhattisgarh state ang a Naxalite te kut a an awm mai pawh an hlauthawnawm tih te hi a ni. Hetiang boruak karah hian kan sorkar fing tak hian engtin nge ro a rel tak ang? tih hi hmuh leh hriat chakawm tak a ni.

Malsawmdawngliana Lailung
5/12/2009

A hmangaih tan a a lemziah chu!

2009-11-14T12:56:00.000-08:00

Kum zabi sawmpangngana daih tawhah khan khaw te tak te Nuremberg-ah khuan chhungkua chhangchhe tak mai an cheng a. Pa ber chuan chhungkua member 18 lai mai hrawk chawm a ngaih vangin nitin hahthikul a a thawh a ngai a, an hnathawh ber goldsmith chu nitin darkar sawm pariat lai mai a thawh a ngai reng mai a ni. Chutiang chhungkua atang a sei lian ni mahse a upa lam pahnih te Albrecht Durer leh Albert te chuan duhthusam an nei ve tlat a. An pahnih hian lemziah (art) lam an tui em em a, mahse chumi zirtur a zirna in a kal tur chuan an sumin a tlin mawlh dawn lo tih pawh an hai lo. Mihring hian rilru a kan ngaihtuah a theih ni a kan hriat tlat hi chuan theihdan kawng hi a lo awm zel mai a lo ni.

Sunday tuk khat chu an pahnih chuan ti hian an in rem siam ta a. Coin an toss ang a a chak lo zawk chuan lungalhthei laihna khur-ah kum li chhung a thawk ang a, a chak zawk chu a chawm dawn a ni. Pa khat zawk kum li a zir leh chuan a lo haw ang a hna lo thawk kha a chawm leh thung dawn a ni. Coin an han toss a Albrecht Durer chuan hnehna a chang a, a suangtuahna te tipuitlin turin lemziahna sikulah a kal ta a. Albert erawh chu lungalhthei khurah kum li chhung hnathawk a a unaupa chawm turin a chhuak ve thung a. Ngaiteh! kumli a lo vei meuh chuan Albrecht Durer chu lemziak thiam tak a lo ni hman a. Kum li a zawh chuan a chhungte hnenah a rawn let ve leh ta a.

An chhungkua a Albrecht Durer lo let an lawmna-ah chuan chawhlui an kil ho a. An hun chu hlimna leh lawmna nui ri in a khat a ni. Albrecht Durer chu a lo dingchhuak a, "ka vanneihna hi ka unaupa inpekna zar liau liau a nia, chuvang chuan kei hian hnathawk ve tawhin ka chawm ve dawn a ni." a rawn ti chhuak a. Kilkhatah chuan Albert hian kut khur der der chungin. "A theih tawhloh..a tlai tawh..a tlai tawh.." alo ti chuai raih a. Albert-a chuan lungalhthei khur a hna rim tak a thawhlai khan a kut a hman rim luatah natna pakhat arthritis an tih chu a lo vei a ni. "Unaupa, kum li chhung a hna ka thawhlai khan ka kut te hi vawikhat tal chu an tliak vek a sin..ka tan chuan a tlai tawh..a tlai tawh a ni" a ti a.

Mitamtak chuan Albrecht Durer, German mi Renaissance painter thiam tak kuthnu tamtak nei ni in kan hre thin a. A lemziah tamtak zinga hriathlawh ber pakhat chu "Kut" ti a a vuah kha a ni. Albrecht Durer chuan atan a inpe a unaupa kut lem chu a theihtawkin a ziahsak a, color mai bakah mittui pawh lemziah ah hian a seng nasa hle ang. Mite chuan he lemziah chhan an an han hriatchian chuan an thinlung a khawih em em a,"Kut" tih mai duh tawklo in "tawngtaina kut" tiin an thlaksak ta a ni. He lemziak hi han en mah teh...tawngtaina kut mite tan a inpekna a lang tel tlat a sin! I hmu ve fo tawh thei bawk.

Gospel Retreat Thlirletna

2009-11-06T15:39:00.000-08:00

HMCF Executive Committee-in a rel angin memberte thlarau lama kan intuai thar leh theihna turin Gospel Retreat chu 30th October atanga 1st November thleng khan Kanann Retreat Centre, Gatkesar=ah kan nei a. A chhimtu te hi kan zavaiin mi 75 lai kan ni (Mipa-33, Hmeichhia-17, Lang -21, Naupang-4 leh mikhual 2)

Speaker leh a thiante: Bangalore atangin Theologian mithiamrual kan chah a, Speaker-ah Rev.C.Vanlaldika, a ni hi AICS Aizawl-a Lecturer ni reng thin leh Serampore Theological College a lo zirtir hrep tawh a ni a. Thiamna lamah chuan M.Th niin, tunah hian Doctor of Theology (D.Th) UTC Bangalore-a ti mek a ni. A thian Rev. H.Lalthlamuana hi SAIACS Bangalore a lecturer ni lai a ni a. A specialist-na lam pawh spiritual Counseling lam a ni bawk, a ni pawh hi D.Th zir tur a inbuatsaih mek lai a ni. A pathumna Rev.C.Lalrochama hi M.Th UTC Bangalore-a zir mek a ni a. An pathum hian mithiam Pathian hmanlai vek an ni.

Hun hman dan tlangpui: Zing hma tak dar 6;30 am atanga tawngtaina atang a tanin hma kan la chho a. Sermon laklawhah group a inthenin thu ngaihtuah tur te kan khel ho leh zawk chang pawh a awm bawk thin. Mass counseling hi Rev.H.Lalthlamuana’n min ho a. A duh a piang tan Pathian thu lam a in kawmna hun pawh siam bawk a ni. Tv. Lalduhawma IMA hlabu siam thatak chu tui takin kan sa ho a boruak pawh a nuam hle.

Kaldanphung: Thupui “I ram lo thleng rawh se” tih hman a ni a. Pathian thu an rawn sawi dan leh kalpuidan chu “emotional play” an hlauh avngin nitin a kan hman ang chi tur te an rawn sawi nasa ber a. Zirlai tan chuan lehkha taima taka kan zir hi kan rawngbawlna awm reng a ni tih thu te, kan zirchhan chu engpawh nise keimah ni tan mai niloin Pathian tan leh kan ram tan kan hman a tul zia te an sawi uar hle. Kan ram Kristian ram nisi rilru lo tlahniam ta em em te hi Pathian chakna ring a hneh theih ni in an sawi a. Taksa leh Thlarau hi then hran chi nilo in kan kristianna chu kan nitin nunah theuh lang chhuak mai tur a nih zia an sawi bawk. Tunlai thalai te buaipui em em ruitheih thil te, incheina lam te pawh sawiho a ni zel a. Sual leh suallo chin ramri an rawn kham teh chiamlo a. Amaherawhchu khang kan in kan ei te khan Pathian a ti ropui em? tih mahni theuh in zawt a, nitin nun uluk turin min chah theuh bawk. Lum silo vawt silo a awm ai chuan pa tak mai a Pathian duhzawng a awm mai kha kan tih tur a nih zia te. Pathian thu kan chhiar hi uluk leh zual turin min chah a. “Indigenous theology” Mizo te kan hnam zerang mil zawng a a thu te hrethiam thei turin kan ngaihtuah fo a tul zia an sawi chhuak bawk.

Kan hlawkpui em?: Sumtamtak kan seng a kan hlawk pui theuh em?tih chu mahni theuh chhan turah dah ta ila. Kan zirna hmunah te, hnathawhna hmunah te Pathian ram a lo thlen theihnan leh mite tan a malsawmna ni turin min chah theuh bawk a ni.

India ramah chuan Bawng a bu ring ber!

2009-10-23T13:47:00.000-07:00

Hmanni chu Library Lawn-ah hian mipakhat a hming Prof.Kancha Illaiah thusawi ka va ngaithla a, chuta thusawi chuan ka beng verh deuh.

BAWNGSA:India ramah hian Caste chak lutukin min phuar a chumi hmang chuan kan vai pathian ringtu ho hian min chaih ta a ni e. Bawng hi ran thianghlimah puan a ni a. Achhan an sawi ber pawh Bawng chu nu ang a ni a, hnute te min pe. India ram 75% a kan hnute ei in hi Lawi atang a kan hmuh te a ni si a. Lawi hi ran thianghlim a nih velohna chhan chu a dum vang mai a ni. Bawngsa ei hnam kan Muslim hnam te hian India ramah ber nihna an hauh mek a a ei velo vaipa chuan an khum meuhlo a nih hi. Bawngsa hi Aryan India a lokal hmasa te khan an lo ei ngei thin tih pawh archeological hmuhchhuana a finfiah a ni.

GANDHI: Tharum thawhlohna thupui hmanga India ram a tharum thawhna thlen tam tir bertu chhan chu amah hi a ni.Hindu lehkhabu thianghlim Bhagavad Gita chu ka lehkhabu a ni tiin a lekchhuak a, chutah chuan tharumthawhna hlir a inziak lawi si a, a thupui ken nen a in mil ta lo! Suit nalh tak ha theiin hrepereng a kaihlui a a mawipui silo. Hnam hnuang hnung Harijan te tan thawk in ti mahse an chhuahna tur kawlpui caste chu a kheng thla duh bawk silo, thil mak dangdai tak chu a ni.

UNIVERSITY AH: IIM, IIT leh Central university-ah te reservation neih an sawisel a, a chhanber chu quality lo mihring an chhuak hnem lutuk ang tih hi a ni. A nihleh quality an tih chu enge ni? Mifing inti eh awp bet tu te hian Khawthlang ram mite ziah an lachhawnga, an mahni in an ziak ve thiam silo. A nih khawthlang ram a mifingte hi i han enteh ang u Adam smith te hi smith chhungkua atang a lo seilian an ni chawk ang, Voltaire te ngat pawh hi chhungkaw dinhmun tha atang a lo chhuak an nih a rinawm bikloh. Lehkhabu in a zirtir piahlamah hian hringnunin nitin a min zirtir hi a lo awm ve zawk a ni. Harsatna dinhmun atang hian miten lehkhabu ngaihnawm anlo ziak thei zawk a ni. Sap pachalho kan tluklohna chhan hi ka Bawngsa ei velo hi a ni mailo maw?...

Pathian tawng chikim hria kan mamawh: Hindu pathian hian sansrkit chauh a hria a a buaithlak. Tawng dang hmang ho tan hian kan ko eih pha velo. Ka nihtum min zawh chuan ti hian ka chhang ang che u. Tirupati a puithiam lalber nih khu a ni. An pathian dah khu english te, telegu te'n ka be duh a, a eih theihloh chuan pathian khu ka sawn ngei ang. Tawng chikim hria pathian kan mamawh.

A dang pawh tam mai ka sawi tawhlo mai ang e. Thusawi thiam tak leh mifing ve tak chu a ni. OBC Reservation Implementation, UGC -a Chairman a lo ni reng a. Ka han en ve mai chuan pa tlawm ve tak hi a ni a. Mahse a thuziah chu khawvel pumin an chhiar a, sap naupang ho zirtur thleng a ziahsak tu a ni lawi si a. A ngaihsan awmna pakhat chu harsatna in a tathriama mi hmantlakah a chhuak hi a ni.

What in a name?

2009-10-12T12:44:00.000-07:00

Fapa awh avanga kum tam tawngtaina-ah pawh lo chhamfotu kapa khan ka pian hlim khan ka hming hi am takin "Malsawmdawngliana" ti in alo sa a, ngawiteh "Vanlal" tih pawh a telh tak e. Achhangchiat em avangin kan houtpa in kan matric exam dawn khan min kaihtawi sak ta hi ti hi kan ni zo ta. Ka hming in zui duah duah hi ka chhuangve hle a. Phai ram kan thlen thlak hnu hian buaina ka tawh phah dawn tih pawh ka hrebik hauhlo! Tichuan, Mizo nitalo nafam chua kan zirtirtu te rualin min sawisak sak ta a. Vai puithiam ang mai a min koh chang a awm a "Swamy" ka ni thul a. Dangliana ka ni bawk a.A chang leh Malsawn...An ziak sual ziah bawk a, kan siamtha ngun tlauh tlauh khawp mai. Hming an ziah dawn a piangin pen kalo hum khalh vat a ka ziah sak ta mai thin.

Hming kan phuah a, kan phuahchhan leh kan nun pawh a in persan hle lawi si thin. Thianghlima poh a thianghlimloh chang a awm a, Famkimi pawh a famkimloh chang a awm bawk. Lalropuia inti zingah hian ropuilo fe fe ka hre hnem mai. A nih leh hming kan phuah chhan ber kan phawkchhuah zawh siloh chuan hming neilo hian numberin kan in ko mai dawn em ni ang. Hnailove hming hi kan nihna pakhat a ni a, midang laka min hran tirtu a ni. Rose pawh hi hming dang vuah ila a rimtuina bolo mahse Rose han tih hian a sawifiah ber tho a sin!
Enge in ngaih ve dan...la inhnial chhunzawm turah...hetah hian ka han rek bung ang e.

Keyi Thingtlang khua

2009-09-16T03:33:00.000-07:00

Yunan khawpui atang a chhim chhak lampangah chuan khawte tak te mai Keyi thingtlang khua an tih chu a awm a, Axi hnam mi 712 vel cheng ni a sawi a ni. "Hmuntha khua" ti a hriatlar thin a ni bawk a. He khua hi ram tha tak mai a ni a thing leh mau hring dupin a hual nghe nghe a ni. An hmanlai hnam zerang an la vawnhim tlat avangin China sorkar hian a enkawl ulukin a veng ngun hle a ni.

An khaw luh dawn chuan ralvenna kawngkhar lianpui mai hi a awm a. Hehi ral an lokal pawh a venna tur a duan a ni. Khual tha chhawn nan pawh an hmang bawk khawdai a awm a ni bawk a meialh khu kha awm ze neiin an ti khu a chu chu khua a mite'n an mikhual te anlo thleng tih an hriatna tur a ni bawk.Chutah chuan khua a mi te chuan an neih ang ang arsa te, beram sa te, zu te an lo buatsaih thin a. Mi lokal te chu hlim takin lamin an lo lawm lut thin. Khua han luh dawn hian thil pathum tih a ngai hmasa a. Pakhatna ah chuan hnim an hal pakhat kha ke a kan tur a ni a chu mi awmzia chu min thian fai hmasa tihna a ni. He hnah hal rim hian nangmah a thil thalo emaw ramhuai pawh awmse thian thianghlim thei a an ngaih vang a ni a a danglam hle. A pahnihna-ah chuan zu vaimim atang an siam chu in leh tur a ni bawk a chumi awmzia chu i khualzinna hah tak atang khan chawlh hahdamna an pe che a ni tih entirna a ni.
A tawp berna ah chuan zai leh lamin an lo hmuak dawn che a chu chu an hnam mi leh sa ang chiahin an en tawh dawn che tihna a ni bawk a ni.

Mizhi ramhnuai leh Mizhi Kut Chu: Hmanlai atanga tun thleng a anla sawi thin chu an thlahtu hmeichhia pakhat hian Dragon pasal-ah a nei a. Chuvang chuan he Dragon hian an ramhnuai chu rawn tlawh fo thinin an ngai a ni. An khua lal te ho nen chuan hemi hriatreng nan hian ramhnuaiah chuan kal in an inthawi thin a. Hei hi an pathian hnenah chuan hausakna te, inthlahpun zel theihna te an dilna hun a ni.

(chhunzawm tur..sei tlat)

Ei leh in a lo ni!

2009-08-29T13:56:00.000-07:00

Ngaihdam dilna: A thui deuh :-)

Thupui changthlan :"Mihring hi chhang (chaw) chauh in a nung lo"....

Ei tur pawi mawhzia sawina pakhat nitho in ka hria!

Hnamzia zirbingna (cultural studies) lama mithiamte’na an ngaihpawimawh em em chu kan ei leh in phung hi a ni. Anni ai mah hian ka thianpa scientist ngat Mahruai-a hian a ngaipawimawh zawk a. Ni tin a mutmawh hnârmawha a neih thin chu ‘ei leh in’ hi a ni. Chaw ei dar hi hrilh a ngai lo a, “I ei tawh em?” tih pawh inthlahrung takin, “Ei tawh e,” a ti vat thei zel a, tluk loh rim hi a nam khawp mai. Tun tumah hi chuan Mahruaia’n buh a lo ngeih tak dan leh buhin a chunga ro a rel dan mak tak mai chu kan sawi rih lo mai ang. Mit ngei a hmuh a, Zirbing mite rawih kher ngailo a hriat mai theih a ni e.

Hmakhawsang atanga pawimawh ei leh in
Mihring nunin hma a sâwn dân, sapêl mi a nih atanga ranvulh leh lo neih dan a thiam hnu, industry lian tak tak a nei a "Digital age" thleng mai hian a thupui ber chu ‘eng nge ka ei ang?’ tih hi a la ni ta reng a. Chumi a nih avang chuan ei leh in hi mihring nuna bet tlat, lak hran theih loh mihring timihringtu a ni. Angelina Jolie atanga ka u Dara thleng hian ei leh in hi kan lo mamawh vek mai. Ni e, chutiang tak a nih avang chuan kan ei leh in hian kan nihna identity a rawn hril a. Mite’n min hriatdan te, mi hausa kan teh dan te, kan ram hmasawnnna te, ram hmangaihna te, kan sakhua nen lam hian a lo inkungkaih vek mai! Chutiang taka pawimawh a nih avang chuan thutak bawlin kan bawl ang.

Zoram zuna kan uaina chhan
Ram dang atanga Zoram, kan ram min ngaihzual tirtu pawh eng dang ni lovin ei leh in hi a lo ni. Thianzaho titi khawm changa kan chil tipût thintute chu- Seventh Day Adventist unauten lo hrethiam se - vawk lu bâwl, chhawhchhi leh dawlrêp, hmarcha nena bai te, saisu bai te, maian bai te, behlawi bai te, vawk thithun leh kawchhung te, bawng chek te, chhangban kurtai a nawr tawk tawk te, khanghu te, thingthupui te; sawi sen pawh a ni lo. Hengte hian kan chênna ram min ngaihzual tir thin a ni. Zân reiah phei chuan sawi ngam chi a ni lo, chil a put tlat tawh. Thil tui tak ei kan châk, kan sawi theih lawk loh te hi kan hriatchhuah chuan chhangban kan emaw te hi a lo ni duh khawp mai. Indian Airlines a bungraw dahnaa leng bâk, rem leh rem loa hand baggage kara kan han keng nam ru veng veng te hi chu a ‘Zo’ tha riau bik alawm. Chuvang chuan kan ram nena min phuar nghet tlattu chu hei ngei hi a lo ni.

Aigupta Sa bel
Khawvela nationalist bera ka hriat Israel ho te pawh hi an bang chuang lo. Jerusalem hawi zawng khera tawngtaia, mi rama an ram hla sak thin sa duh lo ngat an ni. Heng mite ngei pawh hi an history turu berte chu Pathianin thlalera vahmîm a pek thu te, manna a pêk thu te, Aigupta sabêl bul an ngaih avanga an phunnawi thute, ramtiam khawizu leh hnute tui luanna an luh thu te a ni nawk mai. Zoramah ngei pawh kan zaithiam thenkhatin hei hi hlaa chawiin an lo larpui a ni lawm ni!

Babu-a Biryani
Lehkha zira ka awmna hmun Hyderabad-ah hian an ei leh in tur te hi an han sawngbawl nasa thei mai mai khawp a. A chang chuan, kan chawhmeh hming pawh sawi tur ber kan hre thin lo. Ni tina min chhawpsak rasam te, sambar thêr tiau tuau te hi, kan lei tehna fungah chuan khawvel thil tui lo theitawp a siam ni mah se a ram mi Telegu pa tan chuan chaw tha leh tui a ni hlauh thung si. Idlee chhang hang dup mai ei peih loh vangin nernungin hostel cook te kuttum kan hmuh zuau zuau a, mahse kan piah lawka vaipa chuan dawrah man chawiin a lam leh thung si. Kan va inang lo em! Kan thian pakhat phei chuan hostel-a vaiho thil siam tui ti lo lutuk chu, ‘ringtute tihduhdahna’ ti hialin a vui thu a sawi a ni! Lehlamah chuan Afro-Asian games Hyderabad-a neih a nih khan, khatih laia AP Chief Minister Chandra Babu Naidu chuan an rama a ngaih pawimawh tam tak mite’n hre ve se a tih zingah, chhuang tak in Biryani hi a lam tel ve ngat. Infiammi ram hrang hrang atanga lokal te chu Biryani ei vek turin a chah zui bawk. Telegu ho hi India ram pawn hmun hrang hranga awm darh nasa ber pawl an ni awm e. Anni pawh hian ramdang chaw chu tui an tihsak bik lo. An ram an ngaih chhan pawh rasam, sambar leh idlee te tho a ni.

Rawtuai leh keini
Mizo te pawh hian Zoram kan ngaih chhan ber pakhat chu vawksa rep, antam nena chhum te, bawngsa tui hâng han hâwp si hluam hluam te hi a ni ve ngei ang. Kan ramhruaitute inchirhthehna ber pawh ‘rawtuai hâka tlu hlum mai mai tur…’ tih lam te a ni. Eiphung sawina piah b^ka dinhmun sawina a ni. Kan hmeichhiate dinhmun zirbing researcher te pawh hian hmanlai Mizo hmeichhiate dinhmun hniamzia sawia an pawrpui ber chu, Mizo pain, a tapchhaka thu chunga, “Nu-i i bai chhuan a liam!” a tih kha a ni.

Hmawlhte suih leh Chinese
Kan khawchhak unaute hian ei leh in mai ni lo a sawngbawl dan hi an lo uluk khawp mai. Chinese leh Thai ho hian an ei sawngbawl dan chu an thiam em em a, an fate pawh an zirtir chhawng thin. Kan têt deuh laia kungfu film en kan atchilh lai tak tak pawh khan Chinese angin hmawlhte suih nen ngei lo chuan chaw kan ei duh ngai lo. He an ei siam thiamna hi sumdawnnaa hmangin ram hrang hrangah eizawnna tlâkin an taidarh thiam a ni. Kan tunlai thangthar eirawng bawl thiam lo leh buh thlei pawh thiam lo te hian entawn nachang hre tak ang i maw?

Chhang nung lo chhuk
Ei leh in hian kan sakhuana nen lam hian a lo nghawng thei khawp mai. Chhia leh tha hriatna thei ei vangin mihring leh Pathian inkar a lo chhia a. Chutah chhanchhuahna Krista kan neih hnuin vanram khua leh tui nihna kan lo chang leh a. Mihringte hian ei leh in kan ngai pawimawh tih a hriat avang a ni ang Isua pawh khan a taksa chu Nunna Chhang a ti a, uaiin chu ‘...a thisen, mite tan a in tur leh ei tur chu,’ tia a tehkhin ni. Vanram kan ngaihna chhan pawh, riltam tuihal a awm loh vang a ni ti lawm lawm mah ila ‘khawizu leh hnute tui luanna’ a nih thu kan sawi tel hram bawk thin. Kristiante’n kumpui lingleta kan nghahhlelh Krismas kutpuiah lawmdan dangdai a awm chuang lo. Mipui vantlang tana ruaipui buatsaih a ni leh mai. Kristian leh sakhaw dang betu Hindu, Muslim te nen kan inan lohna pawh keini bawngsa, vawksa ei, anni a ei lo an nihna hi a ni mai.

Mi tin ta tur ei leh in
Nu leh pa te’n thahnemngai takin fate an zilhna chhan pawh hi nakin hnua fate tan eitlak (eitur tha pe theitu) an lo tlin theih na tho a ni. Mi hausa leh rethei inan lohna pawh an ei leh in inthlauh dan atang te pawhin kan thliar hrang thei awm e. Infiammite thleng hian ei leh in ngaipawimawhin diet mumal takin ei leh in an insiam thin. Mipa te’n chak lehzual nan theihtawpa ei an tum laiin hmeichhe lamin thau hlauvin ei an lo insum bawk a. Chutianga thau hlauh vanga insumna nasa tak avang chuan tun hnai mai khan nula pakhat la naupang tak model pawh a intihcher tum lutuknaah a taksain a zo lo a a thih phah hial a ni.

Kan ngaihsan sâpho pawh hian an lo hawlh sang vak chuang lo. Nula tlangval inlemna pakhat pawh hi ei leh inna changkang tak restaurant a inhruai tih vel tho a ni. Hemi avang hian a ni ang Michael Learns to Rock hla ‘Actor’ ah khan “…..the fancy car and the restaurant…” a lo tih lawm lawm ni.

I ei zawngin i culture a lang e!
A ni, kan ei dan phung pawh hian kan hnamze thêk tak a tarlang a. Kuttum ngeia India ram pa sek tak te’n kan bar bawrh bawrh laiin sap pa chuan thirfian leh thirkut nen a lo ei ve thung a. Chutianga ti lo chuan Chinese pa chuan hmawlh te nen a lo ei ve thung a. Tui ti taka tep chiam chiam chu Tibetan danah a mawi laiin sap zingah chuan mawi lo tak a lo ni leh thung a. Mizopain thirfian a antui kan hawp rik hrûk hrûk laiin sap pa ngaihah thil mawi lo a lo ni leh thung a. Hei vang hian chaw kan siam dan leh kan ei dan te hian kan hnam bil ziarang a lantir a ni.

Rem leh remlo a Marx-a ngaihdan tawmpuiin :-)
Mihring kan pian chhuahna leh kan seilenna hmun hian kan ngaihtuahna a sawi danglam a. Chuta ni tin zan tina kan hlah ngai loh ei leh in hian kan rilru sukthlek a lo tidanglam hle a lo ni. Heng kan sawi tak zawng zawng avang hian mihring nuna pawimawh ber pakhat chu eng dang nilo in ei leh in hi a lo ni mai lo maw?

ka zinna (Part I)

2009-08-12T00:40:00.000-07:00

World Anthropological Ethnological Sciences Congress kum thum dan a an neih thin chu China chhim lam khawpui Kunming in an dawng ve dawn a, chuta paper pe ve tur a sawmna ka hmuh avangin he hmun pan tur hian ka inbuatsaih a ni. He Congress hi China sorkarin a ngaipawimawh hle a million tamtak pawisa a theh chhuak nghe nghe.

In buatsaihna hautak:
Kan University lamah kal hma hian paper work tamtak a han ngai phawt a, admin block a mite’n admission buaipui lai a ni bawk nen hmel hlim min hmuhlo khawp mai. Engkim mai chu che hlek ila naktuk lamah rawn ngaihven rawh tih a ni. Kan thiannu pakhat Delhi a Visa buaipui mai turin a chhuk a lehkha la fel lo te en fel turin kei University ah kala cham bang a. Kal ni dawn thlengin signature kan la la zak zak a. Kal hun a ni meuh chuan ka chau hle tih ka hre chauh a, ka paper ber pawh ka ngaihtuah hman lo! Hyderabad atangin Chennai ka chhuk a, India ram atang a kal tur thenkhat dangte nen kan inhmu hlawm a. Chennai atang chuan Kunming kan pan a Hongkongah reilo te kan chawl tih bak chu kan chawl lemlo a.

Kei mibuai leh ka thlenna: Airport atang chuan ka Indian thian dangte chu Hotel dangah an kal hlawm a. Ka Hotel reservation la chian loh avangin internet Café ka zawng hmasa ber a. Conference buatsaih tu te email in ranglam a ka reservation rawn ti chiang turin ka email a, airport a nghak tawh a ka insawi avangin an rawn chhang rang kher mai. Golden Dragon Hotel a reservation min tihsak thu min rawn thawn nghal a. Ka thlenna address chu ka hum ran a, taxi ka han be ve ngawt dawn a ka hlawhchham der. Ka sawi an hrethiamlo a, an sawi ka hrethiamlo, mangan a hnekin ka hlim zek a. Tichuan, ka kal hma a ka thian Beii te nupa in an thianpa John-a number min pek kha ka hrechhuak a telephone booth ah ka va let leh rih a. Mizo tawng biak theih John (sekibuhchhuaka) ka va bia a nin tihdan tur min hrilh zung zung a, tichuan eng tin tin nge maw ni Ka thlenna hotel chu ka thleng ta tawk a. Hotel-ah chuan khualchhawntu te chu an smart em em vek a buaithlakna pakhat chu English an thiam barlo hi a ni. Conference registration tih nghal a ngai an University zirlaite smart takin minlo chhawn a, sawi ngai bawk English an thiamloh avangin thil sawifiah turin kut phar a ngai nasa hle. Kut kham fe a kan vai hnuin kan thil sawi an man tawk zel a, a hlimawm fu.

Hotel ah chuan keimah chauhin ka awm rih a, atuk tuk leh velah chuan JNU a Professor pakhat in min rawn zawm dawn a ni. John-a’n a tukah chuan min rawn tlawh a. Johna hi facebook a hmel kha a senior nen ka rin ang he hu in alo tar lemlo kan kawm rual tawk vel a nia a fel khawp mai. Ke in min han fan pui tak tak mai a, ka hah hle! Tlai kan haw chu tlangval hi ka damlo nghal bawrh bawrh nghal mai a. Khawpui kan fan lai khan chhin chhiah tlak deuh deuh ka hmu tam hle.

Chu khawpui chu: Kunming khawpui hi khawpui nuam tak "Spring City" emaw "City of Eternal Spring" ti a koh thin a ni. Shillong kan awmlai minti hrechhuak a khua awmdan a sawi lawk theihloh a nihliap nen lo chuan survive ngaihna vang tak a ni. Indo pahnihna lai a China sorkar sipai hmunpui ber a ni nghe nghe.India ram leh Tibet ram nen a in hnim thiak a awm a ni bawk a India ram tan pawh pawimawh tak a ni. Ming leh Qing dynasty te’n he ram hi an lo awp thin a....

Part -2

Conference hian ni sarih a awh a, thil chi hrang hrang entur leh tih tur a awm. Film Festival kil khatah anlo hmang a documentary film hrang hrang entur hmuhnawm tak tak a awm reng a. Nitin chuan panel hrang hrang paper kan khel ho a, zanah an hnam lamin University zirlaiten lam hmuhnawm tak an show bawk a mit leh beng a tlai hle.

Academic Study Villages..tour: To be contd)

Tuai...

2009-07-12T08:56:00.000-07:00

Mikhual tak a kan lo en “Gay right” chu tunhnai khan Delhi High Court-in a pass ta rup mai. He thu chhuak hian India ram sakhua hrang hrang Kristian ni lemlo te a rawn sawinghing a. Congress sorkar leh BJP chuan a thlithawtna lam zirchiangin engmah an sawi duhlo a, Left party chuan a lo thlawp a. India ram milar hrang hrangte’n he thu chhuak hi an lawmpui thu an sawi bawk. Nangin engtin nge i lo dawn sawn ve le?

Mizo leh tuai: British record kan en chuan “Tuai Khawfang” awm thu leh khap an nih thu hi hmanlai Mizo te zingah pawh a lo awm tawh a. Tunlai Aizawl kawtthlerah pawh zak maplo in an kal then then ngam tawh a. Thil thar em em a ni hranlo, thar ta zawk chu dan huangah an rawn lawi ve ta hi a ni. Mizote zingah pawh ngaihdan a phir thu nghal mai. Ringtu kan nih angin engtiang a lo dawn sawn tur nge tih thuilo te in kan han chhui lawk dawn a ni.

Enge an sawi le?: “Hetiang a siamtu Pathian duan hi kan ni. Mihring pangai kan ni ve tho a, mahni pian ang nen kan khawsak dun hian tu engmah pawi kan sawilo a, tumah kan tibuai bawk lo. Tunlai a hnam leh chibing rahbeh ang hian rahbehin kan awm a zalen hi kan phu a ni.” tiin. He mi tanfung tinghet tur hian gay Right activist te chuan zirna pathuam an quote fo thin (Hamer’s X-chromosome research, LeVay's study of the hypothalamus, Bailey leh Pillard's study of identical twins who were homosexuals.) He mite hian tanfung tha deuh deuh gene danglam vang a awm an ni tih ang te in thu rawn nei mahse han chhui chiang ila anmahni pawh hetiang mi tho an nih vang a ni. Chumai bakah scientific proof an tih te hi midangin an enpui lemlo hi a makna lai a ni. Secular zirna ah hian Psychology a zirna huangah Tuai te tanfung ti tha turin theory hrang hrang an vawrh chhuak bawk a, chuta zinga hralh tla tak pakhat chu Post-modernism kan tih hi a ni!

Bible in enge a sawi ve le?: Genesis bung khatna leh bung hnihna kan en chuan mipa leh hmeichhia Pathianin a siam thu kan hmu a, “Tuai” a siamlo! Adama leh Evi a siam a, Adam leh Steve emaw Madam leh Evi a siam hauh lo. Chhungkua din a Amah chawimawi a leilung hi dapchhuak turin mihring hi a din a ni. Neih in ang ve ve tan chuan inthlahpun hi a harsa ngawt ang. (Thufingte, 22:6) ah chuan “naupang chu a kalna awm kawngah chuan zirtir ula, a upat hun pawhin a thlahlo ang,” tih kan hmu a. Engtin nge Pathian pawm hauhlo a khawsa a chhungkua din tum chuan an fa lak pawh enkawl dawn nise an enkawl that tehlul ang.

Zirtirna diklo: Kohhran thenkhat (Liberal Church) te chuan mipa leh mipa in hmangaihna a diklo tak a hmanna ang chi(erotic) hi Bible pawhin a pawm angin an sawifo thin mahse heihi a diklo a ni. Jonathana leh Davida in hmangaihna hi hurherhna lam a nilo unau ang a in hmangaihna a ni a (1 Sam.18:4) Juda pawhin Isua a va fawh khan an hnam inchibai dan a va fawp a ni.

Alo phal chiah em?: (Leviticus, 18:22) leh (Leviticus, 20:13) te kha han keu teh le. “Hmeichhia angin mipa i pawl tur a nilo, thil tenawm a ni.” “Miin hmeichhia a mutpui ang a mipa a mutpui chuan thil tenawm tak an ti ve ve a ni a, tihlum ngei tur an ni;an thisen mawh chu an chungah a awm tur a ni.” Sodom khaw sual takten Lot-a mikhual vantirhkohte mutpui an tum thu (Genesis, 19:4-5) ah khan kan hmu a. Pathianin nasatakin a hrem tih kan hmu zui bawk. (I Korinth, 6:9-10) na kha en leh lawk ila. Vanram kailo tur list ti hian a sawi a, “…Bumin awm suh u; in ngaih hmangte emaw, milem betute emaw, uirete emaw, mi hurte emaw, mawngkawhurte emaw….Pathian ram an lut lo ang.” Tunlai mi ilo ngaihsan tak tak te khan awihawm awm tak takin an lo sawi pawh a ni thei, bumin awm suh, hremhmun direct ticket neihna a ni.

Beiseina: Pathian tha tak mikhawngaih thei tak nei kan nih avangin simte tan chuan Pathian hian kawng a hawng reng a (Rom, 6:6-7) ah chuan ti hian kan hmu, “Hei hi hria ila: Kan mihring hlui chu a hnenah khenbehin a awm ve ta, sual pu taksa chu tihborala a awm theih nan, tuna chinah sual bawihaha kan awmlohna turin. Tupawh thi tawh chu sual lakah a chhuak tawh si a. Tin, Krista hnenah kan nung ve bawk ang tih kan ring a ni.” Kan awmna environment avangin kan rilru alo danglam a ni thei, thil sual va tih kher hi a sualna lai a ni. Sim a Pathian hnen a let duh tan kawng zau tak hawin a awm a. BIblein a phal miau loh avangin han support viau chi a lo ni hauhlo, kan unau ngeite hremhmun an kal kan pawi tilo tihna alo ni daih mai!

Caption in phuahsiakna

2009-06-29T03:50:00.000-07:00

Model te- Tlinga, Zara, samuel, me, chhum, fanghmir (langthamlo) and lungtum lianpui

A duh duhin han phuah teh u phuah ngial ka tum ka rilru awm ang a phawchhuak zo tlatlo!"Look east policy" dik thei silo :-)BTW he photo hi Epistemology lak a nih hi :-)

Appreciation of a poem

2009-06-22T08:32:00.000-07:00

The Night Has A Thousand Eyes

by Francis William Bourdillon

The night has a thousand eyes,
And the day but one;
Yet the light of the bright world dies
With the dying of the sun.

The mind has a thousand eyes,
And the heart but one;
Yet the light of a whole life dies
When love is done.

(Any one)

Ka Pa

2009-06-21T13:29:00.000-07:00

“Ka Pa” ti a ka koh lohna kha kum tam a vei ta! Hreawm tuar tawhloin min mut hahdam san tawh a, vawiin ni ah hian ka ngaih a zual kher mai. Tlai a hnathawk rawn haw ka nu nen kanlo bihruksan der thinlai te kha a ngaihawm mai mai. Dilchhut tak mi ka nih avangin zawhna hlirin ka khat thin. Ka nu leh pa te hian ka zawhna chhan an ning ngailo a. Zan rei takah pawh arsi enzia leh enchhuah dan sawifiah turin min thawhpui peih a. Ani, Police form min leisak lai te, gun belt nen kan inkhawmho lai te, ka zirlai min zirpui a strict thin zia te, kan halpuah hal ho lai te kha. Khatiang hunte chu kum tamtak kal tawh te an ni a, kohkir leh theih an ni silo.

Ka lung a leng!

2009-06-14T00:05:00.000-07:00

Khawlum avangin ka leng chhuak tha peihlo a, ka lung erawh a leng khawp mai. Vai ram ropui zia leh kan ram khian a tluklohzia te hre em em mah ila, ka ram ti a ka chhal ve khian ka nunah hian thuk takin pawimawhna a nei. Ram leilung leh mihring lo inthlunzawm thuk dan hi ka ngaihtuah ve neuh neuh thin. Hmun hian kan nihna (identity) pawh hi a lo keng tel ve ngei mai. Mizo ka ni a, ka hming ka sawi pah hian ka awmna veng ka sawi tel ziah a ngai. Vaiho pawh hian chutiang hreve sise lemlo mahse North East mi tiin min hre ve tlat a, Mizo ka nih piah lamah hian kan awmna kil khian pawimawhna a nei em em a ni. ‘Global village-ah kan awm tawh e’ tiin uar takin sawi thin mah ila, kan awmna veng bik te hi chuan ngaihpawimawh ala hlawh chho tial tial dawn a ni.

Hmun thenkhat chu kan hmangaih tak kan thenna te, ropui tak a kan lenna hmun te, kan chetchhiatna hmun te a nih avangin kan hrereng duhin kan hrereng duhlo fo bawk thin. Chu hmun leh kan nun chu a inphuar tlat avangin ka thinlungah hlatakah pawh awm mah ila kan vawng tlat a kan thihna thlan thlengin vawn nun kan tum thin. Hei vang hian a ni ang e novelist Pat Conroy khan “My wound is my geography, it is also my anchorage, my port of call” a lo tih na chhan kha. A hmun a kha amahin a pawimawh pawh a nilo a kan thiltih a zirin a lo pawimawh zawk a ni. Hnam thenkhat Maori tan ekin hi hmun pawimawh tak minung leh mithi inkalpawhna kailawn a nih lain keini tan chuan ekin, chanchinbu chhiarna te pawh a ni ve thei tho bawk. Ni e, High school field tepawh hi kan Mizo footballer tamtak inchherchhuahna a nih laiin zak tak a football ka petna hmun te pawh a ni ve bawk. Hmun in ang theuh te pawh hi a thlirtu mit atangin a hlu in a hlu lo mai a ni. Chuvang chuan chhan hrang hrang sawisen loh te avangin Mizoram Aizawl khi ka ngai takzet a ni.

Ka in nuam Hyderabad!

2009-06-11T05:54:00.000-07:00

Ka nu in Aizawl atanga Hyderabad ka chhuk dawn khan a thiante hnenah, "A haw leh tawh dawn a ti!" Ka haw na chu ka in ni tur a nia, Hyderabad-ah hian in lah chu ka nei der silo a. Engdang vang nilo in ka awm rei tawh em a ni. Kan thenawmnu phei chuan lehkhazir ka hriat tawhah ila zir rei ber min ti! In daihlo tak a hun kan hman ve lai hian a thlirtu tan chuan a rei thin si a nih ber hi. Mizoramah reilo te ka han cham a ka thil han buaipui thenkhat te.

Pro fight: LPS lamin boxing promotional/Professional fight anlo buatsaih kan chhungkua in kan buaipui. Ka nute khawhar a hnem a, zan dar 8:00pm kan nghakhlel tlang hle.Artalh buai ka peihloh avangin cake ka leisak a birthday lawm ang hrimin a chak zawk kan in rinsiak thin a. Ka nu leh kan nau awmpuiin an han sawi tak tak chu boxing khawvel ka hriatloh zia ka inhrechhuak. Kut lek thiamlo deuh keini chuan vai velh ngai ah pawh hliampui kan tuar phah zel a. Ka tih ve turah ka ngai lem lo :-)

(to be cont'd....ziah mood ah ka awm lehlo... :-))))

A lum!

2009-05-01T21:07:00.000-07:00

Heti khawp hian dimna neilo in min sawisa tawh a. Thlan bawrh bawrh chung hian atan ka han thai ve rere teh ang.Tunlai chu kan khua leh chhehvel a mite hi min ngaina zual nge a theih ang tawkin a rawn lum huam reng mai a.Vai dum leh zualte hmuh chang phei hi chuan a lumna chu a zual thin! Van lam hawi ngamloh khawpin ni a sa a, ni ber mai khi tunlai hian a intisek nge maw ni? Damna ber chu AC a awm a ni tawp. Chulah chu kalo nei ve bawk silo a, neih tawk cooler in kan inchhem hritlangbur a. A lum tih han sawichhen pawh chu tawng tam nihna mai mai a lo ni bawk, sawt bawk silo.

Chuti tak a ka hringnun tibuai mai chu hla te hi anlo phuah hial lo maw hemi pual hian ti in youtube ka han hawng a. Ka hmuh thenkhat te- Avril Lavigne - Hot, Kate Perry Hot N Cold OFFICIAL MUSIC VIDEO, Red Hot Chili Peppers - By The Way, Handsome Furs - Radio's Hot Sun te a ni. Kan lum sawi dan a in anglo mai thei bawk :-)

Ka thuziah tihtawpnan rappers Nelly khabe ka han hawh ang e, "Hot in.....So hot in herre.....So hot in....."

Hello world

2009-04-28T02:02:00.000-07:00

Kar tam ka NEt in min peihloh san a, ka beidawngin a that hnu pawhin ka peihlohsan ve ta daih a. Rilru-ah thu leh hla a awmlo bawk a, mi ziah pawh ka chhiar peih chuanglo. Ka chhang kham ve deuh a ni ber e.

Who am I?

2009-03-30T00:06:00.000-07:00

Who you are defines what you do.. or What you do defines who you are ...or surely it's not what you do...it's the way you do it....(Conversation from the movie Across the Universe)

Enge i ngaih ve dan le?

Block bloging!

2009-03-23T06:06:00.000-07:00

Ka naute blog ka chhiar, a ngaihnawm hlawm khawp mai. Kei ve chu ka rilru a in block miau a ziah tur der ka hrelo. Ka hriatloh thu tal hi ka han ziak hram a ni e. Khua a lum chho a tuihna ang deuh a rawn chhhuak heuh heuh thin kha ni sat luat vang nge a kang chat tlat mai!

Hringnun pawh hi ngun tak a chhut chuan engmah a lo ni lo!

Aw hmangaihna sawi thiam ila (Orkut thawnthu modi version)

2009-03-06T22:35:00.000-08:00

Khawvelah hian a nilo chu engmah thlakhleh dang ka neilo a. Amah chu ka nun leh chawlh hahdamna a ni. Mite pawh hian hmangaih te chu an lo nei ve fo tawh ang a, a chin tawk pawh an hre viau awm e. Kei zawng ka thiamlo chhiava a, min ning ang tih pawh ngaihtuah changlo hian ka lo phur leh chiam thin. A bula awm hi ka kham thei derlo a, minute reilote pawh hi kalsan har ka ti. Chutiang a ka khawvel nuam tak a ka hmanlai chuan beiseiloh deuh thil a thleng ang tih pawh ka chhut ngailo, chhut pawh ka duh heklo. Chu hun chu chelhdin theih nise, ka chakna zawng zawng sawm khawmin ka bei ngei ang.

Ka hming kala hrilhlo tak che u a, Orkut Buyukkokten a ni tawp mai.Turkey khawpui pakhat Konya-ah kan cheng thin a. Standford University-a PhD Computer Science degree nei ka ni. Tumkhat chu ka thiannu chuan khaw dangah tul thil a awm avangin min kalsan zawk a lo tul ta a. Reilote min han kalsan tur pawh chu ka ngaithiam lo ngang mai. Tichuan, lung silo zetin Train station-ah chuan ka thlah ta a. Rilru a ngaihtuahna kawm chungin ka room ka thleng a. Rei a nilo, thu thinthawng tak chuan min rawn deng chhunzawm nghal a. Ramhla tak a kal tur ka thiannu te chuanna train chu a chesual a nih chu. Rang takin ka thawk chhuak nghal a. Railway thuneitute ka be thuai thuai a, officer te an lo fel a tawhsual tawk avang a thi te list pawh min hmuh tir thuai a. Ka han en a a hming reng reng ka hmu zolo! Ka keu nawn ka keu nawn a, ka beidawng tan ta hle mai. A hnuhma chu a awm eih silo a.

Kum a lo vei a, IT technical architect ni in ka zirna ah chuan kalo hlawhtling ve ta em em a. Tichuan, ka rilru a thi theilo ka hmangaih ngawih ngawih zawn chhuah dan chu ka dap tan ta a ni. He khawvel khawlai hmunah emaw chuan a awm ngei awm si a, min han be pawp mailo pawh chu ka thin a rim lek lek fo thin. Tichuan, khawvel hmun hrang hrang a computer thiam developer te ka sawmkhawm a, internet site pakhat orkut tih hi kanlo siam chhuak ta a ni. Beidawng duh hauhlo in kum thum chhung rim takin he web atang hian ka zawng a, sum leh pai pawh maktaduai chuang kalo seng ta reng mai. A tawp a tawpah chuan he orkut hmang hian khawvel a ka hmangaih ber chu kalo hmu leh ta a ni. Hemi ni a ka lawmzia chu I hrethiam kher awmlo e, ka lawmna kha engmah hian ka thleng phal lo a, ka sumsen leh ka tha sen, hun sen ve te zawng ka hmuhchhuah a ropui em vangin ka chhuang thei hlek lo. Tichuan, ka thil zawn ber ka hmuh tawh avangin ka web pawh chu khar ka tum rilru ta a. Mahse mi tamtakin he site hi an hmang tangkai avangin google CEO chuan leiah min dil a, kei chuan midangte tan a tangkai a nih beisei ve in kalo remti thei ta a ni. He site hi hmangaihna atanga chhuak chhelna a din a ni a, a hmang tu te pawhin ka rilru ang hi min tawmpui ve thin se ka ti khawp mai.

Hmangaihna avanga ka thil siam avang hian engkim huam leh engkim seng hrehlo khan ka hmangaih ber ka hmuh theih phah a. Kum 2009 te a nih meuh chuan khawvel a mi hausa tawntaw te zingah pawh minla chhiar ve mahna. A engpawh nise heng zinga ropui ber chu hmangaihna avang a beidawnlohna hi a ni.

Photo: Orkut Buyukkokten creator of orkut
source-jaysfreespace.blogspot.com

Arunachal ah ka han "Chal" zawk a!

2009-03-03T12:45:00.000-08:00

Tlangval senior tarmit bun ve mai min ti maw?
Zin tur ka nia Itanagar-ah, ka flight chhuah hun ka en sual a ni. Tlai lam emaw tiin ngaihngam takin ka mu sik sik a. Ka thawh chuan ka online-a ka ticket lakna te a hunte an sawn takin tiin ka bia. “Tunah chuan a thlawk sang tawh ngawt ang”..tih ka thudawn a ni. Tichuan, nuihzalo takin a tuk a mi turin ka book leh a. Haihawt hi senior tawh vangah ka dah duhlo a fimkhur loh avang a ni, fimkhur tak chuan a hma zan te khan ka ticket ka en ve thlap si a. Tlai a kal tur angin ka in ngaihluat vang a ni e. Tlangval senior tarmit bun ve mai ka lo ni.

Tlangval senior tarmit bun ve mai kalo nilo!
Kolkata kan chawl zawk a, Guwahati panin kan thlawk nghal a, kan thlen veleh zan a chhuak tur Bus ticket ka la nghal a. A zanah chuan Itanagar panin ka chhuak ta a ni. Arunachali pakhat fel deuh mai ka be pawp a, ka kal na hmasak ber a nih avangin ka chhukna tur min hrilh turin ka hrilh a. Arunachal chu zing dar 4:30 ah kan thleng a. ILP vel an check chuan keichu an mi leh sa a maw tiin min kal tir mai a. Nerist gate-ah ka chhuk a ka hawi kual ka hawi kual. An Research Scholar pakhat hian motorin minlo nghak vang a. Ani pawh putar deuh beisei a milo hmuak a ni bawk a , ka hmel la naupang tak chuan a bum ve nasa a niang. Tlangval senior tarmit bun mai kalo nilo! Tichuan Guest house an kan tlan nghal char char a. Kei lah pek chuan Hyderabad atangin internet ah Arunachal temperature ka en a, kawrlum kenloh pawhin tih theih mai dawn hi tiin ka kenglo vei a, ka tisual chhiava, ka khur nasa hle. Guest House ka thleng a, tuilumin ka inbual a, ka mu nghal daih. Zingah chuan min sawm tu pa ber Dr. M.C Behera kawng a rawn kik a kan in satkak hnuin dar zing dar 9:30 ah a tan tur a nih thu min hrilh a. An dining Hall ka va kal ve a, putar, pitar, kum upa lam deuh ho hian polite takin minlo nuih sung hlawm a. Ka riltam tawh lutuk mi ka be peihlo puri sa ve vawt chu ka lim ngheng a, ka nung ta deuh.

Kan tan ta:
Session kan tan a Professor thiam tak tak thusawi mut ti chhuak deuh deuh kan ngai thla a, mahse ka hun a la thlen veloh avangin ka harh a ngai tlat si a. Ka hun a thleng a, ka flight miss thu te ka kalna a hlat bik zia te ka sawi a, fiamthu kan thawh ve ngial a, an nui dar dar lem hleilo a. Tichuan, ka inbuatsaihna ve ang ang te ka han sawi zo ve hram a. Heng aimah hian thil ngaihnawm deuh chu kan session chair chu NEHU Vice Chancellor ni tawh Dr. BD Sharma a ni a, LK Advani hi a ang ber awm e. Kum 1985 vel khan NEHU ah hian VC a ni tawh a Professor pahnih chu an thatchhiat luat avangin a lo suspend tawh a ni awm e. Indira Gandhi thian hnai tak a ni bawk a, engmah a hlau velo ni awm a ni. Hetiang a ka ngaihsan ve ruk em em hma a thu sawi ve tur ka ni hi ka hlauthawng deuh a ni. Mahse, rin ai takin kan ram thil sawi ka ni bawk a, tuilo mahse ka tui em a ka vai liam ve thei ta mai a. A hnu session te chu ka ngaithla tha vak tawhlo a, ka chhuak ru a, an campus thla kalo la tiah tiah mai a ni. An mi sawmte hi University Professor leh Reader tribal area tak tak a thawk leh lehkhabu te pawh nei tawh nual an ni a. Asst. Professor tlem leh research scholar pathum IIT Mumbai atang a lokal leh Uk atang a lo kal a awm bawk a. An lehkhabu a ngaihnawm ang hu in an tawng chuan mut a ti chhuak lawi!

Sightseeing:
An zirlai te an fel a University Bus pakhatah chuangin Buddhist Monastery pakhat ah min hruai a, thla ka la phei zel a. Vai ka kalpui ho chuan tlang leh ruam mai mai te chu mittla dawn hian an en hlawm, hetiang ai a nalh te chu Mizoramah kan neih tehreng nen ka ti rilru a. Buddhist monastery ah chuan thing pakhatah hian ribbon anlo hreng var chhuk mai a. A awmzia ka zawh chuan duhthusam a tichuan ribbon kha an suiha an duthusam chu a lo thleng thin. Keipawhin ring em em lo mah ila ka han tawn ve ngei kha, ka duhthusam zawng ka sawilo mai ang e.

Guwahati ah ka let, Hyderabad ah pawh: Chumi zan lala ah chuan Bus a chuangin Guwahati kan pan leh ta a. Delhi lam a an Professor pakhat chuan min kawm ngeih tlat mai a, “Mizoramah kal ka la duh a ni” te a la ti ta deuh deuh a. Mizoram House-ah tlawh ka sawm der a, a lo phur nasa mai a. Kan va thleng a Mizoram House thawk te an lo fel tak zet. Kan phu miahloh roomah minlo nghat a, ka lal ve ta viau emaw tih pawh a awl khawp mai. A tawi zawngin Professor chu chawhnu dar 2:00 ah a flight a nia, ka vailiam a. Keipawh ka flight kha tlai dar 4:00 ah a nia, sum insen thlawn ka duhloh avangin a rang arangin Airport ka pan nghal a. Zanah Hyderabad ka thleng tihpalh thil thu nge ka thianpa Mathanpuia leh Tlingan minlo hmuak ve teh mial a, an fel khawp mai chithlum mum ka la lei ang. Hyderabad-ah chuan awmna bur leh hnarping takin ka thleng tih ka hrechhuak a. Ngaiteh! Hna hlir hian minlo hmuak leh a. Huiham khawvel tak hi chu…

Chhawrhthlapui khi

2009-02-16T05:50:00.001-08:00

Electric eng la awm hma atang khan zan khaw thim hnuai a awmte tan enna a pe thin. Thinlung a hnemngai lungleng vawng vawnte tan hnemna a pe bawk. Van boruak kan thlir vang vang a Pathian thilsiam ti ropui a ti mawi zualtu chu thlapui a lo eng pum mai hian a ni. A then chuan mihring finna atanga chhutin an han in kap kai a, a then chuan hla ah chawiin lunglen hnemnan an hmang fo thin bawk chung zingah chuan Don Henley hla Talking to the moon pawh hi a tel ve ngei ang. Mihringte hian kan va chhawr mawlh mawlh tak em! Thla (Moon) han tih hi Germanic thumal a ni a, thla (month) tihna a ni awm e, leimite’n hunbi kan chhiarna thatak Zan ti zan tu chu he thla bawk hi a ni. Hnam hrang hrang te’n tawng hrang hrangin kan thiam ang tawkin chu van a ropui taka inzar chu kan ko theuh hlawm a. Kan naupang inawih lemna ah pawh a ni ang tluk a chhawr rim kan neilo, “Thlapui lo tla rawh, matea hian a lo awrh nelh nelh ang che.” Chutichuan naupuak lai pawh chuan suangtuahna nen chu thla vansang tak a awm chu a thlir vawng vawng a, engemaw tak chuan a muan ni tur a ni a muhil ta siai siai a.

Hmanlai mite phei chuan a biak hialin an bia a! Kum maktaduai tamtak atanga rawn awm tawh a ni a mihringte nunah hian ala pawimawh dawn chauh a ni. Greek ho pathiante Selene and Phoebe leh Artemis te hi thla a hmehbel leh hmeichhia ni a ngaih a ni. Ni hi mipa anga ngaih a nih avangin thla hian nu nihna keng bikin an hria a, inchhunga nu uap a nawm angin zan thim hnuai a nu berin a uap tlat mai chu a muanpui a ni. Lehkhabu tamtakte a ni avang hian a rawn piang chhuak a, suangtuahna ram a an chawi film engemaw zat he thla vang hian a lo piang bawk. Chumai nilo kei tak pawh hian zaninah hian thla vang khian thil ka ziah phah ta a nih hi, chhawrhthlapui a ni miau a.

Photo credit:Epistemology

Knowledge is power

2009-02-11T03:14:00.000-08:00

He thu hi mithiam deuh pakhat taite-a Pu hian a lo sawi tawh tak e. Thiamna hian thim ata engah a hruailut thin. Thiamna duhin kan tet lai atangin school kan kai a, kan zirzo tak tak theilo, kan thihni thleng hian kanla zir zel dawn a ni. Ka zirna bung changkhat a hun lo awm ve chu University of Hyderabad hi a ni. Chuta kan titi khawmna chu heihi a ni e, finna tamtak heta tang hian i chhar chhuah ka beisei.

1.Zawhna: Sava pathum hi thingzarah insi thapin an fu hlawm a, an thlawk darh a, an rawn let leh chuan an han fu leh vek dawn a; mahse pakhat chu a leng ta lo a... Enge a chhan?
chhanna: Pakhat kha a lo kar full a tin ni...

2. Zawhna: Khawvel lai takah hian enge awm?
Chhanna: W mawle... ngaihtuah hah duh vak suh.

3. Zawhna:Luiah hian thing a in kham ruah mai a, a lai tak chu tuiin a chim a, sazu hian a rawn zawh zai zai a , huh miahloin a rawn thleng, enge a chhan?
Chhanna: Thinglian pui kha a kawrawng a a kawrawng chhungah a rawn kal zet zet mai mole.

4. Zawhna: tu emaw pakhat hian tu emaw chu kapa a tia, mahse chu emaw pa fapa chu a ni hauh silo a...enge a chhan?
Chhanna: A fanu a nimai a..heihi chu common tlat.

5.zawhna: 1 leh 1 belh hi 2 i ti maw? 3 a ni ve thei bawk..
Achhan: belh sual changin...

A ho e mai duhtawk ang.. ilo fing ta sawt chuan ka ring lo e. Time pass mai mai a ni e.

Reference:
1. taitea.2. Es-i. 3. Ahlimi, 4. achhuana

Hahdamna famkim (Beiseina)

2009-02-03T04:32:00.000-08:00

Taksa alo chau a natna in min bawm chang te hian damna tur a kan ngaih damdawi kan ei thin. Rilru a lo chau a, engemaw avanga kan kun tlawk tlawk hian chhawktu kan dap a kan dap thelh fo thin. A then chuan zu leh sa ah an tlak a, an rilruhahna kha chhawk an tum a ni. Amaherawhchu an han harh chhuah leh meuh chuan an natna te kha a lola bo awzawnglo mai. Rilru hah takin an meng vel ruai a, thian kawm an thlahlello a, an in dawm kun tlawk tlawk thin. A then chuan ngaihtuahna thlak danglam theihnan taksa insawizawina lam an bei chiam bawk thin. Mahni a an awm chang a lo awm leh ngei a lungngaiin an rum leh fo bawk. Mite hriat chu zahthlakah an ngai a, an tawm im chawt a, mal tawrh phei chu a lo pun deuh deuh zel leh nghal a. Thente chuan thiante bulah an ngaithla peihlo ang tih pawh ngaihtuahlo in an natna an in bunruak thin, ven pawh a veng ve hawk thei awm e, mahse an natna chu an bun chhuak zo silo. Engtin nge nita ang le? Chuta tang chuan chhuahna a awm ngei tur a ni. Kan ngaihtuahna (Chhia leh tha hriatna) hi daw thin mahse thinlung chu a daw ve thei silo, a va han buaithlak zo zai em!

Lawm a har a, mite hriatloh hian an rum a, zanrei tak thlengin an tal an tal thin. Pathian pawh hian engvangin nge hetiang dinhmunah hian a dah le? Chhan tha tak a awm ngei tur a ni, engkim chhan nei a siamtu a ni si a. Bible-ah hian chhanna a lo awm reng mai a, Jonah kha Sangha lianpui main nithum zet a dawlh a. Sangha kawchhungah khan tih tur a awmlo hle, thian kawm tur a neilo a, lehkhabu chhiar tur a nei heklo, a thim mup mai a ni. Jonah khan enge a tih le? Pathian hnenah a tawngtai a ni.

Chutah le Pathian chuan a hun a tihah chu lungngaihna thim a tang chuan a chhanchhuak a Nineveh khawpuah a tirta a nih kha. Kha lungngaihna Sangha lianpui chhung a a awmlai khan engmah a tih a ngailo a, in dawmkun chiam pawh a tul hranlo a, chhanchhuak thei tu diktak Pathian koh kha a tih tur a ni.

You hold my world in the palm of your hand.. a line from With all i am- Hill song
Chhanchhuah an nih hnuah chuan mite dinhmun an hrechiang zual a, "tap tawh suh, theihnghilh tum rawh," tih lamin mi an hnemngailo a. "Pathianin I hnen a thusawi a tum che hre turin I beng dawh zawk rawh" an ti thin zawk a lo ni. Kan chung a thil thleng reng reng hi ama hriatpuiloh a awmlo a, kan tan a thatna tur vek a lo ni zawk thin. Mahni hian kan phurhzawhloh hi chu phurh tum lo ila, a phurkang thei Isua hnenah hian in nghat ngam ila, kan phurrit te chu a lo zang thin.Vawn chhan tur kan neihloh tak tak hian lohtheihloh hunah hian Pathian kan au chawk thin. Kan han auh meuh chuan tanpui vartu hnai ber a nih leh hmangaihna namenlo a a minlo kuangkuah hrehlo tu chuan kan lungngaihna atangin minlo khai chhuak thin. Kraws kawng a zawhna ah khan tun a kan lungngaihna te pawh hi a lo phur tel a ni tih hriat a tha. Phurhzawhloh engmah a nei silo a, chuvang chuan AMAH a kan innghah thiam pauh leh kan nun a lo zangkhai ang. Hmangaih Pathian a nisi a.

Tlang lamah te khian ka mit ka len chho ang ( In dawm kunlo in) Min tanpuitu khawi atangin nge lokal ang. Min taipuina tur chu Lei leh Van siamtu hnen atangin a lokal ang... Thlamuanthlak fu lo maw? In dawm kunlo in han dak ve teh van Pathian thilsiamte khi a nalh a nia. Dam chhan thatak i nei a nia.

Picture credit :www.westsidevictory.org
http://www.lewistownalliancechurch.org/

Hawikhawthawng (Nizam te lalna zam velah)

2009-02-01T22:17:00.000-08:00

Miropui te ropuina karah hian midang kut tha chak tak a awm ve thin. Chu chu history chuan a hmuhhmaih fo thin. Kan naute study tour turin kan hruai a, Paigah’s tomb hmanlai Nizam khawnbawlte thlan marble a mawitak a chei chu kan va tlawh a. A hmun kan va thleng a, zahna lantir nan ka pheikhawk ka phelh a dimtakin an thlan chu ka thlek vang vang a. Paigah Khawnbawlte hi Nizam Salabat Jung hunlai atanga lal hnathawh a puiin an kut leh ke an ni a, India lal tamtak ai pawh a hausa zawk a ngaih an ni. Hazrath Omar bin Al-Khattab (Razi ALLAH Hu Taalha Anhu) Caliph pahihna an tih mai a thlahte ni in an sawi a hei hian Muslim zingah lal angin a len tir phah a ni. Nizam lalfanu thlengin nupuiah an nei a hei hian a ring rawlh a ti zau ta hle a ni. British sorkar an rawn luh khan Nizam te nen a an inkarah thiamtakin an tlazep a duhsakna an pahnih inkar atangin an dawng nghe nghe a ni.

He thlan hi ngun takin ka en a Nizam lal zawkte thlan chu mawlmang ve tak a nih lain he thlan hi chu a ropui hle.

(Class ka nei nakinah ka rawn chhunzawm ang :-)...
Umm ka rawn let e...

He thlanah hian lungman tam thenkhat marble karah hian zeh a ni a, mahse mi thenkhat koham lutuk chuan kerchhuakin an ru bo deuh vek tawh a ni.Muslim ho thlan siamdan leh insakdan hrim hrim hi a chhip an ti zum deuh kher thin a, MA kan zirlai-a kan zirdan chuan an thlarau vanram a chho nghal tur a an ngaihvang a hetiang a sa hi an ni.

He hmun kan tlawh hnu hian NIzam's Museum kan tlawh leh a, amaherawhchu thlalak vawikhat click Rs 50/- an tih deuh talh avangin kei mirethei hian ka hmet ngam talo a. Tichuan Nizamho chenna Chowmahalla Palace kan va tlawh leh a a hmuhnawm ngei mai. Mr. Akbar hmanlai Nizam khawnbawl tupa ngei chuan hmun hrang hrangah min hruai a pu Nizam nen a an thlalak pawh min hmuh nghe nghe.

Officer incharge a fel em em a, kan titi luam nghe nghe. Ka thil hmuh a hmuhnawm leh deuh chu an rorelna hmun a ni a a mawi hle. An ngunhnamte chu a kawi deuh raih hlawm a heihi Muslim ho sakawr chung a chuang a insahnan an hman duh vang a nih hmel. Sapho ngunhnam hi chu a tlangpuiin in vihna tur a nih avangina ngil deuh a, mahse heng Muslim sipaite hi chuan a kawi deuh ngal hi an hmang tlangpui.

An ram vahna sai chunga an hlang ang deuh te pawh a nalh hle a, hmanlai car an lenna thin te pawh hmuhnawm tak a ni. Ka ngaituahna lo lang chu hmanlai an lalte ropui turzia leh hautak zia a ni. Wardrobe lian ber pawh hmuh tur a awm ghe nghe. Nizam lalte kha nitin an thawnhnaw an thlak thin ni in an sawi. Chubakah chuan zirna lam an ngaisang em em a, an nupui te khawina Harem pawh women's college a lo ni tawh a. Osmania University pawh hi a hunlai a din a ni bawk. British hunlai a Nampalli Train station an hawn lai thlalak tepawh hmuh theihin a awm bawk.

A sei lutuk dawn ka duhtawk ang e, Zarbawiha leh midang hrezawkte sawiah kan khek tawh ang e.

Chetchhiatna

2009-01-27T09:26:00.000-08:00

Mihring nih hian chet that reng hi a har a, chetthatna han sawi hi chu a nawm viau laiin chetchhiatna han sawi hi a nuamlo duh hle. Hetia mahni chetchhiatna sawi zuah zuah khawp a mawl nih hi kala sim ta chuanglo a, keimah ber zawk hian thil thleng tawh te ka ngaihtuah kir changin lawm berhah ka tang a, ka nuih a za leh fo bawk thin.

Tumkhat chu North East Students' Forum kan university-a kan din tirh khan a hmingin Co-ordinator ka ni ve a. Ding tir a ni bawk a mi an phur tlang hle a, an hruaitu ve lah kha keive mai ka ni bawksi hahthlak duh hle. Cultural Fest lian tawk buatsaih ve kan tum a, Khuallian a tan pawh Chief Election Commissioner JM Lyngdoh ngat hman ve kan tum a ni. Amah pawh hmu lemlo in phone atangin kan in ber rem thei ta a. Kan University Hall lian ve ber chu kan book ve thawr a, mitin indaihlo takin kan buai vek a ni. Tichuan a tawi zawngin motor kan hire ve ngat a, kan khuallian lam tur chuan Khrieto naga pa pakhat nen chuan kan chhuak ta a. A awmnalai awm ka zawt a, Police Academy kawng a kal zel khan a ti mai a, driver chu ka hrilh a ngaihngam takin kan tlan ta veng veng a. Chutah le! Police Academy pahnih a lo awm chu ni in inkarki tak a lo ni bawk nen a nilo lamah kanlo tlan veng veng hi a lo nia. Kan han hrechhuak chu le..a tlai zo ta, function tan hun ni tawh si kan khualian tlai duh ngailo mi a lo ni bawknen ka koah engkim a tla ta. Rilru a hah ve duh khawp mai. Tichuan, reife kan zawn hnu chuan kan va hmu ta hram a.

Kan kal lai khan inlama ka thawhpuite khan min rawn phone ve reng a "hall an khat vek tawh..engtin nge ni dawn." ka ngaihtuah a, "lo tan phawt mai ru mipui an zahawm a, khuallian zawng ka lo hma ve mai dawn nia" ka tia, min tan san ta a. Lyngdoh meuh pawh minlo nghak rei tawh niang gate bulah a lo awm vang a, kan bo thu te chu sawi a ngaitawhlo kan hmelah a inziak vek. Pa hawihawm tak a ni a, a short cut te chu minla hrilh ta zui leh nghal hnar a lian duh hle. ka thiamloh vakah pawh ka dah duhlo a, driver pa chu ka puh ve hmiah mai a ni. Tichuan, hall kan thleng a program pakhat an tihlai a zawh hnu chuan Dias ah ka han hruai chho a, mi lah chu thutna changlo te tiamin an lo tlim hmur mai a, Professor zahawmpui pui an lo kat ve nuk ka zakru hle tawh a. Pangpar kan pe thuai a, thu kan sawitir bawk. Ka thusawitur ve darthlalang hma a ka lo in hma sek khum thin kha sawi a rem talo a ni. Amaherawhchu mithiam tihtakah a fel em em a, media an rawn bawr luai luai pawn a sawmtu ka nih avangin ka thubak chu a ngaihsak biklo. A tawpah chuan a inah kan va thlah a, thingpuisen dawmin India nuclear agreement leh student's politics te kan sawi tui leh viau si a...

Thanks a million!

2009-01-23T23:11:00.000-08:00

Kum a thar a, hun kal tawh te ka chhuikirin Pathian malsawmna ka dawn nasat zia ka chhut a. Lawmthusawina deuh hi ziah ve pawh a tha e, ka tia. Mahse ka hlen thei lawklo! Ka ziahloh avang maiin ka lawmlo a ni chuanglo a, ka chhut neuh neuh a ka tan a a thawh zawhzai te kha lawmna awm reng a ni.

Ka inenkawl tawkna tur hna min pe a, ka phak ngailoh a ka hriat engkimah min hlangkai a. Amah avangin hetiang dinhmu leh hun hi kalo thleng ta. Mite tan chuan thil pangai a ni awm e, kei a tan chuan engkim mai hi a hmangaihna kuthnu (Signature) a tel avangin ka lawmna a zual a ni. Ka neih phakloh thlengin ka kutah min rawn hlan a. Thian thatak ka lungngaih lai pawh a min hnem thei reng te ka nei bawk a. Ka thawhpui te lah an bulah awm a nuam a, kohhran leh khawtlangah a awm tawkin min tel tir bawk. Hmangaih em em tu nu min pe a, min rawn be zing viau mahse buai em em chan pawn a aw ngaihthlak nuam ka ti tho. Ka zirna ah ka phakbakah min hlangkai bawk. Lawmloh changte lungngaih chang te chu ka nei na ve meuh mai, mahse a malsawmna nitin ka dawn ka chhiar kir hian vuina tur engmah kalo neilo. Ka tan thatna turin engkim minlo thawhsak thin a ni si a. Hetiang em a min hmangaihtu hi ka tlinlohna leh ka sual ang ang hian ka chhuang ve a, ka zahpuilo tawp a ni. Davida'n Sam a a ziah kha ka hrechhuak thin. Engvang hian nge kei ve mai hi min hriat reng thin ni. Mi tamtak tha zawk fel zawk an tam awm si a. Kumin pawh hian engpawh ti ila ka bulah a awm reng ang, hmangaih Pathian a ni si a, ka vannei thlawt a ni.

I ASKED, HE GAVE

2009-01-23T07:11:00.000-08:00

(from email...)

I asked for Strength.... .And God gave me Difficulties to make me strong.

I asked for Wisdom...... .And God gave me Problems to solve.

I asked for Prosperity.. .And God gave me a Brain and Brawn to work.

I asked for Courage..... .And God gave me Danger to overcome.

I asked for Love........ .And God gave me Troubled people to help.

I asked for Favors...... .And God gave me Opportunities.

I received nothing I wanted. I received everything I needed.

Symphony of destruction!

2009-01-22T09:10:00.000-08:00

Awihla awih suhla, he hla hi kan rawlthar vanglai ve khan kan ngaithla ve thin a nia aw. Metal Band pakhat Megadeth sak a ni tih pawh ka la hre thei. A music khauh tak leh in khawng chhawk chhawk rual khan lu buk kanlo tum ve a, kan buk luat avangin a thu lam kalo ngaihtuah chiang ngailo. Lu buk sawi takah chuan kan nau pakhat Rock star Vanapa Hall a concert ve pawh tumkhat an in ka zuk leng chu a pi hian tuilum hian a nghawng a lo deh sak a, tihtakzetin kan nui! Ni e, kan bukpui a hi nghawng kham urh si hian kanlo hrelo hle thin. Tun khawhnu a tihtur em em ka neihloh chang a ka han ngaihtuahlet leh hian thu thatak tak a lo in zep ve nual nia. Chhiatna rimawi thlentu hla chuan eng hla tha han chhuah ang i maw? zawhna awm thei tak a ni.

(An kutzungtang posi hi chu buai vak lo ila :-)
Ka ngaihtuah let leh hian Politician leh mipuite inkar ngun tak a hrutna a lo ni ve tho mai. He hla engah hian kan politics kan thlir daih dawn a ni. A hla ang hian thithei nangmah ang tho kha hruaitu a tan chuan i han thlang phawt a, thilti thei tak a nih avangin pathian ang hialin an lo lang ta hial a. Tichuan mipui ngaihtuahna chu a su kual vel ta a ni. Robot ang mai in awm thlap thlapin a rawn che vel a.A rilru tenawm tak chu a tawpah chuan a lo puak keh ta a....(Enge a dang kha?) Phaiphuleng ham thiam ang mai khan mipuite diklo takin kawtthlerah te a hruai vel a. Keini mipui lah chu milem duh duh a khawih chet theih ang maiin kan awm bawk nen. A tawpah chuan chhiatnaah min rawn thlen nge nge thin. Khawvel chu a rawn nghing dawt dawt a, khawvel chakna te a rawn tla a, vanin ro a rawn rel a, a tawpah chuan zallenna duh mifelte an rawn ding chang thin.... tih vel ni ta in ka hria.

Buk pui a tan chuan hla tha ve tak a ni. A sawi ang chiah hian mihring famkim lo ve bawk kan thlang tling a. Roreltu te chu Pathian ruat an ni ti thin mahila, an rorelna hian mipuite lung a dum zan thinlo. Thuneihna a pumhmawm hnuah phei hi chuan lalna an duh tawkin an hrawt ta thin a. Chu chuan mimal nun leh khawtlangnunin a ti hlemhle a. Kan zavainun a rawn ti chhe ta a ni. Mahse Van thinurna kan tawn hunah chuan mi duham leh misualten hmun an chang tawhlo ang a, dikna leh felna duhte an rawn dingchhuak ve tawh dawn a ni.

Tears! (The language well spoken)

2009-01-20T04:07:00.000-08:00

Khawvelah kan han chhuah phat atangin mittui sengin kan tap chhuak a, kan thihni in kan bul a mite mitui kan ko chhuak leh thung. Mihringnun hi mittui leh mittui inkar mai ah kan lo awm reng zawk em ni ang le?

Ngaihtuahna seng thei, lawm thei, lungngai thei, thinrim thei, hlim thei, zak thei mihring a siam kan ni miau a, hetiang hun a lo thlen hian a vawrtawpah chuan kan dan zawh rual loh hian a a lo hnam chhuak leh thin. Mittui tlakna chhan chi hrang hrang te hi Basal tears, Reflex tears,psychic tears te in mithiam te chuan anlo then a. Ni e, mitmim vang te pawh hian a tla ve leh bawk thin e. Bike a ka tlan chak deuh hian ka mittui hi a lo tla leh zawih zawih fo bawk thin.

A engpawh chu ni rawhse a pathumna psychic tears kan tih mai hi ka ngaihtuahna ti tam tu chu a lo ni ta a ni. Hmanni chu youtube ah hian British talent show a naupangte zaithiam zet mai Connie Talbot zai hi ka thiante nen kan ngaithla a, a judge hmeichhe pakhat a hming (kalo chhinchhiahlo pek a)chuan a zaithiam em avangin a hla sak chuan a vel nge ni, a mitui a tla zawih zawih a, keini tak pawh chu kan lo awmthiamlo hle ve tho a. Heilo pawh hi zahluat avang pawh hian a tah zawih zawih theih tho mai. Lawm avang a mittui luang zawih zawih han hmuh hi a nawm laiin lungchhe vankai a mittui sur zung zung te ena hreawm thung. TAP thei a kan awm hi mihring minti mihringtu a ni. Leh lamah chuan hreawm tawpkhawk ve bawk chu mahni hmangaih ngawih ngawih chhungte thenlai a mittui tlak theih miahloh chhung lam a hnawhtu a awm hian puahdarh a va chakawm awm thin em.

Lehlamah chuan mitui hi hnehna a lo ni ve bawk a, mahni hmangaih em em te'n mittui hnam par a thu tam awm silo a thutam an sawichinah hi chuan pa rorum Napolean, Hitler te pawh tui angin an nem duai zel a lawm. Mittui hian mahni mai nilo midang ramah tepawh hian hnehna a lo chang zel a. Bill Clinton American President-in a an ram sipai thi te sunna a a thusawi mittui luang ngiai ngiai chuan American mipui te thinlung a hneh a, vote tamtak a hui ngei bawkin ka ring. Hetih lai film pakhat Van Helsing Film-ah khan A Dracula ber kum tamtak dam tawh thi hlei theilo khan ti hian a changtupa hnenah chuan ti hian a sawi a, "hlim awmzia hi ka hrelo a, hlimloh awmzia pawh ka hre hek lo, lungaihna ka hre chuang heklo a" tiin a nun blank zia a sawi a. Ni e, Hetiang mihringnun a pawimawh ber mai neilo a kum za tam dam hian mihringnunah awmzia a nei nep a, hetiang nunzia kan nei hi kan tan malsawmna a ni. Mihringfapa meuh pawh natna hremi leh lungngaih hre mi a nih ve bawk tak kha. Lazara a thih khan a ni meuh pawh mittui tla in a tap ve hial a!

He thihna luiral kan kai meuh hunah chuan TAHNA awm tawhlohna vanramah kan kai dawn a. Keichu he ram ropui a kan thlen hun pawh lawmna vang tal a mittui tlak chu ka la thlang ta fan nia!

Keimah leh Keimah!

2009-01-16T07:14:00.001-08:00

Thian duh tak e tilo hian mahni leh mahni ka inkawm chang a awm fo thin. Ka inkawm tui lai phei chuan tudang vak mah hi ka mamawh lemlo a. Mahni khawvelah hian kalo leng leh veng veng thin. Ngaihtuahna khawvel a chen hi a nawmna chen a awm ve bawk a, i duhthusam ang ang khan i awm mai thei a, i duh chuan lal ber i nia a chang chuan thulo berah pawh i in dah thei bawk. Mahse ngaihtuah fuhloh chang a awm hian kan buai ve nuaih tho mai. Mahni leh mahni hi kan han in nuih leh suih fo chang a awm a. Duhthusam ramah kan cheng veng veng a, ngaihtuahna ram atang a kan rawn let meuh chuan khawvel chu a ngaite bawk a lo ni a, a va han buaithlak thin em. Suangtuahna khawvel leh khawvel taka ka tih pawh chu a eng zawk nge dik tak zawk ni ang? ka rilru ngaihtuahna in a dik a ka hriat kha a dik chu a nimai a, tizawng hian ngaihtuahna han seng ta ila a zia phian lawng maw? Dik kan tih hi kan awmna khawtlang leh kohhranin a a siam mai nge ni a, dik hi chu a mahin a awm ve hrim hrim nge kan ngaihtuahnaah hian a awm sa. Naupiang hlim chuan engmah dik leh diklo a he bik silo a, dik chu khawvelah a lo awmsa mai em ni? In zawt duh suh chhanna a awm chuanglo. Khawvel a ni miau a!

Mihring minti mihringtu

2009-01-15T07:30:00.000-08:00

Mihring min ti mihring ber tu hi ka chhut ve fo thin a, engtak niang maw? Kan chhia leh tha hriatna leh kan thinlung hian kan khawvelah hian engang takin nge hmun a luah thuk ang tih ka ngaihtuah thin. Chhia leh hriatna in awmlo a tih thleng hian kan thinlung hian min nawr chang a nei a, a chang chuan mi a ang mai hian awmlo pui pui kan tih awm a mawilo hi kan ti leh mai thin. Mahse hetiang a kan awm hi mihring kan nihna lo tichiangtu alo ni reng a! Computer ang a program chawp ngai nilo, robot ang a tha chauh thliar hrang kan nih chuan mihring kan nihna kan hlenlo a ni. kan han tap hlawp hlawp te, kan han nui hawk hawk te hian mihring minti mihring a a lo ni.Dik thliam thliam a chet te hi a lo har, kan han kalh nawk nawk te pawh hi mihring kan nihna ti chiangtu anlo ni vek mai. Khawvelhi chu a nuamin ava han hreawm si em...buaithlak tak a ni.

Eng ber nge thar kumtharah chuan?

2009-01-06T03:06:00.000-08:00

A ngai bawkin ni a chhuak a a ngaite bawkin a tla leh a, chu chu kan nghahleh em em kumthar chu a ni. Zawhna hotak ka inzawt a, enge kumthar ti kumthartu chu? Engvangin nge kumhlui chu a hlui bik? Mmmmm...zawhna ho lam tak tak hi awm awl deuh chuan a rawn lut duh teh chawk a. Ka phak tawkin ka ngaihtuah ve a mihring nunah hian HUN nge pawimawh THILTIH? A pawimawh zawk sawitur avanga kal thiang rial awm zawk, hun hriatreng tlak a siamtu chu kan thiltih hi a lo ni ta a ni. Kum kal tawh kan hriatrengna chhan chu kan thiltih that leh chhiat vang a ni. Nikum lam pawh khan thil thalo leh thil tha tih kan nei teuh ang a, chuvang chuan kumin pawh hian a chhia leh tha pawh a awm nawk bawk ang. Engpawhnise theihtawp a hun hman that hia a lo pawimawh ber mai. Kumtharah chuan thil tha thar engtak nge ka tih dawn tih i inzawtnawn fo ang u.

Footnote leh Reference dah a tul em?

2009-01-02T07:22:00.000-08:00

Thil ngaihmawh ve deuh ka nei a chu chu kan ziaktu zinga ngaihsanawm ve a ka hriat Lalhmingliana Saiawi leh Ruatfela Nu hian an lehkhabu thuhmahruai lamah footnote ang emaw reference(lehkhabu rawnte) an ziah duhloh thu leh an ngaihsan vakloh thu an rawn sawi a. Hemi bakah hian Rev. K.LungMuana khan a seminar paper ngeiah ama irawm a ziak mai a nih thu leh reference a dah duhloh thu a sawi bawk.

Ka ngaihve dan ka han sawi ang e. Lehkhaburawn te hi a bu pumpui kan chhiar vek ngailo a, a bung a zirin kan duh zawng kha index atangin kan zawng mai a. Chubakah chuan tawng engemaw sawifiah ngai paper pangai a leng remchang silo chanchin ziahnan pawh footnotes emaw end notes emaw ah kan ziak mai a. Hei hian kha thu ziah kha a ziaktu ziah mai baka chhui zau a duh chuan a en ve mai thei a remchang phian. A style format an thiamloh vang nge hetiang a han tih leh tlat mai hi a changkang lemlo khawp.Standard tak lehkhabu kan la neilo pawh hi mumal deuh a thil ziah kan peihloh vang pakhat hi a ni. Lehkhabu pakhat ve lem khawrpum lai a engmah bar chhiarlo a tapchhak ti ti mai ziah hi kan ngaisang tawh lemlo. An mahni experience tak tak pawh nise han inchhiarzau bawkse a ngaihnawm leh zualin ka ring.Mahni hi inti fing lemlo ila midang thuleh hla te pawh hi ngaithlain interview engemawzat pawh an lehkhabu ziahnan hian han ti nghe nghe se, lehkhabu awmkhauh tak a ni ve thei zawk ang. International Journal a an editors te hian kan ziaktute anglo takin an han ngai pawimawh khawp a, footnote chikim an check peih a, thubelh chian dawl lo deuh te phei chu ziah ngam chi pawh a nilo. Ziaktu lar Arundhati Roy te, Choamski te, Jacques Derrida te, Michel Foucoult te hian an ni anglo takin an uar viau. A hranpa ngatin website ah pawh an footnotes download theihte'n zuk dah a! Thil tak tak kan ziah dawn chuan kan taima tur a ni. Kan hmang duhlo a nih chuan hmanloh mai sawisel kher a ngailo.

Kumthar Thuchah: Kungfu Panda!

2008-12-28T19:51:00.000-08:00

Rilru-ah engdang a lenglo, Kungfu lam sawi ang. He Animation film hi a hmuhnawm ka ti zek a, hman a hmuhnawm ti tawh kha ka nia tunah pawh kala chhunzawm ta reng mai a nih hi. A film chhungah hian min inspired tu deuh mai a awm a. Achangtupa Savawm thau deuh mai Dragon Warrior ni tur a thlan hmabak ko zia kha a ni. Misualpa jail atangin a chhuak tawh si a lo hneh theitu ber Kungfu la thiam silo, ei a duh viau ringawt bawk si, hahthlak deuh a ni. Mahse a thiam zawng leh tui zawng ang chuan a hmalam a a nih tur chu ni thei turin a han zir tak tak ta a. A thiam ta zek mai, Dragon Scroll Kungfu thiamna thuruk an tih mai a han keu a, mahse engmah a chhungah a hmulo a ma thla bak chu! Apa soup tui tak secret ingredients secret a han hriat meuh chuan engmahlo chu engmah a nihzia a hrechhuak ta. Tichuan engmahloamah kha engkim a nih zia a lo hrechhuak ta a. Mahni inrintawkna neiin misualpa chu a hmachhawn ta a ni. hetiang deuh hian kan hmalam tih tur kan hlen turah hian mite ngaihin kan pian a zeilo in kan thiam lo pawh a ni thei. Mahse tih hram hramna hi a pawimawh a, hlawhtlinna thuruk Dragon Scroll ah pawh keimahni thla tho a ni kan hmuh tur chu. mahni vek hian hlawhchhamna kan insiam thei a, mahsni vek hian hlawhtlinna kan in siam thei, hei hi kumthar lo awm tur a hmasawnna rahbi pawimawh tak pakhat a ni. mahni inrin tawkna. Kungfu Panda atang hian i inhmuchhuak theuh ang u :-) Kumthar chibai vek ule.

The Greatest gift of all!

2008-12-23T00:25:00.000-08:00

Kan inrin tak tak hmain Krismas kanlo thleng leh dawn ta reng mai nia! Krismas a lo thlen hian thil tamtak min ngaihtuah chhuah tir a, Pathian thil thlawn pek Isua ka tan a hlutzia hi tun tum a ka sawi tur chu a ni. Mite hian hun lawmawm leh harsa kan tawng theuh awm e, chutiang ang deuh chu ka tawng ve tawh a. Krismas hi ka tan chuan lungngaihna leh lawmna ni a ni ve tlat a tin ni. Kum 1988 urlawk zan dar 10:15pm chuan kan chhungkua in thu lawmawm loh tak mai kan dawng a. Kan in nghah ve na ber ka pa thih thu a ni. A hreawmdan te zawng sawi tam tawhlo mai ang. Tichuan, mite hlimna ni tur pawh tikhawlo zo in khawtlang mipuite chuan kapa min thlahpui ve a, an ti lawmawm ngawt mai. Chhungkaw inghahna ber han bal ta mai chu kan hamhaih hle a. Mahse Thilpek zawng a ropui ber Isua kan chhungkua a atak tak a rintlak a rawn inpekna ni a ni tih kum tin hian kan hrechiang ta zel a, kan lungngaihna leh hlimlohna pawh a kiam zel a ni. Hemi zan hi chuan Zorama ka hman phawt chuan khawi dang a chhuaklo in ka nu lunglen hnem turin inah awm ka tum tlat thin a. Ka nu pawh hian tlangval na ve fam chu ka hlimloh hlauin leng tur hian min tur ve fo bawk thin. Engpawhnise he hun lawmawm hi kan chhungkaw tan chuan Pa thar kan neihna a nih avangin kum tin hian kan lawmna a zual thin. Krismas leh kumthar nuam tak a in hman theihnan kar hla a thiante zawng zawng duhsakna chibai ka han buk vek che u.

Engpawh nise thil boring tak kan post keuh te'ng :-)

2008-12-18T01:51:00.000-08:00

Tuan leh mang ata tawh mihring te hian kan nunkhawhchhuah theihnan khuarel (nature) nen hian nun kanlo sualho thin. A chang chuan khuarel hian hmasawnna min pe meuh mai amah erawh chu a chang chuan chhiatna rawn thlentu a ni ve leh thung tlat si thin. Tui a lo lian a tam a lo tla a mihringnundan a lo harsa tawlh tawlh a, tunlai thiamna san tawh hunah pawh lirnghing chu dan zawh a ni chuanglo a. Mahse mihring a zawk chu chutiang dinhmun pawh a awm turin a lo inchher hriam tawh thin. Chu khuarel (nature) chuan kan ngaihtuahna a rawn sawi danglam a, pathian awm rinna min pe a. India ram ngeiah pawh pathian chi hrang hrang kan neih treuh tak hi. Heihi a chhan pakhat a awm a, India ram mipui te hian hmasang a ta tawh ram lei lung leh a n nun a inzawm ngheh em vang a ni.Mihirngte zingah competition a lo awm a...hmala thiam deuh leh valh zauh deuh te chu khawtlang a mi ropui anlo ni thuai a, mihringah inthlauhna a lo awm a, michi 2 a nei leh nei lemlo an lo awm phah ta a. Tunlaiah phei chuan neih pawh in hrelo mum ve tawp pawh an awm ve bawk awm e.

Khawvel hrim hrim hi rim tak thawk a eihmuhna hmun a lo ni. He eden anchhia hi anchhia nilo a malsawmna a enthiam a ngai khawp mai. Mihring nive ta fam chu he khawvelah hian nunkhawchhuah ve a ngai a, chuta patling tak nih chu a har lai tak a ni. Engmah lah hi a awlsam silo. He dam chhung buaithlak takah hian a buaithlak loh dan chu nitin pakhat zelin tih hi a ni, engpawh lo ni se.

Sign of the DAWN

2008-12-11T05:27:00.000-08:00

by epistemology

Krismas leh lunglen!

2008-12-01T03:21:00.000-08:00

Khawvawt rim rawn nam chho leh krismas hi zawng lung a ti leng ve hrim hrim.Karhla lenrual duh te in dam lai em ni le? han tih mai pawh hi he hunah hian a thuk zual bik nia! Buaina chhumpui karah hian kan lung a leng ve a ni tih hriat tham tur lekin hun kan nei ve lawi bawk si a. Mihring hi zawng in then turin kan intawng a, in tawng leh turin kan inthen a nih ber mai hi maw. Amaherawhchu ngaih tur thlawt neihloh ai chuan ngaiha han neih hrim hrim pawh chu mi vannei ka ni tih min hriat tir tu a ni a. Hei vang hian karhla a ka lenrual lung duh zawng zawng te he hun hlimawm tak hi nuam leh hlim takin inlo hmang theuh dawn nia. Chhangban leh kurtai in eilai te, vawksarep tui thak in hawp si hluam hluam lai te, kuhva hring engmah engtolo a in eilai te hian..KEI ve mai hi min han hre ve zauh dawn nia!

Lesson from a FROGS

2008-11-27T04:23:00.000-08:00

(retold by me not mine!)

A group of frogs was traveling through the woods, and two of them fell into
a deep pit. All the other frogs gathered around the pit.

When they saw how deep the pit was, they told the unfortunate frogs they
would never get out.

The two frogs ignored the comments and tried to jump up out of the pit. The
other frogs kept telling them to stop, that they were as good as dead.

Finally, one of the frogs took heed to what the other frogs were saying and
simply gave up. He fell down and died.

The other frog continued to jump as hard as he could.

Once again, the crowd of frogs yelled at him to stop the pain and suffering
and just die. He jumped even harder and finally made it out.

When he got out, the other frogs asked him, "Why did you continue jumping
Didn't you hear us?" The frog explained to them that he was deaf. He
thought they were encouraging him the entire time.

------------ --------- --------

This story teaches 3 lessons:

1. There is power of life and death in the tongue. An encouraging word to
someone who is down can lift them up and help them make it through the day.

2. A destructive word to someone who is down can be what it takes to kill
them. Be careful of what you say. Speak life to those who cross your path.

3. Another moral of the story--just pretend to b deaf when destructive words are hurled against you...(Contributed by esi)

The power of words....it is sometimes hard to understand that an encouraging
word can go such a long way. Anyone can speak words that tend to rob
another of the spirit to continue in difficult times.

Special is the individual who will take the time to encourage another. May
your words be a blessing to someone today.

Khua a var mawlhlo!

2008-11-21T03:57:00.000-08:00

"Barak Obama hi IAS topper a mi?" ti a min zawt nawlh an awm hian khawvelah hian ka fing ber lo deuh tih ka in hrechhuak thin. Ka news paper leiah IAS topper tih bula Barak Obama lem lo chuan ve vang a ni, chu chu a ni hian a lo hmu pek a ni.Krismas rim a nam tan a miten hawna tur ticket an ngaihtuah lai hian keive chu Zoram hnuchhawn zawngin ka rawn thleng thla ve leh hlawl a ni sia, hna tamtakin min hmuak a Lal piangtur pawh hi kut indaihloh luat avang hian ka chibai ve hmanlo ang tih ka hlau ngawt mai.Ni e, thian thenkhatte'n tel rimtui hum haw a tha tho tak a Zoram an panlai hian "thawnthu nge a nih a tak" tih leh theory khauhpui pui te kha buaipuiin thla kan han vailiam leh dawn chu a nia. Posi chi hrang hrang lakleh a ngai dawn a ni, khua hi chu a va han var rihlo tak! Kan naupanlai a "Zingah savate" tih kan sak lai te kha zu ngai mai mai i a!

Mizoram University

2008-11-05T01:41:00.000-08:00

Panna kawng: Bike in ka kal a a nuam khawp mai, ram leilung a mawi a, kan khu deuh chek chek bawk a. A chang leh kan bungbu ang kut kut a, kawi tam kan tlan hnuin MZU ti a duat tak a kan koh chu kan thleng a. MZU hotute leh Tanhril ram Compensation beisei tute in nawrlai a nia, rilru muang vaklo a thlengthla ka nia, a hmunah chuan chutiang thawm awm pawh a awm lemlo a.

A ruangam: 978.1988 acres vel a lian ni in, under-graduate College 27 leh professional institution pahnih he university-ah hian an in affiliate bawk. The Zirlai naupang 8279 vel awm ni in an sawi a, hei ai pawh hian tunah chuan an tamtawh awm e.School pasarih leh Department 28 awm ni a sawi bawk a ni.

Ka lut e: Kan depatment History and Ethnography lamah ka kal phawt a. Dr. Robin chuan minlo chhawn a, a room reilote kan thut hnuin Prof. J.L. Dawar awmna hmunah min hruai phei a, reive tak tur kan in kawm a. Chumi hnuah Dr.O. Rosanga Department Head ka va hmu leh a, kawm an nuamin titi tur pawh anlo hre viau. Department tan leh ram tan thahnem an ngai ve hle tih an tawngkam atangin a hriat theih.

English Department leh an inleng: A hnuai maiah chuan ka chhuk a English Department a an chhuanvawr Miss Dr. Cherrie leh Rd-i te'n nuam ka tihloh hlauin min lo kawm a, a thesis topic pakhat a mi "Myself against the world" tih kha ka mit a la tlat a, ka keusak nual a, han belhchian leh zual ka duh viau na in Computer Centre lam a Pu Tluanga tlawh ka duh avangin Miss Cherrie chuan min hruai a.

Computer Centre: Ka zuk thleng thla a Hyderabad-a ka zirpui thin Pu. Lalnuntluanga chu an hotupa a lo ni a, rinai daihin computer centre pawh anlo maintain tha nghe nghe. Rei tawktak kan inkawm hnu chuan kan hotute Miss te pahnih an rawn thleng a..thil tui tak tak min eitir a...a man pek chu ka ngaihsak hauhlo! Tlai lam deuh a lo ni tawh a inlam pan zai kan rel ta a. A nuam bawk a niang, ni a liam thuai thuai mai. MZU chu a hmun a nuam a, a thawk te pawh an fel khawp mai. Hman leh hunah tlawh leh ka tum ang chu.

Heile Mizoram!

2008-10-29T04:07:00.000-07:00

Khua a vawt deuh ruih, khawhawi a nuam. Aizawl zawng duat chikim a chhungte min duat hun a ni bawk a, kan lian tual tual e.

A lehkhabu: Zara (Vanglaini) in a lehkhabu "Zing Daifim" tih min present ve a, ka lawm riau mai, ka la chhiarzo vek ang.

Ka lehkhabu: Ka lehkhabu edit ve tur Cambridge Scholars Publishing (CSP) UK nen contract kan ziak a, Pathianin rem a tih chuan nakum lamah a hmel kan hmu ve thei ang chu. Pathian hnenah lawmthu ka sawi banglo. Thil tha chang ngailo ve talang kan intithei lutuk ang a beng kan tikham em long chu, thian tha te chu ka hrilh ngam ve tawk a, ka lawm em a ka chhu a ni, min demlo ula mi lawm ve te.

Nula rim: Tumkhat ka thawk chhuak, nula kha pasal a lo neita ni awm a ni. Ka peih tawhlo, Aizawl tlangval zawng khalh an har e mai :-)

Naute thar: Ka fa a nilo, ka farnu in fa a nei. Durtlang Hospitalah Vanlalpeka Saiawi tiin an phuah, kan lawm viau.

Internet muang: Aizawl zet zawng satel speed khawp. Miss Jay-i broadband ka mangangin ka va hmang, a ni hi a fel a nia aw.

Buaina khawvel: Ka thian tha vete an buai thei khawp, phone bak an aw ri kan hre meuhlo..nia vanramte min ngaihtir...buailo a kan inkawm hun tur chu!

Aizawl chu nuamti takin ka khawhar ru deuh in ka hria, engpawhnise cham a la ngai miau sia.

Aizawl…Ai..ai..zet..aw..ell..zawl !

2008-10-20T03:22:00.000-07:00

Khua a lum ve deuh mahse a nawmna a pawlh dal pha chuanglo. Aizawl pana kan chhota kha kolkata airport chhungah room kanla mai a, chhuak peih pawh kan awmlo. Kan kal ni dawn chuan zai thawm hian min ti harh a. “Aizawl a mi ngei” ti a ka thianpa Taite-a zai chu a ni. Aizawl thlenni tur a ni a, chu hla chuan a rilru a mawlh pawh a nimahna, ngaihtuah erawh a ti thui deuh. Tourist Lodge ah ka thiante an thleng kei chu inlamah ka awm thung a. Seminar tluangtakin kan zo thei a, Mizoram university inbuatsaihna a ropui khawp mai. Ka thiante ka hmu nual, nuam ve tak a ni.

Look what i have found!

2008-09-30T21:48:00.000-07:00

THE CLIFF HANGER

A man named Jack was walking along a steep cliff one day when he
accidentally got too close to the edge and fell. On the way down he grabbed
a branch, which temporarily stopped his fall. He looked down and, to his
horror, saw that the canyon fell straight down for more than a thousand
feet. He couldn't hang onto the branch forever, and there was no way for him
to climb up the steep wall of the cliff.

So Jack began yelling for help, hoping that someone passing by would hear
him and lower a rope or something. HELP! HELP! Is anyone up there? "HELP!"
He yelled for a long time, but no one heard him. He was about to give up
when he heard a voice.

"Jack, Jack. Can you hear me?"

"Yes, yes! I can hear you. I'm down here!"

"I can see you, Jack. Are you all right?"

"Yes, but who are you, and where are you?

"I am the Lord, Jack. I'm everywhere."

"The Lord? You mean, GOD?"

"That's Me."

"God, please help me! I promise if, you'll get me down from here, I'll stop
sinning. I'll be a really good person. I'll serve You for the rest of my
life."

Easy on the promises, Jack. Let's get you off from there; then we can talk."
"Now, here's what I want you to do. Listen carefully."

"I'll do anything, Lord. Just tell me what to do."

"Okay. Let go of the branch."

"What?"

"I said, let go of the branch." Just trust Me. Let go."

There was a long silence. Finally Jack yelled, "HELP! HELP! IS ANYONE ELSE
UP THERE?"

Have you ever felt like Jack? We say that we want to know the will of God,
but when we find out what it is, we can't handle it. Sounds too scary--too
difficult. We decide to look elsewhere. When He says, "Let go of the things
that stand between you and Me, and trust Me with your life," it sounds
pretty scary. But when we let go, we find freedom and safety in His hands."

Thank you. Have a Blessed Day . . . and remember that Jesus Loves You and
so do I--and there is absolutely nothing you can do about it, except to pass
it on . . . and GOD BLESS YOU!

"No eye has seen, no ear has heard, no mind has conceived what God has
prepared for those who love him." (1 Corinthians 2:9)

Ka chhar ta!

2008-09-26T00:01:00.000-07:00

Vanduaina emaw beisei loh thil a lo thlen hian mihringte hian kan hrethiamlo fo thin lehlamah chuan kan tan a thil tha tur..min chhar chhuah tir tu pawh a ni ve thei bawk. Chutiangang deuh chu nizan mai khan a takin ka nunah a thleng! Ka nau pakhat chuan ka pheikhawk dahna bawm a ti tlu rup mai a, rem that leh chu peihawmloh tak a ni, a tam em em pawh a nilo a, peihlohna lian tak awm vang zawk a ni. Mahse phunlo chuan ka en zawk a, ngaiteh ka bike chahbi hmana ka tihbo kha a rawn tla chhuak hlol mai, ka lawm hle a.

Nia, ka bike chabi kha ka tibo a, keimah mai nilo ka thiante ruaiin kan zawng chiam a, hostel bangah kan tar thul.."Bike chahbi tihbo a ni, a hmu chu lawmman..." Zankhat chu Vaiho TVS bike key chhar pawh khan min rawn phone ngei a, campus ka awmloh avangin Tlinga ka han tir ..ka chahbi a la nilo zui..khang hunlai te khan buai tak ka ni. Haihawt hobby a neih hi thil sim thlak tih hleihtheih siloh a nia, a buaithlak ngawt mai.

A engpawh nise ka thian tha te kala hre zel hi chu malsawmna a ni ve thung a. Ka haihawt tlem a min chhawktu leh ka la nuih ve leh chhawn te an ni hlawm a, khawvel hi kan ti famkim thin ngawt mai. He thil thleng pawh hi ka theihnghilh hma in ka han post nghal ang e :-)

Hmangaihna a din “Hyderabad” Part - I

2008-09-18T21:32:00.000-07:00

"No man is an island" antia lawm, mahni chauh a awm theilo hringmi te hian nitin khawsakna in a mamawh avangin khawpui kan din thin. Khawpui chu a te emaw a lian emaw pawh nise hmangaihna a awm chuan chen a lo nuam thin. Chuvang tak chuan mahni a awm theilo mihringte hian kan khawvel a lo nawm leh zual nan mite hmangaih theihna kan mamawh a, a hmangaihna dawng sawng thei tur pawh a kan in puahchah pawh a ngai a ni. Hyderabad khawpui pawh hi hmangaihna avanga rawn in din a ni a, bomb puahna hmun pakhat mai a nilo tih hriat a tha hle a ni. Hmanlai hun chhuikir ila,Ibrahim lal hnu khan a fapa naupang kum sawmpanga mi lek Mohammad Quli Qutub Shah chu kum 1580 khan a rawn lal a. Naupang hle mahse apa ram zauh bak te rawn la chhunzawm zelin ram ropui leh zualah Golconda chu a rawn hlang a. A hmangaih em em Hindu lamthiam Bhagyamati hriatreng nan Bhagyanagar khaw ropui tak a din a. A hnu a fapa Hyder a hming chawiin he khua hi “Hyderabad” tih a lo pu chhunzawm ta a ni, thenkhat sawinaah chuan a nupui kohduatna “Hyder Mal” hming chawi a sak a niin an sawi bawk.

Chanchin ngaihnawm tak mai Hyderabad tih hming lam hian a awm thin a chu chanchin chu lalfapa Mohammad in a lal fanu ngaizawng lo a lamthiam satliah mai a ngaizawng tlat mai hi a ni. A pa Ibrahim hian he thu hi a hriat veleh khunkhan takin a zilh hau a, lal nihna zahawmzia leh chutiang ang chhungkua vek a mi chu nupuiah pawh a nei tur a ni tiin a zilh a. A ngaihzawng hnen atang a rilru a lak pen sak nan Persia atang te, Arabia atangte in nula hmeltha “kei ka ni” tih zawng zawng a chah khawm a, mahse Mohammad lungdum zo an awm lo. Zankhat phei chu ruah nasa takin a sur a, kawl a phe zuai zuai a, kulh chhung a kalh hnan lalfapa chu a in sum zo ngang lo ni tur a ni, kulh bang sang tak lawn liamin Musi luipui a kan a, sakawr nen a ngaihzawng Bhagyamati awmna a va thleng a. “Ka Lalpa, heng ang zan thimah te engtin nge i rawn kal theih le!?”tiin in a lo zawt a. Mohammad chuan, “Ka duhlai, nangmah ka hmangihna che hian ka kawng chu a chhun eng mai a lawm.” tiin a chhang ngat e, an tia lawm. A pa Ibrahim pawhin chutiang chanchin a han hriat meuh chuan a thinlung sak a hawng ve ta a, an pahnih a inneih chu a rem ti ta ni awm a ni.

Kum 1612 khan Mohammad Qutub Shah chuan lalna a rawn chang ve leh thung a. Hyderabad-a awm turin Persian sumdawng tamtak chu a sawm a, an thlah kal zel te chu Mehdipatnam leh Old City vela kan hmuh thin te hi an ni. Kum 1593 khan Charminar leh Jama Masjid hi a sa a. Charminar hi hrileng (smallpox) umbona hriatrengnan a sak a ni. Musi luipui a khuah a, mipui te tan in tur a pe bawk. Mohammad Sultan Nagar din chhuaktu a ni. Sakhuana la urhsun thei tak a ni a, Mecca Majid hi ama sak a ni bawk. Ral rel thiam tak a ni a, Mughal ho in Sultan of Ahmadnagar an rawn run khan a remhriatna in Mughal ho kha an hnawt kir nghe nghe a ni. A pa ang tho in thu leh hla a ngaina hle a, mi lungleng thei ve tak a ni bawk.(To be cont'd)

The Incredible!

2008-09-17T07:17:00.000-07:00

Home movie...ummm a dik thei dawn em? Sum engzah chiah nge an insen chu ka hrelo... An room-ah chuan Silai lem tarmit lem i hmu nual ang. Engdang vang nilo in film channa tur a ni. Sanghalhriama Pa production Mizo film industry rawn barakhaihtu..lei rawnchhuah khumtu...a sawidan pawh ka thiamlo e. Pumna vekin ka nui...Enve tehreng u.

A million reasons to smile!

2008-09-05T11:32:00.000-07:00

An inbuatsaih nasa a nia:
Kar hmasa mai kha a la ni e, class interaction kan neih lai hian topic dangdaih mai an rawn thawh pek a. Robert Clive finzia leh remhriatzia kan sawilai takin, “Sir, cake ah hian enge tui I tih? Chocolate I ei ngai em?

Robert Clive hian cake chu a ei ve thin ngei ang. Kan subject nen link han tum dawn ila a hahthlak lutuk dawn. Ka hrethiam ve ta a, lehkhabu ka khup a, “Cake ah chuan Zote Cake tui ka ti ber”. An hawihai hle, Zote plain cake vawikhat mah la ei ngailo an nia, ka khawngaih letling zawk ngawt mai. An hawi deuh haw avangin Black Forest pawh hi ka duh viau a, Chocolate flavour deuh a nia ka ei thei khawp mai ka tia. Lehkhabu nge Cake I duh zawk? Tiin min zawt leh a. Ka ril tam leh tamloh tiin ka chhang a. Chutiang vel inchhang chuan class kan zo ta a.

Hnung lam a Sabarh!
Tukkhat class ka kal leh chu class-a hotu deuh ber hi a rawn kal a, ka hriatsa reng kan class neihna tur room chu min rawn hrilh a. Class room panin ka kal a, ka luh dawn chuan luh an phal rih ta tlat lo a. Hmeichhe thenkhat an inthlak buai rih a nih ring ka nghak mai a. Ka han luh chuan mak ti in ka khat! Ka tan liau liau Black Forest Cake ngei mai chu dawhkanah chuan an lo chhawp a nih chu! “Happy Teacher’s Day” an sa thap thap a. A bulah chuan present chi hrang hrang an dah bawk a. ka thinlung zawng zawngin ka lawm a, chutiang tak a duhsaktu chu kala tawng zen zen lo a ni. Ka naute hi ka chhuang em em a, Hyderabad khawpui khawilaiah pawh chhuak se, ngaihtuahawmloh thah an ni. Class thusawi an ngaithla tha a, class dicussion-ah an participation a tha bawk. Teacher’s Day tak pawh a la ni chiahlo a a hma ni in kanlo lawm lawk a ni.

Ani kan lo thleng ta der mai!
Ani a lo thleng kan thawhna te a la rei silo, College-a kal chu ka zak deuh a chhuanlam fahrahte siamin kal loh ka rel thlu a, Ka lu meh lai hian Department head atangin Call a rawn kal a. “Malsawm, I’m really surprise YOU don’t come on this special day.” “Oh yeah! I’m surprise too…well…” “Dress up and come quick, the students are all looking for you, what would I tell them?” “Me…heheheh..Tell them I’m coming…Dress code?” “Haha..as you wish..” Tichuan, ka in ha zawk zawk a, College lam pan chuan ka kal ta vang vang a.
Programme bung tawp lam ka va man ve tawk a. Hmalam kan thutna tur awm a an tihah hmun ka hmu zo ta lo a. Hnunglamah a aupawr ho bulah ka in thiat ve ta ngawt a. Programme chi hrang hrang an entir a, hmuhnawm ve khawp mai. Kal tlai ber e tilo in chaw dawh hmasa ber kala ni zui a, kan khualliante pawh ka ngak zolo meeting inhnuai a kan neih leh dawn avangin ka ei thuai thuai a. Thilpek tamtak nen engkim kan zawh hnuah ka haw ve ta a.
In Pic- Dr.Swaswati,me, Joseph, Dr.Uma, Sobha

kan inthen bang lo!

2008-08-20T22:30:00.000-07:00

Hyderabad ka chhuk thlak tirh a ka thiante ngaihthlak zin ber pakhat chu "Shillongah chuan" tih a ni. Thutak leh dawt pawh nise he thu hi ka chham chhuak nasa thin hle a, chuta zing a ka telh tam pawl chu thianpa Sawmte-a hi a ni.

MSU-ah kan in hmang ho: Shillong MSU vanglai a ni mai ang chu Sawmtea hi ziaktu lianah kan hmang thin a, a viak a tha a, a tlawmngai bawk, chauh tawh em em chang pawh hian fiamthu hlimawm tak takin min chawkphur thiam a, a bula a awm a hahdam riau. North East mite tan mobile phone hman an khapna chu Sawmte-a te ho nen hian kan duhlo riau a lehkha na tel tawl President of India kan thawn a, Governor leh Chief Minister te kan pe ve bawk a, khiangkawi ipte ah lehkhathawn tur Laimu phei-ah kan ak puar luah te kha a ngaihawm e. India hmarchhak mite discriminate-na a ni kan ti tawl mai a, Sorkar laipui pawhin beng an chhi chiang kher mai. Min rawn phalsak ta a, India hmarchhak ziaktu lar Patricia Mukhim te pawhin he thu hi a rawn tial ve nghe nghe kha mawle. Khatihlai khan Mizo officer liante MSU ah an rawn tui em em a, keini aimahin committee na ah an tawng tam thin, a lawm awm e.

Thu leh hla: Thu leh hla ah hian kan tui dun em em thin a. A poetry khel tur hian a in Alu Kudam a a luah chu ka han pan vang vang thin. Mizo Academy of Letters Shillong kan din ve tawp a, Mizo novelist Biakliana thlan kan samho nghe nghe kha mawle. Shillong ziamite kan kokhawm ve a, UPC compound Jinkieng-ah khan kan ri ve chul mai. Sawmte-a hi tih tawh chu tibur mai chi a ni a, tumkhat Shillong tlaklam a Biaklian a thlan a tlawh tumin Khasi ho in rukru emaw an ti pek a, rukru a nihloh zia Mizo nula hostel awmna ah an va chian a, keini lah chuan kanlo nuih tiah tiah a, a ni pawh ngawihbo pui ve mai awm, a chanchinchu Sabereka Khuangkaih-ah te a han chhuah thul. Amah avangin Chhana te nufa( Ruatfela Nu) te hi ka hriat ve phah.

Football: An ni hi St. Edmunds College ah an kal a keini St. Anthony's College kan in el bawk thin a engkimah hian Defence line ah hian a ding thin a, khawng ve thei tak a ni. Nu Dawni team Dawni United ah khan a khel ve thin a, an chak chuan bawngsa tui kan hawp si hluam hluam thin. "I hmel nilo in certificate a nupui zawng chi i ni, theihtawp chhuah mai teh." ka tih pawh a haw hran duh ngailo a, a sawitu zawk khan a thiannute awmna ah kan kalpui leh fo thin. A vawtu in ek kan cheh a ang zawk mah.

Zirna lam: Hyderabad-ah zirna chhunzawm ka tum a, NEHU lamah min in suan san ta bawk, kan in be khat ta hle a, Police an lak dawn khan physical ah a ni nen hian Aizawl Dist ah kan han tling hmasaber a, writtenah kan tla veve a, kan thiamlo deuh aniang e. Kan marks hmuh pawh a in ang tlang a, tih leh a tum thu min hrilh a. "Lo en rawh pakhatna kala ni dawn a lom MCS-ah hian" tiin a tumruh thu min hrilh a. Keichuan ka tum tawh rih loh thu leh Research nen chuan tihkawp a har thu ka hrilh a. Chanmari-ah khian inluahin a inkhuar ta a, a tum a ruh bawk a, a tling ta ngei a. A ni nen hian lehkhabu kan inneih that siak thin a. Literature lamah chuan ka khumlo a, subject dangah chuan min khumlo thung.

Ka ui mang e: He tlangval hi fiamthu duhtak tlawmngai em em mai, a bul a awm nuam Mizopa tak changkang tak si hi a ni a. Hringnun lamlian ka zawhlai a min tihlimtu ka thian a ni, a thi ta mai hi hriatthiam har ka ti hle a. Shillong-a kan awmlai mithlain ka hmu a, lunghlui tamtak a leng. A tling ve chauh a an postna ah pawh a la kal hman em lo a, khawvel hi chu a fairlo thin ngawt mai, kan thu a ni silo a.

Music and Lyrics

2008-08-11T03:11:00.000-07:00

Tunlai chu zan rei tawhah zai a kal viau ruah lah chu tla duh phian bawk, inlaichinna tak emaw pawh a awm mai thei (Zaithiam kan nih ruah hian a hrelo?)

Kan hla hit fuh deuh ber te:

"Zan a lo thleng mek e, uanglo in bei ru." (Tunge lo uang thin aw?)

"Leiah mikhual ka ni Lalpa min ngaidam rawh." ( Zara hla duh ber)

" A tho ta!" (Chhun dar 12 velah)

Recording chu phone lo hmet phur phur a nimai, release chi hauhloh.

Line up:
Vocals- Mathanpuia (Aw pe sin)
Vocals (reserve)- Tlingtlingte-a (pom3 ti turin)
Background music: Zara, Achhuana
Dj: Mahruaia ( inspiration from sanglianthanga & Routmoi)
Manager: Keimah Sanghal bil a pa!

Kan lawm em em e.
( in sawifiahna: A thlalak leh thu hi a in mil lemlo)

It's Raining man, no more halleluiah!

2008-08-05T03:54:00.000-07:00

"How beautiful is the rain after the dust and heat" HW Longfellow khan a ti tak e. Mahse chirh leh thawmhnaw ro theilo rim chimawm tak a awm hnu hian zah chu ngai ve deuh se ka ti tawh khawp mai. Mut erawh chu a nuam duh khawp tihtur neih si chuan hna a hlawklo thei khawp mai. Sik leh sa ah hian thu kan nei ve silo a China Sorkar ang deuh a chhum ruahpai khawm chiam a ruah han tlak tir tlakloh tir mai thei tur lahin ka thiamna hian a la tlin silo a.

Kan naupanlai a ruah kan do lai kha nuam ta ber zawk mai tihtur leh enghelh tur awmlo in pawnah kan han do buan buan a, gum-boot bun ngei khan tuihawk kan han dai a. Tunah erawh chuan kan khuh kherh kherh ang tih kan hlau tlat tawh a. Hriat tam hi trit duina leh engmah lo mai a lo ni! han ti dawn ila a hrelo ber chu ka ni leh lawisi a, engpawh nise sur tawh rihlo se ka ti ngawt mai!

Thla leh lunglen!

2008-07-28T12:37:00.000-07:00

“There’s no wind in the moon at all, yet things get blown about” tih hi kan naupan deuh lai khan kan zir thin. Khua a han thiang vawk a, lung a rawn len chang hian he thu nuihzatthlak deuh hi a dik viau hian ka hre thin. Thla ah khian thli awmlo mahse achang chuan thli te pawh a thaw ve thin awm e. Ni e, a chhawrtu leh chhawrlo tu te tan pawh chhawrhthlapui avang hian thinlung thli a thaw vawk vawk mai a. A len thui deuh deuh a lunglen chu dan rual lohin a leng hian a leng vawng vawng mai a ni.

Thianpa pakhat Zara tih a hming chu zep ta ila, ‘Lover’s moon a han ngaithla tak tak pawh hi a kawm ngawl ngawl mai a, damdawi han chhawp sak hial hi ka lo tum leh thin. Ka thianpa pakhat erawh chuan lungleng hi puar deuh a chawei in a reh duhin a sawi ve bawk a, chu a thusawi chu eng lehkhabu pawh rawnlo in ka pawm hmiah mai. A then chuan paracetamol mum ei a lam chiam te pawh an chawh a ni thei e. Tawrh zawh tawk a lunglen awm hi engpawh nise a lawmawm e, mihring min ti mihringtu a ni a, lawmna tawrh nuam tak pakhat a ni. Lungtum han thle deuh bam en pawh a lungleng mai thei mathanpuia hian chhawrhthlapui zawng a en ngam ve angem/ tih te ka ngaihtuah mai mai thin. Engpawh nise lung a leng a ni ber e.

Chuti'n!

2008-07-15T22:45:00.000-07:00

Ka kut an cherna hi anla phelhlo a thil type a buaithlak khawp mai, chutichung chuan he thawnthu ropui tak thenkhat tan chuan tangkapui awrh nawlh theihna hi ka han sawi ve ang e.

Suamhmang **** vawileh khatah- Inkhawm kan bang kha hawng ta mailo chuan kan bazar kual a, bazar hi ka nin deuh a nia. Nernungin ka thiante ka zui ve a ni. Kan thianpa inah bazar zawh chuan kan chawl haw a, chumi hnu chuan haw turin kan chhuak ta a, auto ah kan thurenrawnn tih chuan ka bula thu chu a tre ta thrawt mai! Ka cell phone khapa khan a la a ti chul a. Kan bul lawka awm vaite pawh chu ka thian au avang chuan an rawn phawk tha hlawm a. Chutah! ka naupanlai a kungfu zir te hrereng leh a hmani lawka youtube a bruce lee and han maimawm chhuah en khan minti phur a ka zuang chhuak nghal a. A bul lawk a traffic Police 2 te pawh chuan min rawn umpui ve thuai a.

Hundred metre race chu nepte: Theihtawp a chakin ka um ve a, a mawngphe pawh ka hmu hman manglo, vanneih a siamin kan va nangching ta a. Bruce lee style leh jackie chan style kan apply deuh nnil nual hnu chuan ka kut a lo tliak reng mai a! "Aw Lal isua ang turin" kan ti zo chauh a nisi a, a in hmehlo khawp mai.

Huphurhawm: Hna tam nen kut silawng nen rilru a hah duh hle mai. Thilziah tur pawh vei lam ngatin ka zia a lo ngai ta a. Chutah a ai a huphurhawm zawk chawlhnileh mai ah chuan Bible study ho tur ka ni chu a ni. kar hmasa lawk a ka kungfu show khan ka rilru a inthiam theilo a, mi ka bel ka bel tuma'n anlo duh silo, ka ko ah a tla ta a, phurmanglo zet chuan ka tling tla vethei ta a.

Sawininawm: Sawininawmloh Isua chanchin sawi peih mangsilo hian ka kut chungchang hi ka insawifiah zing ta malh malh hle mai. Min hmu a piangin "what happened?" an ti ziah a,print a sem mai ka nap thin. Engpawhnise ka thil tih khan ka inchhirlo a, medal te dawng ve mah suh ila, ka kut erawh zawng karkhat zet ka awrh a la ngai dawn a ni. Tunkar hman nuam vek ule.

i am the worlds greatest

2008-07-07T06:26:00.000-07:00

Dedicated to my friend daydreambeliever for her newly awarded doctorate degree....yeah...you did it...God bless..

I am a mountain.
I am a tall tree.
Oh I am a swif wind sweeping the country.
I am river down in the valley.
Oh I am a vision, I can see clearly.
If any one asks you who I am just stand up tall look them in the face and say..

Im that star up in the sky
Im that moutain deep up high.
Hey you made it
Im the worlds greatest*m
Im that little bit of hope in my backs against the rope I can feel it, mm
Im the worlds greatest.

I am a giant.
I am a egale.
Oh I am a lion down in the jungle
I am a marching band
I am the people
I am heavin head
I am a hero
If any one asks you who I am just stand up tall look them in the face and say..

Im that star up in the sky
Im that moutain deep up high.
Hey you made it
Im the worlds greatest
Im that little bit of hope in my backs against the rope I can feel it.
Im the worlds greatest.

Im that star up in the sky
Im that moutain deep up high.
Hey you made it
Im the worlds greatest
Im that little bit of hope in my backs against the rope I can feel it.
Im the worlds greatest.

Ohh
Im that star up in the sky
Im that moutain deep up high.
Hey you made it
Im the worlds greatest
Im that little bit of hope in my backs against the rope I can feel it.
Im the worlds greatest.

Im that star up in the sky
Im that moutain deep up high.
Hey you made it
Im the worlds greatest
Im that little bit of hope in my backs against the rope I can feel it.
Im the worlds greatest.