Sunday, June 14, 2009

Ka lung a leng!

Khawlum avangin ka leng chhuak tha peihlo a, ka lung erawh a leng khawp mai. Vai ram ropui zia leh kan ram khian a tluklohzia te hre em em mah ila, ka ram ti a ka chhal ve khian ka nunah hian thuk takin pawimawhna a nei. Ram leilung leh mihring lo inthlunzawm thuk dan hi ka ngaihtuah ve neuh neuh thin. Hmun hian kan nihna (identity) pawh hi a lo keng tel ve ngei mai. Mizo ka ni a, ka hming ka sawi pah hian ka awmna veng ka sawi tel ziah a ngai. Vaiho pawh hian chutiang hreve sise lemlo mahse North East mi tiin min hre ve tlat a, Mizo ka nih piah lamah hian kan awmna kil khian pawimawhna a nei em em a ni. ‘Global village-ah kan awm tawh e’ tiin uar takin sawi thin mah ila, kan awmna veng bik te hi chuan ngaihpawimawh ala hlawh chho tial tial dawn a ni.

Hmun thenkhat chu kan hmangaih tak kan thenna te, ropui tak a kan lenna hmun te, kan chetchhiatna hmun te a nih avangin kan hrereng duhin kan hrereng duhlo fo bawk thin. Chu hmun leh kan nun chu a inphuar tlat avangin ka thinlungah hlatakah pawh awm mah ila kan vawng tlat a kan thihna thlan thlengin vawn nun kan tum thin. Hei vang hian a ni ang e novelist Pat Conroy khan “My wound is my geography, it is also my anchorage, my port of call” a lo tih na chhan kha. A hmun a kha amahin a pawimawh pawh a nilo a kan thiltih a zirin a lo pawimawh zawk a ni. Hnam thenkhat Maori tan ekin hi hmun pawimawh tak minung leh mithi inkalpawhna kailawn a nih lain keini tan chuan ekin, chanchinbu chhiarna te pawh a ni ve thei tho bawk. Ni e, High school field tepawh hi kan Mizo footballer tamtak inchherchhuahna a nih laiin zak tak a football ka petna hmun te pawh a ni ve bawk. Hmun in ang theuh te pawh hi a thlirtu mit atangin a hlu in a hlu lo mai a ni. Chuvang chuan chhan hrang hrang sawisen loh te avangin Mizoram Aizawl khi ka ngai takzet a ni.

12 comments:

  1. kan veng lam ami I ngaih deuh ber zok a? :PP

    ReplyDelete
  2. lol enge in veng ah chuan awm a, Zoram? "Tunge" tih tur zawk emi?

    ReplyDelete
  3. @Zorami: Aw nie in veng khi ka ngai chhum in ngah si :-)
    @aduhi: Zorami khi dot a sawi heh ltk :-)

    ReplyDelete
  4. ehemz...aniang i bike khalh poh tlan zawi thei em mai....rilru nguai nie,,haw leh mai la....lol

    ReplyDelete
  5. @aduhi...."tunge" tih kha a fuh zawk maithei ani ;)

    ReplyDelete
  6. Keipawh min be thra tawh lutuk...

    :-D

    ReplyDelete
  7. Mizoram tluka hmun nuam hi a awm lo.. "home is where the heart is" :-)

    ReplyDelete
  8. @hruaiz: Bike a lo zawi a ni maw? A chak tawhlo a niang :-)
    @zorami: Tunge? ti lolz
    @illusionaire: Nite chu biak that tur a lawm :-)
    @mimi hrahsel: Hrahsel ho hi mahni in ngaihna chang inhria in bright zek e :-)

    ReplyDelete
  9. Kei poh ka lung a leng, mahse lenna lam bik a nei si lo.

    ReplyDelete
  10. Lung hi chu a leng vek mai a nih hi maw.. thin hlawm ana... len dan erawh chi dang dang a awm thei a. Nang chu Aizawl ngaih lunglen a nia, kaihhnawih pawh a nei ngei turah ngai ila.. Zorami sawi dan takah..

    ReplyDelete
  11. A va lunglenthlak ve! Ni e, i sawi ang hian, hmun inang theuh theuh, tawn inang theuh theuh pawh hi, a kan rilru putdan a zir hian kan ngaihdan a danglam hle thei ngei ang.

    ReplyDelete
  12. @mesjay: Khatiang kha khawtlang lunglen an ti em ni kha?
    @Varte: Pathian lama lunglen tih te pawh min hriat chhuah tir e...nula pakhat love song sa a pa strict ltk lokal lai a suihlunglen...Pathian lama suihlunglen a tih pawh min hriat chhuah tir e :-)
    @Zaia: Hei vang hian a lawm "I think therefore i am" tih hi a dik ka tih leh fo thin ni...

    ReplyDelete