Friday, May 1, 2015

Enteh, a lo herchhuak leh dawn ta :)

Blog lamah hun ka pe hman ta meuhlo! Achhan chu lehkhabu ka ziak ve a ni. Ka research tih lai khan Mizo chanchin saptawnga ziah hi a awm lo hle a. Library leh Arc
hives kan kal tum a phek khat chauh a awm paw'n kan lawm thei hle thin. Kan neilo miahlo chu a nilo a, research han tih ve takah chuan a beitham deuh thin a ni. Ka rilru in ka zirna hi ka zo thei a nih chuan theihtawpin saptawnga kan Mizo chanchin ziah leh hmalak kha ka intiamna a ni. Pathian zarah theihtawpin ka bei ve a, thiante pawh ka ban buai nasa bawk. Thiam vang ni hauhlo in a tulna in min nem thlu a, hei pakhat chu kan keuhthlu leh ta reng mai. A famkim hauh dawnlo, chiang sa...mahse thahnemngaihna tlang atanga thlir chuan lawmawm ve tak a ni.

Kan hnam nilo hnam dangah kan piang tawh dawnlo a, kan hnam kan ngaihsan leh chawisan hi kan bat ve a ni. Ram leh hnam ka vei ve dan leh thiam dan ber a ni. Tun hma khan ka insit thei lutuk a ziah hi ka ngamlo thin. Kei aia thiam zawk ni a ka hriatte an chet duhloh avangin a nikhualo ber hian ka ziak leh mai thin ang. An duh leh tha zawkte chu rawn ziak leh ang hmiang, a tlem lutuk hi a zia lo.