TITA BIBLE QUIZ

Reasoning

1.    Tita Kret thliarkar a Tirhkoh Paulan a hnuchhiah nachhan?

Ans:  Thil tihfel bakte chu i tihfel zelna tur leh thu ka pek che ang khan khaw tinah upate ruatna turin (1:5)

2.    Tirhkoh Paula hian Kohhran hotu qualification a sawi teuh mai a, Engvang in nge sawiselbo tur a ni a tih nachhan?

Ans: Kohhran hotu chu Pathian sum enkawltu a nih avangin (1:7)

3.    Tute nge dan ang lova awm, thu sawi mai mai te leh tihdertute mi tam tak an awm si Tirhkoh Paulan a tih kha?

Ans: Serhtanho zing a mi an ni deuh ber (1:10)

Facts

Tita hnena tirhkoh  Paula lehkhathawn hi thupui neiin thliar hran theuh a ni a, a pathumna khan eng thupui nge a neih?

Ans: Zirtirna hrisel (2)

Tita-ah hian Bung engzat nge awm?

Ans: Bung 3

Bung 2na ah khan chang engzat nge awm?

Ans: chang 15

Bonus : Eng bung nge sei ber?

            Ans: Bung khatna chang 16 a awm

Fill in the blanks (Sawizawm rawh)

1.      Nang erawh chuan ________dik tak nena inhmeh  thu sawi rawh.

Ans: Zirtirna (2:1)

2.      _____ pawhin Pathian thu chu sawichhiatin a awm loh nan...

Ans: Pitarte (2:3)

3.      Chutiang bawkin ______ te chu rilru fel tak pu turin fuih rawh.

Ans: Tlangvalte (2:6)

Reasoning

1.      Engtik hunah nge Pathian khawngaihna a lo lan?

Ans: Mi zawng zawng hnenah chhandamna rawn thlenin (2:11)

2.      Tunlai khawvelah hian engtia awm turin nge min chah?

Ans:  Insum leh fel tak leh Pathian ngaihsakin kana wm tur a ni tih min zirtir (1:13)

3.      Tita 3:13-na Zina kha eng mi nge a nih?

Ans: Dan hretu

4.      Paulan khan tute nge chibai min han buksak ang che a tih kha?

Ans: Rinna min hmangaihtute (3:15)

5.      Kan mite chu tlakchham an neih ngai loh nan engti tur a fuih turin nge Tita kha Tirhkoh Paulan a tih?

Ans: Hna tangkai thawka in hmang reng turin fuih la, an awm mai mai tur a nilo. (3:15)

6.      Tute pahnih nge Paula hian Tita hnen a tirh a tum te kha?

Ans: Artema emaw Tukika emaw (3:12)

7.      Eng thu nge rinawm tirhkoh Paulan a tih kha?

Ans: Pathian ring tawhte chuan thil tha ti zel turin ngaihtuah rawh se.. (3:8)

8.      Tirhkoh Paulan thil sawtlo leh engmah lo a ni si a tih ?

Ans: Zawhna atthlakte, thlahtu chhuina te, inhnialna te, dan thu a insualna te chu hawisan zel rawh (3:9)

9.      Rinna hran nei mi chu vawi engzat zilh hnuah nge zilh tawhloh tur a tih kha?

Ans: Vawi hnih khat zilh hnu chuan zilh duh tawh suh (3:10)

Zawhna ho mai mai

1)      Tita kha eng hnam nge a nih?

Ans:  Greek mi (Galatia 2:3)

2)      Eng khua ah nge Paula khan Tita kha lo kal hram hram ang che a tih?

Ans: Nikopoli (3:12)

3)      Tita hi Paula hian engvangin nge ka fa tak tak ti a a koh?

Ans: Tita, Kan rin thuhmun avanga ka fa taktak hnenah (1:4)

4)      Tita-ah hian a tlar hnuaiah bible reference chhiar zawm tur/ thu in hne ang chi te dah teuh a ni a, chung zingah chuan enge tam ber?

Ans: Timothe-a (5)

5)      Zawlnei pakhatin Kret thliarkara mite a sawi dan kha enge ni le?

Ans: Kret thliarkara mite chu dawithei te, sakawlh sual te, thatchhe dawheh te an ni fo mai (1:12).

6)      Tirhkoh Paula hian Pathian nihna chang4 naah khan engtin nge a address

Ans: Pa, Pathian leh Krista Isua min chhandamtu hnen ata khawngaihna leh remna awm rawh se.

Re-defining GOD!

Ka phak tawkin Pathian nihna hi ka ngaihtuah ve thin. Chhuiphak rual loh ni mahse mimal a kalo hmelhriat ve dan tunah hian hmanni a kan titi a kan sawichhuah ka sawi dawn a ni.

Theory One: 

1) Pathian (Pangngai/Constant) + Keimah (Rinna/Faith)=?

Sawifiahna: Pathian nihna chu ropui eltiang, danglam ngailo a ni. Chu Pathian nihna chu Keima rinna nen hian han puntir ta ila ka rinna atam pauh leh a ropuina a lo lang zual dawn a ni. Achhan chu Amah a thiltihtheihna kha pangngai/constant a nih avangin.

Tunlai thil awmzia!

Heiha, Huiha, Vanlal thesis: Thesis ziah kawng hi a bumro ve a sin uluk takin mite ai a rei hret ziahnan ka hmang a. Ka zawh dawn tawh pre-submission ka neih hnu a ban tliah vang leh nerve thatloh vangte, ka thiam hlawlloh vangte pawh a nimahna. Ka han ziakzo chu 'ropui takin a hnehzo ta' tih ang maiin ka bye bye nghal luah luah mai a, han keu leh eih pawh ka peih tawhlo, chham kham takin ka kham a ni. Thesis ziah hi thil namai a lo nilo, supervisor hamstrict khat tlat te, lehkhachhiar, lehkhachhiar peihloh tul si, deadline leh street light, ngaihtuah neuh neuh, clerk paper works kan tihlai a min ngaihsak tha duhlo posi lak khum deuh thaw te, archive leh library kan kalna a vai putar sual tak te kha a tam mai. Ka zin veivak zing pawisa ka heh, rilru a heh, heh kan pet fan fan thinl. Tumkhat pawh Bus-in kan accident a nia. A kaihtawinan tluk leh dingawnin ka ziak a, Pathian khawngaihna changin ka ziakzo a ni.

Barakhaih Malsawmna: Pathian khawngaihna a zarah external examiner-te'n ka beisei phak bakin report tha an rawn ziak a. Nikuma ziakzo kha ka ni a kumin University Convocation-ah chuan Best thesis dawng tur a thlan kalo ni ve reng mai a. Ka beiseilo a, ka phulo a, ka inhmehlo bawk! Chumi a nih avang chuan convocation ni hma khan ka gate pass la turin office ka va dawr a. "Medal la tur i ni" min tih khan, vaiho hnenah "MA pawh ka nih tawhloh hi" ti te'n ka va vin vel, kei milaktlak loh hi. Convocation ni chu a lo thleng ta a, dawhsanah chuan PhD Degree la te min sem hmasa a, chumi zawh chuan Medal la te min ko chho leh a, mumang a ang lek lek mai. Ka va kal hnai a, kan Vice Chancellor chuan ka benga bulah "The most difficult one" tiin min lo fuihphur a. Convocation kawrfual var puithiam kawr ni awm tak ha chung chuan a piaha University Chief Rector-in lawmman min pekna tur chu ka pan phei a, a piahah chuan scientist convocation address tur an sawm chuan min lawmpui ve ni awm tak hian minlo chibai bawk a. Tette atanga in ham tang chho ve tawk tawk pakhatna ni ve ngailo tan chuan nuam ve tak a ni.

 Shri E.S.L. Narasimhan, Governor of A. P.University of Hyderabad Chief Rector, in Medal min hlan lai.. Veilam a mi khi Scientist thusawia an sawm, ban phar khi kan University Vice Chancellor, Prof. Ramakrishna Ramaswamy

Lehkhabu chu! : Ni e, kumin zet hi zawng kumthat kum a ni, kan lehkhabu pahnih lai mai kan ti chhuak thei ta a, lawmawm riau, pawisa lam erawh kan hnenhnan pui em em hranlo a. Amaherawhchu kan lehkhabu pakhat hi BA zirlaibu-ah an hmang a, a zia phian. Pakhat leh hi ka thianpa Williama leh Chami te nen kan nuai a nia, enge a an dawn ni.

A tawp berah chuan ka blog ka update tha talo em em a, a chhan chu a chung a mi pahnih te avang hi a ni. Thilziah hi nuam ka tia, kan ziak chho leh tan thei tawh ang chu.