Ngaiteh! chutichuan..

Ka tet deuh lai khan tawilailir bearing-in kan siam thin a. Driver pawh ka ni phalo handyman ngat ka ni, a jam ka kam thin! Kha kan Tawlai kha minla ruk sak zui a, detective takin kan chhui hnu-ah kan hmu leh hram a. A hmawrah hian zawngte lem kan dah va va mai a nuam ve deuh a ni. Khata tang khan motor khalh hi chu kalo zir tan tawh reng tih tun hnu hian ka hreleh hnuhnawh a. rawlthar kan ni chho a thiante'n Select an lei sup sup nula an rim.. an rimloh hlanin kanlo hawh ve ang lawp lawp a. Kan pawisa khawlsa in petrol kan han thun ve sat sat a. License neih loh avangin Mobile kan han hel zak zak a, kawng kha a va han kual thui thin em.


Tunah ka thian te'n an lo bawl lawk ang. Research scholar thah :-)

World cup a lo ni a thianten football star thlalak an lakhawm a, keipek chuan Bike racer ho te, Moto GP thlalak te kalo lakhawm ve thung a. Ka bangah hian ka tar a ka en ve vawng vawng thin. Nu te hnena han ngen ngawt lah thawhchhuah nei mang silo...nei ta pawh ni ila, ka motor chuang ve hi an lung a muang theilo.. ka chesual palh ang.. chuti khati... an sawi tur ka hrelawk vek.. ka dil lo zok ta mai a ni. Engzat fakau nge ka awhchhiat tawh a, neihleilo a ka duh leh takloh hi ka kutzung tang hian chhiar dawn ila a daih hauh tawhlo ang.

Tunah Helmet anlo bawl leh ang :-)

Hunte an liam zel a zangkhua a lo bungbu ta, bungbu tak a ni :-) Bike second hand ka sawi ve ngam ta! Thianpa Dawnga'n vai hmel hriat ho a lo be rawn a pakhat chu ka hma ah rawn lan tir a ni a, mahse ka lung a dum meuhlo. Ka lei duh thu kan sawi dek dek a, thiante'n leilo mai rawh.. a tul lo em mai an tia..Nia a tul rihlo kumkhat ka nghak leh..

Tunah Mendi modelin anlo lakpui ve leh ang,an meng ngam meuhlo.. kut a pawimawh hle

Tul ta aniang secondhand lei chungchang chu ka chhungte meuh pawh ka sawipui ngam ta. Mahse second hand zawng a thin pawh ka ning a, ka lung a dum leh theilo. Mi zawng zawngin an neih hnu deuh thaw ah Pathian malsawmna dawngin keima kutkawih ve ngei maiin ka Bike awh deuh mai chu ka lei ve ta a ni. Tunge "Hallelui" pe dawn le?

Chetchhiat vawikhatna: Petrol ka thun ve ang tre traw a ka tlan ve vawk vawk. Tuk khat chu nung duh talo, petrol pum a mi bottol in ka han lei ka thun ta a la nung duh chuanglo, mang a ang tran. Ka thawk lawk a, a thar ve lem chu ka leina dawr thleng ka va nawr triah2. Petrol-ah chuan tui a lo awm treuh chu ni in an thuahfai ka hahpui hle. Thilnung duhlo hi a buaithlak hle tih ka zirchhuak a :-)

Vote of thanks: Thlasik khaw vawt a ni tan tawh bawk a vawt of thanks kan sawi ang e. Ka leina min kalpui tu Elvy-a leh apatea chungah hian ka lawm em em a, an pahnih hian vote tamtak an hmu a ni. :-) Remchan velah ka phur vawk vawk ang. An blog pawh inlo tloh ve ziah dawn nia, ngaihnawm thei a nia. Haha