Pangpar kuhmum ka en hian mihringnun buaithlak tak hi min hriat chhuah tir thin. Ni e, par la chhuah silo par chhuah tep tawh hun a ni a. A lo parchhuahna turin ni leh ruah tamtak a dawn a ngai bawk thin. Chung hreawmna zawng zawng tuarchhuak chuan mawi takin a lo parchhuak thin. Ni e, hringnun chu nuam hlir hian a alo tuamlo, a sak lai leh ulh chholai tamtak zawhlai hian beidawn mai pawh a awl reng a ni, mahse hei tak hi malsawmna kawngka kikna a lo ni duh fo. Hringnunah hian duhthlan thiamloh chang leh kal mai ngaihna hriatloh hun pawh a thleng thei e, mahse chhia leh hriatna dingtak a sawr khawm a hma lam pan chu mipa diktak ni tan chuan tihawm reng pawh a ni. He thu ka ngaihtuah hian thlamuan thlak ka ti fo thin. “A ram leh a felna zawng hmasa rawh u” tih hi. Hringnun buaina lungkham luat hian enge min thlen le? tawng khat pawhin hma min sawn tir der silo a, engtia tih tur nge ni ta ang le? A ram leh a felna pawh chu enge ni? Kutkuangkuah a lo thlir tawp nge ni dawn a, theihpatawp a harsatna te lo hmachhawn ve. Ani, kan sut zawhloh harsatna hi Siamtu hian min hmachhawn tir ka ringlo a, theihtawp a ruahmanna hlawhtling tur a beih hi a tha hle in ka hria, chu chu a ram leh a felna zawn dan tha ber ni in ka hria, Pathian awmpuina hian beisena min siam a chu beisena nung nen hmalam thlir chu nun hahdam tak neihna alo ni.
5 comments:
A va tha rapthlak ber kher ve le!ni e,he khawvel ah hian ka pian ni a tangin hlim ni leh lawm ni te chu lo tawng ve lep lep thin mah ila,hrehawm nate,harsat nate hian kan nun za a sawmkua hi chu a luah khat a,mahse mihring kan nih ang in he harsatna hi kan sual chhuah a ngai bawksi!"kan sut zawhloh harsatna hi Siamtu hian min hmachhawn tir ka ringlo a...."min hmachhawn tir lo ang!"engkimah Lalpa ah chuan lawm fo rawh u"tih hi kei ka thupui ani e.
Nia, i ziah sut zawhloh harsatna hi Siamtu hian min hmachhawn tir ka ringlo tih hi ka pawm zawng tak a ni. Kan harsatna te min hriatpui vek tu kan nei a. Mahse harsatna tawh lai hi chuan hriathhiam hi chu a har duh khawp chuan ka hre thin! nia, Amah en chunga tuar thiam dan hi zir a ngai khawp mai mawi tak a a lo par chhuak kan thlir thiam nan.
@awzzman: Nia, a ni nen hi chuan engkim kan huam a ni tiraw:-)
@puii:Parchhuakneilo nun kan hmang ang tih a hluahawm, beiseina nei zel ila tiraw.
I awmdan tur chu Lalpa chungah nghat la, Amah chu ring la Aman a ti vek ang
ani khawp mai, hringnun hi chu hman thiam chu a ngai khawp hmel mai!!
Rose kuhmum a milem i dah te pawh hi, a kung chuan hling a nei si a, mahse, Rose par mawi tak in hling a neih avanga thinrim lo in, hling kung in rose par mawi tak a chhuah avang lawm zawk in , an tih thin kha maw!!
amaherawh chu ' Ka dil loh zawk malsawmna ka chungah Lalpan min vur a' thinlung tak a tih theih hi chu a har tlang ani e!!
Post a Comment