Electric eng la awm hma atang khan zan khaw thim hnuai a awmte tan enna a pe thin. Thinlung a hnemngai lungleng vawng vawnte tan hnemna a pe bawk. Van boruak kan thlir vang vang a Pathian thilsiam ti ropui a ti mawi zualtu chu thlapui a lo eng pum mai hian a ni. A then chuan mihring finna atanga chhutin an han in kap kai a, a then chuan hla ah chawiin lunglen hnemnan an hmang fo thin bawk chung zingah chuan Don Henley hla Talking to the moon pawh hi a tel ve ngei ang. Mihringte hian kan va chhawr mawlh mawlh tak em! Thla (Moon) han tih hi Germanic thumal a ni a, thla (month) tihna a ni awm e, leimite’n hunbi kan chhiarna thatak Zan ti zan tu chu he thla bawk hi a ni. Hnam hrang hrang te’n tawng hrang hrangin kan thiam ang tawkin chu van a ropui taka inzar chu kan ko theuh hlawm a. Kan naupang inawih lemna ah pawh a ni ang tluk a chhawr rim kan neilo, “Thlapui lo tla rawh, matea hian a lo awrh nelh nelh ang che.” Chutichuan naupuak lai pawh chuan suangtuahna nen chu thla vansang tak a awm chu a thlir vawng vawng a, engemaw tak chuan a muan ni tur a ni a muhil ta siai siai a.
Hmanlai mite phei chuan a biak hialin an bia a! Kum maktaduai tamtak atanga rawn awm tawh a ni a mihringte nunah hian ala pawimawh dawn chauh a ni. Greek ho pathiante Selene and Phoebe leh Artemis te hi thla a hmehbel leh hmeichhia ni a ngaih a ni. Ni hi mipa anga ngaih a nih avangin thla hian nu nihna keng bikin an hria a, inchhunga nu uap a nawm angin zan thim hnuai a nu berin a uap tlat mai chu a muanpui a ni. Lehkhabu tamtakte a ni avang hian a rawn piang chhuak a, suangtuahna ram a an chawi film engemaw zat he thla vang hian a lo piang bawk. Chumai nilo kei tak pawh hian zaninah hian thla vang khian thil ka ziah phah ta a nih hi, chhawrhthlapui a ni miau a.
Photo credit:Epistemology
8 comments:
thla eng hi tuna a en ang hian eng lovin rawng dang daih in eng ta se, lung a ti leng tho ange'm?
Ni, thla eng hi chu a nuam em alawm. Lungleng pawh nila a mawh love.. Arkaidern zan hlei2 a nghahhlehawm thin.
thla a en hian engtin emaw ka nghilh dup zel :P. Curent hi awmlo ngei se a nuam in ka hria :)
Thlapui tih mai om, a chhawr lai tak hi han chhui tel nghal la. I chhawr nge chhawr lo sawi bawk la :P
@azassk: Ta lo se tih mai mai ngaihtuah te chu a...awm tawh sa pawh tih nak a laiah :-)
@Geminiboyz: Lunglen leh thla khi nia in hmeh deuh a ni...
@vana: Haha vana, ka thianpa pakhat phei chuan current pawh awm se on duhlo ngat mombati nen a in chhawp a hla ngaithlak pahin thla eng a lom veng veng mai mole :-)
@Calliopia: Keimah mai he article hian a huap lo a ka huap zauh tir em a ni. Ka chhawr leh chhawr loh chu...a ka sawilo zawk ang e, ka chhawr ka ti zo chauh sia :-)
chu thla chu werewolf ho ron chhuah zan thla a ni maw?? hemi zan hian nang poh werewolf ah i chang em?
@Almost Unreal: I inla thlahrang film en lutuk. Keichu i rawn sawi zawng pawh hian ka hlau nghal tawp :-)
Post a Comment