MP3 ka download pakhat hla chu a ngaihnawm khawp mai. Ballad song pakhat "Christmas shoe" tih kha a nia, ka ngaihthla a, chumi phena thawnthu ngaihnawm tak chu: Krismas a nih tep tawh avangin mite chu an hmangaihte thilpek lei turin dawr kawtah chuan an in tlar put mai a. Mite chu hlim hmel tak mai Krismas rilru an pu vek ni hian alanga. Ka hmalawkah chuan naupang tawp ve tak mai, a ke ler atang a chhip thleng han enpawh a pawr ve tak hian peikhawk pair khat hi a lo keng ve ran mai a, a hmel-ah chuan a hmanhmawh ti hi a lang reng a. Aman pekna hmun a thlen chuan a thusawi chu ka hrereng mai "Ka pu he pheikhawkte hi khawngaih takin ka nu tan ka lei duh a ni, Krismas urlawk ni a ni tawh a ka lei thuai duh a ni, ka nu size chiah a nisi a. I hmanhmawhthei angem? 'Ka pa in hun rei i neilo e' min ti si a. Amah leh a mah chu a ti hian a in be zui a, "ka nu chuan a inhmeh ngawt ang, mawi taka a bun hi ka duh a ni. He thilpek hmang hian kanu chuan Isua hmel a hmu ngei dawn a ni" ti in.
Pawisa lakhawmtu (Cashier) chuan "Ka nau i pawisa khan a daih lo hlauh mai" a ti a. A ipte bal tak chu a han zen leh rauh rauh rauh a. Ka nei hauh tawhlo mai, ka lam chu a rawn hawi thuai a beidawng takin, "Ka nu hian Krismas thawmhnaw tel lo pawhin kum dangah chuan a hmang mai thin a, mahse tun tum hi chuan ka lei duh a ni engtin nge ka tih tak angle? Lei dan kawng emaw tal ka ngaihtuah tur a ni" beidawng takin a ti a. Chutah chuan tanpui a ngai ta tih ka hria a, a leina tur pawisa ka pe a. Chutah chuan lawmtakin a la var a "Ka nu chuan a inhmeh ngawt ang, he thil pek hmang hian zanin hian ka nu hian Isua hmel a hmu dawn a ni" a ti a, hmanhmawh takin a tlan ta hlawk hlawk a. Chu thusawi chuan thu tamtak a sawi in ka hria.
No comments:
Post a Comment