"Lawmna puan zar ru" tih hla sa chunga in chhung a lam thin, hlim sang reng thin leh a khuang vuak a rin luat avanga kan thuhruksak thin ka pi kha ka va han ngai em! Ka pi avang hian "Lalpa Davida leh a thlah arsi" te takte kan nih lai in kan hriat phah a, tawng fiah manglo in kanlo sa ve vak vak thin. Sam kha a by heart chhuak vek a, a tawngtai hian a han telh ta thin a a rei duh phian. A tute hming kha kan vaiin min lam vek a min tawngtaisak theuh thin. In chhung dungah zai pah a lam a ching a keni naupang ninhlei tlan hian kan han su thlu ang chawrh thin a. Min hau pawh a tum chuanglo a tho a a chhunzawm leh mai bawk a, ka nu te khan min lo hau zawk thin.
Zing tawngtai kha a hlah ngailo a, buaithlak pakhat chu alarm tumkhat a set ve tum khan a ni dar zat kha a hre tawh silo a, helhholh darkartin mai a rik hma si a kaputea a han kai tho kha a ni. Midang pawh kanlo harh vek phah si a! Solfa emaw lengkhawm engpawh nise a lam fai vek mai a. A dam loh hnu a tiang nen a lam a chau lutuk han thu leh rih rih te kha ka mitthla ah hian a cham reng mai. Keinin Pathian fak a kutben pawh kan harsat tehreng nen aw.
Exam a kan kal dawn khan ka pi'n kan luchunga kut a nghat a a tawngtai loh chuan kan lung a muang theilo, ka pi tawngtai kha thleng bik dawn hian kan hre tlat a tin ni. Ka tet deuhlai a ka nun tiang vilik a min veh lai a kan kar a rawn in tla zep ngam, "ka tupa hi i vaw BA lo ang, vuak hi ka phallo.' a tih thin lai te kha.Ni e, dammawh hritlan awmse damdawi ai a kan hriat hmasak chu ka pi tawngtaina kha a ni. Kan naupan tet lai atang khan kan ring ve bur mai a ni, a mak ngawt mai!
Ka hmangaih ka pi kha a ruang ni kha Hyderabad a MA zirtur a ka kal ni a ni a. ka chhungte'n ka kal tur pawh an ngaihsak hman tawhlo a, rangtakin a ruang awmna lam Lunglei min liamsan a. Kan in kha khawhar takin ka kalh a Hyderabad pan turin ka chhuak ta a nih kha! Min hmangaih em em tu pangpar pakhat pawh a ruang a dahlo a ka liamsan mai kha ka inthiamlo em a. Mahse a damloh lai aw hnuhnung kha ka hrereng mai, "He khawvelah hian damin in hmu tawhlo mahila vanramah kanla in hmu leh dawn nia." Ni e, vanramah chuan ka la tawng leh a nih chuan lei leh vana parmawiber Lal Isua ka thliah sak ngei ang.
"Ni tlakna piah lamah sawn
Chatuanin mawi a awm
Chutah chuan hlim ten kan thentak te
Lawmin kan tawng leh ang."
5 comments:
Ka mittui te tla vel. Ka rilru khawih nasa ltk. Keichu ka nu deih nia min ngaihtuahchhuah tir, I pi I sawi angin, exam dawn a ka nun ka lu chung a kut nghat a a trawngtrai loh chuan ka titha dawn lo tlat khan ka hre thin a, damloh pawh I sawi angin, khawvel damdawi zawng zawng aiin ka nu trawngtraina hi tun thlengin ka la ring ber.
"He khawvelah hian damin in hmu tawhlo mahila vanramah kanla in hmu leh dawn nia." - A ropui a, mahse ka ning inthenna trawngkam hi. Tuma thih hma hian mahni hi thi fel thek mai ila, a awlsam zawk ka ring tlat. Te ti vel ila.
Hnuk a ti ulh tep lawm le! ka pu kha lam peih tak a nia, min hriatchuah tir kher mai. Exam dawna lu chunga kut nghata tawngtai hian ka nu min hriatchhuahtir bawk. Tin, ka pi min hriatchhuah tir leh a, ka pi duhtak ruang pawh hmu thei lovin ka awm a, vawikhat tal chu biak leh theih ka va chak ka ti thin! I pi chanchin hi ka lo hre nual tawh a. A ropui khawp mai a thih dawn a thusawi hi... Engtikni ah emaw chuan ropui takin vanramah in inhmu leh ngei ang.
Nie, kanla intawngleh ngei ang @puii and Jerusha
Pite hmangaihna hi a va lo thuk tak em....!
awzz: Nia sawifiah thiam chi poh a nilo e.
Post a Comment