Tum khat progress seminar ka pe chu kan zirtirtu pakhat hian minchilh hrep mai a. "Metaphysic" ka'n ti ve te chu min deu khawp mai a. Han sawi leh zel pawh chakawmloh khawpin ka paper chu a chip a ni. Zan tam ni tam kha ka men puiin ka buaipui kha a nia. Keimah mai duh tawkloin ka pu, ka thian senior researcher te ka rawn bawk a. Mahse chu ka thil sawi chuan a rilru a hminlo a, word tin mai chu a thinurna meichhep belh tu nimai hian ka hria. A sawisel thiam viau na in mi han rawn tur bik a hre lemlo hlauh a. Ni e, keini history nei mumal lo leh record nei mumal lo tan chuan lu a hai duh em a ni. Ziahdan phung leh kaldan phung nei vek a ni si a, chupa thawnthu tih leh mai thin zawng sawifiah zetloh chuan an pawm duh tawhlo a ni.
Ka pek zawh chuan ka rilru a hniam rawih a. Puanthuah tel a haw mai ka duh rum rum a, ka thil tih lai chu ka tih chi ni ve hian ka hretawhlo a.Mahse ka thianpa min hnem ve na thin, "Nangnin ziak lo ula, tunge ziak chuang ang?" tih khan min ti chak ve tlat a. Nia kan ram riangte tan hian ka theihtawk ka chhuah ve leh ang tiin ka rilru ka siam thei hram a. Philosophy bu chhahpui pui chu ka buan ta ngat ngat a. An han har rem rem khawp a lungtum a liluh tum ang deuh hi ni berin ka hria. Thlanfim hian min bual zawih zawih fo thin. Nia, ka thianpa Epis te angin mawng belkang vekin chhiar ve na ila chuan ka man ve deuh mahna le. Tun thleng hian ka chhiar tam tawlh tawlh a, ka buai telh telh nimai hian ka hria... Hriatfiah kelh ni te chu a in her em ang chu.... Ka pek leh hun chuan hnialna khan chu ka hredeuh tawh ang chu :-) Kawng awlsam a lo ni hauhlo!
8 comments:
Kawng bumboh tak ni mahse..i dai kai tep tawh lawm! 'kawng awlsam a ni lo' tih i rawn ziah hian hla pakhat min hriat chhuah tir a..Isua ka kianga awm chuan ka kawng a ti eng zel ang, ka phurh apiang min chhawkzang zel si!(?) tih a nih kha. Phur rit tak a zang tep tawh kha! ti tang tang phot mai rawh :)
a sim simin ka chuang tho tho che!nia kawng awlsam chu a ni lo chiang a lawm...kei chu ka zuam ve lul lo..:-) mi i chilh ve hrep trep toh alom...hhehe.Chhuihthang Vala Lo zam suh aw..an tih kha..
chu tia a soi sel chuan, i kut chang kha han thok khum la, a chal darah tak khan pen fok mai tur lom, lolzz
tak2 in, tiang te chu a om tur a lom..critics an om loh chuan, engmah a tha thei lo..let him be the inspiration
Helam chu lo va inspire nasa nuaih2 ve, in lo in TTFN vel ani maw, nula leh tlangval ho :)
Unreal sawi a dik chiah, work criticise tlak neih hi thil awl a ni lo ania :)
'Metaphysics' tih awmzia hre lo te kan awm a nia. I zir har hmel em a nih chu :) Ti tang tang rawh, an la sawisel peih che chuan a lawmawm khawp a lawm le.
Metaphysic awmzia pawh chu min hrilh theih chuan ka lawm ngawt ang :)
@puii: Nia zo ve trep tawh.. ti trang2 ang :-)
@awzzman: I fuihna ka lom e :-) Nia hei gear pui kan han la leh chu nia...
@almost unreal: Pen fawk chi nang, hmaituam a penfawk chu min chilh lai kha chuan ka chak maithei.. tunah chuan chakpoh ka chak tohlo..Nia, Inspiration hlom lian a ni ngawt.
@jerusha:Kan buai lutuk TTFN pawh kan ti hman tawhlo lolz. Australia dut red cow leh an nula miss universe kha minlo hawn teh :-)
@anon: "Metaphysical" maw? ka phur thut chuan ka la rawn sawi chiam mahna le. Tunah chuan ka phur lemlo :-)I fuihna ka lawm e.
when did this happen? a va khirh awm ve a chu pa chu..mahse critics an lo om te hi thra. tikhan improve na tur i hriat zel phah anga. 'conflict' te hi a chang chuan hrisel ania.
@zri: hmanah tawh mole.. nia sawisel na hi dawng treuh ila, tih that mual mual chu kanlo nei duh phian :-)
Post a Comment