Hmanlai an chang zo ta!

Kan naupanlai a kan hotute'n Adam smith a sawi, "Human wants are unlimited" min hrilh thin kha kan hre ve reng thin. Nia, mihring fate hi chu chhia leh tha kanlo hriatna Adama atang khan silh leh fen kan mamawhna kanlo hre ta reng a. Theipui hnah mai inkhuh mawi nan a tawk ta lo a, savun a siam kawr an nei ta hial a. Hun a kal zel a thawmhnaw siamdan pawh a danglam chak khawp a arh hun a awm a, zuih hun a awm. Hmarchhak kila awm vang ngawt a ruaka lo tei nawlh nawlh theih a ni biklo a, Zofate pawhin thawmhnaw hi kan thupui hla pui a lo tak hi.

Kan naupanlai khan thawk khat lai kha Roost tih pheikhawk hi a lar em em a, chhungte hnenah hian kan han ngen nasa thei khawp a, min lei lem hleilo a. Thenkhat khan a sir a zipper nen a ipte awm kha Duli dahnan an hmang thin a, kan awt thei hle thin. Mahse thu mak tak mai a lo thleng, "Police in he pheikhawk hi bun an phal tawhlo a sir ipte-ah hian drugs an dah thin" tih kha. A neilo ho pawh awh enin kan en talo a, a bun chhun pawh Police in engtikah tak man ang i maw? tiin kan melh tawh zawk a ni.

Thlasik rim a lo nam a, TopFit leh Defendor jacket a rawn lar hluai a, ngawiteh! LT Jacket Rs 350/- man tlawm phalloh bur, thlawn vek theih pawh kha. Kan thenawm rawlthar ho chuan an ha suau suau mai. A ha thin te kha kan zui a achang chuan min ken tir ve thin! Mahse Khawchhak lam unaute hi an fel a a duplicate ang reng deuh hi an rawn siam leh a, kan ha ve vat a, a tak a ang mawlh silo. Converse all star lo chhuak leh a Krismas pheikhawkah an nei leh sup sup mai khatih lai khan RS 900/- vel ni in ka hria. Krismas pheikhawk sanction kha Rs 250/- chauh a ni si a, a melh pawh kan melh ngam ta lo. Mahse sawi tawh ang bawkin khawchhak lam unau te'n tlawm te khan a ang deuh rauh kha an lo siam leh pek a. A hming erawh adang deuh Xingpiang tih vel a ni ta in ka hria! Sneakers a rawn lar leh ta, nike air, reebok.. air ve hrim hrim bun an kat nuk a, naupang mai nilo puitling pawh an bang biklo, engineer rualin an nei tha thei hle. Awh ngam chi ah pawh kan lo ruat tawhlo a, mahse tumkhat chu chhungte Kathmandu kalin "Elria" tih ngei mai hi minlo hawn ve tlat mai! Ka bun a in hmeh hi ka han inti khawp a :-) Ti hi chuan khawvel ka ngam a ni mai ka ti mai a, mahse eng he hu a lo ni chuang lo a. Computer a lo lar leh a silhleh fen chu ni miahlo mahse mi khan an han sawi vul khawp mai a, engkim a hre vek. A dahna computer centre ah te hian a zahawm em a ke lawng a luh a ngai etc., Pathian ang tluk deuh thaw ah an chhuah trep a ni. Zirna in a mamawh avangin kan han nei ve ta cheng a, eng teh ual a lo ni lo a.

Ka ngaihtuahna-ah heihi lokal ta a, mihringnun chu a bak awm zel, lungawina awm rere lo a nih hmel a. Chuvang chuan nei tur a kan beihna zawk hian kan neih tawh ai chuan hringnun a ti hlu zawkin ka hria.

Pot of many colours!

Chennai atangin kan fellowship keyboard tur ka chah chu kan thianpa pakhatin a rawn hawn a. Chumi lam tur chuan ka thenawm Lv-a te unau ka sawm a veng kil tawp a Nu Saii te inah chu kan pan vang vang mai ni. An ni nupa hi missionary a awm an ni a. Hyderabad mizo tupawh ngaihngam tak a kan luh ngamna ve na a ni. Chutah chuan kan thianpa chuan a thil hawn chu a lo dah dawn a ni. Kan thleng a an bang a thil tar chuan ka mit a la nghal em em a. "My saviour lives" tih hi hnah vek a siam a ni a. Kraws pathum hi a hnuaiah hian a awm bawk a. Kraws in len hleihdan chu awmze nei tak a bel vek a ni tih a hriat theih a. Ka en deuh vang vang a hmuhin inneitunu chuan a siamdan chanchin a sawi a. Karkhat chhung he thu hian a lo pawl/zem a ni awm e. A ropui ka tikhawp mai, nitin kan chhandamtu hi a nung tih chu.Kan tan a thihna nitin a hmuh chu kan damna hriatna a ni si a.

Ka hawi kual leh a pangpar tamtak hi pot-ah hian a lo inkhawi a. Thil mawl tak a siam vek a ni a. A siamtu Nu saii sawidan chuan sahbawn leh therhlo eng eng emaw a siam a ni awm e. A siamna hmanrua holam aiin a siamchhuah chua nalh tak zet mai.

Thil hote pawh hian thil ropui tak a siam theih a nih hi. A pawimawh ber chu a siamtu rilru leh theihna a ni zawk. Ni tak e, keini pawh hi thil hotak ni mah ila min siamtu hian a duh phawt chuan thil mawitakah min siam thei a ni tih ka ring a. Belvawtu-in mawi tak a bel siawm dawn chuan tlaklei pawh a siamtu thu ang ang a awm a ngai a ni tih te rilru-ah a lo lut a.

Chu'ng pangparte chu ka han hnim a sahbawn rimtui a siam an nih ve avangin an rim a tui ve veng veng mai. A khawina pot pawh chu mawitak leh awmze nei tak a chei vek a ni bawk. Ka mit a tlai ngei mai. Ka phone ka lekchhuak a an phalna pawh nghak hmanlo chuan thla kala ta char char a.

Ka ngaihtuahna-ah thil pakhat a rawn lut leh pek a.Hetianga thilho mai mai a kan ngaih leh nachang pawh kanhriatloh hi a hria te chuan an hmang tangkai a thil mawi takah an siam thin tih hi. Ka haw a kan in bang leh vel a chei tur awm ka dap ve ruai a, han siam mawi awm ka hmu ve silo. Engpawh nise Pathian hian tupawh hi talent hran theuh minlo pe mai a ni e. Pangpar ka siam thei velo mai thei mahse thildang mawi tak chuan ka siam ve thei a ni. Chuvang chuan Pathian rawn chung zelin thilho tak hmang pawh hian thil mawi leh ropui tak kanlo din thei zawk a lo ni.

So far so good!

Hmanlai deuh kha chuan Bryan Adam kha kan duh thei hle thin. "Everything i do" phei kha chu kanlo zawm dual dual zel. Keini ang a lucklo leh ngaihdam tur nei miahlo khan "Please for give me" kha kan han tuipui leh em em a. Khang hunlai kha ngaihawm ngawt mai.

Tun hnu hian a album kawm milem kha ka enlet ta a, hmanah kha chuan kan thlir liam mai a ni a. Tunah chuan thu tak a pai hle tih ka hrechhuak ta. "So far so good" tih kha motor ke ah a in ziak a. Hringnun zingkawng zawh mek mihringnun a rawn lan tir ni in ka hria. Chutah chuan engtik lai pawh a so far so good han tih theih chu tha khawp ang. Ni e, a chhung a hla pawh a hman a mi kha tun thleng hian a la nalh a, a tha telh telh dawn a ang leh nghal. "Chuai theilo" han nih ngawt theih chu mihringtu pawn kan duh a ni ang chu. Kan hringnun zawhna tawhah inchhirna kan nei nual tawh em le? Nge so far so good kan ti zawk ang?

Happy teacher's day!

Pawr tak a kan naupanlai a "haunuar the teeecher's day" kan tih chhawng chhawng lai kha ka theihnghilh ngailo. Gov't Higher Secondary-a kan kal lai Teacher's day kan lawm ni a school choir zinga ring fal lutuk a ka zai sual lai pawh kha ka theihngilh chuanglo! Hmundang a college kan kal thlengin zirtirtute ni hi chu theihtawpin kan hmang ve thin. Tunah erawh lawmdan a dang ta!

Vawiin ni-ah zawng khuallian tur ang mai a in ulukin ka kawr hman thiam leh kekawr hman thiam ka ha zan a. "Good morning sir, happy teacher's day" ka dawng tan, nuam dawn rura. Ka thawhpuite pawh sari lar ber berin an rawn inthuam a, ka vai pahnih thian lah a dan panngaiin an rawn inchei zei leh peklo a, an zingah na na na chuan nalhlo ka ni bik lo!Chapel pakhatah zirtirtute chu kan kalkhawm a, Sister Principal-in Isua hi kan Guru a ni tih leh thil tamtak a sawi hnu-ah kan han zai leh ang lawp lawp a, mombati chhit leh serh leh sang kan zawh hnu in kan duhtawk ta a. A zawh hnu chuan Principal chuan zirtirtu minla hre ve lo te hnenah, Hei hi... ka hming a han lamthiamlo leh pek phawt a....maasya.. a fuh thei chuanglo..i find it difficult pronouncing his name...this gentleman ka ni leh ta tawp mai. History lecturer kan zing a rawn awm thar tur a nia. "nice meeting you all" buk zauh pahin ka han chhag ve a. Hmel hlim sarhin min lo chhawn hlawm a, min lawm a ni ngei ang.

Chu'ng kan zawh chuan auditorium lianpuiah chuan kan lut phei a, hmeichhe college a ni bawk a rin ai takin an pawr. Kan lut chiah tih chuan namenlo hian an lo au a. Programme chi hrang hrang, zai lam etc., te'n min awi hlawm a, an fel viau e. Josh Gorban hla "You raised me up" te pawh kha violin nen thiam takin an rem thei zel a. Tunlai lam te pawh a awm bawk, vaiho nge nge an indaih khawp mai. Chumi hnu chuan Boss ber chuan thilpek te min pe theuh hlawm a dinner set tha deuh mai a ni a ka lawm hle. Chu ai tha mah a ka hriat chu amah ngeiin ka hming diktak spelling suallo a a kutziak ngei a duhsakna card leh rose bawrkhat min pek chu a ni.

Teacher's day-ah hian thil pakhat ka ngaihtuah chhuak a. Office-ah chuan file nunna neilo an khawih a, keini(ni ve tlat tawh :-)) chuan file nunna nei kan khawih tih hi, Zirtirtu Isua ka mamawh zual zia min hriatchhuah tir a. Theihtawp chhuah ve tur a insangmar chungin zirtirtu te ni chu ka hmang liam ve ta a ni.

Rinloh malsawmna!

Kan Prof pakhatin ama personal web a duh thu min hrilh a, West Indies a kal thuai tur a nih avangin a hmanhmawh hle nghe nghe a. Ka research a min pui ber tu pakhat a ni a,South East Asia expert a ni a, UPSC ah te pawh member lo ni tawh thin a ni. Chutih karah ka la ziah zawh loh article "Man in India" Anthropology Journal-a thehluh hun ni karkhat bak a ni tawh silo. Kan hotupa min ngen tu lah zahawm hnial chi ni silo. Mi pakhat mai ka ni hi ka indaihlo thar thut a ni! Vai pathian ban sawm nei thil ti thei bawk si hi awm se chuan han hman mai theih ka ruai duh hle nghe nghe a ni. Tichuan ka thilziah kar lakah ka theih ang angin a web tur chu ka han riruat chhin a, mahse a fuh hlei thei silo. Tumkhat chu Prof room-a kan awmlai in reader pakhat a rawn tei lut nawlh mai a. "Sir, web ai chuan blog revolution a ni tawh a a tha fe zawk" a rawn ti ta a. Ka lawm lutuk chu ka chibai lo chauh. Tichuan a that zia fahchiam ngailo chuan web/blog ni thei si siamdan chu ka ngaihtuah a ngai ta a. Word Press hi a lo awmlo ang ti mawlh ka hlau, kan bel lem luam a, zan khatah web/blog a nei ve ta! A lawm ve hle nghe nghe a. Ka thilziah pawh chu a last day-ah ka zo ve ta hram a.

Chutia kan inbiak vel lai chuan College pakhat vacancy a awm thu amah an rawn hrilh a. I Thawk duh em? Mahse hmeichhia college a nih avangin hmeichhia kher an duh a ni awm e. Mahse ka duh chuan mi biaksak theih tur thu a sawi a. Ka guide bakah ka chhungte thu ka ngaihthlak ve duh avangin ni hun min pe turin ka dil a, a ni pawhin a remti a. Tichuan ngunthluk tak a ngaihtuah hnu in chu hna chu ka zawm duh thu ka hrilh a. Tichuan chu college-ah chuan thawk mai thei tur a in ngaiin ka va pan a. Chuti ngawt chuan a lo awlsam lo kher mai. Demo teaching karkhat zet min tih tir leh te te a. Keimai nilo elpui ka la nei zui a, chupa lah chu teaching experience kumthum lo nei tawh a ni nghe nghe. Hyderabad College tha pawl a ni a, ka tling ngut lo ang, min kawh hmuhtu kan prof an zah a min bawl rih mai mai a nih hi. Mahse ka rilru-ah chuan enge Mizo val ka nia ka zam bik ang, ka bei ve phawt ang a, tlak tak leh ngaiawh, ka rilru ka paukhuah lui ve tlat a. Karkhat chhung rei ka tih tum ber a ni awm e. Kar tawpah chuan principal hma ah misual thi tur a hrem lungngai tluk ang zetin ka va ding ta zan mai a. ka hma-ah khan ka elpui kha reitak office chhungah chuan an inbia a, ka ta turah ka ngai tawhlo hrim hrim.

Principal office ka han luh chuan, thu rawh thu rawh. Boruak tawt tak chu tihchhuah tumin ka han thaw hawk a. Thutna rem zawh chuan thawl deuh ta hian ka in hria a. Principal pawh chuan min ti hreawm rei biklo, Enchhinna i pal tlang e (So, you've pass the test) ti in min hrilh ta a. Lehkha them tamtak hi ka lamah chuan a rawn nawr phei a. Ka han en nak chuan zirlaite'n min hmuhdan tha min tih leh tihloh an ziah chu lo ni in. "This will encourage you" tiin nui sen senin Principal chuan min ti a. Ka lawm lutuk chu auvak ka chak a, mahse auna hmun a ni silo. Principal chu hmeichhia a nih avangin, "Khawngaih takin ka chibai thei che angem?" Ani pawh chuan phal tak chuan a kut a rawn pe ve a. Ka thinlung a lawm takzet mai. Ka thiam engmah a awmlo a, Pathian.. Pathian mawlh chungah ka lawm a, engmahlo ti engmah tu chu ka rilru in lawmthu ka hrilh mawlh mawlh a. Pawn ka chhuak chu ka lawm lutuk ka zuang vak vak a, auto pu te pawhin phawk takin min en thu hlawm a, mi lawm ve te. Tichuan zirlai kha zirtirtu ka lo ni kawp ve ta a nih chu. Pathian remruatdan hi chu mak ngawt mai.

Mi tamtak chuan kei ai a thil ropui te pawh hi an chang ngei ang, mahse ka nun a thil thleng hi mak tak a ni, "Ama'n engkimah min hria e" tih kha a dik ngawtin ka hria.