THE BEST GIFTS THIS SEASON

To a Friend Loyalty
To an Enemy Forgiveness
To your Boss Service
To your Child A good example
To your Father Honor
To your Mother Gratitude and Devotion
To your Spouse Love and Faithfulness
To Yourself Respect
To All Men Charity
To God Your Life!!

Krismas Thilpek

November a de tan chauh tihin Krismas hla ka ngaithla tan a, Krismas message ka thawn kual nasa hman hle! Advance vet vet tak a ni, I uar fal lutuk ti an awm pawhin an mawh lo e, ka uar miau a.

Khawvawt: Hun tamtak liam ta ah khan Shillongah khuan vawt ti in ka lo khur ve fo thin a. Kan awmna hostel-ah khan tuilumna awm lo a,zing inbual lai te hian lainatna nei miah lo in tuivawt hian min seh vawng vawng thin. KTP, TKP, SAY advanced Christmas-ah tel kim vek kan tum a, attendance la se chuan kan kal tha ber ang. Nia, Shillongah kha chuan keileh ka thian te kha pawl lo pawl, Ruaitheh pawl kan ni! A khaw sik leh sa hrim hrim vawh tawh nak a laiin thlasik khawvawtin min rawn nang ching ta thin a, lunglen nen khawthian nen kan lungleng hian kan khurhlawk hlawk fo.

Thil pek chu:Hetiang hun a lo thlen hian kan ngaihtuahna awm thin chu Thil pek" tih hi a ni. Nu leh pate, thian te, thian zual bik te tan card emaw engemaw tal kan ngaihtuah ziah a. Chutiang ngaihtuah chuan ka thiante leh kei ngeipawh kan buai viau thin a nih kha. Stephen Hall-a awm thin kan thian thenkhat tepawh khan In lam atangin thilpek an dawng tan a. Chuta kan thianpa dawn pakhat chu a dangdai khawp mai, Krismas thilpek-ah chuan a la ropui berin ka hria. Engdang niloin "Tuilum Ip" a nia, Shillong khawvawt tak karah chuan chulo liam a hlu chu a awmlo. Hmangaih ber te pek a tan a thlanawmber te zinga mi a ni.

Kumin hian eng thilpek tak dawng ve ang i maw?

Don't know what you've got till it's gone!

Warning: Romantic taka chhiar tum tan, chhiar loh mai chi, mit a hah mai mai :-) Thufawm khawm mai mai a ni e.

A Thupui thlan chhan: A thupui hi keuphawk a veilam tih ang deuh a ka thlan ve tawp a nih hi! Ka keuna bu (inspiration neihna) kha movie a ni daih a, movie ah pawh cartoon "South Park" ala ni ta deuh deuh leh nghal a. Nia a satu te pawh kha cinderella an ni tak e, tun hma kha chuan kan kurpui ve viau thin kha maw.

In persan leh si: Zingah ka tho a zing breakfast tur suzi ka siam sar sar a, puar pengpawng a ka in thun puar hnu ah College phur takin ka pan a. Naupang ho pawh thilsiam competition an nei dawn a, an phur ve hle in a hriat. Class mumal pawh a lak theihloh a, period hnih ka la neih pawh chu neilo mai turin ka puang an hlim ve dar dar hle, keimah tak zawk chu ka hlim hle zawk a.
Ka thil hmuh chu: Tichuan an competition neihna Auditorium lam chu ka va pan a. Thil nalh tak tak leh tuihnai tak tak mawi takin anlo rem khawm a. Ka phone kala chhuak a ka hmet mawlh mawlh a. Anlo thiam kher mai, ka thian pakhat chuan min ko a hei thil tuam mawi lampang endiktu tur a kan ruat a lokal lo tlat mai, lo endik ve mai ta che. Ka chem kalna a nih loh em avangin ka lo hnial a. Kan thlang khawlo zo ang tih ka hlau a ni.
A thupui nen sawizawmdan a awm em le?: Nia cake leh pangpar te hi pawn lam landan chuan a tui hmel hle a, thenkhat erawh chu an hmel tui hmel ang ngawt an nilo a a chhung lam chu a tuilo zek thin. Pangpar nalh tak pawh khawih fuhloh chuan hling te an lo nei ve bawk a. Chutiang chiah chuan mihring pawh hi pawnlam lam landan a tehfuhloh hi an lo tam kher mai. (Umm fuh tan dawn)

Thil hlutna chu: Ram hrang hrang pawisa hlutna chu an ei leh bar dinhmun a san a zirin a hlu mai thin. Hetiang deuh hian hlutna tehna dik chu an landan piah lamah an thil tih tam theih zia chhut hian a ni. Chutiang ang a kan thil neih reng chu kan ta ve tur rengah kan ngai a, mahse thenna rawng tak chuan min han then tir hnu chuan an hlutzia an awmloh chiah khan kan hrechiang thin.In lam a cake tui tak kan ei siam siam te, zochhang leh sawhchiar kan hawp lai te khan a hlut zia kan chhut phalo a awmloh chiah hian a hlutzia kan hrechhuak thin. Hman hostel kan awmlai khan, "sweet te chu vana rah ang" ka ti thin a, ka unaupa pakhat kha nuihza viau thin a. Ani kha hostel an lut ve chiah chu, dawl ang a zawr a in hlan chungin, "i sawi dik lutuk" tih bakin min chhawn tawh lo reng reng. Khadaih kha a sin :-)

A Tlangkawmna: A chhung luhchilh peihlo keini ang tan chuan a tlang hi kawm zung zung ila a samkhai duhphian! Sawizawm a har em mai, mit hmuh leh rilru a ziak ila ka tih a in tawnglo a ni ber e. Nula tlangval senior lam tan mit duh zawng thluak lamin a lo tawm pui siloh hian lenrei a awl bawk e an tia lawm :-) Chu chu a moral of the story ti mai teh ang u :-)

IIT Guwahati-ah

IIT Guwahati-a National conference a tel ve tur a sawm ka nih angin Hyderabad khawpui ka vai liam a, khawhar takin train-ah ka in sawhchho bauh bauh mai a ni. Adivasi leh Guwahati local ho in nghirngho lai a ni a,chanchin ngaichangin news paper kan bih chho zak zak mai. Kolkata ka thleng Mizoram house panlo in station bul vel a hotel-ah chuan ka in nghat a, nikhat ka chawl a, a tuk chuan Guwahati panin train-in ka chhuak leh ta a ni. Pawrfawpin ka thleng, Mizoram house-ah hmai te phihfai ve ila ti in ka phei phawt a, tui anlo la neilo zui a. Ka thlenna tur IIT ka va phone a an ni chuan ka room tur leh engkim an peihfel thu an lo sawi a. Auto kala a Mizoram house atangin ka kal ta vang vang a.
Thlenna nuam: IIT Guest house chu ka va thleng ta a. Reception-ah ka hming te ka han sawi a an lo fel khop mai. Conference Co-ordinator Prof. Saikia pawh min lawm turin a lo awm nghal a, kan in chibai nak nak hnu chuan room nuam takah NIT a Asst. Prof. Sathya nen min thlen dun tir ta a. Ani pawh US atanga doctorate zo fel chiah a ni bawk a vengva ve tak a ni. Lunglen chauh lai a Orientalism min sawipui chhen tihloh chu sawiselna em em tur ka hrelo :-)
Prof thenkhat: Ni hnih conference tur a ni bawk a a thleng tu lam pawh an lo in buatsaihna nasa khawp mai. Guwahati University, IIT Guwahati a Professor nilo chu pawn lam tangin mi 12 sawm kan ni a.Prof. Gautam Bhadra leh Prof. Pradip Bose Centre for Studies in Social Sciences a mi te, Dr. Victor Babu Department head Nagaland University a mi te, Prof. JL Dawar (MZU) atangin a lo tel ve bawk a. Arunchal University Vice chancellor in meeting a preside bawk a nuam ve tak a ni.
A hun a lo thleng: Ni khatna kan zo a nihnihna chawhma lam si ah chuan ka paper present tur hun a thleng ve ta. Boruak lum ka ti deuh thut a, pawnah thlifim ka va dawng a reilo te Pathian tanpuina dilin ka tawngtai, ka lut ve ta a. Ka hma a mite an thiam zeih zeih bawk a, huphurhawm ve tak a ni. Pawn lam atanga an sawm zingah phei chuan University Faculty nilo chhun ka ni a chumai a nilo Doctoral student ve mai ka nia, tlem chuan zam a na ve deuh. Mahse kal thui ve laklawh sia "Kei Mizo tlangval..haha.. teuhlo mai, kan zam mai dawnlo.." a rawn lang chuai chuai hman zawk a.

A saseh kan thleng ta:Theihtawpin ka hriat ang te ka share ve hlom a, a hnu lamah pawh sawihona nuam tak kan hmang thei a a lawmawm khawp mai.Prof. Gautam Bhadra in comment a pe bawk a, Indian historian turu ka ngaihsanin ka paper appreciate chu mumang ramah pawh kala mang ngailo, ka lawmin van a tawng (Hahaha)
Ka lawm e: Conference a zo a Aizawl lam a ka nu damloh avangin rang lamin Zawlkhawpui ka pan thuai a. Hetih lai hian passport ka buaipui pah bawk a, ka nu in dam lam a pan a Zawlkhawpui chu kalsan zai ka rel ve ta a. Min uitu tamtak ( Ka chhungte tiamlohin an awm em kha aw?? ka hretawh biklo)ka vailiam ta a. Guwahati ah chuan ka passport pawh hun reilo te chhungin ka lam thei a. Hyderabad ka chhuk thlakna tur pawh waiting list 5 ka ni vang a. Tatkal a ticket la ni tawh pawhin ka chang theihlollo, ka thian pakhat ka va phone a AC-ah chuan a chho mawh hle thu in minla chhang zui manga ang deuh tan. Mahse theihtawpin ka tawngtai ve a Pu David Malsawma Indian Railway Service a lo awm hlauh a, ka phone a, a ni chuan ka ticket chu confirmed a nih thu leh ka thutna tur nen lam a rawn chian a, ka lawm khawp mai.
Ei leh in: Kan conference kha eileh in phung zirchianna a ni bawk a ei leh in chu a hnianghnar khawp mai. North East hnam hrang hrang te'n kan ei leh in phung kan kalpui dan leh kan hnam zerang a rawn tarlan thu te, Theoretical framework hrang hrang atang a thlirna te, hmeichhe dinhmun thlengin an rawn sawi chho a ngaihnawm deuh a ni. Assamese chef pakhatin traditional food a siamna-ah dinner eiturin zan khat phei chu min phur dial a, tui khawp mai dulhmul khat phuarin kan ei. Assamese ho pawh ei leh in siam anlo thiam khawp e.

Haw a hun ta, mahni sehna mual theuhah kan haw dial dial. Hyderabad ka thleng leh ta der mai, hna tamtakin min hmuak leh si a. Kal kawngah Rajdhani anlo bomb thul, kawng sir a train pakhat lo let ngut te.. Chutiang karah chuan Pathian venna in dam takin lam ang ka lo let e :-)