Thursday, September 20, 2007

Pot of many colours!

Chennai atangin kan fellowship keyboard tur ka chah chu kan thianpa pakhatin a rawn hawn a. Chumi lam tur chuan ka thenawm Lv-a te unau ka sawm a veng kil tawp a Nu Saii te inah chu kan pan vang vang mai ni. An ni nupa hi missionary a awm an ni a. Hyderabad mizo tupawh ngaihngam tak a kan luh ngamna ve na a ni. Chutah chuan kan thianpa chuan a thil hawn chu a lo dah dawn a ni. Kan thleng a an bang a thil tar chuan ka mit a la nghal em em a. "My saviour lives" tih hi hnah vek a siam a ni a. Kraws pathum hi a hnuaiah hian a awm bawk a. Kraws in len hleihdan chu awmze nei tak a bel vek a ni tih a hriat theih a. Ka en deuh vang vang a hmuhin inneitunu chuan a siamdan chanchin a sawi a. Karkhat chhung he thu hian a lo pawl/zem a ni awm e. A ropui ka tikhawp mai, nitin kan chhandamtu hi a nung tih chu.Kan tan a thihna nitin a hmuh chu kan damna hriatna a ni si a.


Ka hawi kual leh a pangpar tamtak hi pot-ah hian a lo inkhawi a. Thil mawl tak a siam vek a ni a. A siamtu Nu saii sawidan chuan sahbawn leh therhlo eng eng emaw a siam a ni awm e. A siamna hmanrua holam aiin a siamchhuah chua nalh tak zet mai.


Thil hote pawh hian thil ropui tak a siam theih a nih hi. A pawimawh ber chu a siamtu rilru leh theihna a ni zawk. Ni tak e, keini pawh hi thil hotak ni mah ila min siamtu hian a duh phawt chuan thil mawitakah min siam thei a ni tih ka ring a. Belvawtu-in mawi tak a bel siawm dawn chuan tlaklei pawh a siamtu thu ang ang a awm a ngai a ni tih te rilru-ah a lo lut a.



Chu'ng pangparte chu ka han hnim a sahbawn rimtui a siam an nih ve avangin an rim a tui ve veng veng mai. A khawina pot pawh chu mawitak leh awmze nei tak a chei vek a ni bawk. Ka mit a tlai ngei mai. Ka phone ka lekchhuak a an phalna pawh nghak hmanlo chuan thla kala ta char char a.

Ka ngaihtuahna-ah thil pakhat a rawn lut leh pek a.Hetianga thilho mai mai a kan ngaih leh nachang pawh kanhriatloh hi a hria te chuan an hmang tangkai a thil mawi takah an siam thin tih hi. Ka haw a kan in bang leh vel a chei tur awm ka dap ve ruai a, han siam mawi awm ka hmu ve silo. Engpawh nise Pathian hian tupawh hi talent hran theuh minlo pe mai a ni e. Pangpar ka siam thei velo mai thei mahse thildang mawi tak chuan ka siam ve thei a ni. Chuvang chuan Pathian rawn chung zelin thilho tak hmang pawh hian thil mawi leh ropui tak kanlo din thei zawk a lo ni.

14 comments:

Puii said...

Wow..A van han nalh em em!! can't believe the creators creativity! mihringte pawh hian kan siamtu kan chawimawi theihna ber leh kan par chhuah mawina ber chu kan nun dan mawi taka nun hi ni ber mai! sawi leh ta duah e!

Unknown said...

awesome!!

Almostunreal said...

sahbon a siam???????

wow..really admire her creativity

van han mak em em

Maruata said...

Mawi hlawm hle mai a. Lak nachang i hria a, a lawmawm lehzual..keini tye lai laiin a mawina kan lo thlir ve thei a :) U Sailovi chu creative tak a ni...Pathian ringtu tha tak, natna khirhkhan takin a atlakbuak mek lai pawhin Pathian ropui na pe tlat mi a nia..Mumbai lamah inentirin an rawn kal thin a, an rawn kal apiangin kan inhmu ve thin..tunah chuan kei ka awmna tlang/mual a dang ta a, kan inhmu ngai ta meuh lo, an ngaihawm thei khawp mai, min lo biak dawn nia.

Maruata said...

Mawi hlawm hle mai a. Lak nachang i hria a, a lawmawm lehzual..keini tye lai laiin a mawina kan lo thlir ve thei a :) U Sailovi chu creative tak a ni...Pathian ringtu tha tak, natna khirhkhan takin a atlakbuak mek lai pawhin Pathian ropui na pe tlat mi a nia..Mumbai lamah inentirin an rawn kal thin a, an rawn kal apiangin kan inhmu ve thin..tunah chuan kei ka awmna tlang/mual a dang ta a, kan inhmu ngai ta meuh lo, an ngaihawm thei khawp mai, min lo biak dawn nia.

sawmpuia said...

@puii: Nia Nu Saii hi chu ka chhung ve viau i sawi pawh ka amen e.
@tetei: Kalo biak che an ni pawhin an hreve khawp che, kan nau a lom anlo ti var mai.
@almost unreal: Sahbawn leh thildang telh a nia, a sawi ka hretawhlo... ilo siamthiam ve palh ang lolz. Thiam viau a ni. A hnen atang hian ila training ve dawn nia..
@maruata: I enlo ang kalo hlau viau a sin :-) Zuk phone hial teh a.

Jinx said...

A thiam hle tak mai. Hmanah chuan puan chi hrang2in ka siam ve thin a,hun a duhin taihmak a ngai khop asin. A siamtu hi creative mai nilo, a taimain a dawhthei viau anih dawn hi :)

Zorami said...

pangpar a nalh bakah khian photographer khian a la thiam ve re2 in ka sia :PP boss lak ni sim2 )

sawmpuia said...

@jinx: Nia dawhtheih ngai viau ang ka ring.
@zr-i: thlalatu chu keimah ngei ka ni e :-)

mnowluck said...

from sahbon(soap)??. Nice idea!!! for it will smell sweet.

Did she sell some. Haw dawn hun ah lei tur nih hi. Neih ve maimai tur hian.

sawmpuia said...

@mnowluck: Aw sahbawn atang ngeiin, a hralh em? kalo zawt dawn nia.

Anonymous said...

ka chhiar hman lova amaherawhchu, i pics ho hi a nalh ltk ringawt...
really cool!!!

Unknown said...

Nu saii nge nge! an mawi lutuk.
Pathian thilsiamte hian Amah kan chawimawi ve em ? Nu saii pangpar ten Nu saii an chawimawi ang hian, tiraw?

sawmpuia said...

@gkhiangte: Chhiar ang a pom i ni e :-) Thanks
@babie remi: Thilsiam tinreng te'n Amah an chawimawi tih poh kha min hriat chhuah tir e :-)