Monday, October 8, 2007

Changel hnah ngei a chaw fak kha!

Lal pian hun lawmawm ka ngaihzualna chhan pawh a rau piah lam a ruaitheh changel hnah ngei a ei kha a ni. A spelling-ah pawh hian angel rim hi chu a nam hrim hrim (Ch/ angel). Thingtlang deuh a U-A-MA hman tawhloh chuan hetiang tum hi dawn a khat ta.

Ni e, thingtlang ruai theh hi chu a nuam phian mai, Bethlehem dai hi kan hnaih bik riau hian a hriat a. An khuangben te thleng hian Bethlehem a mi an chah a niloh pawhin Aizawl Bethlehem a mi tal an la a ni hrim hrim. Lengkhawm an tui viau a lakloh veleh tlai lam chuan dar an khawng ta a, Biak In lam pan tur a nilo a, mithi an awm pawh a nilo, mi tu emaw an innei dawn pawh a nilo, chaw ei kohna dar a ni. Kan bengah hian a va han rimawi em. A hmun kan han thleng a, nula ho chaw khawn kan sul pel zut zut a. A piahlawkah chuan kan pil dawn dawn chaw hi a lum vum thur mai a.

Fatu fel zingtian atang a kan ei tui loh hlau a lo thawk chhuak tawh te chuan changel hnah ngei mai ah chuan chaw chu an that darh ta a. Alai an hai kaw phawt a bawngsa leh vawksa an chhung nghal a. Chutah! sawhchiar eng tak mai, Mizo sawhchiar hmundang a awm ngailo, Biryani leh pizza satliah te'n an tluklo chu it awm lutuk hian a vum thar bawk a. Chutah! thenrual tha te nen kan kil ho ta! I barlian bik lutuk intihna hmun a nilo, kan duh lai lai inthlahrunglo in kan kut ngeiin kan han la nghal bawrh bawrh a. kan sir changel hnahah ngei chuan bahkhawr leh eng ilo kan rawtkawi kha kan han chhawp bawk a, a solfa vai tui lai deuh a, a key va thlakna tur a ni. Chutah! mauthei ngei mai in bawngsatui....vawksa tui an lo sem a. Kan han khiat khawlh khawlh a, engdang kan ngaihtuahlo. Fatu min duhsak tu deuh phei chuan a kawchhung eng eng emaw te an rawn suak ang bawrh bawrh a. Thutphah a awmlo a, kan ke kaiza in a tlin tawk kan thu ei mai a. A lailaklawhah ka ke a va kham em, kan ding zawk a thutna a hma ai a rem a siamin kan han kil leh ang tre traw a, kan han bei tha leh tak tak hi chu, kan thlahte tlai tur thleng kan pumah hian kan vawm lutin ka hria. Chutah! kuhva kan pai ang ang kan han intheh ang sap sap a. Heiha! Ava han nuam tehlul em, ka haw chak thut mai!

Ania lawm, Changel hnah nen ngei a Krismas ruaitheh hi ka la chak a, Mizoramah pawh hetiang a an thehna hmun hi ka kal duhna ber pakhat a ni.

5 comments:

Almost Unreal said...

va lunglen thlak ve leh..ka haw chakna chhan pakhat chu christmas ruaitheh

khovela bongsa tui ber in ei duh chuan kan veng, sik leh sa ina a thlak dang lam ve theih loh (grin). chaltlangah ruai rn theh roh u..Pu Patea hovin an han siam a..a va han tui thin tak emmm...chutney..bol chi hran2 tui thin bok si..sohchiar, voksa, antam..huiiiii..ka haw leh si zok mai dn :P

Puii said...

Kan naupan lai khan kan theh ve ngei tawh!! a lunglen thlak angreng reuh! changel ngei ruaitheh te pawh a chakawm thar i ziak thiam em a!

Calliopia said...

Kpoh hnah a ruaitheh hi a tui bik ka ti. Food flavour kha a lo chhuak tha bik thin riauvin ka hria.

aduhi said...

kei chu ka chak miahlo. Thutung chunga chaw ei chu puar a har si, dar insi thup a thut te kha a ngai awm sia. kekawr hak tight deuh ni a nih phei chuan tihchi miahlo ang. mahse ruaitheh hi chu a nuam ve hrim2 a eipuar hi har hle mahse.

sawmpuia said...

@invaiin: Nuam lutuk a ni ringawt