Tuesday, December 18, 2007

Don't know what you've got till it's gone!

Warning: Romantic taka chhiar tum tan, chhiar loh mai chi, mit a hah mai mai :-) Thufawm khawm mai mai a ni e.

A Thupui thlan chhan:
A thupui hi keuphawk a veilam tih ang deuh a ka thlan ve tawp a nih hi! Ka keuna bu (inspiration neihna) kha movie a ni daih a, movie ah pawh cartoon "South Park" ala ni ta deuh deuh leh nghal a. Nia a satu te pawh kha cinderella an ni tak e, tun hma kha chuan kan kurpui ve viau thin kha maw.

In persan leh si: Zingah ka tho a zing breakfast tur suzi ka siam sar sar a, puar pengpawng a ka in thun puar hnu ah College phur takin ka pan a. Naupang ho pawh thilsiam competition an nei dawn a, an phur ve hle in a hriat. Class mumal pawh a lak theihloh a, period hnih ka la neih pawh chu neilo mai turin ka puang an hlim ve dar dar hle, keimah tak zawk chu ka hlim hle zawk a.
Ka thil hmuh chu: Tichuan an competition neihna Auditorium lam chu ka va pan a. Thil nalh tak tak leh tuihnai tak tak mawi takin anlo rem khawm a. Ka phone kala chhuak a ka hmet mawlh mawlh a. Anlo thiam kher mai, ka thian pakhat chuan min ko a hei thil tuam mawi lampang endiktu tur a kan ruat a lokal lo tlat mai, lo endik ve mai ta che. Ka chem kalna a nih loh em avangin ka lo hnial a. Kan thlang khawlo zo ang tih ka hlau a ni.
A thupui nen sawizawmdan a awm em le?: Nia cake leh pangpar te hi pawn lam landan chuan a tui hmel hle a, thenkhat erawh chu an hmel tui hmel ang ngawt an nilo a a chhung lam chu a tuilo zek thin. Pangpar nalh tak pawh khawih fuhloh chuan hling te an lo nei ve bawk a. Chutiang chiah chuan mihring pawh hi pawnlam lam landan a tehfuhloh hi an lo tam kher mai. (Umm fuh tan dawn)

Thil hlutna chu: Ram hrang hrang pawisa hlutna chu an ei leh bar dinhmun a san a zirin a hlu mai thin. Hetiang deuh hian hlutna tehna dik chu an landan piah lamah an thil tih tam theih zia chhut hian a ni. Chutiang ang a kan thil neih reng chu kan ta ve tur rengah kan ngai a, mahse thenna rawng tak chuan min han then tir hnu chuan an hlutzia an awmloh chiah khan kan hrechiang thin.In lam a cake tui tak kan ei siam siam te, zochhang leh sawhchiar kan hawp lai te khan a hlut zia kan chhut phalo a awmloh chiah hian a hlutzia kan hrechhuak thin. Hman hostel kan awmlai khan, "sweet te chu vana rah ang" ka ti thin a, ka unaupa pakhat kha nuihza viau thin a. Ani kha hostel an lut ve chiah chu, dawl ang a zawr a in hlan chungin, "i sawi dik lutuk" tih bakin min chhawn tawh lo reng reng. Khadaih kha a sin :-)

A Tlangkawmna: A chhung luhchilh peihlo keini ang tan chuan a tlang hi kawm zung zung ila a samkhai duhphian! Sawizawm a har em mai, mit hmuh leh rilru a ziak ila ka tih a in tawnglo a ni ber e. Nula tlangval senior lam tan mit duh zawng thluak lamin a lo tawm pui siloh hian lenrei a awl bawk e an tia lawm :-) Chu chu a moral of the story ti mai teh ang u :-)

6 comments:

Awzzman said...

eih Cake khi ka ei chak reuh lutuk....Vaipa siam mi?:-)

sawmpuia said...

@awzzman: Vaipa siam nilo kan college naupang ho siam a nih hi, vai nula a ni zawk e :-)

zawlbuk said...

Hehe, hei zet chu chil a tiput hle mai. Cake hi ka duh khawp a, chaw aiah ka ring hial thei a ni. Puar khawpin ka ei thei tihna a nih chu. Mahse pum hian a ngeih rei vak lo va, tih zen zen chi pawh a ni lo..:)

Lenrei te chu hlau reng reng suh hotupa, keini pawh kan la awm hi, avena te pawh..:)

Hmeichhia te chu a chhuak thar a piang an tha e i ti em ni kha? i sawi dik viau dawnin ka hria..:) kha daih kha sin..

Almostunreal said...

nang nge2..i ril a ni e, nang mi ril

sawmpuia said...

@puia: Nia lenrei hi a tha.. a cute :-)
@almostunreal: Kan Miss hian i zir em a ni :-)

sawmpuia said...

@puia: Nia lenrei hi a tha.. a cute :-)
@almostunreal: Kan Miss hian i zir em a ni :-)