Wednesday, January 16, 2008

Darthlalang! "Burma ram tan thu kamkhat!"

(He article hi "Burma ram puithiamte an man vak mai" tih TOI ka chhiar zawh hnu a ka ziah kha a ni)

“Ram muang ber state kan ni e” ti a kan inchhalna ram chhak lawkah hian ral muanlohna in nasa takin ro a rel mek a. Zallenna kum tamtak sipai chakna a Junta in anlaksak chu lak let ngei beisein mipui an thawk chhuak ta! An thil tih hi thil thar a ni lemlo a, mahse an tihdan erawh thil thar khawvel nghawr a ni ta thung. Thalairual mai an zuang chhuak tawh lo a, sakhuana hmun a mithinghlima an chhiar puithiam te meuh pawhin an tel ve ta. Kum 1988 khan democracy duh pawl te hi sorkarlai chuan a nuai chiam tawh a mi sang tamtakin nunna an chan phah tawh. Chung thil te chu hmu a hria te vek an ni. Mahse an thil tih chu an thulhphah chuang silo, engvang nge ni ang le?

“Nitin eikhawp chaw min pe ang che” ti a thlantui luang zawih zawih a dil thin tu te chu nitin eikhawp an hmu ta tlatlo! riltamin an awm a ni. An hmangaih an fate ril tam a han en ngawt chu pa thinlung ana a ni. Anih an eitur chu khawnge a awm zawh si? Hetih mek lai hian Junta mi lehsa te erawh chuan vanram tlafual anlo chen ve thung. Foreign car leh thil tha tinrengin an in chhekarbawm a. An fate lah chu Foreign-ah Sikul tha tha-ah an kai tir a, an ram hreawmna rum thawm chu an hrepha ve lo reng reng a ni. Aw han chhuah ngam deuh lah chu thomitchhaih ang mai a ben thih hmiah hmabak an neilo. Chutia an harsatna chu sepui ruah tuar tlawk tlawk chu an duh bik talo. Sipai in eng ang pawhin dang bet mahse Website thenkhatah an rumna thawm kan hre thei ta. Henga an ram tana thahnemngai taka rawn thawktu te hi thalai an ni tlangpui. An chanchin rawn tarlan lah a raptlak na ngiang mai. Chanchinbu mi te meuh pawh zuah an ni tlat tawhlo! An ti lutuk deuh a ni lo maw? UN pawhin special envoy inrinni (vawiin ni) a thleng tur hian a tir ta hial anih kha! Ni e, mihring hnawmhnawk ang mai a lainatna tello a han mausam mai chu an lainatawm bawk em a tin ni. Sorkar lampang pawhin an thil tih chu a beng a lo thleng thuai a, website tamtak tihluihna kharsak an ni a, blog thenkhat erawh chu an hre lem lo thung. Mipui pungkhawm vaw darh mai nilo kapdarh turin sipai a tir chum chum mai. Nunna hi tuman kan inpe thei mawlh silo, a hlut tehreng nena va han pawi zozai em.

Anilah taka Burma ramah hian ram ngaw thatak te, oil te nei tha mahse mipui lamin anchhawrbawk theilo. Sipai thuneitu te hnenah engkim a luang lut a, an tihbuak palh chu mi dang te chan ve chhun chu a ni mai. Taxi driver atanga lehkhathiam thlengin an dinhmun theuhah an lungawilo a ni.

He rambuai chhak lawkah Nepal-ah chuan lalna hrawt chiam thin atangin mipuiin zallenna an sual chhuak a. Myanmar (Burma) ah pawh hian mipui te chanvo zallenna chu pek an ni ve a ngem? tih chu zawhna pawimawh liantak a ni ta. He buaina rapthlaktak in mung mek hian khawvel hnar a hawlh a Khawvel sorkar te pawh an hahchhiau ta thuai thuai mai le. He dinhmun hi ka phaktawkin kalo thlir ve a, Zoram dinhmun nen in anna riau hriatna ka nei a. Rahbeha awm te hi engtik nge zallena tak tak zallen ti a inchhal ramah hian an neih ve ang le?

4 comments:

Awzzman said...

Burma mipui te tawrhna nasat zia hi chu aw....an khawngaihthlak awm khawpmai..an ram leilung(ka hmuh phak chin)khi chu a nuam chiang lom mahse an sawrkar khi...!

Jerusha said...

Burma ho hi ka khawngaih khawp mai, theih chu nise lo nuar pui ve hrep nia ka duh

Anonymous said...

Well written article.

tluangi said...

:D