Thursday, January 3, 2008

Elysium!

Suangtuahna khawvel piahlam ram chu:
Mihring tungchho a kal hian kan rethei emaw kan hausa emaw he khawvel piahlamah hian ram tha zawk kan beisei fo thin a. Chutiang a nghahfak ram mawi chu hmanlai greek ho chuan "Elysium" ti in anlo ko thin. Mizo in a "Pialral" kan tih ang hi a ni awm e, mi neinung leh pasaltha te tan a buatsaih a ni. Ka ngaihtuahfo a Greek ho culture leh Mizo culture hi in anna chutiang a sawi tur vang em em si, Pialral kan tih leh Elysium kan tih inzul em em hi a ni.


Thawnthu-ah chuan:Hmanlai hian mawm. nu emaw pi ten an tih tawh chuan kan ngaihthla dauh dauh a, reilo te ah kan mu thuai thin. Hmanlai sap naupangte in an ngaihthlak fo chu he lehkhabu hi a ni.
Odyssey ah chuan ti hian a lo in ziak a:

"down the dank
mouldering paths and past the Ocean's streams they went
and past the White Rock and the Sun's Western Gates and past
the Land of Dreams, and soon they reached the fields of asphodel
where the dead, the burnt-out wraiths of mortals make their home"

(Odyssey 24.5-9, translation by Robert Fagles).

An ngaihpawlh fo:
Thenkhat chuan Dante sawi Limbo (hremhmun chungnung zawk baptise ni lo te leh ringlo mite nuamsa tak a he khawvel a lo khawsa thin te awmna, Pathian hnaih tak a awm si, mahse han thleng theisilo lungngaihna nasa tak awmna) nen hian an ngaihpawlh fo thin.

Classical writer ho kuthnu ve le:
Kum zabi sawmparukna ah chuan Paris a kawtthler pakhat Champs-Élysées chu Elysium hming kaihlek a phuah a ni ta hial a. Renaissance hunlai khan ziakmi te chuan Elysium hi an hlahril phuahah te an telh bawk thin. Thenkhat chuan pasaltha leh mi hausa te kalna ni in an ngai a, thenkhat chuan infiamna te, ruaithehna te chatuana awmna hmun ni in an ngai bawk. Friedrich Schiller's ode "To Joy" ah khan "Hlimna chu Elysium fanu a ni e" ti ngatin a sawi bawk a ni. Ziakmi ropui William Shakespeare lehkhabu Twelfth Night ah pawh khan paradise angin he hmun hi tarlan a ni bawk. Kan Mizo ziakmite kuthnu-ah hian ka la hmu tamlo khawp mai.

Science-ah chuan antia lawm:

Science ah chuan Elysium chu Mars a tlangkang khi an vuah ve thung a. Pune Institute of Computer Technology (PICT), in Pune, Maharashtra, India hming chu Elysium zu ni ve tlat a!

Mi rilru zawng a luahkhat zo ngei e:

Schiller a hlaril ah khan he thu hi telh a ni bawk a, hei tak hi hlasiam hmingthang Beethoven a Ode to Joy lo irhchhuahna bul kha a ni.

Tunlai computer game ah pawh hian he hming hi an duh duh danin an kaidarh ta hlawm a. Mahse a nihna tak chu ala bo chuanglo.

Kan Mizo hlaphuah thiam te pawh khan he thu hi an lo hre ve a ni ang. "Lungngaih a awm lawng Elysian mawi-ah" ti ngatin hla anlo phuah ve a ni. Ka ngaihtuah ta a, khawvel a michengte hian kan khawvel piah lamah hian ram tha zawk kan beisei fo a, heihi engvang nge ni ang le? tih hi.

9 comments:

Puia said...

A ril leh pek hle mai kan hotupa nge nge.. Academy lam tawngkam takin idealogy ah pawh i lo san hi mawle..:)

Awzzman said...

Kei chu he Pialral ram mawlh mai hi a ni ka tlawh chak chu.....!hotupa nge nge thawnthu tha tak min hlui a..ka harh phah uar mai,Mizo pa leh Greek pa kha sikul an kal tlang ve a niang?lolz...

Zara Ralte said...
This comment has been removed by the author.
Zara Ralte said...

Mizo pa in 'Pialral' atia, Greek pa in 'Elysium' a tia..a hming a dang mai chauh ani. A tum a thuhmun reng! Hei hi art & architecture zirlaiten 'notion of Paradise' an tih fo thin huam chhung ami ani. Kan tlakna leilung leh min hualvel tu khua leh ram a zir in kan ngaihdan, hriatthiam,pawmdan erawh a dang zung si.

Medieval Indian Islamic Architecture ah kai zawk ila:-) Taj Mahal hi entirnan la chhuak ila, Taj Mahal chu thlan in ani, vanram suangtuahna na nen a in hlat lo.A kawt leha sir kam velah te tui(fountain) hmuh tur a awm hi. Hei a chhan chu Islam sakhua lo chawr chhuah na chu Arabia ah ani a, chutah chuan tui a awlsam lem lo. Thlaler leh ram ro hmun hmum tam zawk na ani. Chuta cheng te chuan an damlai an thlakhlelh leh mamawh em em chu tui tam tawk/hnianghnar ani. Chumi avang chuan Medieval Islamic architecture (Sultanate/Mughal/Persian ect) ah reng reng a bikin thlan in angah hian tui(fountain) hmuh tur a wm ziah ani. Chumi an siam ziah na chhan chu thih hnu khawvel ah chuan tui tlachham lo leh hnianghnar a nei tawh tur a an in duhsakna leh chumi hmuna kal ngei tur an rinna tih lanna ani.

Chutiang in Mizo pa chu a hunlai chuan lo nei a nitin kawla ni chhuak chhiar a tul thin anni a, an tan chuan 'Pialral' ah chuan thawhrim na leh tam/nghei reng reng awm tawh lova awm chu thil chakawm ani fo ang le. Greek pa ta chu Pialral chu 'Elysium' lo nise, Norway rama Norse-pa tan 'Valhalla' alo ni ang a, Tibet ramah chuan 'Sangrila' te pawh lo ti se a awm lo miah lo. Hetah Kristian ten Vanram kan tih nen te pawh hian khawkhat chhuak anni thei mai lo maw!?

Siamtu thuhmun chhul khat chhuak hringfate tan hian a sakhming leh thlirna tlang dang thin mahse..chhungril takah a tumber chu kawng dang nilovin he lei hmuna hrehawmna,lungaihna,harsatna leh tlakchhamna na reng reng awm tawh loh na leh engkim a thlawn leh kan chanpual tur liau liau lo awm thei tur a kan ngaihna duhthusam kima hmun 'Nun Hahchawlhna' hi ani ber ani lawmni kan zawn chu? Chu hmun beiseina leh thlakhlelh na avang chuan hmum tam takah 'Sacred Geography'/'Sacred place' te kan neih nawk hlawm hi:-)

Ka duh tawk mai ang e a sei ta mah mah!!:-) pakhat lehlawk-he Elysium an tih hi alawm Mafa-a ten 'Chawlhna Tuikam' an tia, Thuamtea Khawlhring in 'Zothlifim' a ti a, Pu.Rokunga'n 'Chhawr Pial Run' tiin, Mizo hlaphuah thiam Pu.Patea'n 'Lawngchawlhna Tlang thiam hlim' alo ti thung a. Hmar hla phuah thiam Rev.Lienruma'n 'Nitla ngailo zion khawpui' tiin English writer James Hilton an Tibet rama "Sangrila" tia a lo sawi chu, he suangtuahna khawvel hi a tak chan tir tumin Karl Marx te hovin 'Egalitarian Society''Socialism' te alo tih takhlawm ni? ka ti lutuk mah mah em, Pu Sawm?

"Pialral ka ngai ka Lal lenna" tih hla te pawh kan neih kha........

sawmpuia said...

@puia: A hnuaia billy gillman te deut hian min ngaihtuah tir a, ka post ta a nih hi, ril em em hranlo :-)
@awzzman:Kaltlang a ni maithei, israel thlah nih ai chuan kan hnaih mai thei!
@azassk: I thu rawn thailan hian ngaihtuahna a pe zau e, a ni hi sakhuana zirbing a nia, a ni meuhin min han thaisak hi a lawmawm e. Kan zak chem chem lem hranlo, i rawn tuihnih hian ka post ta kha ka lawmna a ti zual :-)

Anonymous said...

Pu JF Laldailova thlan lung ah pawh 'valhalla' tiin an ziak lo maw?


Mafa-a 'chawlhna tuikam' tih leh Prof Siamkima 'zalenna ram' a tih te hi thil thu hmun ani thei angem ? :)))


MA, kan zirlai in, history subj la pakhat chu , Elysianmawia ania, Tlabung khaw Lalfapa tiin an fiam thin, a thian ten :))

sawmpuia said...

Avena: Hotupa nge nge GK leh sot mai, Chawlhna tuikam leh Prof. Siamkiama Zallenna ram hi nia in ang chiah a ni lo maithei mashe notion of paradise atanga lochhuak tho ni in ka ngai, duhaisam ram.

Almostunreal said...

va ril ve leh

kei mi mawl hian ka man pha ve lo a ni e :(

:D

sawmpuia said...

@almost:nice to have you back at blogger world :-) I man phak turin kan rawn nemhniam e :-)