Wednesday, August 20, 2008

kan inthen bang lo!

Hyderabad ka chhuk thlak tirh a ka thiante ngaihthlak zin ber pakhat chu "Shillongah chuan" tih a ni. Thutak leh dawt pawh nise he thu hi ka chham chhuak nasa thin hle a, chuta zing a ka telh tam pawl chu thianpa Sawmte-a hi a ni.

MSU-ah kan in hmang ho: Shillong MSU vanglai a ni mai ang chu Sawmtea hi ziaktu lianah kan hmang thin a, a viak a tha a, a tlawmngai bawk, chauh tawh em em chang pawh hian fiamthu hlimawm tak takin min chawkphur thiam a, a bula a awm a hahdam riau. North East mite tan mobile phone hman an khapna chu Sawmte-a te ho nen hian kan duhlo riau a lehkha na tel tawl President of India kan thawn a, Governor leh Chief Minister te kan pe ve bawk a, khiangkawi ipte ah lehkhathawn tur Laimu phei-ah kan ak puar luah te kha a ngaihawm e. India hmarchhak mite discriminate-na a ni kan ti tawl mai a, Sorkar laipui pawhin beng an chhi chiang kher mai. Min rawn phalsak ta a, India hmarchhak ziaktu lar Patricia Mukhim te pawhin he thu hi a rawn tial ve nghe nghe kha mawle. Khatihlai khan Mizo officer liante MSU ah an rawn tui em em a, keini aimahin committee na ah an tawng tam thin, a lawm awm e.

Thu leh hla: Thu leh hla ah hian kan tui dun em em thin a. A poetry khel tur hian a in Alu Kudam a a luah chu ka han pan vang vang thin. Mizo Academy of Letters Shillong kan din ve tawp a, Mizo novelist Biakliana thlan kan samho nghe nghe kha mawle. Shillong ziamite kan kokhawm ve a, UPC compound Jinkieng-ah khan kan ri ve chul mai. Sawmte-a hi tih tawh chu tibur mai chi a ni a, tumkhat Shillong tlaklam a Biaklian a thlan a tlawh tumin Khasi ho in rukru emaw an ti pek a, rukru a nihloh zia Mizo nula hostel awmna ah an va chian a, keini lah chuan kanlo nuih tiah tiah a, a ni pawh ngawihbo pui ve mai awm, a chanchinchu Sabereka Khuangkaih-ah te a han chhuah thul. Amah avangin Chhana te nufa( Ruatfela Nu) te hi ka hriat ve phah.

Football: An ni hi St. Edmunds College ah an kal a keini St. Anthony's College kan in el bawk thin a engkimah hian Defence line ah hian a ding thin a, khawng ve thei tak a ni. Nu Dawni team Dawni United ah khan a khel ve thin a, an chak chuan bawngsa tui kan hawp si hluam hluam thin. "I hmel nilo in certificate a nupui zawng chi i ni, theihtawp chhuah mai teh." ka tih pawh a haw hran duh ngailo a, a sawitu zawk khan a thiannute awmna ah kan kalpui leh fo thin. A vawtu in ek kan cheh a ang zawk mah.

Zirna lam: Hyderabad-ah zirna chhunzawm ka tum a, NEHU lamah min in suan san ta bawk, kan in be khat ta hle a, Police an lak dawn khan physical ah a ni nen hian Aizawl Dist ah kan han tling hmasaber a, writtenah kan tla veve a, kan thiamlo deuh aniang e. Kan marks hmuh pawh a in ang tlang a, tih leh a tum thu min hrilh a. "Lo en rawh pakhatna kala ni dawn a lom MCS-ah hian" tiin a tumruh thu min hrilh a. Keichuan ka tum tawh rih loh thu leh Research nen chuan tihkawp a har thu ka hrilh a. Chanmari-ah khian inluahin a inkhuar ta a, a tum a ruh bawk a, a tling ta ngei a. A ni nen hian lehkhabu kan inneih that siak thin a. Literature lamah chuan ka khumlo a, subject dangah chuan min khumlo thung.

Ka ui mang e: He tlangval hi fiamthu duhtak tlawmngai em em mai, a bul a awm nuam Mizopa tak changkang tak si hi a ni a. Hringnun lamlian ka zawhlai a min tihlimtu ka thian a ni, a thi ta mai hi hriatthiam har ka ti hle a. Shillong-a kan awmlai mithlain ka hmu a, lunghlui tamtak a leng. A tling ve chauh a an postna ah pawh a la kal hman em lo a, khawvel hi chu a fairlo thin ngawt mai, kan thu a ni silo a.

7 comments:

Jinx said...

Eheu...lung iva tileng ve. Patricia Mukhim hi school kan kal laiin kan teacher thin ania.Chuan, Biakliana thlan sam tum pawh khan ka tel ve ngei mai ah...MSU ah Patea Zasai te, PC a te hunlai kha ni em kha? Chuan MSU Exe.comm.membr ka ni thin bok...kan van inhre teuh om ve oo..hehe..Nu Dawni te hi kan chhungte annia, Dawni United lai poh khan phur ve thei ltk mole :)

A thlalak chu hmu ila, Sawma pawh hi ka hriat ka ring ta riau mai.

sawmpuia said...

@Jinx: "dawni united" defendor tha ber kha a nimai Sawmtea chu. Chuan Bial Zaipawl in zai lawp lawp te kha kan hrevek. Nang hi i celeb deuh a shillongah kha chuan min hrelo mai mai a nih kha :-) Pate Zasai-a chu an inah chaw kan han fak thin. Ani hi a lawm Mizo Academy of Letters kan din tum a kan President ni ta kha. Patricia Mukhim hi Shillong Times ah a rawn ziak thin a, tha kanlo ti thei viau, in zirtirtu lo ni reng a! Thawk khat lai kha a thuziah avangin mifirfiakho in an warning tih te pawh a awm kha, ziaktu ropui tak pakhat a ni. Sawntea thlalak chu Misual ah an dah kha va enrawh mahse chiangkuanglo lutuk a khatah kha chuan a zumzuih mai a, tlangval sa tha lampang a ni. John-a (Ex Anthony's) te in tepen kha a luah thin. I va han hreawm e aw...

Lal Jo-a said...

A uihawm hle mai Sawmtea chu. Ka hre ve lo na in, a mizia a thian ten an sawi dan te, lehkhathiam thei tak a nih na te hi a ngaihsan awm khawp mai. A thihdan lah chu a runthlak em em mai lehnghal, a kalsan tak a chhungte Lalpan awmpui mawlh rawh se. Delhi ah a ruang thlahna kan neih pawhin, a thih hmaa a thusawi pakhat kha a thlahtu Pastor lungtichhetu ber a ni a. A fiamthu duh thu kha a thiante sawi tam ber pawl a ni a, a uihawm tak zet zet a ni.

Almostunreal said...

SU zong2ah Shilling MSU kha an extreme ber thrin....tih kan soi chhhuak mai2..heh!

sawmpuia said...

@joseph:Nia kan uina te min lo tawmpui ka lawm e. Inlo buaipui nasa tih ka hria a, Delhi Mizo Mipuite hnenah lawmthu kan sawi mawlh mawlh a nia.
@almost: EXtreme hla hi kan ngaithla nasa em a lom.

DayDreamBeliever said...

Shillong MSU chanchin te in han sawi chhuak ta nawk a, a va lunglen thlak ve le! Jinx kha maw, Sawmte, bial zaipawl mai lovah pawh a superstar teh mai a nia, nangni ang hre mai mai chi a ni lo.

Samwtea chu keipoh hriat chhuah phet hi ka tum a, ka hre chiang thei chiah bawksi lova. A thih thu ka hriat atang khan ka rilru tak tak in ka lo ui ve ngawih2 top, poi ka ti takzet ani.

sawmpuia said...

@daydream believer: Khai aw..Jinx chu C-longah a lo lar viau a ni maw? Min hrelo pawh mak pawh ka ti tawhlo. A rere thu ah Miss... i va han vang em em ve...vang damdawi i ei a mi? Mi dang eitir ve chiloh..khawharthlaks :-)