Thursday, September 18, 2008

Hmangaihna a din “Hyderabad” Part - I

"No man is an island" antia lawm, mahni chauh a awm theilo hringmi te hian nitin khawsakna in a mamawh avangin khawpui kan din thin. Khawpui chu a te emaw a lian emaw pawh nise hmangaihna a awm chuan chen a lo nuam thin. Chuvang tak chuan mahni a awm theilo mihringte hian kan khawvel a lo nawm leh zual nan mite hmangaih theihna kan mamawh a, a hmangaihna dawng sawng thei tur pawh a kan in puahchah pawh a ngai a ni. Hyderabad khawpui pawh hi hmangaihna avanga rawn in din a ni a, bomb puahna hmun pakhat mai a nilo tih hriat a tha hle a ni. Hmanlai hun chhuikir ila,Ibrahim lal hnu khan a fapa naupang kum sawmpanga mi lek Mohammad Quli Qutub Shah chu kum 1580 khan a rawn lal a. Naupang hle mahse apa ram zauh bak te rawn la chhunzawm zelin ram ropui leh zualah Golconda chu a rawn hlang a. A hmangaih em em Hindu lamthiam Bhagyamati hriatreng nan Bhagyanagar khaw ropui tak a din a. A hnu a fapa Hyder a hming chawiin he khua hi “Hyderabad” tih a lo pu chhunzawm ta a ni, thenkhat sawinaah chuan a nupui kohduatna “Hyder Mal” hming chawi a sak a niin an sawi bawk.

Chanchin ngaihnawm tak mai Hyderabad tih hming lam hian a awm thin a chu chanchin chu lalfapa Mohammad in a lal fanu ngaizawng lo a lamthiam satliah mai a ngaizawng tlat mai hi a ni. A pa Ibrahim hian he thu hi a hriat veleh khunkhan takin a zilh hau a, lal nihna zahawmzia leh chutiang ang chhungkua vek a mi chu nupuiah pawh a nei tur a ni tiin a zilh a. A ngaihzawng hnen atang a rilru a lak pen sak nan Persia atang te, Arabia atangte in nula hmeltha “kei ka ni” tih zawng zawng a chah khawm a, mahse Mohammad lungdum zo an awm lo. Zankhat phei chu ruah nasa takin a sur a, kawl a phe zuai zuai a, kulh chhung a kalh hnan lalfapa chu a in sum zo ngang lo ni tur a ni, kulh bang sang tak lawn liamin Musi luipui a kan a, sakawr nen a ngaihzawng Bhagyamati awmna a va thleng a. “Ka Lalpa, heng ang zan thimah te engtin nge i rawn kal theih le!?”tiin in a lo zawt a. Mohammad chuan, “Ka duhlai, nangmah ka hmangihna che hian ka kawng chu a chhun eng mai a lawm.” tiin a chhang ngat e, an tia lawm. A pa Ibrahim pawhin chutiang chanchin a han hriat meuh chuan a thinlung sak a hawng ve ta a, an pahnih a inneih chu a rem ti ta ni awm a ni.

Kum 1612 khan Mohammad Qutub Shah chuan lalna a rawn chang ve leh thung a. Hyderabad-a awm turin Persian sumdawng tamtak chu a sawm a, an thlah kal zel te chu Mehdipatnam leh Old City vela kan hmuh thin te hi an ni. Kum 1593 khan Charminar leh Jama Masjid hi a sa a. Charminar hi hrileng (smallpox) umbona hriatrengnan a sak a ni. Musi luipui a khuah a, mipui te tan in tur a pe bawk. Mohammad Sultan Nagar din chhuaktu a ni. Sakhuana la urhsun thei tak a ni a, Mecca Majid hi ama sak a ni bawk. Ral rel thiam tak a ni a, Mughal ho in Sultan of Ahmadnagar an rawn run khan a remhriatna in Mughal ho kha an hnawt kir nghe nghe a ni. A pa ang tho in thu leh hla a ngaina hle a, mi lungleng thei ve tak a ni bawk.(To be cont'd)

8 comments:

Anonymous said...

Hei hi Buannel ah ka lo hmu a,a ngaihnawm ka ti reuh ltk. M.s.a chu i blog visit nuam khawp mai.Keep them coming..Tawngkam te hi i lo thiam reuh zek a!lol.
Btw,jinx te khuaa mi ka nia! heheh

Jinx said...

Hets! Tunge ka hming a naran in lam? hehehe
Ngaihnawm hle mai aaa. Hyderabad tih hming phenah thawnthu ngaihnawm tak alo awm tih re re kalo hrelova. Bengvarthlak hle mai...

Puii said...

V. informative! hetiangin love story lo awm tih pawh lo hre ngai lo re2 a... ziak ngaihnawm khp mai

azassk said...

A hrim2 ah!! pu.sawm i va bhagmati ve a:)) Musi river saw tunah chuan a romantic tawh lo ltk, a tenawm lamah a kal tawh zawk tlat:) mahse hyderabadi ho tan hi chuan zawlkhawpui lamin 'zawlkhaw sira luang del del chite lupui' an tih tluk zetin awmzia a nei si a.

DayDreamBeliever said...

A ngaihnawm hmel, mahse ka chhiar dan speed nen chuan nidangah uluk deuhin ka chhiar dawn.Sipel chawp chuan a rei duh tlats. Ka rawn leng lut tih ka rawn in report ve hrim2 phawt.

mesjay said...

Ngaihnawm hle mai, han ziak zawm zel rawh khai.

wonderboy said...

Ngaihnom tuk! Eng tik nge contd..chhuah dawn?

sawmpuia said...

@anon: Nia ziahzel kan tum dawn nia, naupangho ka zirtir a nia hemi hi chu kan ziak mai mai. Tawngkam lamah chuan jinx ne pawh kan eklo e :-)
@jinx: Nia milar hi chu an thulo hian mi hian an hming an lam an lam zel..thilphen hrim hrimah hian thil ropui a awm zel a nia :-)
@puii: Thanks, Taj Mahal chauh emaw kanlo tia..a dang pawh tam ve mai keu peih a zir a ni mai e :-)
@azassk: A thu lo hrimah Musi river chu nia...tenawm perpur khawp mai..i sawi chhunzawmah to be cont'd hi chu kalo dah der mai a sin.
@daydream believer: Ilo lut hrim hrim pawh hi a lawmawm e. Hman hunah i chhunzawm dawn nia, thui em a lom le.hehe
@mesjay: Iti lawmawm hle mai, kalo tum zel ang e, loleng ve ziah rawh aw.
@wonderboy: Reilo te ah chhuah leh kan tum dawn nia :-) Ngaihnawm i ti a a lawmawm e :-)