Tuesday, December 23, 2008

The Greatest gift of all!

Kan inrin tak tak hmain Krismas kanlo thleng leh dawn ta reng mai nia! Krismas a lo thlen hian thil tamtak min ngaihtuah chhuah tir a, Pathian thil thlawn pek Isua ka tan a hlutzia hi tun tum a ka sawi tur chu a ni. Mite hian hun lawmawm leh harsa kan tawng theuh awm e, chutiang ang deuh chu ka tawng ve tawh a. Krismas hi ka tan chuan lungngaihna leh lawmna ni a ni ve tlat a tin ni. Kum 1988 urlawk zan dar 10:15pm chuan kan chhungkua in thu lawmawm loh tak mai kan dawng a. Kan in nghah ve na ber ka pa thih thu a ni. A hreawmdan te zawng sawi tam tawhlo mai ang. Tichuan, mite hlimna ni tur pawh tikhawlo zo in khawtlang mipuite chuan kapa min thlahpui ve a, an ti lawmawm ngawt mai. Chhungkaw inghahna ber han bal ta mai chu kan hamhaih hle a. Mahse Thilpek zawng a ropui ber Isua kan chhungkua a atak tak a rintlak a rawn inpekna ni a ni tih kum tin hian kan hrechiang ta zel a, kan lungngaihna leh hlimlohna pawh a kiam zel a ni. Hemi zan hi chuan Zorama ka hman phawt chuan khawi dang a chhuaklo in ka nu lunglen hnem turin inah awm ka tum tlat thin a. Ka nu pawh hian tlangval na ve fam chu ka hlimloh hlauin leng tur hian min tur ve fo bawk thin. Engpawhnise he hun lawmawm hi kan chhungkaw tan chuan Pa thar kan neihna a nih avangin kum tin hian kan lawmna a zual thin. Krismas leh kumthar nuam tak a in hman theihnan kar hla a thiante zawng zawng duhsakna chibai ka han buk vek che u.

4 comments:

Calliopia said...
This comment has been removed by the author.
Calliopia said...

Christmas Ni hian in lung a lo ti leng thar thin hle a ni dawn a nimaw, a va pawi ve. I han hmang bo daih thin tur pawh i nu chuan a ngai ngam lo thin hle dawn a nih chu mawle. Mahse khuarei in min hnem ngai e an tih thin angin kum 20 hnu chuan i nu khawhar leh lunglenna te chu a zia ve deuh tawh ngei ka beisei. Krismas leh kum thar lo awm tur atan chibai le :)

DayDreamBeliever said...

Oho, Sawmte, hetiang ka lo hre hauh lo va, in lung te pawh a leng dawn a nih chu mawle, kumin phei chu i haw si lova, i nu i ngaihtuah awm. Mahse Pathian a i innghah theihna kha a ropui in a lawmawm ka ti. Pathian in awmpui zel che u rawh se. Krismas leh kumthar chibai le.

sawmpuia said...

@Calliopia: Nia Miss khuarei hian min hnem.. kum20 a chuang der tawh a..kan thiam ve tawh khawp mai. Thanks..
@daydreambeliever: NIa kan lung hi chu a rawn leng ngei ngei ziah...mahse sawi tawh angin khuarei hian min hnem an tia lawm..Thanks