Tuesday, February 3, 2009

Hahdamna famkim (Beiseina)

Taksa alo chau a natna in min bawm chang te hian damna tur a kan ngaih damdawi kan ei thin. Rilru a lo chau a, engemaw avanga kan kun tlawk tlawk hian chhawktu kan dap a kan dap thelh fo thin. A then chuan zu leh sa ah an tlak a, an rilruhahna kha chhawk an tum a ni. Amaherawhchu an han harh chhuah leh meuh chuan an natna te kha a lola bo awzawnglo mai. Rilru hah takin an meng vel ruai a, thian kawm an thlahlello a, an in dawm kun tlawk tlawk thin. A then chuan ngaihtuahna thlak danglam theihnan taksa insawizawina lam an bei chiam bawk thin. Mahni a an awm chang a lo awm leh ngei a lungngaiin an rum leh fo bawk. Mite hriat chu zahthlakah an ngai a, an tawm im chawt a, mal tawrh phei chu a lo pun deuh deuh zel leh nghal a. Thente chuan thiante bulah an ngaithla peihlo ang tih pawh ngaihtuahlo in an natna an in bunruak thin, ven pawh a veng ve hawk thei awm e, mahse an natna chu an bun chhuak zo silo. Engtin nge nita ang le? Chuta tang chuan chhuahna a awm ngei tur a ni. Kan ngaihtuahna (Chhia leh tha hriatna) hi daw thin mahse thinlung chu a daw ve thei silo, a va han buaithlak zo zai em!

Lawm a har a, mite hriatloh hian an rum a, zanrei tak thlengin an tal an tal thin. Pathian pawh hian engvangin nge hetiang dinhmunah hian a dah le? Chhan tha tak a awm ngei tur a ni, engkim chhan nei a siamtu a ni si a. Bible-ah hian chhanna a lo awm reng mai a, Jonah kha Sangha lianpui main nithum zet a dawlh a. Sangha kawchhungah khan tih tur a awmlo hle, thian kawm tur a neilo a, lehkhabu chhiar tur a nei heklo, a thim mup mai a ni. Jonah khan enge a tih le? Pathian hnenah a tawngtai a ni.

Chutah le Pathian chuan a hun a tihah chu lungngaihna thim a tang chuan a chhanchhuak a Nineveh khawpuah a tirta a nih kha. Kha lungngaihna Sangha lianpui chhung a a awmlai khan engmah a tih a ngailo a, in dawmkun chiam pawh a tul hranlo a, chhanchhuak thei tu diktak Pathian koh kha a tih tur a ni.

You hold my world in the palm of your hand.. a line from With all i am- Hill song
Chhanchhuah an nih hnuah chuan mite dinhmun an hrechiang zual a, "tap tawh suh, theihnghilh tum rawh," tih lamin mi an hnemngailo a. "Pathianin I hnen a thusawi a tum che hre turin I beng dawh zawk rawh" an ti thin zawk a lo ni. Kan chung a thil thleng reng reng hi ama hriatpuiloh a awmlo a, kan tan a thatna tur vek a lo ni zawk thin. Mahni hian kan phurhzawhloh hi chu phurh tum lo ila, a phurkang thei Isua hnenah hian in nghat ngam ila, kan phurrit te chu a lo zang thin.Vawn chhan tur kan neihloh tak tak hian lohtheihloh hunah hian Pathian kan au chawk thin. Kan han auh meuh chuan tanpui vartu hnai ber a nih leh hmangaihna namenlo a a minlo kuangkuah hrehlo tu chuan kan lungngaihna atangin minlo khai chhuak thin. Kraws kawng a zawhna ah khan tun a kan lungngaihna te pawh hi a lo phur tel a ni tih hriat a tha. Phurhzawhloh engmah a nei silo a, chuvang chuan AMAH a kan innghah thiam pauh leh kan nun a lo zangkhai ang. Hmangaih Pathian a nisi a.

Tlang lamah te khian ka mit ka len chho ang ( In dawm kunlo in) Min tanpuitu khawi atangin nge lokal ang. Min taipuina tur chu Lei leh Van siamtu hnen atangin a lokal ang... Thlamuanthlak fu lo maw? In dawm kunlo in han dak ve teh van Pathian thilsiamte khi a nalh a nia. Dam chhan thatak i nei a nia.



Picture credit :www.westsidevictory.org
http://www.lewistownalliancechurch.org/

7 comments:

DayDreamBeliever said...

Ekhai Boss, a van tha ve aw! Hun nei taka ka chhiar hman hun ka nghak a, hei ka chhiar ta a, ka hlawkpui hle mai. Hetianga in fuih tawn hi kan mamawh vek sia tiro.

"But those who hope in the Lord
will renew their strength.
They will soar in wings like eagles;
they will run and not grow weary,
they will walk and not be faint."
Isaiah 40:31

sawmpuia said...

@daydreambeliever: I hlawkpui a nih chuan kan lawm hle a ni. Witers' meet kan nei ve mai dawn mi? lolzz. Nia, Hope Pathian a nei te tan chuan engkim mai hi a lo tha vel vek mai...I Bible chang ran tarlan pawh hi a tha viau a ni :-)

Anonymous said...

i blog chu a mawi reuh lituk, a ngaihnawm khawp mai i thil ziah paw..

--lal-viking-a

Anonymous said...

boss, thanks for giving me an inspiration towards a new HOPE..
hope this article will be blessings for others too.

sawmpuia said...

@lal viking: Thanks...lo leng lut ve fo rawh...tunlai chu mikhual pawh kan tamvaklo kan khua a har trep a ni :-)
@anon: Tupawh nila, hlawkna i neih chuan ka lawmna a ni e. Nun beidawng tluk a hlauhawm khawvelah a awmlo, beiseina tluk a mihring khalh ngil thei a awmlo. Mihring tupawh hian duhthhlanna kan nei. Duhthlanna tha zawk kan thlanfo a tha e.

Anonymous said...

a tha khop mai....ka lo chhiar no fo thin ang....keep it up...

Malsawmi Rose, Lunglei/ AR said...

a dik...beiseinah hi Pa atanga chhuak a ni..ka mamawh tak ka mamawh laia a awm hi ka lawm e..