Wednesday, August 12, 2009

ka zinna (Part I)

World Anthropological Ethnological Sciences Congress kum thum dan a an neih thin chu China chhim lam khawpui Kunming in an dawng ve dawn a, chuta paper pe ve tur a sawmna ka hmuh avangin he hmun pan tur hian ka inbuatsaih a ni. He Congress hi China sorkarin a ngaipawimawh hle a million tamtak pawisa a theh chhuak nghe nghe.

In buatsaihna hautak:
Kan University lamah kal hma hian paper work tamtak a han ngai phawt a, admin block a mite’n admission buaipui lai a ni bawk nen hmel hlim min hmuhlo khawp mai. Engkim mai chu che hlek ila naktuk lamah rawn ngaihven rawh tih a ni. Kan thiannu pakhat Delhi a Visa buaipui mai turin a chhuk a lehkha la fel lo te en fel turin kei University ah kala cham bang a. Kal ni dawn thlengin signature kan la la zak zak a. Kal hun a ni meuh chuan ka chau hle tih ka hre chauh a, ka paper ber pawh ka ngaihtuah hman lo! Hyderabad atangin Chennai ka chhuk a, India ram atang a kal tur thenkhat dangte nen kan inhmu hlawm a. Chennai atang chuan Kunming kan pan a Hongkongah reilo te kan chawl tih bak chu kan chawl lemlo a.

Kei mibuai leh ka thlenna: Airport atang chuan ka Indian thian dangte chu Hotel dangah an kal hlawm a. Ka Hotel reservation la chian loh avangin internet Café ka zawng hmasa ber a. Conference buatsaih tu te email in ranglam a ka reservation rawn ti chiang turin ka email a, airport a nghak tawh a ka insawi avangin an rawn chhang rang kher mai. Golden Dragon Hotel a reservation min tihsak thu min rawn thawn nghal a. Ka thlenna address chu ka hum ran a, taxi ka han be ve ngawt dawn a ka hlawhchham der. Ka sawi an hrethiamlo a, an sawi ka hrethiamlo, mangan a hnekin ka hlim zek a. Tichuan, ka kal hma a ka thian Beii te nupa in an thianpa John-a number min pek kha ka hrechhuak a telephone booth ah ka va let leh rih a. Mizo tawng biak theih John (sekibuhchhuaka) ka va bia a nin tihdan tur min hrilh zung zung a, tichuan eng tin tin nge maw ni Ka thlenna hotel chu ka thleng ta tawk a. Hotel-ah chuan khualchhawntu te chu an smart em em vek a buaithlakna pakhat chu English an thiam barlo hi a ni. Conference registration tih nghal a ngai an University zirlaite smart takin minlo chhawn a, sawi ngai bawk English an thiamloh avangin thil sawifiah turin kut phar a ngai nasa hle. Kut kham fe a kan vai hnuin kan thil sawi an man tawk zel a, a hlimawm fu.

Hotel ah chuan keimah chauhin ka awm rih a, atuk tuk leh velah chuan JNU a Professor pakhat in min rawn zawm dawn a ni. John-a’n a tukah chuan min rawn tlawh a. Johna hi facebook a hmel kha a senior nen ka rin ang he hu in alo tar lemlo kan kawm rual tawk vel a nia a fel khawp mai. Ke in min han fan pui tak tak mai a, ka hah hle! Tlai kan haw chu tlangval hi ka damlo nghal bawrh bawrh nghal mai a. Khawpui kan fan lai khan chhin chhiah tlak deuh deuh ka hmu tam hle.

Chu khawpui chu: Kunming khawpui hi khawpui nuam tak "Spring City" emaw "City of Eternal Spring" ti a koh thin a ni. Shillong kan awmlai minti hrechhuak a khua awmdan a sawi lawk theihloh a nihliap nen lo chuan survive ngaihna vang tak a ni. Indo pahnihna lai a China sorkar sipai hmunpui ber a ni nghe nghe.India ram leh Tibet ram nen a in hnim thiak a awm a ni bawk a India ram tan pawh pawimawh tak a ni. Ming leh Qing dynasty te’n he ram hi an lo awp thin a....

Part -2

Conference hian ni sarih a awh a, thil chi hrang hrang entur leh tih tur a awm. Film Festival kil khatah anlo hmang a documentary film hrang hrang entur hmuhnawm tak tak a awm reng a. Nitin chuan panel hrang hrang paper kan khel ho a, zanah an hnam lamin University zirlaiten lam hmuhnawm tak an show bawk a mit leh beng a tlai hle.

Academic Study Villages..tour: To be contd)

5 comments:

Awzzman said...

e khai Boss pa chu..China ah i la han zin daih ni maw? A ropui hle mai...

vana said...

E hotupa chu va ropui ve o. Part 2 nghak phot ang. BTW ka thiannu pakhat hnenah ralkhat ka lo introduce ve ngot che a, History ah hian Zirtirtu a ni ve a

Anonymous said...

Ekhai ! i zin report chu a ngaihnawm khawp mai, tlangval Ke-a kal vanga han damloh nghal hmiah mai chu i va han ngaihtuahawm dawn em, Chuzawng ai chua Tv. John Fanai ( seki) chu i rin aiin a lo la tlangval a ni maw, tar hmuha han hmuh mai te i lo tum chu a lungte pawh i tiawi lovang a :-)

Varte said...

zin report ngaihnawm tak a ni e, to be continue-ah i chhunzawm dawn amaw ka tia, va bei chhang khat leh ang reng si ve...

sawmpuia said...

@awzzman: Nia i lokal ve lo a, nuam deuh a ni.
@Vana: Part II chu ka ziah tran leh tawh khi hun ka neilo ve lutuk a, tumaw i thian nu chu?
@Anon: Ke a kal tih kha nia...ka damlo deuh sa a, tlangval emaw tar vang pawh a ni lemlo. Seki-a chu a lo hmeltha khawp mai nula tan phei chuan....
@Varte: Ka chhunzawm tawh khi :-) Chhunzawm leh tur tho...