Monday, October 12, 2009

What in a name?

Fapa awh avanga kum tam tawngtaina-ah pawh lo chhamfotu kapa khan ka pian hlim khan ka hming hi am takin "Malsawmdawngliana" ti in alo sa a, ngawiteh "Vanlal" tih pawh a telh tak e. Achhangchiat em avangin kan houtpa in kan matric exam dawn khan min kaihtawi sak ta hi ti hi kan ni zo ta. Ka hming in zui duah duah hi ka chhuangve hle a. Phai ram kan thlen thlak hnu hian buaina ka tawh phah dawn tih pawh ka hrebik hauhlo! Tichuan, Mizo nitalo nafam chua kan zirtirtu te rualin min sawisak sak ta a. Vai puithiam ang mai a min koh chang a awm a "Swamy" ka ni thul a. Dangliana ka ni bawk a.A chang leh Malsawn...An ziak sual ziah bawk a, kan siamtha ngun tlauh tlauh khawp mai. Hming an ziah dawn a piangin pen kalo hum khalh vat a ka ziah sak ta mai thin.

Hming kan phuah a, kan phuahchhan leh kan nun pawh a in persan hle lawi si thin. Thianghlima poh a thianghlimloh chang a awm a, Famkimi pawh a famkimloh chang a awm bawk. Lalropuia inti zingah hian ropuilo fe fe ka hre hnem mai. A nih leh hming kan phuah chhan ber kan phawkchhuah zawh siloh chuan hming neilo hian numberin kan in ko mai dawn em ni ang. Hnailove hming hi kan nihna pakhat a ni a, midang laka min hran tirtu a ni. Rose pawh hi hming dang vuah ila a rimtuina bolo mahse Rose han tih hian a sawifiah ber tho a sin!
Enge in ngaih ve dan...la inhnial chhunzawm turah...hetah hian ka han rek bung ang e.

9 comments:

Zaia said...

Ni e, hming hi chu uluk taka phuah a ni thin chungin, nun leh thiltih lama thu va nei tura phuah pawh a ni chiah chuang lova. A putute duhdana phuah a ni lo ang bawkin, mahni hming anga awm kher tur tihna a ni bawk kher lovang.

Lalduhawmi aiin Rinawmi a duhawm daih thei a, Rinawmi aiin Duhawmi a rinawm leh daih thei thung.

Mahse, tute'n emaw an ziah sual hlauh vanga mahni lai-ah hming tidanglam thin kan awm hi chu thil tul lem lo a ni em??

Calliopia said...

Nia hming te hi chu keimahni duhthlan a kan inphuah pawh a ni chuang hlei nem. Mahse intuha lo deuh2 hi chu an phuah ve chawk a ni. Ka nu ngaihmawh deuh pakhat chu, "Sawn te hi Lalhriatpuii tih te an han phuah daih thin hi chu!" Hehe

duhawma said...

Hming hi a hlu reng a sin. Hming hian min ti upa in minti naupang ve thei khawp mai. La naupang tak mahse hmanlai hming (timai ang) pu te pawh an awm thin.Mizo hi hnam dangte aihian hming phuah hi tunlaiah phei chuan kan uluk tawhin ka hria hei hi tha ka tih zawng tak a ni.

chhangte_ll said...

Hming puzo lo hi kan tam khawp mai - Zonunmawia/i tih te hian an nunzia a mawi si loh chuan a inpersan khawp mai. Mahni hming nena intulo lutuka inkoh pawh hi a awm ve thei chawk - Lalnghinglova "Nghinga/te tih tlat te, Laltlawmlova "Tlawmte" tih tlat te hi a inhmeh lo bawk hle bawk :)

keimah said...

I Hming hi a la sei lo ve. Ka hriat pakhat, i hmingpui deuhthaw chu: VanlalPathianMalsawmDawnglian ThangtinHawlchhuaka a ni daih! :)

vana said...

"Phai ram kan thlen thlak hnu hian buaina ka tawh phah dawn tih pawh ka hrebik hauhlo!" he thu hi a dik khawp mai. He thu avang hian Mizo tam takin an hming an ziah tawi phah a, like S.Sailo, L ralte etc etd. Tha ka ti chiah lo. CHubakah kan naute hmingah sap hming phuah tel kan tam phahin ka hria.

Awzzman said...

hming hi put zoh loh a lo awl khawpmai a, Vanlalchhuangin pawn veng thlang lamah Zu a chhuang ut e an tih chu! tu mah famkim kan awm lo,hming tha tak2 te kan pu a, kan hming a vang tal pawh hian 90% tal hi chu eng nge maw nih i tum ve ang u!

Hmel chu siam that theih tawh loh mahse, nungchang erawh a la siam that theih kha maw!

David M. Thangliana said...

Ka va inang ve. Kei pawh ka piantirha ka nu hming min phuah chu David Vanlalmalsawmdawngliana a ni a, tet lai chuan ka hming an ziah dawn hian sei an ti thei hle. Phairamahte school kan han lut ve dawn a, surname alo tul si a, ka pa'n, "Mmi pawhin an pate hming an chhawm a nih hi," a ti a, surname atan a hming Thangliana min hman tir ta a. Ka pianpui hming han tihbo thak kha kan duh chiah lo a, kan kai tawia, Malsawma tihna turin middle name atan M kan dah ta a, tichuan David M. Thangliana ka lo ni ta a ni.

Ni e, hming kan put ang anga awm tur kan ni lo zawk mah mah. A chhan chu kan hming phuah a nih chhan hi thil thleng tawh te emaw, Pathiana an lawm em vanga nu leh pa, pi leh pute'n min phuah sak a ni a, kan future tur atan tu hming mah hi tuma'n an phuah lo in ka ring. Ka fate leh ka tute hming ka phuah ho pawh hi an future a an hming anga an awm na tur lam hawi zawnga phuah ka ni lo.

Chutihlai erawh chuan hming inmil taka nun kalchho hi chu an awm ve a, pastor zingah Lalpiangthara tih pawh an awm a ni law'm ni? (Lalpiangthara tih hi misual tak an ni hlauh ang tih chu a hlauhawm khawp mai!)

sawmpuia said...

@Zaia & Calliopia: Ni e ka point i rawn chukfu in ka hria. Thilnunglo poh hming hrim hrim hian a hming awmzia ang an phawchuah a ngai hranlo a. Thildang ai a hrang a nihna zawk kha a hming khan a tifiah zawk a ni.
@duhawma: Mak angreng tak kan hriathiam phakloh han inphuah kha chu pu duhlo tamtak pawh an awm ngei a sin.
@chhangte_ll : Ni e kan phuah dan anglo lutuk a in koh daih hi chu zialo ve deuh a ni.
@keimah: Hminghriat thui ah kan phaklo che a nih chu. I rawn sawi a ka thawhuai
@Vana: Saphming lam chu ka soi rih duh lemlo, a duh chuan in phuah mai se samkhai phian mahna
@awzz: Hming vang a sual sim tur te hi nise ti raw...ka hming ang chiah hian keipoh malsawmna dawng nghek ila ka ti kher mai..
@David: Pu David chu kan hriat ngai lemloh i rawn puang a a lawmawm e. Lalpiangthara ngei mai chu thianpa ka nei. Inspector ngat a ni office thlenah tawngtai ngat a a thawhpuiten an fak ve a ni tlat... a lawmawm a nia.

Thil pakhat kan sawi ve mai mai..

Hming hi culture thenkhatah chuan property ang a ni a. Tumkhat chu missionary chhungkua pakhat hian an chanchintha hril duh thawhluat avangin an culture ah te va inhnimphum ve an tum a. An lalpa hming ang an fapa an han phuah ngawt chu an in nen lam an rawn nam chim nghal. Hetiang deuh hian hmanlai pawh khan hming a zir hian rethei leh hausa pawh kan hrethei a ni.
Hmanlai buh silaizawn thar thin ten laizawna tih an put lai hian tunlai khawvel-ah chuan Rualkhuma IAS ni nghla hrim hrim tawp te pawh kan awm mai thei a sin. Khawvel a thang zel a hming inphuahdan pawh a dang zel. Duhtawk rih teh ang in sawi ve ni.