Saturday, November 14, 2009

A hmangaih tan a a lemziah chu!


Kum zabi sawmpangngana daih tawhah khan khaw te tak te Nuremberg-ah khuan chhungkua chhangchhe tak mai an cheng a. Pa ber chuan chhungkua member 18 lai mai hrawk chawm a ngaih vangin nitin hahthikul a a thawh a ngai a, an hnathawh ber goldsmith chu nitin darkar sawm pariat lai mai a thawh a ngai reng mai a ni. Chutiang chhungkua atang a sei lian ni mahse a upa lam pahnih te Albrecht Durer leh Albert te chuan duhthusam an nei ve tlat a. An pahnih hian lemziah (art) lam an tui em em a, mahse chumi zirtur a zirna in a kal tur chuan an sumin a tlin mawlh dawn lo tih pawh an hai lo. Mihring hian rilru a kan ngaihtuah a theih ni a kan hriat tlat hi chuan theihdan kawng hi a lo awm zel mai a lo ni.

Sunday tuk khat chu an pahnih chuan ti hian an in rem siam ta a. Coin an toss ang a a chak lo zawk chuan lungalhthei laihna khur-ah kum li chhung a thawk ang a, a chak zawk chu a chawm dawn a ni. Pa khat zawk kum li a zir leh chuan a lo haw ang a hna lo thawk kha a chawm leh thung dawn a ni. Coin an han toss a Albrecht Durer chuan hnehna a chang a, a suangtuahna te tipuitlin turin lemziahna sikulah a kal ta a. Albert erawh chu lungalhthei khurah kum li chhung hnathawk a a unaupa chawm turin a chhuak ve thung a. Ngaiteh! kumli a lo vei meuh chuan Albrecht Durer chu lemziak thiam tak a lo ni hman a. Kum li a zawh chuan a chhungte hnenah a rawn let ve leh ta a.

An chhungkua a Albrecht Durer lo let an lawmna-ah chuan chawhlui an kil ho a. An hun chu hlimna leh lawmna nui ri in a khat a ni. Albrecht Durer chu a lo dingchhuak a, "ka vanneihna hi ka unaupa inpekna zar liau liau a nia, chuvang chuan kei hian hnathawk ve tawhin ka chawm ve dawn a ni." a rawn ti chhuak a. Kilkhatah chuan Albert hian kut khur der der chungin. "A theih tawhloh..a tlai tawh..a tlai tawh.." alo ti chuai raih a. Albert-a chuan lungalhthei khur a hna rim tak a thawhlai khan a kut a hman rim luatah natna pakhat arthritis an tih chu a lo vei a ni. "Unaupa, kum li chhung a hna ka thawhlai khan ka kut te hi vawikhat tal chu an tliak vek a sin..ka tan chuan a tlai tawh..a tlai tawh a ni" a ti a.

Mitamtak chuan Albrecht Durer, German mi Renaissance painter thiam tak kuthnu tamtak nei ni in kan hre thin a. A lemziah tamtak zinga hriathlawh ber pakhat chu "Kut" ti a a vuah kha a ni. Albrecht Durer chuan atan a inpe a unaupa kut lem chu a theihtawkin a ziahsak a, color mai bakah mittui pawh lemziah ah hian a seng nasa hle ang. Mite chuan he lemziah chhan an an han hriatchian chuan an thinlung a khawih em em a,"Kut" tih mai duh tawklo in "tawngtaina kut" tiin an thlaksak ta a ni. He lemziak hi han en mah teh...tawngtaina kut mite tan a inpekna a lang tel tlat a sin! I hmu ve fo tawh thei bawk.

6 comments:

Unknown said...

a va ril em!
rilru a khawih khawp mai,,
he "tawngtaina kut" hi ka hmuh apiang in a story hi ka hrechhuak ziah tawh ngei ang..
boss, well done..

Tluangi said...

Sigh!!! Ava ngaihnawm ve .. Big Boss!!

DayDreamBeliever said...

sipel chawp a ngaih avangin ka chhiar chhuak dap ta lo mai a, mahse a ngaihnawm hmel khop mai. A lem hi chu ka lo hmu ve fo tawh. Ka rawn chhiar tha leh ang :)

keimah said...

Ngaihnawm hle mai...tawngtaina kut hrim hrim tura ziah emaw ka lo ti mai thin a, heti lam daih hi lo zu nia! A ropui hle mai.

sawmpuia said...

@hruaiz: Lo hrechhuak ve teh :-)
@tluangi: Kan zavai a card kan dawn ni khan kan lom ltk, zavai aiohin thankz
@daydream: English thiamang tho hian Mizotawng hi han thiam teh, i manhla zual ngawt ang :-)
@keimah: NI ngawt mai tiraw, keipoh ka hriatna la rei biklo.

Anonymous said...

Voin chu i blog hi ka lut kim deuh dap mai, luh a manhla tak zet mai. Han ti tang2 zel teh le.
-By Maliana, MZU