Friday, March 12, 2010

Thuziaktu leh khawvel


Writers imagine that they cull stories from the world. I'm beginning to believe that vanity makes them think so... Stories cull writers from the world. Stories reveal themselves to us.. they colonize us- Arundhati Roy

A Writer should be able not to choose, but be chosen by something in him which he can neither foresee nor pre...dict, something whose nature he can only discover in the process of writing it-AD Hope

Hemi te pahnih thuziah ka chhiar hian mak ka ti thin! Thuziak mi tur tu emaw a lo pian hian thuziak thiamsa in a lo piang hauhlo a. A nunin a tawn thil tamtak a pawn lam nun in a a nghawng lungngaihna leh tahna te, lawmna a tawn te chuan finna tuikhurah a hruaia chu tui chu midang te dawt ve turin a ziakchhuak ta thin a ni. Pi Roy-i ngaihdanah hian chung thawnthu te chuan mihring chu khawvel atanga la chhuak angin a sawi zawk si a. Heng chanchinte hian kan sawi niloin anmahni in chanchin min hrilh zawk a ni....duh tawk rih ang...

Hope thung hian Poet/writer te chungchuanna remleh remlo in a rawn tlangaupui ve thung a, khawvel nundan pangai pet pet chim piahlohna khawvel-a cheng a, anmahni ngaihtuahna fim tak hmang a an thu leh hla te chu rawn chhamchhuak angin a sawi a. Activism hian thuziak mite chu a thununin anmahni nihna ang tak an nih loh phah thin leh khawi pawl emaw thil tum emaw tlangaupui an tum avangin an nihna hlauh ang hialin a sawi a.Engdang nilo in Thuziak mite chawisan a tum vang a ni.... heihi duh tawk leh ila.

Ka ngaihtuah thin a pawn lam leh chhung lam engpawh min mawlhtu awm chuan thu min ziah tir pawh nise. Thu kan ziah hian enge kan rilruah lo lang thin- Topic hot deuh hlek hi ziak ila, ka thuziah hi miin anchhiar ang tih nge? Model leh theory tlanglawn ang hian ziak ila mite ngaihsan ka hlawh ang? Nge thil a nihna ang tak kan hmuh chu kan ziak chhuak mai ang. Ziak hnem ber leh hetiang subject lama hmahruaitu nih ka duh avangin ka ziak vak vak mai, phuailuai deuh pawn.

Marx-a kha hmeichhia/minu pawl movement tih chaknan a ziak turin nu pakhat hian a sawm a. Chu nu hnenah chuan mihringnun thuk tak harsatna leh rumna chu ziak mai tur a nih zia leh chutah chuan an mahni khalhduhna/drive lam chu thudik a nih chuan lo lang mai tur a nih thuin a lo hrilh a ni.

Thudik kan tih leh a landan pawh hi ngun taka ngaihtuah chuan mihring zir a te in a lo danglam thin bawk si a, ramri kham a har ngei mai. Thuziak thiam tak leh thuziak thatak nei thei tur hian enge ngai ta ang le?

6 comments:

Malsawmi Jacob said...

a ngaihnawm. Mahse a tawpa i zawhna hi chu chhan mai a har hmel. Chhung lama mawlhtu atanga ziah chang a awm ang a, tul tih vanga ziah chang pawh a awm ang, ka ring.

sawmpuia said...

@mesjay: Chhung lam a nawrtu... pawltu thlarau wing of poesy an tia mi kha? pawn lam nawrtu chu enge ni ta ve ang le?

Malsawmi Jacob said...

Pawn lama nawrtu awm thei chu, entir nan, ngaih pawimawh zawngte'n ziak tura 'request' te poh ani thei ang. Chhunglama tanga 'inspired' lem lo pawhin ngaihtuahna leh thiamna sawm khawmin thu tha tak a ziah theih tho.

sawmpuia said...

@mesjay: NI khawp mai...khawi emaw pawlin emaw thupui tukin rawn ziah tir che se la emaw ruihllo do lam ni ta se chulam hawizawnga ngaihtuahna senna ziah a awm thei bawk ang a. Heihi a lawm Hope'an anmahni tak tak a rawn chhuak theilo engemawin a khalh tawh thin a tih chu... But you have ur point..

Hriatpuia Pa said...

A ziaktu bawk hian han chhang leh ta la a fiah ka ring. Hei aia thui, awmze nei leh kan tangkaipui theih tur han phawrh teh, i thiam tih ka hre reng.. :D

sawmpuia said...

@zaia: Han tranla :-) nangmeuh ilo luh takah chuan...