Thursday, May 13, 2010

He damchhung buaithlak takah hian!

Dawhsana mipui ep zawng a thute ka hmuh hian an dinhmun a awm ve theih ka chak thin. Guitar thiam takin hneh tak a guitar an perh lai hian hmuhnawm ti takin ka thlir a, thiam ve ka chak. Professor thiam takin saptawng nal tak mai a theories an sawi zaih zaih te hian an mahni ang a thiam ve ka chak. Zaithiam takin mipui thunun tak a stage a nunchan a zir te hian ka thiam ve ta emaw tiin ka lo zawm chiam thin. Champions League-a Manchester players rual Tv atanga kalo thlir hian tihdan tur kalo hrilh chiam thin..a chang phei chuan ka mit an tlunglo hial! Field ka lut ve a alanna atanga sawi ang ngawt a lo ni silo.

Engkim mai hi ti ve theiin ka inhria a...mahse ka han belchiang a..tha a lo ngai vek mai! He khawvelah hi zawng piang vannei tanlo chuan thawhrimna mai a lo ni. Saptawng thiam tak nih ka duh a... dictionary ka keu tam a ngai a... zing news paper tak ngial pawh a tel lo chuan ka keu zo theilo! Thiam duhin lehkhabu ka keu a.... thu har pui pui lungtum ang mai sak te anlo ni si thin a...thlan tui a far zawih zawih fo mai. Mi thilziah ka chhiar an thiamzia mak ka ti thin! ka ngaisang ngawt mai. Ziakthiam ka tihte ka zirchiang a an nin an thuziakin min hruaikual nasa thin si. Lehkhabu hi tuitakin ka chhiar theilo a, buaitakin ka chhiar chhuak thin! A ngaihna hre miahlo a phekkhat ka chhiar zawh a awm a, ka chhiarnawn paw'n kala man ta chuang thin lo...hahthlak deuh a ni. Achang hi chuan Mizo tawng hian thil engkim hi inziak se ka ti hial thin. Mizo tawng ziak tak pawh chu ka han bihchian chuan ka man pha hlawm bawk silo a..a lai laklawhah ka tang ni te hian ka hre thin. Application ziak turin vawi sawm chuang te ka ziah that chang a awm bawk.

Thuziah mai a nilo ka inkhel ve a a thiamlo pawl ka ni zel a...a tlawbik a piangte tan hi chuan khawvel hi sual nasat a va ngai bik thin em. Zai ngainat vanglai a mipui hma a kan zai ve ngawt te kha zahtheihloh award chu awmse dawng ve ngei tur chu ka ni. Faktlak leh fak phu hi chu awmlo se zailoh pawh ka duh tawh hial mahna.. Khawvel hi zawng keini tan chuan a sak deuh zawng a ni e.. kanla dam ve tho si a!

11 comments:

Varte said...

Kawng thenkhatah chuan kan in an hmel ang reng ngei mai. Doctor thiam deuh ka hmuh leh Doctor nih ve ka chak a, Zaithiam deuh zai ka ngaihthlak leh zaithiam ve ka chak a, hahaha.. lungawi lohna khawvel tak hi chu aw..

sawmpuia said...

@Varte: Ka post hi a lo thui deuh thin a nangni hian in han chhiar fan fan peih a...hetiang in nih chuan engkim bei mah ula in hlawhtling ngei ang. Thawhrimna apiangah hian hlawhtlina a awm a sin. Nizan khan Ronaldo Chanchin documentary ka en a.. Engkim ka tihah a ber nih ka tum zel a ti a.. Chumi tur chuan inkhelhna ah pawh mi te ai in a bei nasa a.. Tunah chuan Ronaldo hrelo fa hi an vang ve viau tawh mai theia ni. A thawhrimna in Filed ah ro a rel a ni.

Te-a said...

I ti dik lutuk, scholar lehkhabu un pui pui keu ngai reng mai hi keipawh ka ning tawh lutuk, Sap ho hi lo piang lo se, Mizo vek ni ila, mahse kan changkang awm lo,

I Sihphir Tawlailir hian ka lung a ti leng thin.

sawmpuia said...

@ elhkhabu lam chu ka sawi peih rihlo... tawlailir hi maw? Tangkai deuh a nia..hahaha ka motor a nih hi..

Mimihrahsel said...

kha, tawlailirah te i la chuang tal bik alawm :-)
Mihring hi chuan theihna hrang hrang kan nei a, talent hrang hrang. Nangpawn i nei ve ngei ang.. Mahni talent dawn tih pun hi a tha ber, midang te awt lovin :-)

Sekibuhchhuak said...

Hotupa, Nang ang, Ramdangah meuh pawh paper present thei khawp a lehkhathiam pawhin, inngaitlawm taka hetianga insawi thei hi chu in fakawm ngawt mai! Hlawhtling tlak i lo ni e!

sawmpuia said...

@Mimihrahsel: Nia...i sawi dik he tawlailir... hi BMW ai a chhiatna bik a awmlo..Talent chu kanlai haichhuak mek a ni :-)
@Seki: Hotupa..i ti lawmawm e..Khawilamah nge i awm tak? In haw thla tawh nge? Hotunu nen inthlalak hmuh a chakawm e.

Tluangi said...

Bossji.. engkimah hian a tawk hi a awm alawm.. a ber ni tum reng te hi an bula awm a hrehawm duh fu asin unless ber nih an tumna chu 'fel' nih tum te anih tawp loh chuan.. harsatna tam tak lo paltlang tawh leh hlawhchhamna atanga midang hriatthiamna leh duhsakna nei te hi an hlu fe zawk.. :D (You have reasons to cheer, rediscover yourself) :)

Malsawmi Jacob said...

Thiam leh zei tak maia thil tih hi chu tih ve theih a chakawm deuh zel. Thiam deuhva tingtang tum te, thiam deuhva puan thui leh pheikhawk chhe siam te pawh an awh awm vek.

jay-me said...

u somte, i nau aizol tangin, i van xiak thaaaa, k rilru xng2 nimai, bt kei ai cuan thil thiam i ngah sim2 ang, mizo hi cu jack of ol trade master of none th hi kn nh hmal hlm riau nway nang cu i knw ur caliber n i insoi ag m2 cuan nep loh khaaa phuk cuak that teih mmm kha IQ sang vanga kn levela kom teih loh i nih kha han t dnn ilah kom nuam fuuu bk siah master vel vk nimai hehe

sawmpuia said...

@tluangi: Exam chu enge i an? Ni e, tiraw a tawk chiah zel chian Pathianin ro min relsak a vui tur kanlo nilo e.
@Mesjay: Nia zei taka eggroll siam hospital road a mi ang te hi maw?
@Jay me: thesis ziah enge i an? han ziak zo thuai teh kan lawm dawn nia.