Saturday, August 21, 2010

Enge kan mamawh le?

Tulna avangin reitak NET ka peihlohsan hnu in ka blog traffic ka en a, "Tears language well spoken" tih ka ziah chu a hit tam ber a ni a. Ka thiante hla post ka en a "Love the way you lie" tih Rihana leh Eminem sak ka hmu bawk a, chuta ka ngaihtuah chu hei hi a ni "Khawvelah hian enge kan mamawh?" Hlim leh lawm duhin kan theih theih kan ban a, a tawpah chuan tahna mai a lo ni leh si a! Enge famkimlo awm ang a, enge kan dai sual tak ni ang?

Rilru-ah pai a awm a, pawn lamah chuan nui mahse a chhungril a rum si. Mahse han ngaihtuah teh lungngai thei, tap thei i ni chu mihring special tak i ni tih lanna daih a sin. Nui liam mai thei, engah mah ngai ve ngailo i nih chuan mihring lainatna neilo lungtum ang mai a thinlungsak leh nelawmloh i ni ngei ang. I kawngzawhlai chu enletla i tihsual a awm chuan ti tha turin in fuihla, mahni inrintawkna nei la, i hlauh tak mai chu han hmachhawn teh le. Chu harsatna i hmachhawn thiam dan a zir chuan mihring takzet i nih theih zia a rawn hril dawn a ni. Kan khawvel kawng zawh a bumboh hian vawn chhan kan zawng a, kan tlu dawn mai thin. Mahse han hawichhuak ve teh khawvel hi a mawi a nia, tanpui che chakin engkimti thei Pathian chuan a ban reng che a, i chaklohna lai enreng ai chuan i chakna chu i en zawk mai dawn nia. Natna leh lungngaihna hremi mihring kan nih tlat avangin kan inlainatna leh hmangaih tawnna te hi a lo lan chhuah tak takna chu kan mittui leh lungngaihna-ah te hian a ni fo thin!

Thenkhat te'n hlimna dang zawngin zu te an rui chiam a,an han ruih chhung chuan an rilru chu a dam ve ngei mai, mahse an han harh a angai tein an thinlungna kha a lo pun a, a lo bo aw zawnglo mai. Nun beidawngin thenkhat chuan an nunna hlutak an ti tawp a, a pawi ngawt mai. Thenkhatin sum leh paiah an tlan a mahse hlimna tluantling chu a lo lei thei ngawt silo. Keini ai a tamtak a nei film star te nun kan enchuan nunkhawharna chiang takin kan hmu a, an awhawm silo. Nakina hlim chawp tur a nilo tunah hian hlim chhan damchhan i nei ngei tur a ni. I nun kawngah i lo kal sual tawh a ni pawhin "Jesus takes the wheel" ti la, i nunah danglamna a awm ngei ngei ang.

7 comments:

duhawma said...

Everywhere i can safely go with JESUS.

Anonymous said...

Jesus said "I am the way and the truth and the life. No one comes to the Father except through me" Jesus is definitely whom we all need!

Puii said...

A dik ngawt mai! He hla Jesus take the wheel, reinterpretation ka lo en lai chiah a nia article a mi. Amah chauh hi min hruaitu chatuan thlenga kan belh tur chu a lo ni ber mai. Chumi atang chuan hahdamna nun a lo awm thin! ziak tha khp mai rei tak hnu ah lo visit ve thei a..

vana said...

Kan mamawh hi a in ang thup anga, a chuh chaklo deuh kan ni ang tih a hlauhawm? Teh daih chuan!
Wc back

Unknown said...

dik khop mai... friday tlai i sharing kha ka rilru ah cham reng a..kar khat hnu ah poh a ron lang thar leh thin a. Petera tuipui chunga kal chungchang kha. Min pui lutuk, rilru na leh hreom ti taka awm kha, chung zawng2 chunga kal a Isua en tlat chunga hun hman ka zir ve thei ta. Tunah chuan hlim takin ka hun te ka hman theih phah asin. I sharing hlu tak avangin ka lawm tak zet2.

sawmpuia said...

@ All: Ka ngaihtuah ka ngaihtuah a... Engpawh ngaihtuah ila, ti ila, a tawpa kan mawh ber chu Isua hi nilo theilo..

sawmpuia said...

@vana: Gospel for all an tih kha in ang thup e..chanloh a awmlo :-)