Tuesday, December 7, 2010

Mapuiinu Bekang!

Tuk thum tuk a tho rau rau zingah chuan Mapuii nu bekang kha a tui ber awm e! Chaw, dal chawm sir a phur taka thleng a a lo awm khan mi a tiphur a; thiltui dang kan ngaitawh ngailo. Theiriat vengthlang a awm te khan inrinni zing vawksa lei kan nghakhlel ang tho in mapuii nu bekang thawh hun hi kan nghakhlel thin a. Engemaw a telh bik hresilo khan a umtui thiam em em a, a um sual ngai hek lo. Naupang atang a tar thlengin a thilum zunah kan uai a, kan khua kan ngaih chhanah pawh mapuii nu bekang hi kan lam tel ve ziah thin. Rapchungah hian uluk takin a dah a vawk chaw chhum pah khan mei a vil heuh heuh thin. "Secret ingredients" hre duh tan thil chharchhuah tur a awm lem lo, a uluk hle tih bak. "Enge in hmeh dawn?" "Mapuiinu bekang".. "tren tren" tih pah a hlim taka tlan haw thin thian te hmuh chang chuan inlam a lo hmuak tur kha kan va hriatthiampui em em tawh thin. Chu nu ngei mai chu tunah hian ala dam a, ala um thin em tih erawh ka hrelo, kan khawhlui ka tlawh leh a nih chuan thla ka lak pui ngei ang.

10 comments:

zi said...
This comment has been removed by the author.
zi said...
This comment has been removed by the author.
zi said...

Mapuiinu Bekang chu i duh hle ani maw...hahaha... bekang sawi tawh chuan ka nau ( kan teber) hi ka hrechhuak lo thei lo va, a hlang hian a ei ngawng2 thei a chawhmeh tura kan siam sa te hi a kan chawei hma hian a lo tem fai tep zel mai thin kha ania... he tah pawh bekang um tui tak2 lei tur a lo awm ve leh zel a mashe vawikhat mah ka la lei lo...lolz

khumchikthei said...

Bekang chu a uih tha leh hnang tha tha hi a lo tuiber mai.

...khrum

Maisek said...

Bekang mai mai pawh itawm tak leh ngaihnawm tak hian in ziak thiam zel mai a! Bekang hi chu baiah te hian telh ila, zawngtah leh tomato nen te hian han rawt pawlh ila, a tui ber mai!

sawmpuia said...

@zi- I nau ang em em chuan a lawng chuan ka ei ve theilo :-) Tun thleng2 ila eihloh ei nghal rawh.
@khumchikthei- I rawn chik fu lutu ni e, a tui ber i sawi ang hi.
@maisek- i ti lawmawm hle mai, bekang hian minlo thuikhawm hle mai. Kan lungrualna ber pawh a ni mahna..

caribou said...

Kan nau pakhat pawhin a naupan laiin, "Bekang a awm loh chuan chaw ka ei dawn lo," a ti mauh tawh asin le. Bekang hi mizo hrawkah chuan a lo tui a ni.

Bekang um hi kan lei regular thei khawp mai a, tu um nge chu ka hre bik lo; bekang zuar thin nu ho zing ah hian um tui bik chu an awm chiang alawm. Mapuii nu pawh chu a lo ni reng mai thei asin.

Varte said...

naupan laiin bekang kan hmeh loh avangin ka nuar tawh lolzzz.. a tui ka tih vang pawh ni lo, ka sual ve hrim hrim a :D

Krista Roluahpuia said...

A awm zia hle mai. Thil hlui preserve na a ni. Hetiang hi an ngaihhlut awm em a sin. Dam lai ngei a in chawimawi hi tha thin. A bikin dam lai ngei a lawmthui sawi te. Tha hle mai,ei ve chak tuk.

sawmpuia said...

@ caribou _ Nia Mapuinu hi faktlakin a um tui :) dal nen hian inhmeh riau in i hre ve lo maw?
@Varte: ka tan lutuk che kei ai chuan i uar hret..haha
@Krista- Hming ropui meuhin i tih chuan awih mai tur kan ni. Nia, thih hnu a inchawimawi chiam hi a sot lemlo khop..thanks for visiting