Monday, March 25, 2013

Hlauhna hnehin!

           Vawikhat chu motor hlui ve tawh tak mai hi ka lei ve a, mite ta ang a thar tha nei ve lo mah ila ka lawm ve viau. Hun reng ringawt leh a khat tawk a va tih nun zauh ringawt chu ni rei a vei hnu chuan a lo mawi bik lo a. Ngaiteh! khalh a han ngai ta a! Ka huaisenna te, ka thian te'n “Hmeichhia te pawn an khalh thei a lawm le” ti a min fuihna te, kan thlah kal zel hi kei atanga motor khalh kan thiam loh chuan dem ka hlawh mai ang, tih hlauhthawn vang te! Thil dang tam tak te ngaihtuah chungin motor chu ka han herhnung ve ta a.

Mi motor khawn a hlauhawm avangin a lian thei ang ber leh langsarh berin “L” Lathiamlo/zirlai ka nihzia ka han tarlang lurh phawt a. Rilru leh theihna zawng zawngin ka han khalh chhuak a, hmanhmawh deuh ni ah phei chuan kan keng duh thinlo. Gear te hi rem leh remlo in kan zuk tuai ang thuak thuak a, ke lam, kut lam, hma lam, a va han hahthlak thin em! Hun hisap am tak nen kan inbuatsaih a thlanphung hian kan tum ram kan thleng ve leh mai thin.

Ni e, achang chuan kawngchho deuhah buai chang a tam mai a, thlanfimin min bual zawih zawih chang a tam mai. Mite thenkhat te chuan, "chu pa chuan mo a hruai a niang mipuiin an zui hnem e mai" an tih paw'n ngaiah kan neih tawh a, traffic hi kan ti zam mai niloin kan ti ral ti in, kan su thawi thuak thuak thin! Mahse ka rilru-ah hian “ka la khalhthiam dawn a lawm” tih hian min thlamuan fo thin. Tihngaihna thlawt hriatloh vanga midangpuihna beisei a chhuk tawp chang a tam bawk. Kan hmalam a mi te hi kawng chho-ah chuan tihtakzet a tawngtaiin an dinlohna turin kan dilsak fo a, kawng kan tur kal muang satliah kan melhrum thei hle. Traffic Police ten “L” lian tawk a tar te min duhsakna-ah pawh lawmthu sawi tur ka ngah hle. Duhtawk dawn ang, horn an raw pe leh tlatin ka hria!

3 comments:

mesjay said...

Motor khalh chungin i blog thei ania, i ropui ngei mai :)

mesjay said...

Motor khalh chungin i blog thei ania, i ropui ngei mai :)

sawmpuia said...

haha ka blog hi kalo check ngai leh peklo a, thanks lutuk ilo comment a.