A thar leh thin...

Thlasik rim a lo nam a, khua a thiang thin khawp mai. Ka ngaihtuahna-ah ilo lang a, hun kha leh chen chen kha damchhung kanlo chhiar chho a nia tiraw! Hun hi alo vei chak em, kei a hun erawh kan hmanlai nun kha ala ni e. Zing takah ka phone ri ral ral kha mut chhuak takin ka ban a, i aw ngei a nih ka hriat khan ka lawm a, min kai thotu ka haw phal lo che. Enge kan tih dawn kha... thil enge maw ka hmuh dawn che tiin min tiam a nih kha. Tha tho takin ka tho a, ka in tihfai hnuin hun reilote chhungin ka han hmuta che a. Ka mithmuh a la mawi ber mai ka hmu a, ka ta i ni tih kha ka dawn thiamlo a, awmze awmlo takin ka nui ringawt mai a ni. Ni e, kha mi ni a kan tuanna zawng zawng kha hman ni chu ka han fang leh a sin. Thingbuk hnuai a kan thutna hmunte kha a lo la danglam miahlo... amaherawhchu a kal a chu keimah chauh ka ni ta sia. Hlim taka min hmuh tak lehkhabu kha ka keng a, i thuziakte a ngai ngaiin a lo la awm a, mahse nangzawng i awm tawh silo. Ralkhata vaiho tha tholo taka kal dem demte tih chauhlo chu an awm tawh silo. Thihna kut rawng tak maiin a man bik che hi ka run tak zet a. Ka mal lutuk hi i ngai ngam bik em ni le? 

U-ama lo thleng tur hi ka phurlo, ka chaklo, ka zuamlo takzet a ni. Hun kha han herlet thei ila, hlim taka kan lenlai nite kha ka her tir ang a, kal tawhlo tawp turin ka han chelh tur a. Nimahse hun leh ni-ah te hian thu kan nei der silo a, tiraw...