Wednesday, July 25, 2007

Lunglen!

Ka nau chu a khumah thlamuang takin a mu bawrh bawrh a, kei ve chu mut a chhuak der lo. Tlai lamah thiante laptop siam reng rengin ka buai a, khami hnu khan hla lunglen thlak tak te ka han ngaithla zui kha a nia. Ka khatih vang khan kalo heti zo ta a nih hi, ka lung a leng tak zet e. Lehkhabu ka lekchhuak ve ngial a, thinlai a fan zo meuh silo. Lunglen...aw..suihlunglen... Khawiah tak suih ang i maw!?

Sek leh seklo te pawh angkhat a min thuai tu, lunglen.. lunglen. "Lunglen hi natna nise dam nireng ka nei dawn em ni" ti a ka thianpa sawi kha "Amen" pha meuhlo mah ila ka han ban pha ve vuai vuai chuan ka hria. Ni, lunglen ringawt pawh hi hringchan kawnga famkimna a lo ni lawisi a, a va han buaithlak si em. Ngaih ngawih ngawih thian te han neih pawh chu malsawmna a ni e, neilo a hawihai tak a awm ai chuan ka la thlang zawk tho mai.

Hringnun hi zawng "Hi" leh "Bye" inkarah hian kan lo nungza ho mai a lo nih hi. Thian thatak te kan han tawng a, hringnun buaithlak takah hian kan sangawizawnpui tha anlo ni a, nun suar kan dai kai lai hian anlo hlu zual thin. Mahse rinloh takin thenna nunrawng chuan min rawn barakhaih a, kan phu awn awn mai thin. Chaklo tak chungin "mangtha mai le" kan tih chuai(h) raih a lo ngai, a va han hahthlak em!

He damchhung buaithlak takah hian Lunglenglo fa tunge awm ang le? Khawnge ka khum te pawh hian min ngai ta ve ang, mut tum ta reng reng lo chu. Mut ka han sual ve leh tak tak ang e, ka buan hneh em ang chu...!

2 comments:

Jerusha said...

Buan hneh ta em? :) Nge maw chuti em em a I lo lunglen aww..I nau mu chu sawi harh tur che lawm!

sawmpuia said...

Dar sarih vel chuan ka buan hneh ve hram... ka tlaivar der :-)