Saturday, August 25, 2007

Website leh Kei!

Ti ve khanglang ila St. Anthony's College Shillong-a kal lai vel tawh atang khan web site hi ka lo buaipui ve tawh thin. Khatih lai khan Aizawlah hian cafe pawh a la awmlo. Kan awmna hmun Shillong-ah khan darkar khatah Rs 150/- an ti thin a. HTML bu lei in kan han mausam ta thin a, thiamloh uchuak nen hahthlak duh khawp mai. Shillong-a college/institution information hrang hrang te kan lakhawm a, Zofate tan tangkai ve theih beisei in. Code pakhat in a zavai a tihbuai thin zia leh floppy a kan save sa lo corrupt tlat mai thin te kha computer kut tum hmuh zuau zuau pawh awl tak a ni. Kan website siam kha kan thiampuipa Ngilte-a'n "Khelawks" ti in a vuah a, "s" hi chu lam nawm nan a belh ta ni in ka hria. Saum suahna ber hming han vuah vang chu Zo riau hian ka hria kan pawm tlang hle a ni. Engtiang chiahin nge kha web khan en a hlawh a mi engzatin nge College admission chungchang chu enna chang hre ta ang le? Ka hretawh hauh lo! Thil tha ti a kan in hriat avang leh nuam kan tih avangin kan ti mai a ni.

Hun te a lo vei a, Hyderabad khawpui a zirna ka chhunzawm khan Manipur-a in leh lo nei Naga naupangte Aning ti a a koh mai thin ka chhar fuh hlauh mai a. Ka hmuhtirh lai kha chuan High School kal lai a ni. A ute hi university a a thawh ve avangin family quarter-ah a awm ve a ni. Kum inthlau tak ni mah ila kan chawhmeh duhzawng a in an avangin kan inzui chawt a. Ani hnen a tang hian "Hacking" "Cracking" leh software dangte ka hmel hriat a. Computer hawnah hi chuan a ni ai chuan ka inchhuang ve deuh, a fimkhur em avangin engmah a ti ngamlo, ka hriatloh luat avang khan ka hawng pawp pawp mai a, kan hrepah ve zel bawk a. Keyboard a han khawih vel chu hmuhnawm tak a ni. Computer leh amah kha inzawm ta em maw tih pawh awl tak a ni. He nau thluak hi a ni ka awh thin chu. Hyderabad Mizo site siam ang hmiang ka tia. Ani pawhin a lo rem ti ve mai a. Tichuan kan thu char char a karkhat velah chuan template dum vek a siam hi kan chhuah thei ta a. Kei chuan helper ka ni deuh mai a, a har deuhah phei chuan ka lak tlak loh khawp mai. Kan phone inbia pawh chu mi code kha mi code kha... chumi chu a tha zawk ang, thildang a leng ngailo. Tichuan kan tihchhin kan tihchhinna ah template li chuang zet chu keimahni pual liau liau a kan siam kan nei ta der a. Hun chu a lokal chak ve khawp mai ka nau pawh chuan class 12 a lo zo ve tawh a IIT Delhi a min kalsan a lo tul ta a. Template thar pakhat siam leh ang hmiang ka tihna chu kan hman ta meuhlo a, joomla hi min hmelhriat tir a kan hmang ta zawk a.

Hyderabad Mizo site enkawl zet zawng a hautak khawp mai. Research tih piah lamah kan dawn te thlalak lan loh vang a vui thawm te, lan avanga vui zawk tlat te kan ni nawk hlawm. Ka sangawi zawnpui Zara a nun a bet tlat emaw tih tur khawp a hmangaih bur tu chuan engkim a ruahman zel a, boruak a vai zang thiam khawp. Tete-a te, Awzman, Ruatfela, Pc-a, Mazami leh Taite-a thalak tha mi a min rawn vur tu te leh mi thahnemngai ka sawi hmaih palh tak zawng zawng te avang hian dim te in kan kal ve zel zawk a ni. Website ril hian ka nun a phuar nghet ve hle in ka hria talchhuah ai chuan in veh tir zel ka thlang rih ta zawk a ni.


_____________________________________________________________________________________

6 comments:

apatea said...

A ngaihnawm thin hle mai. Mizote hi kan la tlemin thil la tihloh hi kan la ngha em em a. Heti lamah chuan a kal hmasa pawl inlo nih reng dawn chu a... Azl ah te phei chuan 200 vel khan intrnt kan khoih ve tan chiah a nia

Jinx said...

Oihah! Ngiltea te nen in in hria alo? In 'kheloks' poh kalo hre ve vua vua thin. Mahse, i soi ang deuh khan, khang lai kha chuan computer kha ala lar vak lo. 'Kheloks' hming kha ka hre ve trok ani mai...lolz

sawmpuia said...

@apatea: khawih hmasak nih ai chuan thiam nih a tha zok
@jinx: Ngilte-a chu ka junior AICS ah a thawkin ka hria. Nia khelawks ngaihawm khawp mai.

mnowluck said...

sHILLONg ah I awm ve a???

Then we should meet, i mean we must have met each other somewhere.. I'm at EDMUNDS, and ur at our rival college ANTHONY's heh?? :P


© 2007 All right, all left, all above, all below copy right reserved

=>LOL!!! Nice one dude

sawmpuia said...

@mnowluck: Rival.. yes. specially at times of sports heheh

N_gil said...

Ka hming a lan ve teh nawlh chu. Ka la dam e. Khelawks bok ka la ngaihtuah mek asin. ha ha

Lung in ti leng tak hle mai.

Dam reng rawh u