Monday, September 3, 2007

Rinloh malsawmna!

Kan Prof pakhatin ama personal web a duh thu min hrilh a, West Indies a kal thuai tur a nih avangin a hmanhmawh hle nghe nghe a. Ka research a min pui ber tu pakhat a ni a,South East Asia expert a ni a, UPSC ah te pawh member lo ni tawh thin a ni. Chutih karah ka la ziah zawh loh article "Man in India" Anthropology Journal-a thehluh hun ni karkhat bak a ni tawh silo. Kan hotupa min ngen tu lah zahawm hnial chi ni silo. Mi pakhat mai ka ni hi ka indaihlo thar thut a ni! Vai pathian ban sawm nei thil ti thei bawk si hi awm se chuan han hman mai theih ka ruai duh hle nghe nghe a ni. Tichuan ka thilziah kar lakah ka theih ang angin a web tur chu ka han riruat chhin a, mahse a fuh hlei thei silo. Tumkhat chu Prof room-a kan awmlai in reader pakhat a rawn tei lut nawlh mai a. "Sir, web ai chuan blog revolution a ni tawh a a tha fe zawk" a rawn ti ta a. Ka lawm lutuk chu ka chibai lo chauh. Tichuan a that zia fahchiam ngailo chuan web/blog ni thei si siamdan chu ka ngaihtuah a ngai ta a. Word Press hi a lo awmlo ang ti mawlh ka hlau, kan bel lem luam a, zan khatah web/blog a nei ve ta! A lawm ve hle nghe nghe a. Ka thilziah pawh chu a last day-ah ka zo ve ta hram a.

Chutia kan inbiak vel lai chuan College pakhat vacancy a awm thu amah an rawn hrilh a. I Thawk duh em? Mahse hmeichhia college a nih avangin hmeichhia kher an duh a ni awm e. Mahse ka duh chuan mi biaksak theih tur thu a sawi a. Ka guide bakah ka chhungte thu ka ngaihthlak ve duh avangin ni hun min pe turin ka dil a, a ni pawhin a remti a. Tichuan ngunthluk tak a ngaihtuah hnu in chu hna chu ka zawm duh thu ka hrilh a. Tichuan chu college-ah chuan thawk mai thei tur a in ngaiin ka va pan a. Chuti ngawt chuan a lo awlsam lo kher mai. Demo teaching karkhat zet min tih tir leh te te a. Keimai nilo elpui ka la nei zui a, chupa lah chu teaching experience kumthum lo nei tawh a ni nghe nghe. Hyderabad College tha pawl a ni a, ka tling ngut lo ang, min kawh hmuhtu kan prof an zah a min bawl rih mai mai a nih hi. Mahse ka rilru-ah chuan enge Mizo val ka nia ka zam bik ang, ka bei ve phawt ang a, tlak tak leh ngaiawh, ka rilru ka paukhuah lui ve tlat a. Karkhat chhung rei ka tih tum ber a ni awm e. Kar tawpah chuan principal hma ah misual thi tur a hrem lungngai tluk ang zetin ka va ding ta zan mai a. ka hma-ah khan ka elpui kha reitak office chhungah chuan an inbia a, ka ta turah ka ngai tawhlo hrim hrim.

Principal office ka han luh chuan, thu rawh thu rawh. Boruak tawt tak chu tihchhuah tumin ka han thaw hawk a. Thutna rem zawh chuan thawl deuh ta hian ka in hria a. Principal pawh chuan min ti hreawm rei biklo, Enchhinna i pal tlang e (So, you've pass the test) ti in min hrilh ta a. Lehkha them tamtak hi ka lamah chuan a rawn nawr phei a. Ka han en nak chuan zirlaite'n min hmuhdan tha min tih leh tihloh an ziah chu lo ni in. "This will encourage you" tiin nui sen senin Principal chuan min ti a. Ka lawm lutuk chu auvak ka chak a, mahse auna hmun a ni silo. Principal chu hmeichhia a nih avangin, "Khawngaih takin ka chibai thei che angem?" Ani pawh chuan phal tak chuan a kut a rawn pe ve a. Ka thinlung a lawm takzet mai. Ka thiam engmah a awmlo a, Pathian.. Pathian mawlh chungah ka lawm a, engmahlo ti engmah tu chu ka rilru in lawmthu ka hrilh mawlh mawlh a. Pawn ka chhuak chu ka lawm lutuk ka zuang vak vak a, auto pu te pawhin phawk takin min en thu hlawm a, mi lawm ve te. Tichuan zirlai kha zirtirtu ka lo ni kawp ve ta a nih chu. Pathian remruatdan hi chu mak ngawt mai.

Mi tamtak chuan kei ai a thil ropui te pawh hi an chang ngei ang, mahse ka nun a thil thleng hi mak tak a ni, "Ama'n engkimah min hria e" tih kha a dik ngawtin ka hria.

11 comments:

Calliopia said...

Congratulations!!! Chu hmeichhe college-ah i thawk don ta sia an lo star rawn luai² don che nimaw? Nuam don bik mange! :D

Jinx said...

Congrats! Ka lompui takmeuh che.
Principal hma a misual hremtur anga in ding zan lai hmuh ce kava chak ve mole....Min ti nui nasa ltk khalai tak khan...lolz

sawmpuia said...

@calliopia: Thanks hehe i advice ka ngai ngawt ang, vawijhatna a ni dawn a.
@Jinx: Kha hun chhung kha minute reilo te chu a nia, mahse a nuam hreawm ngawt a sin :-)

Zara Ralte said...

Sirjee,
Namaskaram,nenu appointment congratulation ra!
Naupangte tana zirtirtu fel leh tha lo ni mawlh ang che:-)

sawmpuia said...

@azassk: Zarbawih theihtawp kan chhuah ve ang chu thanks :-)

Almostunreal said...

Proud of you :)...tha thuai2 khop mai, Praise the Lord

He ti chuan ka ron zinna tur tawlailir poh i ron thon thei ang chu

:P

Puii said...

I lawm lutuk zuang vak2 chu, a chhan hre lo tan chuan a mak duh awm :)Nia lawmawm bawk a ni! very3 proud of your achievement! All the best for your future. Rintlak Pathianin i hma a hruai zel ang.

Aduhi Chawngthu said...

Va lawmawm ve le!! Eng college nge, may I ask??

Jerusha said...

Chaw ei khawm chaw ei khawm boss!

Maruata said...

Congrats!!Pathian khawngaihna i chan avangin ka lawmpui a che. I class lak hmasak ber ni chanchin i ziah hun a va nghahhlehawm ve:) God bless!

sawmpuia said...

@almost unreal: tawlailir ah chan bulldozer ngei keh theilo kha aw hehe.
@puii: Zuan vak pawh kha a tawklo ka ti khawp. Thanks :-)
@aduhi: Rawn inkhawmla ka hrilh dawn che nia.
@jerusha: sap an awmloh hunah kan ti ngei ang :-)
@maruata: Thanks :-) ziah tur ka ngha tawh i mit i lo len dawn nia :-)