Wednesday, October 24, 2007

Alu!

"A hmel enin tlawm mahse,
Khawvel chaw hmeh zing a tui ber pakhat a ni."


Kei leh Alu!:Kan hostel awmlai khan a lawm kan han hmeh zing khawp a. Zingah an zai tung a, tlai lamah an zai bial bawk a. "Enge kan hmeh dawn?" tih ai chuan, "engtia zai nge?" tiin kan in zawt thin.Chuti fako a ei ngun chu ni mahila ka ning thei ngai reng renglo! Eng chawhmeh ah pawh hian telh ila a in hmeh em em zel a. Ka vanin thlen thlengin Alu.. aw alu.. tih mai pawh awl a ni.

A history tlem: Hmanlai American Indian ho khan Bolivia-Peru tlangsangah te anlo ching tawh thin a. Kum lamah chuan hman daih tawh 5000 leh 2000 BC vel a ni awm e.(N.W. Simmonds(ed) Evolution of crop plants, Longman, London and New york, 1976. p.279)European ho khan South America-ah Alu hi kum 1537-ah an zuk hmu ve a, kum 1570-ah Spanish lawng lian chuan a tui em avangin an ramah a phur ta thur thur mai a ni.Thawnthu an sawi thin Raleigh leh Drake te'n an ching hmasa ber tih kha diklo ni awm tak a ni. South America-ah khan "Batata" tiin an ko mai thin a. English ho hian he an lam hi kaihlekin potato an ti ta ni awm tak a ni. He Alu hi India mite pawh khan British hotute thilthlawnpek atan an hmang fo a. Kum 1780 AD-ah khan Warren Hastings hnenah he Alu ngei hi mawi tak a pack a pek a ni nghe nghe.(J.B. Hutchinson (ed), Diversity and change in the Indian Subcontinent, Cambridge University Press, 1974. p-139). South India a ni emaw North India pawh nise India mite nunah he Alu hian ro a rel a. Hmarchhak kil sir a Mizo te pawh kan bang ta bik lo!

Alu mitin tan: Khawvelah hian Alu hi awm talo se a buaithlak ngawt ang. Alu hian unau a nei a Mizo chuan Dailuah kan ti leh mai a. Ka guide te ina dinner kan ei trum chuan dal chi hrang hrang hi an ngah khawp a, keinin dailuah bak kan nei der silo! Sap, Vai, Zo te pawn rual tlang tak a kan ei tlan theih chu Alu hi a ni. Chuvang tak chuan Alu-ah hian lungrualna mak tak a awm a ni :-)

Note: Mi hnial duh an awm emaw ka phuahchawp emaw ti inlo awm takin lehkhaburawn te kan telh a ni e. Tumah insualbuainan leh inhnial buai nan hman phal a nilo.Alu chungchang a ni a, ei mai chi zawk a ni.

13 comments:

mnowluck said...

Enge kan hmeh dawn?" tih ai chuan, "engtia zai nge?" tiin kan in zawt thin.Chuti fako a ei ngun chu ni mahila ka ning thei ngai reng renglo! Eng chawhmeh ah pawh hian telh ila a in hmeh em em zel a. Ka vanin thlen thlengin Alu.. aw alu.. tih mai pawh awl a ni.
hahahahaha..

Mind if i ask you something?? Are you those PHD and all those stuffs????

Puii said...

yeah..from east to west to north to south alu is the best! engtin pawh hian a tui ber mai! hne theih loh i tih hi k pawm khp mai :)

Aduhi Chawngthu said...

Ni e alu hi chu a tangkai ani chawhmeh bazar apiangin kan lei tel ngei ngei.

mnowluck, sawmtea hi mo PhD trep mahse "all those stuffs" chu ka hre lo!

sawmpuia said...

@Mnowluck: Aduhi sawi hi ka chhanna che a ni e :-)

@Puii:Faklo thei tunge awm ang.. code name "Alu" :-)

@Aduhi: I siam ka ei ve chak engtik nge chaw ei min sawm dawn?

avena said...

kan hotu te ziak ngaihnawm hle mai. mizo ziaktu pakhat in 'bawngek antam' chanchin ngaihnawm deuh a a ziahna 'a no ber mai no ber mai' tih te pawh min hriat chhuah tir.

Alu chu siam a awlsam a, tin siam dan chi hrang hrang a tam a, i rawn sawi ang hian a tui khawp alawm.

ramcher-a pa ve thung chuan a ning khawp mai an ti ve thung tlat!. tlai khat a leng haw kha 'enge chaw hmeh in siam?' tiin a zawt a.
'alu' ti a an chhang chu a thinrim lutuk in 'chan bial paw'n tui lo, chan sawl paw'n tui lo, vaw per ula kawm thlang ah paih rawh u" a ti e an ti. :)))

khasi ho khian alu hmang in zu an siam thin an tih teh tlat chu!!

rotlingpa said...

Alu kan+dailuah kawi+maian bai hi chuan lungthu an kim a ni. Hawnglang ang maw lang lo ang mo, nau a lu khuai lai chih, alu a tui ngei e.

Awzzman said...

hahah alu hi chu tui ve chiang a lawm...sa hmeh pawn alu a tel loh chuan a tui chuang lo..cho hmeh ti tui tu ani tops mai.Kum tluanin kei leh ka chhung te chuan kan ei ning lo a ni ber mai...a history ngaihtuah lek lovin kan ei buan2 zawng a nih hi.

Almostunreal said...

alu hi chu tui a lom

a kan: kan ro, tui neia kan, kan kawi tui em em a

han bai i la, a tui leh em2 a

ironba i la, tui leh em2 a

mashed in la, tui em em leh a, leh chohmeh changkang deuh a lo ni leh a

sawmpuia said...

@Hotupa avena: Project Rotlingpa lehkhabu i chhuah hunah ka ngam sang ngawt ang :-) Alu ngeiin kan lawm dawn nia :-)
@Rotlingpa: Celeb in ka blog a rawn tloh hi ka inchhuanphah hle. Alu chopin lawm ngei nise tih rel tur a ni :-)
@Awzzman: Inkhawm i taima viau i fel khawp mai. Alu i kan hunah chawei minlo sawm la :-)

@Almost unreal: Zawngtah nen hian a inhmeh tho in ka ring :-) Zawngtah hi thawnthu mak tak a ni :-)

Jinx said...

Alu chhiarkop: Alu pumkhat alu; alu pumhnih alulu; alu pumthum alululu....:)
Alu hehi ka ni ve ngei ang.Hmeh dang pawh awmlo mahse, alu kan ringawt hmeh pawhin ka cho ei a tui em2.A tui ani..alu hi chu!

sawmpuia said...

@jinx: Pi jinx chu kha i lo tei lut ve ni maw? Ka van lawm ve :-) Alu kalo kan dawn che maw ni?

Almostunreal said...

Zawngtah hi thawnthu mak tak a ni :-)

hahahaha

han soi la..zongtah thonthu chu, kan lo ngaithla a nge

Puia said...

Hotupa nge nge ziak tha thin hle mai. Alu pawh ngaihngam takin kan ei poh a niang chu..:)