Thursday, February 14, 2008

Ka bus khalh hmasak ber!

Ka hma ah chuan naupangho chuan exam an bei mek a, "an va han vannei em" ka han ti ngawt a. Ka rilru-ah kan sikul kal hmasak ber lai kha ka ngaihtuah chhuak a, khatih hunlai kha chuan Pi Liankhumi sikulah kan kal thin a. Kawtah chuan Hmawnglianpui bul lam tan bulh tawh hi an dah ruau mai a, tah chuan kan chawlhlawk a piang hian kan lawn thin a chu chu kan bus a ni. A tir chuan conductor-ah ka tang thin a. Bus bang ang kha kan han beng der a, "Kal rawh le' ring lenglawngin... an hlim ve viau thin. Hnahthial Bus a rawn tlan hun tur hi kan hrethei hle a. A driver kha U Zamlova a ni a, "kei U Zamlova" amah nih kha kan inchuh nasa thei hle. kan zawn a rawn tlan thlen hi chuan a rawn "TIT" ngei ngei a a fans rualte vek kan nih avangin kan zawn tlan pelh kha a chak ve hle thiin ka ring. Kan Boss ber Lalpa-a khan vawikhat chu a thinglianpui khalh (Bus) chu a ning ta deuh nge khalh ve turin minti a, ka lawmzia kha ka la theihnghilh ngailo. ka bus khalh hmasak be chu steering a awm hranlo a kut a mahni rem zawng zawng a herh pawp pawp kha a nia, conductor atang chuan "A tawk" a rawn tih lauh hunah kan duhtawk ve mai thin. Speed meter a awm hranlo a, a ring ring kha a chak ni ta berin ka hria.

Ka khalh hmasak ber zan khan ka lawm lutuk a ka muhlei thei meuhlo a!

10 comments:

Awzzman said...

haha chu steering ngai bawk si lo,accelerator ngai bawk lo,Bus i lo khalh tawh bik a...!!! a ring poh leh a tlang chak...haha,ka mitthla in ka han chhui chhin a...ka nuih a za tawps...!!kan generation kha chuan kan khalh ve hman lovin ka hria....good post!!!

Puii said...

hehehe...lung ti leng reuh e a in naupan lai chu...in bus chu a van tha awm ve aw..duh dan dan a khalh kha nia nuam viau ang..in hmuhnawm hlawm ngawt dawn chu in group ho chu! hehe

DayDreamBeliever said...

hehe..i khalh lai thlalak kha lo om se ooo..cute reuh ngot ang! Hmanah keipoh kan zin in tolailirah min phura, kawngchhukah brake zo toh si lova, kan accident a, ka khup a ser rei raps! Ka nau in Rs.5 in a lei chhawn saka, Aizawlah mi inchhawng sanga kan omlaiin a nia, kan hawnga, khalh ngaihna ngang a om ta si lova, a tawpah chuan Kanu'n pangpar dahnan te a hmang ta vel mai mai... good to travel down memory lane with you!

sawmpuia said...

@awzzman: Nia vroom a ni mai.
@puii:Kan bus chu maw hehe kha kha nimai
@daydreambeliever:Khai a chu ilo bei nasa ve viau thin a ni maw? Lunglenthlak asin hetiang ngaihtuah hi chuan.

Lal Jo-a said...

ahahaha,..... a va lunglen thlak ve. keini pawh thuthlengsei kan khalh nasa thei alawm...

sawmpuia said...

@joseph: Ve hlol che chuan.. nia vrooom a ni zel mai..

Maruata said...

Eee, lung hlui i va tileng ve,, thianpa. Kei pawh ka lo khalh ve nual tawh a, tet lehzual lai chuan thing thuthleng te hi kan la chhuak a, a letling zawngin kan in hnuai awihah kan dah a, a chungah kan han thu ren rawn a, bawp pahnih kan khai a, kan tawlh thla ve bawp bawp thin. A hunlai kha chuan nuam kan lo ti ve ngei mai. A hnu deuhah kan han changkang ve deuh a, ram atanga kan thingput hawn leh pate thingphel dah that lai hmangin tawlailir kan han siam a, kawngpuiah brake pawh nei lem lovin kan han tlan thla a, motor horn kan hriat chuan bang kopang sut emaw mi varanda a khalh luh a ni mai..A hun lai chuan nuam ve tak a ni. Kan ram zawng a lo ralmuangin ram danga khawpui a sualna ang hian a chiahpiah phak ve lova, ngaihtuah let pawhin tunlaia naupang tualchaina hun pawh nei lo lutuk leh an chuah hlek pawha nu leh paten an ngaihtuah em em ang hi ka awt bik hauh lo mai. Mahse, thiamna leh hriatna lama hmasawnna kawngah erawh chuan chuan kan lo phak lo ngei mai. Pu Rokunga te khan an lo hmu chiang teh e.

sawmpuia said...

@maruata: Long time no see... u zautea te an dam tha em? I va han ngaihawm ve le..

Almostunreal said...

hetah hian ka comment maw ka tia, ka lo comment miah lo nih hi

Sir, sorry :P

avena said...

I khalh chak lutuk ange aw :-)

Naupan lai hun hi chu ngaihawm chang a tam asin!