Wednesday, April 2, 2008

SAIACS Graduation

"Lalpa'n thil ropui takte min tihsak a, kan lawm hle a ni."

Ka kal chhan: Kanu nau, kaputea, H.Laltlankima te nupa in degree an lak ve dawn vang a kal ka ni a. An ni hi Nepal-ah BMS missionary in an awm a, Tamang Nepali hnam zingah rawng an bawl a, Engineer background nei a ni a, Pathian thu zir chu rawngbawlna tan a tha a an hriat avangin SAIACS Bangalore ah hian M.Th pa berin a ti leh a ni.

A hma zan: SAIACS Principal Rev.Dr.F.Hrangkhuma te inah ka unaupa Awma nen kan innghat a, a zan chuan graduation day a speaker tur Dr. Lalchungnunga Principal Serampore College te nupa nen zanriah tuihnai tak kan thlenna nu Pi Kimi (Api) in min siamsak a, el euh a kan ei hnu ah zanrei tak thleng ti ti na hun kan nei leh a, a tuk lok kha function ni a ni tawhsia mut zai kan rel ve ta tawk a.

A sasehni: Bangalore Mizo chhungkua an fel hle mai an rawn tawiawm tel tel a, Pu Kapthuama IAS (Rtd)te nupa te, Pu Rinawma IRS te, Pi Saibuangi te, Pu Sangliana nupui te, Matana, Jenny, Philia, Madawnga, Jessaia, PC Lalduhawma leh midang an hming ka hriat lemloh te'n an rawn tawimawm a. BMS atang pawhin Pi Ann a rawn kal bawk. Programme hlimawm tak leh changkang tak kan nei thei a, ruah a sur lo hlauh kan vannei hle. Ka putea ber chuan Principal Award for best thesis ( Creativity in Research, Clarity and Conviction ) dawng ve hlauh mai a, a nupui Pi Laldinpuii Hnamler in ( Diploma in Christian Ministry)a dawng bawk a kan lawm ve hle nghe nghe. Dr. Lalchungnunga thusawi a thatak zet a Pathian hriatna tellohna thiamna hi a hlauhawm a ni tih a sawi, a zahpui awmloh hle.Graduation zawhah chawhlui kan kilho leh vek a nuam ve tak a ni.

Kan lawmna: Pu Hrangkhuma te inah kan lutkhawm leh a, an ni hi US a kal mai tur an ni a, an ni thlahpah ni bawk, kan thil tawnte lawmna ni pahin Pathian hnenah lawmthusawina te kan nei thei a. "Mite chuan thesis ziah hi lonely journey an ti mai thei a, kei chuan network journey, Pathian thatna mite hmang a lolang ka hmuh na a ni" ti a putean a sawi pawh chuan rilru a khawih hle. a theihtawp a chhuah ve a, Pathianin mal a sawm a ni. A thesis ziah chungchang a sawi zel a, a bihchian ber Tamang ho bulah khan thla2 zet a han awma, mithi, molawm etc., a duh ang a zirna tangkai thei tur kha a han hmu hman vek a, sap pakhat zirtur kal pawh khatiang hun kha kumkhat chuang zet a lo nghak ve tawh ni awm tak a ni. Zirchian duh vang ngawt a mi thi rawh in tih emaw innei ru han tih kha a theih siloh a. Pathianin he zirna hi bul a tan a, he zirna hi a duh a ni, tih kha a thupui ber a ni. Thil tamtak sawisen loh mite tan a thil ho te mahse ropui tak nisi kha he thesis ziahah hian a bet tel tlat a, Pathian a ropui ngawt mai.

UTC Graduation: A tuk Pathianni chu UTC lam graduation a ni leh thung a, Mizo hming pahnih Registrar Rev. Lalmuankima leh Dr. Lalrinawmi hming a lolang leh bawk a, Mizo nih a nuam khop mai. M.Th: Rev. R.Lalnunzira, Rev.J C Lalhmingchhuanga, Nl. K. Zorinpuii B.D: Rev. Sairengpuia Sailo, Nl. R. Lalrinpuii, Pu K. Lalrokima. Certificate Course in Christian Service:Pi Lalawmpuii Chawngthu ( w/o Pu K. Lalrokima), Pi Malsawmdawngliani Ralte ( w/o Rev. JC Lalhmingchhuanga)te'n degree an la a ni. BMA President Pu K. Lalrokima Inah eleuhin chaw kan fak leh a a nuam e.

Fak tlak: Bangalore Mizo khawtlang an fel em em a, khualchhawn an hneh khawp, keini ang pawh khuallian takin minlo cheibawl a, han insik a, keimah ngei chu ka ni bawk si a. Pathian zar leh Mizo thatna zar kan zo mawlh mawlh mai a ni. Bangalore trip hlimawm tak mai ka neih theih avangin Pathian hnenah pawh lawmthu ka sawi mawlh mawlh a. Graduate te Pathianin a ram tihzaunan a hmanzel ka beisei e.

7 comments:

Puii said...

Lo tel ve chakawm kher mai! I ziak ngaihnawm khawp mai report chu..a ropui e.. A deserve tak2 tu ngei Pa Tlana hnena award ropui tak hlan chu lawmpui awm kher in a ropui tak2 a ni.A hard work Pathianin mal a sawm kher mai.

Praise be to God for He's done great things for us!

Awzzman said...

Lalpa hnung zui hi chu a inchhirawm loh thin khawpmai,

DayDreamBeliever said...

report ngaihnawm tak kan ngaithla a, lawmawm e. Anmahni hre ve chiahlo mah ila, an lawmpuiawm in an chhuanawm e.

Almost Unreal said...

min sawm ve lo :(

sawmpuia said...

@puii: Nia ilo tel velo a, awma chhungkaw aiawhin a awm tho a lawm, Nuam kan ti viau.
@awzzman:A dik khawp mai, inchhirna tur a awm miahlo.
@daydreambeliever: I hriat an awm nual mai thei, i unaupa matanan train station thleng min thlah a kan hlim ve viau a sin.
@almostunreal: Keini pawh sawm ve tho kan ni. Kan thu lo lutuk, khuallian ang deuh a an sawm hun che kanla nghak leh dawn nia :-)

Nancy Lalhriatpuii said...

Sawmte,
kan in hmu ta lo kha chu a pawi teh e, mahse hun remchang dang a la awm leh em ang chu maw....

sawmpuia said...

@nancy: Poilo achangutpa nen inlo lan ka beisei ve viau a nia. Hun dang a awm leh tho ang chu.