Friday, January 2, 2009

Footnote leh Reference dah a tul em?

Thil ngaihmawh ve deuh ka nei a chu chu kan ziaktu zinga ngaihsanawm ve a ka hriat Lalhmingliana Saiawi leh Ruatfela Nu hian an lehkhabu thuhmahruai lamah footnote ang emaw reference(lehkhabu rawnte) an ziah duhloh thu leh an ngaihsan vakloh thu an rawn sawi a. Hemi bakah hian Rev. K.LungMuana khan a seminar paper ngeiah ama irawm a ziak mai a nih thu leh reference a dah duhloh thu a sawi bawk.

Ka ngaihve dan ka han sawi ang e. Lehkhaburawn te hi a bu pumpui kan chhiar vek ngailo a, a bung a zirin kan duh zawng kha index atangin kan zawng mai a. Chubakah chuan tawng engemaw sawifiah ngai paper pangai a leng remchang silo chanchin ziahnan pawh footnotes emaw end notes emaw ah kan ziak mai a. Hei hian kha thu ziah kha a ziaktu ziah mai baka chhui zau a duh chuan a en ve mai thei a remchang phian. A style format an thiamloh vang nge hetiang a han tih leh tlat mai hi a changkang lemlo khawp.Standard tak lehkhabu kan la neilo pawh hi mumal deuh a thil ziah kan peihloh vang pakhat hi a ni. Lehkhabu pakhat ve lem khawrpum lai a engmah bar chhiarlo a tapchhak ti ti mai ziah hi kan ngaisang tawh lemlo. An mahni experience tak tak pawh nise han inchhiarzau bawkse a ngaihnawm leh zualin ka ring.Mahni hi inti fing lemlo ila midang thuleh hla te pawh hi ngaithlain interview engemawzat pawh an lehkhabu ziahnan hian han ti nghe nghe se, lehkhabu awmkhauh tak a ni ve thei zawk ang. International Journal a an editors te hian kan ziaktute anglo takin an han ngai pawimawh khawp a, footnote chikim an check peih a, thubelh chian dawl lo deuh te phei chu ziah ngam chi pawh a nilo. Ziaktu lar Arundhati Roy te, Choamski te, Jacques Derrida te, Michel Foucoult te hian an ni anglo takin an uar viau. A hranpa ngatin website ah pawh an footnotes download theihte'n zuk dah a! Thil tak tak kan ziah dawn chuan kan taima tur a ni. Kan hmang duhlo a nih chuan hmanloh mai sawisel kher a ngailo.

4 comments:

DayDreamBeliever said...

A dik chiah.Keini subject ah hi chuan MLA Handbook stylesheet hi kan hmang a, engpoh ni se, mahni irawm chhuak hlawm hlak hi chuan thil belhchian dawn ltk hi ziah a har tih an hriat vang a niang TS ELiot te pawn "tradition and the individual talent" te an tih ni. Tin, an rin aiin plagiarism an commit nasa mai thei bok, tumah reference an pek loh chuan.

roberta said...

Lalboss... Hallelujah. Pu K Zawla lehkhabu te kha footnotes vel te chu han awm sela chuan kan history pawh hi kan chhui thui thei viau tur aniah te ka lo ti ve mai mai a kei mimawl hian

sawmpuia said...

@daydreambeliever: Agree..an mahni knowledge emaw an tih kha khawi atang a maw a an chhiar ve tho a ni. Fing deuh a piang sa hi kan vang viau in ka ring.
@Robert; JNU ho chu in dam maw? Nia K Zawla ziah hi tha ve pawl tak a ni kan Mizo history-ah chuan...In archive sawi ve ziah kha hman veleh ka la rawn tlawh ang. Mahni tawkah kan buai ve thei lutuk a.

Anonymous said...

Good dispatch and this fill someone in on helped me alot in my college assignement. Gratefulness you as your information.