Tuesday, March 3, 2009

Arunachal ah ka han "Chal" zawk a!

Tlangval senior tarmit bun ve mai min ti maw?
Zin tur ka nia Itanagar-ah, ka flight chhuah hun ka en sual a ni. Tlai lam emaw tiin ngaihngam takin ka mu sik sik a. Ka thawh chuan ka online-a ka ticket lakna te a hunte an sawn takin tiin ka bia. “Tunah chuan a thlawk sang tawh ngawt ang”..tih ka thudawn a ni. Tichuan, nuihzalo takin a tuk a mi turin ka book leh a. Haihawt hi senior tawh vangah ka dah duhlo a fimkhur loh avang a ni, fimkhur tak chuan a hma zan te khan ka ticket ka en ve thlap si a. Tlai a kal tur angin ka in ngaihluat vang a ni e. Tlangval senior tarmit bun ve mai ka lo ni.

Tlangval senior tarmit bun ve mai kalo nilo!
Kolkata kan chawl zawk a, Guwahati panin kan thlawk nghal a, kan thlen veleh zan a chhuak tur Bus ticket ka la nghal a. A zanah chuan Itanagar panin ka chhuak ta a ni. Arunachali pakhat fel deuh mai ka be pawp a, ka kal na hmasak ber a nih avangin ka chhukna tur min hrilh turin ka hrilh a. Arunachal chu zing dar 4:30 ah kan thleng a. ILP vel an check chuan keichu an mi leh sa a maw tiin min kal tir mai a. Nerist gate-ah ka chhuk a ka hawi kual ka hawi kual. An Research Scholar pakhat hian motorin minlo nghak vang a. Ani pawh putar deuh beisei a milo hmuak a ni bawk a , ka hmel la naupang tak chuan a bum ve nasa a niang. Tlangval senior tarmit bun mai kalo nilo! Tichuan Guest house an kan tlan nghal char char a. Kei lah pek chuan Hyderabad atangin internet ah Arunachal temperature ka en a, kawrlum kenloh pawhin tih theih mai dawn hi tiin ka kenglo vei a, ka tisual chhiava, ka khur nasa hle. Guest House ka thleng a, tuilumin ka inbual a, ka mu nghal daih. Zingah chuan min sawm tu pa ber Dr. M.C Behera kawng a rawn kik a kan in satkak hnuin dar zing dar 9:30 ah a tan tur a nih thu min hrilh a. An dining Hall ka va kal ve a, putar, pitar, kum upa lam deuh ho hian polite takin minlo nuih sung hlawm a. Ka riltam tawh lutuk mi ka be peihlo puri sa ve vawt chu ka lim ngheng a, ka nung ta deuh.

Kan tan ta:
Session kan tan a Professor thiam tak tak thusawi mut ti chhuak deuh deuh kan ngai thla a, mahse ka hun a la thlen veloh avangin ka harh a ngai tlat si a. Ka hun a thleng a, ka flight miss thu te ka kalna a hlat bik zia te ka sawi a, fiamthu kan thawh ve ngial a, an nui dar dar lem hleilo a. Tichuan, ka inbuatsaihna ve ang ang te ka han sawi zo ve hram a. Heng aimah hian thil ngaihnawm deuh chu kan session chair chu NEHU Vice Chancellor ni tawh Dr. BD Sharma a ni a, LK Advani hi a ang ber awm e. Kum 1985 vel khan NEHU ah hian VC a ni tawh a Professor pahnih chu an thatchhiat luat avangin a lo suspend tawh a ni awm e. Indira Gandhi thian hnai tak a ni bawk a, engmah a hlau velo ni awm a ni. Hetiang a ka ngaihsan ve ruk em em hma a thu sawi ve tur ka ni hi ka hlauthawng deuh a ni. Mahse, rin ai takin kan ram thil sawi ka ni bawk a, tuilo mahse ka tui em a ka vai liam ve thei ta mai a. A hnu session te chu ka ngaithla tha vak tawhlo a, ka chhuak ru a, an campus thla kalo la tiah tiah mai a ni. An mi sawmte hi University Professor leh Reader tribal area tak tak a thawk leh lehkhabu te pawh nei tawh nual an ni a. Asst. Professor tlem leh research scholar pathum IIT Mumbai atang a lokal leh Uk atang a lo kal a awm bawk a. An lehkhabu a ngaihnawm ang hu in an tawng chuan mut a ti chhuak lawi!

Sightseeing:
An zirlai te an fel a University Bus pakhatah chuangin Buddhist Monastery pakhat ah min hruai a, thla ka la phei zel a. Vai ka kalpui ho chuan tlang leh ruam mai mai te chu mittla dawn hian an en hlawm, hetiang ai a nalh te chu Mizoramah kan neih tehreng nen ka ti rilru a. Buddhist monastery ah chuan thing pakhatah hian ribbon anlo hreng var chhuk mai a. A awmzia ka zawh chuan duhthusam a tichuan ribbon kha an suiha an duthusam chu a lo thleng thin. Keipawhin ring em em lo mah ila ka han tawn ve ngei kha, ka duhthusam zawng ka sawilo mai ang e.

Guwahati ah ka let, Hyderabad ah pawh: Chumi zan lala ah chuan Bus a chuangin Guwahati kan pan leh ta a. Delhi lam a an Professor pakhat chuan min kawm ngeih tlat mai a, “Mizoramah kal ka la duh a ni” te a la ti ta deuh deuh a. Mizoram House-ah tlawh ka sawm der a, a lo phur nasa mai a. Kan va thleng a Mizoram House thawk te an lo fel tak zet. Kan phu miahloh roomah minlo nghat a, ka lal ve ta viau emaw tih pawh a awl khawp mai. A tawi zawngin Professor chu chawhnu dar 2:00 ah a flight a nia, ka vailiam a. Keipawh ka flight kha tlai dar 4:00 ah a nia, sum insen thlawn ka duhloh avangin a rang arangin Airport ka pan nghal a. Zanah Hyderabad ka thleng tihpalh thil thu nge ka thianpa Mathanpuia leh Tlingan minlo hmuak ve teh mial a, an fel khawp mai chithlum mum ka la lei ang. Hyderabad-ah chuan awmna bur leh hnarping takin ka thleng tih ka hrechhuak a. Ngaiteh! Hna hlir hian minlo hmuak leh a. Huiham khawvel tak hi chu…

5 comments:

vana said...

hotupa, i tum ram i thleng a, hlawhtling tak leh tluang taka i haw leh tih hriatin rilru a hahdam e :). Tlangval senior tarmit 'vuah' mai chu i nilo alawm. Khalam tleirawl hovin "Usawmte-a" hrelo an awm mang silo a :P. Arunachal ah chuan 'apong' an thlit che em?. Kal ve a chakawm hle mai.

Jinx said...

I reh vung2 ka tia, nang hi thil ropui deuh ilo han tih daih vang alo nih hi mole :)

Nang ai chuan ka 'ensual' level a zia deuh anih hi.Keipoh ka flight dar 8:00am tur kha, dar 8:30am turah hlir ka dah a,airport ponah dar 8 velah poh hun paih nan kala vak zak2. Min ron phone...keimah chiah thlohnaah minlo nghak thup chu a nuam hranlo duh khop mai :)

I duhthusam chu a ruk tein minlo hrilhru se se la ;P

gkhiangte said...

hehe i know u got ya wish when u tied that ribbon on the tree!!!
well done
congrats on ya achievement(s)

sawmpuia said...

@vana: I Blog-a haihawt i ziah kha ka kal hma chiah zan a nia, kalo nui kawisawi vei ngawt a, ka chungah a thleng ta a nih hi. Engpoh nise chechhia hi pakhat chauh kanlo awmlo a nih hi. Arunachal ah chuan i sawi chu minlo htlit peklo a niang, kal leh ni te a awm chuan ka kamkhat ang :-) Helam tleirawl ho chuan maw.."Pu" ang deuhin min en. In ngai naupang mahila thlalakah hairual lohin kan langsar. Kan upa ta nilo in kan bul vel a mite an naupan vang mai zok a ni e :-)

@Jinx: Nangpoh hi chaina leh tawh mi? I awmna chin kan va hrelo ve le? Ka chetchhiat rualpui inlo awm hian thla a va han muang thin tak. Mahse i sim vat ang u, kan in hlauhzo dawn tak ngial. Ka duhthusam chu maw...silh dawn lo che :-)

@gkhiangte: Haha i hre ngawt a mi? Neih reng tawh te chu wish ngai dawn mi? lol tak takah intihhlimna chikhat mai mai a ni e :-)

Calliopia said...

Senior lo inti ve lo mai teh, i niar lo teu teu, tawmte. Arunachal hi tunlai chu ka star tawp! An writer poet/novelist Mamang Dai, IAS hna ban san daih khawp a mi bawn, thuziak ka chhiar a hetiang mi Northeast in kan nei hi ka chhuang bawn tawp. An ram pawh hi zin ka chak ngai miah lo mahse ka hmu ve chak ta riau. I suitcase-ah ka lo tawm ru lo a ni...