Friday, March 6, 2009

Aw hmangaihna sawi thiam ila (Orkut thawnthu modi version)

Khawvelah hian a nilo chu engmah thlakhleh dang ka neilo a. Amah chu ka nun leh chawlh hahdamna a ni. Mite pawh hian hmangaih te chu an lo nei ve fo tawh ang a, a chin tawk pawh an hre viau awm e. Kei zawng ka thiamlo chhiava a, min ning ang tih pawh ngaihtuah changlo hian ka lo phur leh chiam thin. A bula awm hi ka kham thei derlo a, minute reilote pawh hi kalsan har ka ti. Chutiang a ka khawvel nuam tak a ka hmanlai chuan beiseiloh deuh thil a thleng ang tih pawh ka chhut ngailo, chhut pawh ka duh heklo. Chu hun chu chelhdin theih nise, ka chakna zawng zawng sawm khawmin ka bei ngei ang.

Ka hming kala hrilhlo tak che u a, Orkut Buyukkokten a ni tawp mai.Turkey khawpui pakhat Konya-ah kan cheng thin a. Standford University-a PhD Computer Science degree nei ka ni. Tumkhat chu ka thiannu chuan khaw dangah tul thil a awm avangin min kalsan zawk a lo tul ta a. Reilote min han kalsan tur pawh chu ka ngaithiam lo ngang mai. Tichuan, lung silo zetin Train station-ah chuan ka thlah ta a. Rilru a ngaihtuahna kawm chungin ka room ka thleng a. Rei a nilo, thu thinthawng tak chuan min rawn deng chhunzawm nghal a. Ramhla tak a kal tur ka thiannu te chuanna train chu a chesual a nih chu. Rang takin ka thawk chhuak nghal a. Railway thuneitute ka be thuai thuai a, officer te an lo fel a tawhsual tawk avang a thi te list pawh min hmuh tir thuai a. Ka han en a a hming reng reng ka hmu zolo! Ka keu nawn ka keu nawn a, ka beidawng tan ta hle mai. A hnuhma chu a awm eih silo a.

Kum a lo vei a, IT technical architect ni in ka zirna ah chuan kalo hlawhtling ve ta em em a. Tichuan, ka rilru a thi theilo ka hmangaih ngawih ngawih zawn chhuah dan chu ka dap tan ta a ni. He khawvel khawlai hmunah emaw chuan a awm ngei awm si a, min han be pawp mailo pawh chu ka thin a rim lek lek fo thin. Tichuan, khawvel hmun hrang hrang a computer thiam developer te ka sawmkhawm a, internet site pakhat orkut tih hi kanlo siam chhuak ta a ni. Beidawng duh hauhlo in kum thum chhung rim takin he web atang hian ka zawng a, sum leh pai pawh maktaduai chuang kalo seng ta reng mai. A tawp a tawpah chuan he orkut hmang hian khawvel a ka hmangaih ber chu kalo hmu leh ta a ni. Hemi ni a ka lawmzia chu I hrethiam kher awmlo e, ka lawmna kha engmah hian ka thleng phal lo a, ka sumsen leh ka tha sen, hun sen ve te zawng ka hmuhchhuah a ropui em vangin ka chhuang thei hlek lo. Tichuan, ka thil zawn ber ka hmuh tawh avangin ka web pawh chu khar ka tum rilru ta a. Mahse mi tamtakin he site hi an hmang tangkai avangin google CEO chuan leiah min dil a, kei chuan midangte tan a tangkai a nih beisei ve in kalo remti thei ta a ni. He site hi hmangaihna atanga chhuak chhelna a din a ni a, a hmang tu te pawhin ka rilru ang hi min tawmpui ve thin se ka ti khawp mai.

Hmangaihna avanga ka thil siam avang hian engkim huam leh engkim seng hrehlo khan ka hmangaih ber ka hmuh theih phah a. Kum 2009 te a nih meuh chuan khawvel a mi hausa tawntaw te zingah pawh minla chhiar ve mahna. A engpawh nise heng zinga ropui ber chu hmangaihna avang a beidawnlohna hi a ni.

Photo: Orkut Buyukkokten creator of orkut
source-jaysfreespace.blogspot.com

18 comments:

vana said...

Hotupa a va han bengvar thlak ve le. Ka lo hre ngai reng reng hlei nem. Hmangaihna avanga lo piangchhuak...Aw a siamtupa tan chuan a va han hlu dawn em. Hmangaihna vanga beidawnlohna chuan thil tha tamtak a chhuah ngei anih hi.

Puia said...

A ngaihnawm hle mai hotupa. Orkut tih awmzia pawh ka lo chhut ngai lem lo va, Vai ho siamah ka ngai ngawt mai thin a sin. I rawn tarlang chiang hle mai a, a lawmawm hle mai. Malsawma hi malsawmin awm teh se..:)

Ni e, thil reng reng hi a nihna ang taka kalpui leh hman tangkai a nih hian thil tangkai a lo ni thin a. Mahse kan hmansual tlat thin avangin Zu te, Drugs te leh internet thleng hian kan lo hmangsual thei hle dawn a lo ni. Mahse, a tangkai zawng leh a tha zawnga chhawr thiam tan erawh malsawmna chhiarsen rual loh a ni lawi bawk si. Thil hi thliar thiam a lo va ngai em , tih te pawh min ngaihtuah tir e.

Ni e, hmangaihna hi a ropui a, a dai mai lo khawp mai. Isua hmangaihna phei chu awwwww. Pu K.C Lalvunga (Zikpuiipa) in a, a nupui (Zikpuiinu) a han um dan vel thawnthu nen te pawh ngaihzawm theih a ni lek lek mai. Mizo Love Story zingah chuan a ropui ber pawl a ni ngei ang, mahse engtizia nge tun thleng hian a bu anga ziak hmuh tur a la awm lo.

vana said...

ZIkpuii pa in a chhas, tunlai tawngkam hawh mai ang, a um dan chanchin kha a ngaihnawm ka ti keipawh. Orkut- han tih chuan, he hmangaihna avanga luangliam pa hming hi a ni ang tih ngaihna reng reng ka hrelo. Im in the presence of greatness, min tifing zel. A nuam.
L keivom- bawktlang thawnthu tih bu a- Lalnunnem ka ngai em che, tih a ziak pawh kha a ngaihnawm asin.
Hmangaihna hi kan kurpui zawng a nih hi maw.

sawmpuia said...

@vana: Ka ziah ang diak diak hi chu a nichiahlo thei a, he thu hi site pakhatah hman deuh tawh khan ka hmu a, la ziah tur a nih hi ka tia, ka pam tul reng a tunah chuan a tul te pawh a ni ang e. Zikpuii Pa (K.C. Lalvunga fam) chanchin chu ka hre ve tlat lo, chhiar a chakawm hle mai.Nia, hmangaihna sawi takah chuan C. Thuamluaia Sialton Official mawlh mai kha keichu ngaihnawm ka ti, ka chhiar ka chhiar leh thin.

@Puia: Hotupa, malsawmna chu nangmah zawk hi i ni e. Ni e, mihring leh a chheh vel a thil awm reng reng te hi chu a hman dan a zirin a tha mai a nih hi maw. Sakhuana te han sawikai daih ila, a then chuan nundan kawng tha zawk in kawh hmuh nan an hmang a, a thenin an thihchilh bawk a..chutiang zelin. Zikpuii Pa dawtah chuan ziak tur a beisei chu nang hi i nia. Han ziak teh le, mi tamtak chu i thuziak hian a vel ngeiin ka ring tlat a ni. Mihringnunah chuan hmangaihna hi kan retheihpui ber leh kan hausak pui ber ni in ka hria. Piangsual te kan nih ngawt loh chuan tiraw? Thu leh hla thiam ho pawh hi kan phuah tur zawng zawng hi minlo phuah khalh a, han ti ve ngial dawn ila ka ti hleiothei der si lo. Kan Mizo ziakmi bakah English poet ho han ril zia hi, an rildan zuk hrechhuak vek lo mah ila an thiam ka ti. Tlar tin kar a hreawmna leh mittui in phumru te, lawmna mi hriathiam siloh a tawng tu tan a van them ni si te.Kaphleia phei chuan hnathel thli in a chhem mai mai te khan a lung a ti leng a mi kha? keni ve zawng a then pawh kan hrelo he lui kam atang hian tih ang deuh a ni e. Han sawifiah thiam deuh a ka ngaihlah mual min liamsan tawh si a. I rawn hrilhfiah a, ngaihtuahna a ti tam e :-)

Puibawiha said...

Hmangaihna avang hian thil ropui tak tak he khawvelah hian a thleng reng a nih hi le. Lal Isua a lo kal chhan pawh kha a ni a. khawvel thil mak 7 zing a mi Taj mahal te pawh hi.

He Orkut pawh hi hmangaih zawn nan a that phian dawn tak hi le.
A chinchhuakin i rawn sawifiaha a bengvar thlak hle mai.

Geminiboyz said...

Ka vawikhat hriatna. A lo ropui hle mai a. A bengvarthlak a, a lawmawm a, drama chu nise Comedy a nih hmel e. Ni, hmangaihna hi chu sawi a fiah silo a taka tawn a fiah chauh hi a ni roh a, nghah peih a ngai bawk. Kan Bible khan engtin nge a tih kha.. 'Hmangaihna chuan engkim a tuar hram hram a, engkim a ring a, engkim a beisei a, engkim a tuarchhuak thin. Hmangaihna hi engtikah mah a reh lovang' . Hmangaih na chauh a nih kha kan Pathian pawhin bat a phal ni..

sawmpuia said...

@puibawiha: Nia, i sawi ang hian nula rin nan han hmang mai teh. I awmna lamah Zo ang deuh deuh tam mahse Zo lanu hmuh tur an vang awm si a. Rilru tawngtainan nen kan lo back up ve reng dawn che nia :-)

@Geminiboyz: Ni e tiraw...bat a nih ngat chuan kei zawng ka ba hnem ngawt ang :-) ka batna ber, ka rulhna tur ber hi han hmu thuai zawk ila, kan han baw hawk hawk mai tur :-) I Bible rawn quote pawh hi a tha khawp mai.

vana said...

Hotupa, puia nen min chhan thelh nuaih a, kei pawhin sawmpuia leh puia ka chhan phelh nuai mai bawk che u. lolz.

sawmpuia said...

@vana: Haha nia mawle, lo in sem hlawm mai teh ang u... Hotupa Vana hian a Vanram a tawng tawh em? tih zawhna hi tu tan a chhan turah dah ta ila, sawichhunzawm a phurawm ang :-)

Mahruaii said...

ava lo ril ve

sawmpuia said...

@Mahruai: Inthlahrung miahlo a hman mawlh mawlh mai tur :-) The first lady to comment kan lo lawm a che.I Ngaihdan han sawi ve teh..

hruaia said...

"hmangaihna avang a beidawnlohna hi a ni" A tawpna tak hi ka comment lo thei lo.....:)

illusionaire said...

Pu Orkuta hi chu orkut rawn lar tirh khan a lar ve khawp mai. 2005 vel khan invitations only in India ah friend request ho an rawn lut ve trana, tih lai kha Mizo chu sawiloh, Indians pawh an awm mang hlei nem. Kan lonely thei teh mai a nia. Brazilians quit vek hi an ni thin. Tah chuan Orkut-a chungchang te hi an sawi thin a, a part time project lek a nih ang te kha. Mahse a hnuah kha chuan a reh leh daih... :-(

A story background hi chu ropui tak a ni. Thanx for sharing.

sawmpuia said...

@hruaia: Beidawn loh hrim hrim hi a tha...engah pawh :-)

@Kimz: Chu in va han advacnce triah triah ve a, keini te chu kan rawn in sign up zo ve chiah a, engkim mai hi kan tan chuan a thar vek a nimai, min han kap eng zel teh...

Calliopia said...

Hmangaihna hi chu khawvel khalhtu hi chu a ni chiang alom, tiraw Sawmte? Lurve makes the world go round.

sawmpuia said...

@Miss jay: Agree Completely :-)

Puii said...

a story ka lo hre ngai reng2 lova.. a van bengvar thlak ve a.. a lo deep em a nih hi! chuvang chuan orkut user te pawh hian respect tur a lo nih hi a !!

coolsoul09 said...

Ka tuina zawng tak a ni tlat. Orkut-a hi 2004 nge maw ni 2005 zawk kha ni ta, a hming hi mawi lo ka ti lutuka, kan thiannu in, " I orkut em?" min tia, a hming a mawi lo em mai, ka ti peih vel love, te ka lo tihsan a..lolz. Tunthleng hian ka orkut tha peih meuh lo kei chu..ka taimaklohna lam..englo then lohna lam tak a ni.

A lo siamchhuah dan chanchin lam reng reng hi ka lo hre ngai hauh lova..GK lam atangin amah hi ka lo hre ringawt a..hei, i let thiam hle mai. Tawngkam hi i thiam vei zawl a..lolz..I thesis vel hi han ziak zo la, thu ngaihnawm deuh deuh han ziak teh..kei chu, thu tha deuh ai hian ngaihnawm ringawt mai hi ka atchilh a..ngaihnawm lo hi chu ka chhiar peih mang thak lo