Wednesday, January 5, 2011

Kumthar, ni thar, thil thar!

Amak ngawt mai, kum a lo thar a thil thar tha zawk kan beisei a, zingah ni a chhuak a tlaiah a tla leh mai a a ngai vek kha a ni si a.Decartes chuan "i think, therefore i am" tiin hringnun awmzia minlo hrilh fiah tawh a. Hemi hnialkalh hian Kierkegaard chuan "I exist, therefore i am" a lo ti bawk. Mihring ngaihtuahna hian kan nunphung hi a lo va sawi danglam nasa tehlul em! A hun a chu pangngai mahse kumhlunlo mihring hi kan danglam si thin a. Kan nunphung leh ngaihtuahna te hi hun hian a liampui zel a chuvang chuan hun kan dah pawimawhna chhan pawh a hmangtu mihringte thil tih vang alo ni.

Troy movie ka en a ka hriatreng tak chu Greek pasaltha Achilles indo tur a a kal dawn a a nu thu hrilh kha a ni. Troy a kal loh chuan nupui hmeltha tak a nei ang a, fate neiin an hmangaih let ang a, a hlim ang, mahse a thih hnu chuan tuma'n an hrezui tawhlo thung ang. Troy-a a kal chuan thil ropui tak a ti ang a, a thi ngei bawk ang, mahse history chuan amah a hrereng thung dawn a ni. Achilles chuan mihring dangte ang tho in "More (nasa zawk)" neih a duh avangin thi dawn mahse a kal ta tho a. Hringnun duhamna hi chuan chinlem a lo nei lo, hringmi zia a ni a demawm hranlo e.

Ni e, kan khualzin chhung reilo te ah hian kum tamtak pawh hi dam mah ila thil ropui hnutchhiah tur kan neih si loh hi chuan kan va hlu nep thin dawn em. Kan thil tih te hian hun chu hriatreng tlakah a siam a, chumi avang chuan keini pawh hriatreng kan lo ni zawk thin. Kumthar kan chuangkai leh ta a, eng thil tha tak ti ang i maw? Ni ngai vek lo chhuak mahse, he ni hi thar teh chawk a kan ngaih avangin rilru a in fuih thar a, rilru mu hnu pawh a kaitho ngei ang. Mi te tan a malsawmna ni turin i fehchhuak leh ang hmiang. Kumthar, ni thar, thil thar a ni tlat si a.

6 comments:

sekibuhchhuak said...

Ka pu Sawm, Kum thar chibai!

sawmpuia said...

@Seki- Kumin chu Sekibuhchhuak dawng hlauh ila kan va ti em ti raw..kumthar chibai le :)

Maisek said...

Kumthar chibai le! I ziak tha hle mai! ni e, kum a thar hian rilru te pawh a lo thar a, ngaihtuahna poh a thar a, mite tana malsawmna ni turin tan in la thar leh ang u hmiang!

sawmpuia said...

@Maisek: Kumthar chibai le.. i ti lawmawm khawp. Ni e, mite tan malsawmna ni turin i phe suau suau teh ang u :)

mesjay said...

Kumthar chibai! Mi dangte tana malsawmna nih hi a hlu ber reng ani.

sawmpuia said...

@Mesjay: Happy new year.. lomawm e tiro kumthar hi :)