Thursday, August 16, 2007

Ka pa Abba


Ka pa min hmangaih em em tu khan 1988 khan khawvel min chhuahsan a, naupangte ni mahila hun reilote kan awmho lai kha ka hrereng thin. Office a rawn banga a ngaihthlak ziah chu Lallianmawia a nih loh chuan Abba kha a ni ziah thin a. Naupang mai ni mahila hla thu te kha dik manglo in kan hre ve hle thin. Tun hnu a Abba hla ka ngaihthlak chang hian kapa kha ka rilru-ah a rawn lang nawn fo thin a. Vawikhat chu ka unaupa pakhat nen hian Abba cassette ngeiah khan aw kanlo thun chiam mai a. Tlai a rawn haw ta, a dan panngaiin a han ngaithla leh dawn a, a fapa aw riat nawk nawk a hreta zawk a. Min ko vat a ngaihna hrelo takin a hmaah chuan ka khawdang sial hawi hru hru mai a. Chutah a ngaihnat em em Abba hla chu a han play leh a ka aw bawk chuan a rawn khahchilh leh a. Heihi i tih a mi? Hrereng tawh chu chhan kan tumlo teh a, kapa kha a ni tlat sia ngam leh ngamlo chuan "Aw" ti in ka chhang ta a. Chutah leh talhfiakin a chhunzawm a, mittui tla zawih zawihin ka aw record hmasa ber chu ka tuarpui ta a ni. Kha recording kha mixing pawh kanla ti mumal lo viau a nia. A hnua mixed na chu talhfiak a ni ta tlat mai. Vaikhuang ang mai a thum kawng kawng khan a zui ta mai si a. Chuta tang chuan Abba hi ka haw ta em em a. Ngaihthlak pawh hi ka duh ngailo. Hun rei a liam ta, College te kan kal hnu khan ka ngaithla leh a a lo nalh phian mai a. Ka pa Abba ngei chu ka ngaihnat ber a lo ni chho leh ta a ni.


________________________________________________________________________________________________

10 comments:

Maruata said...

Abba i lo ngaina ta chu ka lawmpui a che.. kei pawh naupang kan nih lai atang daih tawhin ....dancing queen young and sweet only seventeen .. tih te kan lo zawm ve zat zat tawh thin a...an rei tawh nachungin an lo thiam a ni

sawmpuia said...

@Maruata: a hlui tawlh2 a a nalh tulh2 mai, anlo thiam em a ni tiraw.

Aduhi Chawngthu said...

tunlai naupang ho chuan Abba hi enge an hre lo, A-Teens an hre toh zok.

apatea said...

ABba hi chuti teh chiam chuan ka ngaina ngai lemlo. Amaherawhchu, Music trend rawn siamtu te hi chu an ngaihsan awm ka tia, ngaihthlak chian chu ka tum ve thin. Tin, liam ta te hi kan ngai ropui bik viau thin a mihring hian, hei hi a dik ber ka ti lo. An ropui chuan an damlai atang hian chawimawi mai thin nise ka ti. Eg. Metallica te hi Music trend pakhat rawn hmuchhuaktute zingah chuan an chhiar theih awm e...

Jerusha said...

Abba ah lam ang aw tun weekend chu :)

sawmpuia said...

@aduhi: Ateens hian an la phalo deuh chu a ni.
@me:An hmasak ngawt vang a ngaisang kan nilo a , kan duh ve rhim hrim a ni e :-)
@Jerusha: Lolz nia kan lam ang... phak phak..

James Lalremruata said...

Sawmte, blog i nei tha hle mai. I thuziak a ngaihnawm thei e. Keep writing.

sawmpuia said...

@James: Nangmeuh in ilo chhiar chuan ropui ve tawh viau ah ka ngai :-)

mnowluck said...

ABBA, lallianmawia, siampuii sailo, Vansanga... etc wow!! those oldies... i love listening to em.. at any mood!!!

sawmpuia said...

@mnowluck: I therefore said welcome to the family :-)