Thursday, March 13, 2008

Amak!

Kan thukhawm leh ngei a, pakhat chuan "Law" lampang tuitakin a sawi mial mial a, pakhat leh thung chuan "micro-level" ah chan a lo ti chhen bawk a. Pakhat thung chuan Britis ho policy kha anmahni sahmim tihpuar na mai em ni, official leh missionary te ngaihdan in anlohna lai te a rawn phawrh a. Marx atanga Derrida, Lesbian, gay, production, consumerism, post modern, meaning hi a bu ah hian a awm ngahl nge, a chhiartute ngaihdanah....

Ka phak tawkin kalo ngaihtuah ve a, mihring thiamna finna hi chu a ropui ve teh meuh mai, hnah pakhat mai atang pawh hian mi pawn doctorate a hmu thei e. Heng zawng zawng lei leh vana thil awm zawng zawng te siamtu hi a a ropuidan tur ka lo ngaihtuah ve neuh neuh a. Theory zawng zawng an sawi a piang chu pawm tlak tak vek a ni a, han hmang chiah dawn ila khawvel han buaizual tur mai zia chu a rapthlak hial zawkin ka lo ring ve mai mai a. Mihring hian solution emaw suggestion emaw kan zawng chiam thin a,mhase kan pek tam pauh leh lungawilohna thar hmuh tur a lo awm zel si thin a. Duhaisam luat a awm theih loh a vang hian a sang a awm pawn a sang zel an duh a thihni hma loh hi chu rim takin kan thawk thin a lo nih hi. In hnial ngai hauhlo leh sawtpui tur miah siloh hi tawngkam bungrua mak pui puiin kan thel erh mai zel a. hrilhfah thiam nazawngin a chhuahna kawng an sawi thei chuanglo a, an sawi na zawng pawh a hman theih chuang lem hlei lo a. Ka ngaihtuah a Theories tamtak hi a tul ber em? Min ti hah thlawn mai mai lo maw? ka ti hial thin. Mahse a nihna tak hre tur chuan ruangam thatak min siam lawisi a, hriatfiahna chuan hmun ropui min thlen bawk chuang silo. Khawvel a mifing tawp a hnu pawh a amah ai a fing awm tawhlo tur khawp a an sawi pawh khan, "Ni hnuai a thil awm zawng zawng hi engmahlo mai a lo ni" a ti tawp mai a ni. engmahlo mai zir chuan kan hah ve em em a, engmahlo hrethiam tur chuan thlantui far meuhin tan kan khawh a. Mahse khawvel a awm chhung chuan pathian min siam dan a nih avangin a thil siamte hrethiam tur hian nitin rimtakin kan thawk ang, Pathian ropui zia hi kan thihni thleng pawhin kan chhut zo dawnlo a ni.

5 comments:

Awzzman said...

Lopi pen e pakai jesu! nia siamtu ropui zia hi chu..mirhing finna leh thiam na hian a hrilfiah phak si lo."Khawvel finna chu pathian ngaiha chuan at na mai ani si a" good post.

Lal Jo-a said...

E khai, i ngaihtuah dangdai hle mai a. keini chuan hetiang te chu kan ngaihtuah phak hleinem. Ni e, mihring theihna te hi Chunglam puihna tello chuan engmah lo mai ani a. Thiam leh hre viau angin inhre thin mah ila, A tel lo chuan eng kan ni lo tih kan hriat nawn fo te pawh a thra e. Ziak thra ltk, kei pawh ka harh kuar kuar mai.

Almostunreal said...

Sir nge nge....tha thin dap dap..ril raih mai thin

DayDreamBeliever said...

keipoh mak ka ti thut thin, "engmah lo mai" hi engmah lo mai ah hian kan ngai phal mang si lova tiro? As for theory, lemme just say we don't have a very amicable relationship. Theory hi ka ning..it leaves no scope for the imagination, and I'd love to be someone who doesn't fit neatly into a "theory"!

sawmpuia said...

@awzzman: Agree.. kan thuvuak a in ang zel e.
joseph:I harhkuarh chuan a that chu harh chhe chhe hi an tlu khut duh :-) Nia mahni mai chuan a ruak huai zel a sin.
@almostunreal: Ril thil a nilo, thil tlanglawn ve mai ka sawi mai mai zawk a ni e :-)
@daydream believer: Nia, hman ni ah kan professor pakhatin in area hi kan tuipui teh chiamlo, mahse theoretical frame work a in rawn chhawp chhuah chuan a interesting a rawn ti a. Ka ngaihtuahna ah chuan theories in a academic discourse a ram a lak tawh zia hi ka ti. Ka ngaihtuahna tamtakin a kal tir, kanla sawi zau deuh dawn nia nidangah.