Monday, March 3, 2008

Life is beautiful!

Hringnun hi zawng a mak ngawt mai, philosophy ropui tak tak a han hrilhfiah zawh chi pawh a nilo. Khawhar tak a kan khualzinna khawvel a kan kal lai hian thian duhawm tak kan han tawng a, kan duh zawng duhloh zawng chenin kan sawipui a, kan manganna leh lawmna kan intawmpui thin. Chutah nu leh pa te min hmangaih em em tu te kan han nei leh a, mahni ralraih ngam khawp a hmangaihna kan han dawng hi chu mi vannei kan ni thlawt a ni. Zingah kan han tho a, hrisel tak a kan han tho mai te hi, ka chhut a damdawi inah mi tamtak sumtam tak sengin thih an sual a ni si a. Breakfast eiturin ka thut te hian kawngsir a eitur neilo te ka ngaihtuah a ka vanneih zia ka hrechhuak leh thin. Ani thawmhnaw su peih manglo a bucket khat meuh mai ka chiahlai te hian thawmhnaw neilo te ai chuan ka va han vannei tehreng em. Nuam ti tak a thian te kan han titi pui siam siam te hi tawngthei ta lo ila a va han buaithlak dawn em.

Ka chhuak a ka han hawi vel a hnimhring nghelh te lo phe siai siai te, hnahthlel thli in a chhem darh chem chem ka hmuh te hian nung a ka awm hi ka lawm a zual thin. Theihtawp a kan zirtirte'n result thatak an han neih te hian ka lawm thin. Music ka duh tak ka ngaihthlak te hian thinrim a insawh deuh va vak hi har ka ti.

Ka han hawi vel a lungawilohna tur reng reng ka hmulo e, autopu hnialpui tur thleng hian an mawi em em vek mai a ni. Hringnun chu eng ang pawhin zawhlo harse, a mawi reng reng e :-)

7 comments:

Awzzman said...

a mawi chuang e lei hringnun hi, zing ni chhuak hmu thei a kan la awm te hi...siamtu chungah hian "prathana" ti mawlh2 kan ni a sin...

Anonymous said...

Alo ni dawn tak e,nang pui hi mark za ah mark za i hmu...

Zorami said...

mi treatna tur poisa neih ringt te hi thil hlu ltk asin, mi tam tak chaw voikhat ei leina tur poh neilo han thlir chuan :PPP
chuan insu vat turin ka ngen nghal bok che

DayDreamBeliever said...

@ lungoilohna khawvel, kalna lam apianga phunnawi leh sawisel tur hmuhna, keini ngei poh kan bang lohna, karah hetiang post optimistic tak mai chhiar chu a va nuam in, min va ti zak ang reng ve maw le. Chhiar manhla hle mai. Hope you never lose that attitude.

sawmpuia said...

@awzzman: Agree
@ robert: Thanks teahcer
@zri: i lokal tur thu hian min thlamuan e :-)
@Daydream..: Thanks.. a lawmawm e.

Almostunreal said...

ni a sin..keipoh ka lungawi loh chang te hian, ka vanneih na leh kei aia harsa ve leh chhawng (ti khanglang ni lom ni)..lungawi hi ka zir thin

sawmpuia said...

@almostunreal: (Ve khanglang) khawvelah kan awmlo, inthlahrung suh I ngaihdan zel kha a tawk e, ngaihtuah fim zel ila :-)