Saturday, May 10, 2008

Lei Angel

(Hman tak tawh a ka leh leh he blog ah pawh hian ka post tawh nghe nghe, ka buai ve deuh avangin ti hian ka han chhawp leh mai ang e,For my dear loving mum.. Happy Mothers' day )

Nu chhul chhunga awm mek nausen pakhat chu a pian a lo hun tep ta a. Ni khat chu a siamtu Pathian nen ti hian an inbia a………..
Nausen: Lalpa,hei ka pian a hun tep ta mai si a. Ka te in tanpuitu pawh nei lovin ka piang chhuak dawn a ni a, engtin nge ka khawsak zui zel ang?
Pathian :Lungngai suh. Angel tam tak zinga pakhat nangmah enkawl tur chein ka ruat tawh a. A ni chuan a lo hmuak ang che a, a lo enkawl dawn che a ni.
Nausen : Mahse, hetah Vanah chuan engmah ka tih a ngai lo va, zai leh hlim taka nuih mai bak ka tan tih ngai reng reng a awm si lo. Chu chu ka hlimna bulpui a ni mai si a?
Pathian : Ngaihtuah hah duh suh.Chu Angel chuan nitinin zaiin a awi ang che a, a hmangaihna huang chhungah hlim takin I awm mai dawn a ni.
Nausen : Engpawh ni se, miin min lo bia ang a,an tawng lah ka thiam ve dawn si lo. A va buaithlakawm ve?
Pathian : Buaithlak lo ve. Chu Angel chuan tawngkam thlum leh ngaihno bei ber ber I la hriat ngai reng reng loh te dawhthei takin a lo zirtir mai dawn che a ni.
Nausen chuan Pathian chu en vang vang chungin, “..a nih nangmah biak che ka duh hunah engtin nge ka tih tak ang?”..a’n ti leh a. Pathian chuan hlim hmel takin ,“..hlau thawng mah ta che….chu angel chuan I kut pahnih chelh kawpin kei min biakna tur tawngtaina hla te a zirtir thin dawn che ani..” a ti a.
Nausen : Mi sawi ka lo hriat danin ka kalna turah hian misual tak tak an awm teuh a ni awm a. Chung ho lakah chuan tu in nge min venghim ta ang?
Pathian : I angel chuan a nunna thap hialin a veng him dawn che ani.
Nausen chuan lungngaih hmel takin, “…I hnena rawn kir leh tawh loh mawlh ka hlau va, ka lungngai lawk a ni” a’n ti leh a. Duat takin nausen chu kuahin Pathian chuan “…..i angel chuan ka chanchin te englaipawhin a hrilh reng che ang a. Ka hnena I rawn kir leh theih dan kawng a kawhhmuh zel dawn che a lawm. Kei pawhin englai mahin ka thlahthlam lovang che a, ka awmpui tlat zel ang che..”tiin a chhang a.

Chutia an titi lai mek chuan khawvela ri thawm nuai nuai te an hre ta a. Nausen te chuan hmanhmawh leh thlaphan hmel takin, “…hei ka kal a hun ta der mai. Khawngngaih takin min lo hmuaktu tur Angel hming chu min hrilh tawh ta che..” tiin Pathian a ngen a. Pathian chuan,”…”...i Angel hming chu i hriat kher a tul rih lo ve…..i hmuh hunah ‘KA NU’ tiin i ko mai dawn nia…” a ti ta a.

6 comments:

Puii said...

Mi zawng zawng tan hian NU hi chu an va hlu tak em!Min hmangaihna,enkawlna engkim sawi sen loh kan tana an tuarna te hi a hlu in a ropui em a sin. Angel an van ni tak em! lawmawm khp mai Nu laka rilru put dan i rawn renew a.great post for mothers day!

illusionaire said...

Happy Mother's day. Love to see you dedicate a post to your mom.

Puia said...

A ngaihnawm thin hle mai hotute nge nge.. thu leh hla hnianghnar-na khuaah awm in ni bawk a..:) Ni e, nu te hi an phak tawk theuhah an ropui a, an hlu em em a ni.

Hei hi Catholic phei chuan an lavung hle ni tur a ni Mary hi an dah chungnung larh phah nghe nghe niin a lang.

sawmpuia said...

@puii:Thanks.. nia nu te hi an hlu hle a ni. I ti lawmawm thin e.
@illusionaire: Thanks,kan hotute in dam tlang maw?
@Puia: Pa chungchang i ziah kha tha kalo ti viau a sin. Hotupa hnianghnar lo e, in hnung rawn zawhkan tum tran ve mek zawk a ni. Ziak zel rawh nangpoh.

Almost Unreal said...

va tha ve a..sir nge nge

sawmpuia said...

@almost: I ti lawmawm e :-)