Wednesday, May 7, 2008

Thihna tur no Pahnih!


Ti hian a sawi a:
“Tuk thum tukah tho leh dawn tih in hre ngat ila chuan ka thi hreh hauhlo ang.” He thu hi kan ti ti hona a ka thianpa sawi a ni. A ngam leh a ngamloh chu thudang nise. Hei hian thil pakhat min hriatchhuah tir a.

Thihna tur in tur mi pahnih:
Hmanlai history-ah hian chanchin ngaihnawm deuh mai pakhat a awm a. Thihna tur in ve ve chanchin a ni. Pakhat chu Kan sualna avanga tuar tur Lal Isua a ni a, a pakhat leh chu greek mifing Socrates a ni thung.

Engvang a in tur nge an nih?
A hmasa zawk Socrates hi Lal Isua pian hma kum 339 khan thalai ho fuihkhawlo a, an ram pathian pawh pawmlo a an puh avangin roreltu 500 zinga 280 chuan thiamloh an chantir a, thi tur a tih a ni a. A thihdan tur chu tur a in dawn a ni.

Lal Isua thung chu ama sualna pawh ni hauhlo ah roreltu satliahlo tak Lalber te Lalber Pathian thinurna mihringte zing a leihbuak tur chu min in sak dawn a ni.

Tunge huaisen zawk?
Socrates chuan a zirtir Plato sawi angin hreh hauhloin a turin tur chu no fai retin hlim takin a in a. Abula a thiante awm lungngai tap pawh "ngawi ula huaisen takin awm rawh u." a ti ngat a ni.

Lal Isua thung chuan tukthum tukah a tho dawn tih hrereng chungin a hreh lutuk chuan, "Ka pa he no hi min lak kian saklul rawh” a ti a nih kha.

An in tur a awm chu:
Socrates a in tur ah chuan tur chak tak mai Hemlock an tih chu a awm a. he tur hian mihringnuna bak a that theilo.

Lal Isua in turah erawh chuan tur pahnih a awm tlat mai, pakhatna ah chuan mihring thihna a ni a a pahnihna ah chuan thihhnihna Pathian thinurna a awm a ni.

Hei tak hi a huphurhawm lai tak chu a ni. Adama leh Evi thei ei avanga Pathian thinurna seng tur hian mahni in he no hi in ve ngat dawn ila chuan mihring thihna chu kan thleng ve ngei ang, mahse thih hnihna (Pathian thinurna) hi tunge thawhpui zo tawh ang le? Lal Isua khawvel a lokal khan mihring leh Pathian nihna (deity) form in a lokal a, natna hremi leh lungngaih hremi a nih karah Pathian thiltithei mipui sanga hrai thei, damlo ti dam thei a ni. Kraws-a a thihna tur no kha a rapthlak khawp mai, mihring a nihna piahlam a Pathian a nihna (deity) hlihsak a nih chu a ni. Pathian pawhin a thi tur lai hi chu a en ngam bik hian ka ringlo.

Lai kanla thei tawh em?
Chuvang chuan Pathian hmangaihna nasat em avang leh Fapa thuawihna avang chuan chhandam kanlo ni ta chauh a. Han sawinawi chi leh thih hrehlo ngawt avanga Isua tuarna hi han pawngpaw basa ngam chi a nilo. Ngam pawh ni ta reng reng ila kan tlaklo hrim hrim.

4 comments:

Almost Unreal said...

a va buai theih ve tun lai

grt post..tun lai chu tiang lam hi ka mamoh a ni

sawmpuia said...

Nia keichu zan ka mutheilo hian mintibuai zawk.. Hna a in tan leh dawn ta peihawmloh rura.

Puii said...

tha khawp mai i rawn ziah chhuah dan hi, dik ltk. Great post!

sawmpuia said...

@puii: Thanks.. tunlai ti ila hmanlai deuh tawh zawk science vs God tih hi ka ngaihtuah nasa thin a :-)