Tuesday, January 27, 2009

Chetchhiatna

Mihring nih hian chet that reng hi a har a, chetthatna han sawi hi chu a nawm viau laiin chetchhiatna han sawi hi a nuamlo duh hle. Hetia mahni chetchhiatna sawi zuah zuah khawp a mawl nih hi kala sim ta chuanglo a, keimah ber zawk hian thil thleng tawh te ka ngaihtuah kir changin lawm berhah ka tang a, ka nuih a za leh fo bawk thin.

Tumkhat chu North East Students' Forum kan university-a kan din tirh khan a hmingin Co-ordinator ka ni ve a. Ding tir a ni bawk a mi an phur tlang hle a, an hruaitu ve lah kha keive mai ka ni bawksi hahthlak duh hle. Cultural Fest lian tawk buatsaih ve kan tum a, Khuallian a tan pawh Chief Election Commissioner JM Lyngdoh ngat hman ve kan tum a ni. Amah pawh hmu lemlo in phone atangin kan in ber rem thei ta a. Kan University Hall lian ve ber chu kan book ve thawr a, mitin indaihlo takin kan buai vek a ni. Tichuan a tawi zawngin motor kan hire ve ngat a, kan khuallian lam tur chuan Khrieto naga pa pakhat nen chuan kan chhuak ta a. A awmnalai awm ka zawt a, Police Academy kawng a kal zel khan a ti mai a, driver chu ka hrilh a ngaihngam takin kan tlan ta veng veng a. Chutah le! Police Academy pahnih a lo awm chu ni in inkarki tak a lo ni bawk nen a nilo lamah kanlo tlan veng veng hi a lo nia. Kan han hrechhuak chu le..a tlai zo ta, function tan hun ni tawh si kan khualian tlai duh ngailo mi a lo ni bawknen ka koah engkim a tla ta. Rilru a hah ve duh khawp mai. Tichuan, reife kan zawn hnu chuan kan va hmu ta hram a.

Kan kal lai khan inlama ka thawhpuite khan min rawn phone ve reng a "hall an khat vek tawh..engtin nge ni dawn." ka ngaihtuah a, "lo tan phawt mai ru mipui an zahawm a, khuallian zawng ka lo hma ve mai dawn nia" ka tia, min tan san ta a. Lyngdoh meuh pawh minlo nghak rei tawh niang gate bulah a lo awm vang a, kan bo thu te chu sawi a ngaitawhlo kan hmelah a inziak vek. Pa hawihawm tak a ni a, a short cut te chu minla hrilh ta zui leh nghal hnar a lian duh hle. ka thiamloh vakah pawh ka dah duhlo a, driver pa chu ka puh ve hmiah mai a ni. Tichuan, hall kan thleng a program pakhat an tihlai a zawh hnu chuan Dias ah ka han hruai chho a, mi lah chu thutna changlo te tiamin an lo tlim hmur mai a, Professor zahawmpui pui an lo kat ve nuk ka zakru hle tawh a. Pangpar kan pe thuai a, thu kan sawitir bawk. Ka thusawitur ve darthlalang hma a ka lo in hma sek khum thin kha sawi a rem talo a ni. Amaherawhchu mithiam tihtakah a fel em em a, media an rawn bawr luai luai pawn a sawmtu ka nih avangin ka thubak chu a ngaihsak biklo. A tawpah chuan a inah kan va thlah a, thingpuisen dawmin India nuclear agreement leh student's politics te kan sawi tui leh viau si a...

14 comments:

Zara Ralte said...

che chhe rau rauvah i chetchhiatpui te hi an hraw hreih hrawih hle mai...khami ni khan ka ph i pik up tawh zawng2 ah ngaihthlak a la nuam lo berin ka hri a:))

Calliopia said...

Heehee ngaihnawm lutuk. Mi chetchhiatna chhiar hi a nuam :D

sawmpuia said...

@azassk: Zara nangni mihraw awmlo ula chuan kan mualphona a zual ngei ang.. Ka lawm lutuk kum tam vei tawh mahse :-)
@calliopia: On ur request ma'am :-) A hunlai hi chuan a nuam miahlo.. a hnu hian a nuihzathlak duh :-)

EPISTEMOLOGY said...

keichu chetchhiat hi a hun laiin zahthlak mahse, a hnuah nuam tih phian chang ka nei. Ka chetchhiat tawhna zawng zawngah, thil pahnih sawichhuah ngam reng reng lo, zah ngawih ngawih ka nei tawh pek.:)

sawmpuia said...

@hruaia: Han sawi ve la mawle :-) I In bun chhuak vek ang u...zaninah hian lolzzz

Zara Ralte said...

Pu Hruaia hi a in bun chhuak vek lo anih chuan hunger strike neih ani ang:P

sawmpuia said...

@azassk: Pu Hruaia chauh lo poh Pu azassk pawh hi han in bun chhuak ve se a tha ang :-) I in bun chhuak vek ang u, a poilo rere :-)

Mizohican said...

hahaha! Che chhe ve tak chu in i maw! lolz... Polive Academy pahnih a lo awm kher kher chu ooo :)

Ngun deuhvin ka chhiara, hotupa Zoruna chet chhiatna lam i rawn ziak dawn a maw te ka lo tia... a blog ah pawh a chetchhiat lam a rawn sawi thawi deuh fiak sia... :)

Mizohican said...

"Tell a friend" tih icon ka hmu thut chu ka khi nghal sur mai :D

sawmpuia said...

@illusionaire: Hehe nia... pakhat chu AP Police Academy a nia pakhat chu IPS ho Academy a ni awm e.... A zia in a daih nganglo a ni e.Haha...nia tell a friend hi kan dahloh chuan biakloh ah min vau si a, Zorami zawng kan ngam nganglo a ni e :-)

Zoruna poh hi khawnge a awm kek kuk le...han share ve se tha ang. Midang pawh in che tha vak bikin ka ringlo han in bun chhuak ve teh u... Insum hauhloin...hahahaha

vana said...

hotupa chet chhiat dan chua a zia awmdeuh e. KEini chet chhiat ve ngot ai chuan. Chhas te len chhuahpui a khawpui lun laia car chabi kalh hnan a hawlh hawlh te kha, hehe a chet chhiat tehih asin :)

sawmpuia said...

@vana:A va han zialo ve.... ka room a thiante an rawn riah hian keipoh ka chhuak zing thin si a, kalh hnah thut hi ka ching...mahse chhass te em chu kala kalh hnan velo :-) Min khum dah a nih chu... Chet chhiatna hi hmui a pawt thret :-) I inpuang zel teh ang u..

Puia said...

Ekhai hotupa, a va ngaihnawm kher ve leh.. mahten ka nui tiah tiah mai mawle.. hetianga kan hotute pawh in lo he tih chuan keini ang rual phei chu kan va englo rua dawn em..:)

Keipawh tunah mai chuan sawi chi rih loh ka nei leh pek a, tunkum ka aizawl kal chu. Ka bike nen ngei mai Edenthar atanga Chanmari chhohna kawng thar zawk chho zetah chak tawkin ka lawn chho, tui hawk nal avanga kan han tlem phei mai chu bike in hnunglam a hawi leh ringawt mai mawle.. Englo-i lah insawh na bawk, kei lah bike-in min delh bawk.. Mipui rawn punkhawm hma ngeia inthiar fihlim duh bawk si, a va han hahthlak ang reng.. Nuih a za bawk si, sawi thui lo mai teh ang..:)

sawmpuia said...

@puia: Hotupa VIP bula chatchhiat kher chu a va han buaithlakawm thin em...lolzz ka nui nasa ltk...Keipoh tumkhat kan nau pakhat hi ka khuluih khopin ka tlukpui tawh..