Friday, January 16, 2009

Keimah leh Keimah!

Thian duh tak e tilo hian mahni leh mahni ka inkawm chang a awm fo thin. Ka inkawm tui lai phei chuan tudang vak mah hi ka mamawh lemlo a. Mahni khawvelah hian kalo leng leh veng veng thin. Ngaihtuahna khawvel a chen hi a nawmna chen a awm ve bawk a, i duhthusam ang ang khan i awm mai thei a, i duh chuan lal ber i nia a chang chuan thulo berah pawh i in dah thei bawk. Mahse ngaihtuah fuhloh chang a awm hian kan buai ve nuaih tho mai. Mahni leh mahni hi kan han in nuih leh suih fo chang a awm a. Duhthusam ramah kan cheng veng veng a, ngaihtuahna ram atang a kan rawn let meuh chuan khawvel chu a ngaite bawk a lo ni a, a va han buaithlak thin em. Suangtuahna khawvel leh khawvel taka ka tih pawh chu a eng zawk nge dik tak zawk ni ang? ka rilru ngaihtuahna in a dik a ka hriat kha a dik chu a nimai a, tizawng hian ngaihtuahna han seng ta ila a zia phian lawng maw? Dik kan tih hi kan awmna khawtlang leh kohhranin a a siam mai nge ni a, dik hi chu a mahin a awm ve hrim hrim nge kan ngaihtuahnaah hian a awm sa. Naupiang hlim chuan engmah dik leh diklo a he bik silo a, dik chu khawvelah a lo awmsa mai em ni? In zawt duh suh chhanna a awm chuanglo. Khawvel a ni miau a!

5 comments:

Calliopia said...

Dik kan tih hi kan awmna khawtlang leh kohhranin a a siam mai nge ni a, dik hi chu a mahin a awm ve hrim hrim nge kan ngaihtuahnaah hian a awm sa.

Chai ril ve, tawmte. Principles leh ethics hi chu culture a zir te hian a lo dang daih thei a mole. Zir tham fe chu ni ve alom.

sawmpuia said...

Miss a dik khawp mai...culture azir hian a diklo leh mawilo thlengin a lo danglam. Hetia i sawi takah chuan thilpakhat minhriat chhuah tir a. Missionary chhungkua pakhat khan tumkhat an awmna culture hriat tum tak khan rawng an bawl a, an fa lo piang hmasaber chu an lalpa hmingang kha an han put tir a, mahse an khawho chuan an lo duh ikhawlo mai a lal hming kha property a nih avangin midang neih ve thiang a lo nilo a. An in thlengin an halsak e an tia lawm.

EPISTEMOLOGY said...

Rene Descartes: 'I think therefore I am' a lo ti a. A hmuh dan chuan, kan ngaihtuah theihna chiah hi mihring te mihring theihna chu a ni.

Keipawh a chang chuan ka ngaihtuahna hi ka thian tha ber a ni fo. A chhan chu, a daw ve ngai lova...! keimah leh keimah min hrechiang bertu a ni bawk...! Min hriatchian tluk zet hian amah hi ka hrechiang ve thin lo hi a pawi a ni...

sawmpuia said...

@Hruaia:I sawi dk khawp mai. Mahni leh mahni kan chaklohna thuk tak pawh kan in hre ber a, kan ei duh zawng, in bel duh zawng, rimtuilo kan tih zawng pawh kan hre ber. Mite minlo ngaihdan chu engpawh nise, an ngaihdan kha kan nihloh tawpna pawh a ni ve thei tho. Hman ni a kan lecture ngaihthlak ka ngaihtuah chhunzawmna atang a ka ziah a nih hi. Levis Strauss re-visiting tih hi kan va ngai thla a, mihring ngaihtuahna pawimawhzia a sawi atang a ka ziah a nih hi :-)

Zorami said...

a va buaithlak thin tak em! lolzz! He article rawn chhuah dan ka rin hi a dik ngei ka ring ani :PPPP